#بلا_عنوان

#بارت17

#بارت17

ساره: كملو الجهال امتحانات نصف السنه
عزمتنه مريم ل بيتهه
طبعا رحنا
هناك شفت وحده حلوه علاقتهه وي زهراء كلش قويه تصيحلهه خاله تهاني
سألت مريم گلتلي تصير بنت عمهم وصديقه امهه
يعني بنت عم احمد وصديقه زوجته المرحومه
طول الگعده يحجن سوه ويضحكن
بعدين اجت يمنه
تهاني :شلونج حياتي سارونه
ساره :تمام الحمدلله وانتي
تهاني :الحمدلله
مودي شلونه
ساره :منو؟!!
تهاني :سوري
حماده ابو مصطفى شلونه
ساره :الحمدلله زين 😕
تهاني :حبيبتي افتحي بلوتوث اريد ادزلج شويه صور ع مود زهراء لان مجايبه موبايلهه
ساره :اوك فتحت
تهاني :هسه يوصلن 😉
ساره :وره شويه وصلن كم صوره
بالبدايه مفتحتهم
بقينه نسولف ونضحك
صار وقت العشا
احمد راح يجيب امه بس اتأخر
ردت اتصل عليه من فتحت التلفون لگيته بعدهن ع الصور
انفتحت وحده بالغلط
وجان اشوف الي عمري مشفته
😳😳😳😳
احمد وتهاني بوضع يخزي
متت حرگه
ردت ابجي اصيح بس عيب گدام العالم
بالگوه گدرت اتماسك نفسي
مااتصلت عليه
كلتلهم مشغول
وره شويه اجه
جان يضحك وفرحان
ابد مباوعتله
اجه يمي

احمد :اول يوم من العطله مريم عزمتنه ع العشا
رحنا كلنا ورحت اجيب امي
من رجعت ساره وجهه اصفر
ومثل الي خايفه او قلقه
شبيج حياتي
ساره :مبيه
احمد :ساره باوعيلي شبيج ليش وجهج اصفر
ساره :مبيه لاتخاف
رايحه اساعد مريم
ردت اشرد لان بس ابقه مااتحمل
صبينه عشا وكملنه
بقو يسولفون ويضحكون
تهاني تباوعلي وتحاول تخليني اغار
تروح يم احمد وتتمايل
طبعا متلبس حجاب كدامهم
ولبسهه كوله حصر
واني ميته قهر بس اريد ارجع للبيت
اختنگت
شويه واحمد استأذن بحجه عنده دوام
سلمنه وطلعنه

احمد :ساره بيهه شي مااعرف شنو
وجهه مايتفسر
گاعده ع اعصابهه
من شفتهه هيج ماتحملت لازم اعرف شبيهه
استأذنت وطلعنه
طول الطريق هي ساكته
وصلنه لببيت رادت تروح لغرفه الجهال
لزمت ايدهه
ساره شبيج
ساره :مبيه بس تعبانه واريد ارتاح
احمد :اي تعالي لغرفتنه
ساره :مو مهم ب اي غرفه اكون
تصبح ع خير
عفته ورحت اخذت ملابسي وگعدت بالحمام وابجي
ابجي ع حضي
الرجال الي حبيته هيج يسوي
اذا ميريدني من البدايه ويبتعد ويتزوج
ليش يعلقني بي وابقه احبه وبعدهه هيج يسوي
بقيت بالحمام تقريبا نصف ساعه وطلعت
لگيته گاعد بالصاله مااهتميت
رحت للمطبخ لحتى اشرب ماي
اجه وراي
اول ما ناداني طاح مني الگلاص وانكسر

احمد :ابد ماارتاحيت وحاس اكو شي
بس شنو ماادري
راحت للحمام بس اتأخرت
من طلعت راحت للمطبخ
رحت وراهه بس صحتلهه رأسا طاح منهه الگلاص
رأسا لزمتهه
ساره شبيج لاتخبليني
كولي شصار
منو مضوجج

ساره :اباوع بعيونه ممبين بيهن كذب
ليش هيج يسوي
بعدت ايده وردت ارجع لوره
رأسا سحبني ل صدره

احمد :ابد محجت شي
رادت ترجع لوره بس انتبهت اكو بالگاع گزاز رأسا سحبتهه الي
احجيلي شبيج
ماردت بعدتني وراحت للغرفه
بقيت الليل كله افكر شنو ممكن يكون صار
بقيت سهران لل 4 الفجر ياله كدرت انام
گعدت ساعه 7 ونص
مالگيتهه گاعده
رحت للغرفه لگيتهه حاضنه حوراء ونايمه
قررت اروح للدوام اشوف شنو الشي الضروري اسوي وارجع من وكت

ساره :مانمت للصبح
اجه هو للغرفه سويت نفسي نايمه
بعدهه طلع
گمت سويتلهم ريوگ
وطبخت ع السريع لان توقعت راح يرجع
ريگتهم وكلتلهم اني تعبانه رايحه ارتاح وانتو لعبو وباوعو ع التلفزيون
طبعا همه مگالو لا
اني رحت للغرفه ردت انام
بس مااكدر اتصور منضرهم سوه
😭😭
شويه وسمعت صوته وي جهاله سألهم عني كالوله نامت

احمد :طلعت للدوام لگيت علي صاحبي
فهمته اريد اطلع ولازم اكمل الضروري من الشغل
هم ماقصر الولد وساعدني
رجعت لگيتهه طابخه ومكمله
والجهال لوحدهم
اتأكدت الموضوع يخصني ومتريد تشوفني
بس شنو هو
رحت للغرفه لگيتهه نايمه
او شبه نايمه
ساره ادري بيج مو نايمه اريد احجي وياج
ساره :تعبانه عوفني
احمد :حاجيني بالاول وبعدين اعوفج
ساره :خير
احمد :شبيج
شنو الي صار البارحه وضوجج
ساره :مصار شي ومبيه شي
واريد انام تعبانه
احمد :اني مو غشيم
حبيبي احجيلي لاتضمين عليه
لزمت ايدهه رأسا بعدتهه
ساره شبيج
ساره :خلاص وصل حدهه بعد مااتحملت
كمت ابجي ب صوت عالي واشهگ
تريد تعرف شبيه
مستعد لتعرف
صار تدلل
هذا ال بيه 😭
شفته
عرفت شنو بيه
يله اطلع مااريدك 😭😭
اطلع بره مااحبك اكرهك
مااريدك

احمد :طلعتلي صور اني وتهاني بوضع مخزي
بقيت صافن
شنو هاي
شوكت
وليش
مافهمت شي
النوب هي كلش عصبت
راسأ حضنتهه
بس هي كرهتني متريدني يمهه
طلعت
بس بقيت صافن شلون
رجعت ب ذاكرتي ل فتره وفاة زوجتي

(الحادثه
جانت تهاني صديقه زوجتي
صح بنت عمي بس علاقتي بيهه مو كلش
مره زوجتي رادت تختبرني ف دزتهه عليه
طبعا بوقتهه ماانطيتهه وجه
بس هي بقت تحجي وياي بدون متدري زوجتي
وبدت تحجي عنهه حجي محلو
ع الرغم ماانطيتهه وجه بس هي بقت
بعد وفاة زوجتي كلش انهاريت لان جنت احبهه
ف بعد وفاتهه ب اسبوع جنت سكران
لان مكدرت اتحمل غيابهه
كمت انام بالبيت مالتي وجهالي
يم امي
ف بهذا اليوم صحيت الصبح لگيت تهاني نايمه يمي
اتخبلت
طبعا كلشي مااذكر من الليله الي فاتت
سألتهه شجابج كالت انت خابرتني وكلتلي تعالي
باوعت ع تلفوني فعلا متصل بيهه
سألتهه اذا صار بينه شي كالت كلشي صار
كرهت نفسي بوقتهه
سافرت فتره وبعدين رجعت ووكفت ع حيلي لخاطر جهالي)

الي ما افهمه شجاب الصور ل ساره وشلون وليش هسه
طلعت من البيت ورجعت للدوام
النوب لزمت خفر وي الشباب ومارجعت للبيت
ل ثاني يوم الضهر اجتني رساله
وياريت مجايه هالرساله

ساره :بعد ماصيحت عليه طلع وما اعرف وين راح
مااريد اعرف عنه شي
بس فعلا خفت عليه
بعدين اتصورت انو هو راح الهه وهسه مرتاح واني بقلق
بقيت فكره تجيبني وفكره توديني
ل ثاني يوم وهو مااجه
للضهر ساعه 1 تقريبا اجه وعيونه نااااار يخوفن
وعصبي
كلش خفت منه

ياترى شنو راح يصير؟!!!
وشنو مضمون الرساله؟!!!!