#بلا_عنوان

#بارت11

#بارت11

في الصباح

ساره :گعدت الصبح جان يوم جمعه واني اصلا ماخذه اجازه اسبوع لحتى اشوف الوضع
رحت ع المطبخ
جان كلش كبير وحلو
كلشي بي كل الاجهزه
فتحت الثلاجه لگيت گيمر ومربى
طلعتهم
سويت بيض اخاف ميحبو مااعرف شيحبون
خدرت جاي وره شويه گعد احمد

احمد :گعدت الصبح سبحت وطلعت شفتهه جاي تحضر ريوگ شفت شعرهه مسويته ضفيره
طوووويييل واسود يخبل كلش حلو
صباح الخير
ساره :صباح النور
احمد :جاي تسوين ريوك؟!
ساره :اي
احمد :جبت گيمر بس مصطفى ميحبه
ساره :هههه همزين اني هم سويت بيض وياه مااعرف شيحبون
احمد :تمام
تتعودين عليهم
شفت مصطفى وحوراء بسرعه اخذو عليج
ساره : واني هم حبيتهم الله يخليهم الك
احمد :تسلمين
مصطفى :صباح الخير
احمد :صباح الخيرات يابطل
ساره :صباح الورد حبيبي
مصطفى :اني ليش نايم ع فراش حوراء
ساره :مو بالليل واحنا نسولف انت غفيت ومگدرت اشيلك
مصطفى :بس حلوه القصه
ساره :كل يوم احجيلكم قصه شكل شرايك
مصطفى : ايييييي
جوعان
احمد :روح غسل وهسه يگعدن اخواتك ونتريك
ساره :رايحه اشوف حوراء
احمد :واني اشوف زهره
ساره :رحت گعدت حوراء واحمد اجه هو وبنته گعدنه كلنه سوه
مصطفى وحوراء ياكلون ويحجون وياي
زهراء كلش ضايجه وماحابتني
كملنه ريوگ وغسلت المواعين وعزلت المطبخ
احمد مقبل اسوي غدا كال اليوم متطبخين
لباجر
وهو جاب غدا جاهز
حوراء طلعتلي العابهه تراويهن الي
وگعدت العب وياهه
سألت مصطفى ع واجباته گالي ماعندي هواي باجر واحلهن
ماحبيت اضغط عليه من اول يوم
خليته ع راحته
زهراء طول الوقت بغرفتهه
احمد كلي اتركيهه فتره وتتقبل الوضع

احمد :ساره شكلهه حبابه
مصطفى وحوراء ارتاحو وياهه
زهراء متحبهه ومتقبل تگعد وياهه
طلبت من ساره تتركهه ع راحتهه
اني بده دوامي جنت خايف من شغلتين
الاولى انو تكون قاسيه وياهم بغيابي
والثانيه الخيانه
خفت لاتخوني
صح هي مطلقه بس ليش قبلت بيه بعد معرفت زواجي بس ع الورق
يجوز بعدهه تحب طليقهه
صح مابينت الهه مخاوفي بس ع كد ما تجيني هيج قضايا صارت واحد من مخاوفي
بس سلمتهم ب ايد رب العباد ورحت ع دوامي
قررت اخليهه يومين تأمن وتتعود ع وقت جيتي وبيوم اجي فجأة للبيت اشوفهه شتسوي

ساره :حوراء كل يوم تنام ب حضني
وره يومين گلتلي يصير اكولج ماما
كلتلهه اكيييد
شتردين گوليلي
صار الاحد وبده دوامهم
السبت راجعت ل مصطفى وجهزت ملابسهم
ملابس احمد جهزتهن وكويتهن
طبعا اني انام وي حوراء ومصطفى
الاحد گعدت من وكت سويت ريوگ
اتريگو
اجه السايق واخذ مصطفى وزهراء
احمد جان بالغرفه
واني اعزل بالبيت گعدت حوراء
هلو حياتي صباح الورد
حوراء : ماما جوعانه
ساره :حبيبه ماما
تعالي سويت حليب وككاو طيييب
حوراء :يمي يمي

احمد :رحت ع الغرفه جبت تلفوني
رجعت سمعت حوراء تكوللهه ماما
بين الفرحان لان هي صغيره مشبعت من امهه
وبين ال ضايج لاتكون ساره مو گد هالشي
رحت للدوام وبالي كوله يم ساره وحوراء
دوامي ينتهي ب 2 الضهر ومرات لل 4

ساره :سويت ريوگ ل حوراء وعزلت البيت والمطبخ
لعبت شويه وي حوراء
كلش محبوبه وبيهه برائه تخليك متكدر تعوفهه
بعدهه سويت الغدا
رجعت سبحتهه وبدلت الهه ملابسهه
صارت ب 1 رجعو مصطفى وزهراء
طبعا زهراء رأسا راحت لغرفتهه
مصطفى :مرحبا
ساره :مراحب حبيبي
مصطفى :خالتي جوعان كلش
ساره :صار حبيبي روح اسبح وبدل وتعال
مصطفى :ليش اسبح
ساره :حبيبي الدنيا حاره وعرگان
ف اسبح وتعال تلاگي الاكل جاهز
مصطفى :ماشي
ساره :صبيت الاكل وكملته رحت ل زهراء
دگيت الباب ودخلت
هي رأسا نزلت التلفون من ايدهه
زهراء :خيير
ساره :تعالي اتغدي وي اخوتج
زهراء :مااشتهي من اجوع اكل
ساره :ع فكره تره مااجيت اخذ مكان امج
بس اجيت اهتم بيكم
زهراء :واحنا مانريدج ولا نريد اهتمامج
حتى بابا مايحبج مايريدج وانتي بالگوه باقيه وياه
ساره : بس يابنتي اني
زهراء : اني مو بنتج
عوفيني وروحي
ساره :اوك
عفتهه ورحت غديت الجهال ونومتهم
صارت 2 ونص اجه احمد
جنت محضره ملابسه خليتهم بالحمام

احمد :داومت وطول اليوم بالي يم الجهال
ب 2ونص طلعت رجعت ع البيت لگيتهه جاي تعزل بالمطبخ
ملابسي محضرات بالحمام
سبحت وبدلت واجيت للمطبخ لگيتهه محضره الغدا
احمد :اممممم برياني
ساره : ان شاء الله يعجبك
ابو مصطفى تره زهراء مااكلت شي
احمد : ليش
ساره :من اجت من الدوام مقبلت تاكل
حاولت افهمهه اني مااجيت اخذ مكان امهه بس بلا فايده
احمد :اوووف
هسه اشوفهه
رحت لگيتهه نايمه
رحت اتغديت وبعدهه نمت
گعدت ساعه 5 ونص
لگيت ساره وي حوراء ومصطفى جاي تدرس مصطفى وحوراء تلعب يمهه
رحت ع زهراء حاولت افهمهه انو وجود ساره لخاطرهم بس بدون فايده

ساره : بعد ما اتغده احمد راح نام
اني رحت يم الجهال نمت ساعه وكعدت
سويت كيك وحلويات ل مصطفى وحوراء
من گعدو جبت الكيك والحلويات ومصطفى جاب الكتب وگعدت وياه نحضر الواجبات
شويه واجه احمد
احمد :هاي شتسوون
مصطفى :خاله ساره جاي تدرسني
احمد : شطور حبيبي

يتبع...