#بارت9
ساره :مرت الايام عاديه
مبيهه شي جديد غير تدخلات امي الي كلش ضوجتني ع مود ارجع ل سمير
والدي گالي اذا متردين ترجعين كيفج واني وياج
بده الدوام وداومنه طبيعي
بس لاحظت مريم قلقه ومهمومه
اكثر من مره سألتهه مقبلت تحجيلي
توقعت شغله بينهه وبين زوجهه لان هي دايما تحجيلي همومهه
گلت يجوز شي كلش خاص مسألتهه محبيت اضوجهه
بنتهه الصغيره صارت بالمدرسه ودخلتهه عندي
كلش حبيتهه حلوه ومحبوبه
هي هم حبتني
خلص النصف الاول وبدت العطله
رجع سمير وهوسته
امي ماصدگت
وبدت تلح اكثر
ماصدگت شوكت خلصت العطله ورجعت للدوام
اول يوم جانت مريم متوتره ع الاخر
هالمره ماسكتت
ساره :مريم شنو سالفتج
مو حاسبتج اختي واحجيلج كلشي
كوليلي شبيج
مريم :تعالي اكعدي واحجيلج
اصلا مقرره اليوم احجي
بس عفيه مو تقاطعيني
ساره :احجي خوفتيني
مريم : شوفي
مو مره كلتلج زوجه احمد اخوي متوفيه
صارلهه تقريبا سنه ونص
ساره :اي
مريم :وهو قرر يتزوج بس يريد بنيه حلال يأمنهه ع جهاله
هو ضابط وبحكم شغله تجي هواي قضايا عن زوجه الاب وشلون تعامل الجهال
ف هو خايف من هالشي
وبناته جاي يكبرن ويحتاجن ام
ساره :اي
مريم :وهو كلفني اشوفله وحده اعرفهه شخصيا يعني اضمن سلامه جهاله وياهه
و كلتله عليج
وكالي شوفيهه اذا قبلت اخطبيهه
ساره :هههههه تتشاقين اكيد
مريم :لا والله
واني خايفه لاترفضين
ساره :بس تدرين انتي شنو رأيي بالزواج
مريم :اي اعرف والله
بس فكري ب جهاله
والله ماامن عليهم عند وحده ثانيه
تدرين هسه متبهذلين
يوم عندي ويوم عند امي
وهو دوام
عفيه فكري بيهم
والله تكسبين بيهم اجر
ساره :اعرف وفاهمتج بس مااكدر
مريم :فدوه فكري زين
والله خوش ولد مو لان اخوي بس تكدرين تسألين عنه
وحتى هو عمره 36
عفيه فكري بجهاله الله يخليج
ساره :والله ماادري ش اكولج
مريم :لاتحجين هسه فكري واخذي وقتج
ساره :الله كريم بس ما اوعدج. بشي
كمل اليوم ورجعت افكر بكلام مريم
مااريد اعيد تجربتي وي سمير
زين جهاله خطيه
بس خاف هم ميتقبلوني
اذا اكول لامي راح تقنعني ب اي شي المهم تخلص مني
ماكو غير امير
فعلا بالليل خابرته
ساره :شدعوه ياخوي هيج هي الخوه
امير :ههههه ياروحي والله مشتاقلج
وخابرت اهلي اجيكم هذا الاسبوع
الاربعاء اني عدكم
ساره :هاي لان خابرت هيج تحجي
امير : لا والله اول البارحه اني كلت لامج
ساره :امممم زين نشوف
بربك شكد صارلي مشايفتك
امير :والله حقج بس والنبي ملتهي
ساره :الله يساعدك بس غير مشتاقيلك
امير :ادري مقصر وياج
دريت ب الي صار وياج
هونيهه وتهون
ساره :ههههه بعد وكت
صارلي سنه اني منفصله
امير :ادري ولج ام لسان
ساره :مشتاقتلك خويه
محتاجتك يمي 😔
امير :ادري مقصر وياج بس وعد منا وجاي شوكت متحتاجيني تلاگيني
ساره :شلون يعني
امير :هاي ال شلون خليهه بعدين
يله ولج اجو الولد
الاربعاء اني يمكم
ساره :هله بيك خويه
سديته وبقيت افكر شنو شوكت مااريده الكاه
يصير يرجع لهنا
معقوله
بلكي الله
طبعا امير صارله سنين بغير محافضه
تزوج وسافر
جان هو الحنين بالبيت
من راح بعد نسيت عندي اخ غيره لان محمد يمشي ب امر مرته
مرت الايام ومريم مافاتحتني بالموضوع
صار الاربعاء واجه امير وعائلته
وجانت المفاجئه انو يبقه بالنجف ويستقر
طبعا كلش فرحت
بناته خليتهن ينامن وياي
وهو وزوجته جهزناله غرفه ع ما ينضفون بيتهم لان من زمان تاركي
اول يوم جيته ارتاحو بالليل گعدنه كلنا سوه
رجعت لايام زمان لما كنا نجتمع كلنا فد سفره
اخواتي هم اجن
جنت صافنه بكلام مريم
قاطعني صوت امير
سارونه شبيج
ام ساره :بلكي تفكر ترجع ل رجلهه
ساره :😒😒 مامليتو من هالموضوع
امير :تعالي اريدج بموضوع
ساره :جايه
رحنه ع غرفتي
امير :اي سولفيلي
ساره :شنو
امير :كلشي
من اول ماتزوجتي وليش تطلقتي وهسه شبيج
ساره :
ش اسولفلك
انجبرت اتزوج واحد مااعرفه
والواحد هم مجبور عليه
بعد شهرين من زواجي تزوج عليه بالسر
امير :😳 شلووون
ساره :بس محد يعرف بزواجه حتى ابوي ميعرف
وره كم شهر كال لابو اريد اتزوج واني اصلا متفقه وياه كم شهر وننفصل
بالگوه والده وافق
اتزوج وره شهر انفصلنا
بعد 5 اشهر رجع يريدني
وطبعا مقبلت وامك من ذاك اليوم لليوم تلح عليه
امير : وليش رفضتي ترجعين
ساره :مثل مافضل عليه وحده يجي يوم وهم يعيدهه
امير :زين ليش ضايجه
ساره :هذا غير موضوع
حجيتله ع طلب مريم
امير :وشرايج
ساره :بعد طلاقي رفضت فكره الزواج
بس من حجت وياي ماادري بقيت افكر ب جهاله
امير :شوفي قلبي
تره مو الكل مثل سمير
ولا شرط يكون زواجج الثاني فاشل
اني ب رأيي تفكرين زين ونسأل عن الولد اذا خوش ولد ليش لا واذا مو خوش بعد منتهين من الموضوع
ساره :بس اني محجيت لاحد
بس تعرف امي راح تخبصني اذا رفضت
امير :خلي عليه
انطيني معلوماته واني اجيبلج اخباره وانتي قرري ساعتهه
ساره :الله كريم
بس خايفه
امير :كولي يا الله ان شاء الله خير
ساره :ان شاء الله
بعد اسبوع امير جابلي كل اخباره
خوش ولد والكل يمدح بي
ماعنده سوالف مايله
والي كان متزوجهه هم خوش بنيه واهلهه خوش ناس
امير :ها يروحي شگلتي
ساره :ماادري محتاره
امير :اني كلت لابوج وهو موافق لان يعرف عم الولد
ويكول خوش ناس
ساره :امير شرايك انت
امير :شوفي قلبي هي صح هاي حياتج
بس لاتدمريهه ب ايدج
صح سمير ماعرف قيمتج
مو شرط الكل نفسه
ماتردين تشوفين جهالج يمج؟!!
ساره :بس حيل خايفه
امير :اني راح اكون وياج ومااتركج
ساره :الحمدلله من رجعت
امير :وبعد مااروح 😘😘
ساره :بعد كلام ابوي وامير ارتاحيت
لان بزواجي الاول كلهم ضدي
وقررت اوافق واكون ام ل جهاله
بس راح يتقبلوني ؟!!
اگدر اتعامل وياهم؟!
شنو الحياه الي تنتضر ساره؟!
راح ينتهي حزنهه؟!!
لو يستمر للابد
يتبع.....
أنت تقرأ
#بلا_عنوان
ChickLitهل فعلا جمال المضهر اهم من جمال الروح؟! هل اصبح تقييم الناس على اساس الشكل ام ماذا؟!! موضوع قصتنه الجمال جمال الروح والقلب قبل ميكون جمال الجسد يختفي جمال الجسد عند قباحه المضمون
