#بلا_عنوان

#بارت12

#بارت12

ساره : مرت الايام وحبيت الاجواء العائليه
الدوام عفته لان مااكدر ادبره وي البيت
وعندي حوراء وين ابقيهه
حتى لو روضه مااكدر اخاف عليهه هاي امانه
زهراء نفس ماهي ماتغيرت ابدا
احمد علاقته عاديه وياي
مصطفى وحوراء اولادي احسهم
بيوم كنت بالمطبخ جاي اسوي كيك ل حوراء
جانت الساعه 11 الصبح
اجه احمد وعيونه نار

احمد:مشت الايام وساره كدرت تتأقلم وي الوضع
حوراء ومصطفى حبوهه كلش واعتبروهه منهم وبيهم
زهراء دايما بالغرفه متقبل تكعد وياهه
واني كلتلهه عوفيهه ماعليج ب زهراء
بيوم ساعه 11 اجتني رساله من زهراء
بابا الحگ حوراء ساره راح تموتهه ع كد ما جاي تبسط بيهه
اني اتخبلت
رجعت رأسا
لگيتهه جاي تسوي كيك مااعرف شنو
جريتهه حيل من ايديهه وصيحت عليهه
ووووين بنتي
احجي شسويتي بيهه
ساره :هاي شبيك شصاير
بنتك جوه
احمد :جريتهه من شعرهه حيل وشمرتهه ع الحايط
راسهه حيل انضرب بي
راسا حوراء اجت تركض بيدهه رسمه ومكيفه
وتصيح ماما رسميتهه
رأسا حضنتهه ع كد ماجنت خايف عليهه
بوستهه
بابا بيج شي
صاير شي
حوراء :لا جنت ارسم
حلوه رسمتي مو
ماما كالت اذا ترسمين حلوه انطيج كيكه
احمد :الحمدلله
خفت عليج يروحي
باوعت ل ساره
گاعده بالگاع ولازمه راسهه
يجري دم
وعيونهه مورمه من البجي
ساره اسف مو قصدي
كومي اوديج للطبيب
ساره :بعد مااجه كام يصيح وضرب راسي بالحايط
لدرجه احس الدنيا دارت بيه
رأسا اختل توازني ووكعت بالكاع
مااحس الا راسي ينزف
مابيه شي وخر عني
احمد :اسف والله مو قصدي ااذيج
كومي وياي نروح للطبيب
حوراء :ماما شنو هاي
ساره :ماكو شي حبيبتي ارجعي كملي رسم
عفتهم ورحت للحمام قفلته عليه
بقه يدگ بالباب بس مفتحته
احمد :خطيه راسهه ينزف ومتقبل تجي وياي للدكتور
يا الله شسويت اني
بس هاي الرساله شنو وليش
دخيلك يارب
بقيت بقلق ع ساره
طولت ياله طلعت
ساره :غسلت وهدئت
نشفت الجرح وجان اكو ديتول وكلينكس حاطي ب خزانه بالحمام
عقمته وطلعت لگيته كاعد بالصاله
احمد :شلون صرتي
ساره :عفته ورحت كملت الكيك وحطيته بالفرن
احمد :ماردت عليه
حقهه بس هاي بنتي مو ب ايدي
ساره اسف مو قصدي والله
ساره :شوف اكولك من يوم العقد انت كلتلي جمله
كلتلي ذولي ايتام راح اخليهم ب امانتج
ساعتهه كلتلك راح اخليهم ب عيوني
ومااعتقد قصرت بشي اتجاههم
لا حوراء ولا مصطفى
حتى زهراء حاولت اراضيهه بس ممتقبلتني وكلتلي عوفيهه وعفتهه وماتدخلت بيهه
بعد شتريد اكثر
اذا هيج مامأمن ع جهالك اكو شي اسمه كاميرا
حطه بالبيت وتگدر تطمن عليهم
عفته ورحت ل حوراء جانت خايفه خطيه رأسا اجت ل حضني
احمد :ساره حيل انقهرت مني
حجت الي عدهه وراحت
رحت وراهه لكيتهه حاضنه حوراء
اتأكدت مستحيل تسوي شي يأذيهه بس هاي الرساله شنو وليش هيج سوت
اتصلت بصاحبي كلتله اني ماراح ارجع
رحت بدلت وانتضرت زهراء ترجع من الدوام
ساره حضرت الغدا وجهزت المواعين
واني بس اراقب
اجو من الدوام زهراء سلمت عليه وراحت ع غرفتهه
مصطفى اجه حضن ساره وحجالهه شنو صار وياه وشلونه بالدراسه طلبت منه يسبح ع ماتصب الغدا
يعني كأنو امهم ويمهم
يعني قلقي ما اله اي داعي
رحت ع غرفه زهراء
احمد :وين تلفونج
زهراء: ضايع
احمد :من شوكت
زهراء :قبل يومين
احمد :وين
زهراء :شنو بابا هو تحقيق
تلفوني ضاع بالمدرسه من اخذته قبل يومين ع مود نصور
احمد :وليش محجيتي
زهراء :مااهتميت لان مبي شي
احمد :ماشي
عفتهه وطلعت بس حاس اكو شي خطأ
شويه اجه مصطفى صاحني ع الغدا
طبعا ساره متباوع بوجهي
گعدت وياهم شفتهه شلون توكل حوري
وخايفه عليهم
كملنه اكل سوت الجاي
واخذت الجهال لغرفتهم
وره نص ساعه طلعت نضفت المطبخ وراحت اخذت ملابس ودخلت للحمام
طبعا اني عيوني وراهه وين متروح
بس عجبني ترتيبهه واهتمامهه ب الجهال
لبسهه كوله دشداشه لو تراك طويل وعريض
شعرهه يجنن
عيونهه كبار وسود يخبلن
مااعرف كمت اركز وياهه زياده عن اللزوم
صح هي مو حلوه وزوجتي جانت احلا منهه بهواااااي بس رغم هالشي اباوع للاشياء الحلوه الي بيهه

ساره :حيل ضجت من تصرفه ع الرغم جنت كلش احترمه واحب تعامله وي جهاله
يختلف تماما عن سمير وتعامله وي اهله
صح نسيت سمير بس مرات من احمد يحن عليه اذكر واحس بالفرق
بس ماعندي اي مشاعر اتجاهه
مرت الايام واني اتجاهل احجي وي احمد بس ممقصره وياه بشي
الاكل والنضافه وكلشي ع اكمل وجه
جهاله ممقصره وياهم بشي
بدت امتحاناتهم وماتركتهم
زهراء تصرفاتهه غريبه
واحيانا تتعارك بالتلفون وصوتهه يعلى كلش
خلصت الامتحانات وبدت عطله الجهال
رادو يرحون ع المتنزه يتونسون
بس اني مااحجي وياه شلون
تشجعت ورحت ليه
جان كاعد بالغرفه يلعب بالفون مالته

احمد :خلصو الجهال امتحانات وبدت عطله اخير السنه وساره ليهسه متحجي وياي
بيوم اجت للغرفه

ساره :ممكن احجي وياك
احمد :اي تفضلي
ساره :الجهال خلصو امتحانات ويردون يطلعون يتونسون
اذا تكدر ع فراغتك اخذهم زورهم لو للمتنزه
احمد :امممم اوك
جهزو انفسكم اليوم اخذكم
ساره :الاحسن تروح انت وجهالك بس
احمد :وانتي وحده من عدنه
انتي امهم
ساره :هههه جذبنه الجذبه وصدگناهه
ابو مصطفى اخذ جهالك واقضي وياهم شويه وقت
تره جاي يشتاقولك
من رخصتك

احمد :بعدهه ضايجه شلون 😔
رحت ل زهراء كلتلهه نطلع مقبلت
مالحيت عليهه
انطيت خبر ل مصطفى وحوراء وفرحو
حوري رادت ساره ويانه بس مقبلت كالتلهه تعبانه وعندي شغل
اخذتهم ورحنا ع المتنزه ونستهم واشتريتلهم العاب وحلويات ورجعنه

ساره :صار الليل احمد اخذ جهاله وراح
زهراء مقبلت تروح
بعد ماطلعو نضفت البيت وغرفه الجهال لان جانت بيهه العاب
وبدلت ملابسي
لان كدام احمد كوله محتشم ههههه
بس الصبح لما مايكون موجود لا عادي كلشي البس برموده او دشداشه قصيره قريب مايصير وقت جيته ارجع البس عريض
بعد ماكملت سمعت زهراء تبجي
رحت يمهه
ساره :حبيبتي شبيج
زهراء :ماعليج اطلعي
ساره :حبيبتي ليش تبجين احجيلي يجوز اكدر اساعدج
زهراء :انتي بس اطلعي
ساره :ماشي حبيبتي ع راحتج
عفتهه وطلعت
بس حسيت اكو شي
مو خاليه

شغلت التلفزيون وگعدت اباوع ل فلم
وره شويه اجو
حوراء :ماما ماما شوفي بابا شنو جابلي
مصطفى :واني هم جابلي هاي
ساره :حياتي
اهم شي تونستو
مصطفى :كلش تونسنه لعبنا ب كل الالعاب
ساره :اهم شي هاي عندي
يله روحو بدلو ملابسكم وشوفو العابكم
مصطفى :يله حوراء
احمد :شلونج
ساره :الحمدلله
احمد :لو جايه ويانه جان الجهال فرحو اكثر
ساره :البركه بيك
من رخصتك
احمد :ساره رجاءا لشوكت نبقه هيج
ساره :شنو شبينه
جاي اتعامل ع الاساس الي اتفقنه عليه
احمد :اووووف ع راحتج
عفتهه ورحت للغرفه
ثواني واجت وراي
ساره :اسفه بس اكو شغله لازم تعرفهه
احمد :شنو
ساره :بعد ماطلعتو سمعت صوت زهراء رحت الهه لگيتهه تبجي حاولت افهم منهه كالعاده مقبلت تحجي
حاسه البنيه بيهه شي
احجي وياهه اخاف عدهه مشكله او شي
احمد :هسه اروح اشوفهه
ساره :هسه نايمه خليهه ع باجر
تصبح ع خير
احمد :راحت ساره وبقيت افكر بوضع زهراء وشلون احل مشكلتهه

يتبع...