#بلا_عنوان

#بارت2

#بارت2

ساره: بعد ماعقدنه سمير باوعلي مره وحده ودار وجهه
يمكن راح يبطل لان حقه هو صحيح مو كلش حلو بس شخصيه ومهما يكون رجال واكيد يريد بنيه حلوه
مر الاسبوع واني ذابحه نفسي بالتفكير
اذا رفض شيسكت امي واذا قبل وهو كارهني شلون
يااارب ساعدني ماعندي غيرك 😭
مرت الايام واجه الخميس وماكو رد بالرفض
الحمدلله شيخلصني من امي
رحنا للصالون وعدلت ولبخت لمن جزعت 😭
مااحب المكياج بس ما باليد حيله
زفونه من الصالون لبيتهم وهناك صورونه
سوو العشا وبعدهه اخذونه للغرفه
كلشي صار سريع مااستوعبت شي
شويه واجه سمير

سمير :بعد مارجعنا حجيت وي امي بس امي مابيدهه شي گالت احجي وي ابوك
وره ساعه اجاني ابوي للغرفه
ابو سمير :ولك شوكت تصير رجال شنو تفسخ الخطبه ولك اليوم عقدت
سمير :اي يابه ماعجبتني وانت السبب ماقبلت اشوفهه
ابو سمير :شوف ولك قسما بالله اذا هالزواج ماتم اغضب عليك ل يوم الدين
سمير :يابه اني شنو ذنبي
ابو سمير :بالله ش اكول لابوهه والله خلقه الله ماعجبت ابنه
ولك من شوكت الشكل مهم
امك ماشفتهه ليوم العرس
ولك البنيه اخلاااق تحفضك وتصونك وتربي جهالك
ولك الشكل باجر سوت حادث وتشوهت هم تطلگهه والله شكلهه مو حلو
سمير :لايابه مو هيج
ابو سمير :ولا كلمه الي عندي گلته
سمير :ايست من الموضوع
ماكو امل ابد يعني لازم استسلم للامر الواقع
زين جهالي شنو ذنبهم لو طلعو يشبهون امهم
نسيت انو كله خلق رب العباد ونسيت انو ممكن ب اي لحضه يروح الجمال بس مااعرف كنت اريدهه حلوه
مرت الايام وقلبي مقبوض شلون راح اتحملهه شلون انام يمهه شلون اتقربلهه واني مو حابهه مو حابهه
اجه الخميس وما الي نفس لأي شي
ماعندي احد احجيله غير صديقي ماجد
حجيتله كلشي
ماجد:خويه ابوك غلط لما ماخلاك تشوفهه قبل العقد
بس حجيه صحيح يجوز قلبهه طيب وتصونك
ياخوي مو كلشي بالشكل
ماتشوف الي عندي والله مجزعتني
سمير :ادري ياخوي تالي الليل قابل اشبگ ب اخلاقهه
ماجد :خويه البنيه شنو ذنبهه ربك هيج كاتب
كول الحمدلله واتكل ع الله
سمير :ولك مخنوگ كلش

مرت الايام واجه الخميس واني اتمنى اهج اشرد اولي بس مااتزوج
كمل العرس ماادري شلون مامنتبه لاي شي
صبو العشا واني زفوني لغرفتي
شفتهه لابخه كومه مكياج بس حسيتهه حبابه
جابو عشا اتعشينه وراهه بدلت لبست سيت نوم مااذكر شكله حتى
المهم اجت نامت يمي
لازم اتقربلهه لان لو امي درت راح تكول لابوي وشيخلصني منه 😭
ماادري شلون اتقربتلهه وكملت الشغله ع خير
يمعودين مو طايقهه 😭😭
راسا درت وجهي ونمت

ملك: بعد ما زفونه حسيته مغصوب عليه
كان توقعي صحيح لما مافسخ الخطوبه يعني جابرينه عليه
زين اني شبيدي 😭
بعد ماكملنه العشا بدلت ولبست سيت نوم
اتقربلي بس مبين غصبا عنه
كملت الشغله ع خير
راسا دار وجهه ونام ماحجه شي ابدا
بقت حسره بقلبي 😔
نمت ميته قهر
الصبح گعدت وي الاذان سبحت جان اكو حمام داخل الغرفه
صليت وقريت قرأن شويه وبعدهه رجعت نمت
گعدت ساعه9 تقريبا
رحت سلمت ع اهل سمير
امه كلش حبابه
گلتلي گعدي سمير وهسه ادزلكم الريوگ ع الغرفه
وفعلا رحت لسمير

سمير :نمت واني حاير ب حياتي شلون تكمل وياهه
كعدت الصبح ع صوت ناعم وهادئ ماتوقعتهه هي ابد
رأسا گعدت
ساره: سمير اگعد صارت 9
سمير :درت وجهي لگيتهه هي معقوله صوتهه هيج حلو
وشنو الفايده نترت بيهه
اي اي گعدت
ساره :اسفه مو قصدي اضوجك
عفته ورحت عدلت شعري
شويه وجابو الريوگ

سمير :گعدت رحت سبحت من طلعت لگيتهه تمشط بشعرهه
معقوله مو باروكه
زين يصير اكو باروكه دائميه
يووو شعليه الله ياخذهه وارتاح
جابو الريوگ اتريگت وطلعت حتى ماسلمت ع ابوي بس باوعتله ب عتب

ساره :تريگ ورأسا طلع
طبعا اني فاهمه الوضع بس الي مافاهمته ليش
شنو الي جبره
وليش مشافني قبل العقد
شويه ودخلت امه
ام سمير :ها يمه بشريني ان شاء الله كلشي تمام
ساره :تمام خالتي
ام سمير :يله يمه گومي بدلي
اني ناذره اي واحد من ولدي يتزوج الصبح اخذهم للامام يزورون ويرجعون وهيج سويت وي اخو
ساره :صار خالتي هسه بس ابدل
ام سمير :الله يرضى عليج

ساره :حبيتهه كلش حسيتهه احن من امي بهواي
بدلت لبست تنوره وقميص واخذت عباتي ونقابي
نسيت اگوللكم اني من كنت ابيت اهلي اذا اطلع البس نقاب حتى محد يعيب عليه
واتعودت عليهه
من طلعت سألتني خالتي كلتلهه متعوده عليهه
رحنه زرنه وصدك ارتاحيت اصلا من زماااان مزايره اهلي ميطلعوني
كملنه ورجعنه
لگينه سمير صاير اعصاب ويهز برجله جان گاعد ع الكرسي بالمطبخ
سمير :طلعت من البيت وره ساعه رجعت كالو طالعه هلو هلو هاي من اول يوم هيج
بسيييطه
اول مااجو صيحت
سمير :اي خاتون وين جنتي
ساره :😳
ام سمير :شبيك تصيح ولك اني اخذتهه زورتهه وهذا نذر عليه مثل ماسويت لاخوك
سمير :اي وماعرفت تاخذ اذن من زوجهه قبل متطلع
لو اهلهه قبل متيهيهه
هييييييي تره مايمشي هالحجي وياي
ابو سمير :وووللك 😡😡😡
هاي شبيك تصيح
سمير :الخاتون طالعه
ومگالتلي
ام سمير :كلتلك اني اخذتهه زورتهه
غير حضرتك طلعت من الصبح ماندري وين
ابو سمير :اخر مره اسمع صوتك يعلى بهالبيت طول ما اني عايش
وساره ممنوع تصيح عليهه لو تزعلهه هاي بنتي ابوهه امني عليهه
لا قسما بالله لا انت ابني ولا اعرفك
ساره :😔 من رخصتكم
عفتهم ورحت للغرفه
سمير :مو دمرتو حياتي شتردون بعد 😡😡
عفتهم ورحت يم ماجد صاحبي

ساره :من حجه هيج حييييل انقهرت
اني عند اهلي مااطلع مو النوب هنا
ادري اذا ميريد يتزوج شكوو خطب 😭😭
شويه واجت خالتي هدتني واعتذرت وراحت
وبقيت حايره شلون اتصرف وياه

يتبع...