#بلا_عنوان

#بارت4

#بارت4

ساره:
بعد ماعرفت بزواج سمير انهاريت
جنت متوقعه هالشي بس مو بهالسرعه ولا بهالطريقه ع الاقل يگولي والله اوافق مو يستغبيني

ثاني يوم جان زواج نسرين ماحضرت خالتي حست اكو شي بس نسرين كالتهه تعبانه وخليهه ع راحتهه
راحو وفرغ البيت
للعصر جنت گاعده وحاطه راسي ع رجليه
دخل سمير

سمير :شبيج ساره
ساره :الحمدلله ع السلامه
مبيه ليش
سمير :ليش مو وي نسرين بزواجهه وليش گاعده هيج
ساره :ابدا بس اليوم حيل تعبانه واعتذرت من خالتي ومارحت (احجي ومااباوعله)
سمير :اوديج للدكتور
ساره :ماله داعي بس انام ارتاح
سمير :لعد اخليج تنامين واني طالع
ساره :ياريت
سمير :اول مره هيج تحجي وياي
يعني ماتريدني تكولي اطلع
اني مگلت باطل عفتهه وطلعت

ساره :من اجه جنت مو طايقته ودي اصيح بوجهه ودي اگوله طلگني
بس مستحيل اهلي يوافقون 😭😭
يااربي ساعدني

بالليل رجعو من الزفه اني جنت نايمه وهمه مگعدوني
ثاني يوم خالتي قلقه عليه ف طمنتهه
سمير مااعرف وينه ولا اريد اعرف بعد مااهتم ولا احسسه اني محتاجته
قررت ابدي اكون نفسي
اما اقدم ع مدارس اهليه او اخذ طلاب خصوصي
حجيت وي مهند وگالي اهل صديقي عدهم مدارس اهليه اگدر احاجيهم
طبعا فرحت لهالشي
بالليل اجه سمير گلت لازم افاتحه بالموضوع

سمير :استغربت من ردهه طلعت لجماعتي وبقيت يم واحد منهم سهرانين ومرتاحين
ثاني يوم بالليل ياله رجعت لگيت ساره جاي تباوع للتلفزيون
دخلت سبحت وردت ارجع انام
ساره :سمير ممكن لحضات قبل متنام
سمير :اي تفضلي
ساره :اني راح اقدم ع مدرسه اهليه بلكي يقبلوني بدل گعدتي بالبيت
سمير :اذا هذا الي تردي كيفج
عندج مدرسه معينه
ساره :مهند راح يحاجي صاحبه اهله عدهم مدارس اهليه همه يديروهه
سمير :مرتبه امورج خاتون
ساره :حضرتك مجاي نشوفك لحتى نحجيلك
سمير :عادي انتضري مو مشكله لو مستعجله ع الدياحه 😠
ساره :كلش ضجت من هيج حجه
لا مو مستعجله بس ماحبيت اضوج عريس بشهر عسله
تصبح ع خير 😏
سمير :من هيج حجت عبالك واحد وضربني ع راسي
يعني تعرف
زين منين وشلون
ساره شقصدج
ساره :الي فهمته
زين اختيارك حلو مبي شي
الله يهنيك
سمير :😳 ساره مجاي افهم قصدج
ساره :اريد انام
طفي الضوه وياك
سمير :تخبلت من هيج حجت
يعني تدري
بكلشي تدري
زين شلون ومنو وشوكت
احاجيهه مترد عليه
شلون سالفه هاي
عفتهه ونمت

گعدت الصبح ملگيتهه بدلت وطلعت لگيته تضحك وي امي
سمير :صباح الخير
ام سمير :صباح النور
سمير :اريد ريوگ
ام سمير :هسه اني اجهزه
سمير :لااستريحي
ساره ممكن تسويلي ريوك
ساره :😒
رحت حضرت الريوگ بدون مااحجي شي
قدمته گدامه
صبيت الجاي وعفته ورحت
سمير :حسيتهه ضايجه مني ومتريد تحجي وياي
ام سمير :يمه بينكم شي صاير شي
سمير :لا ابدا ليش كايلتلج شي
ام سمير :لو تقبل تحجي جان مسألتك
يمه والله بنيه حلال وورده
دير بالك عليهه
دير بالك تخسرهه
سمير :يوم مااحبهه مااطيقهه ليش متفهموني
عفتهه وطلعت
كملت دوام ورجعت ل ريام
اتونست وياهه ضحك وسوالف
لليل رجعت ساعه 11 لگيتهه مموجوده بالغرفه
رأسا اتصلت ريام

ساره :كمل اليوم واني مشفته طلع الصبح ومرجع
ابوه سألني كلتله وي جماعته واحد من اصدقائه عازمهم
طبعا اني ماادري بي وين بس لحتى ميكولي اتصلي عليه
مشه اليوم عادي
بالليل حسيت نفسي تعبانه كلت اروح اسبح بلكي اصير احسن
كملت سبح وطلعت سمعته يسولف وي حبيبته

سمير : هلو حب خيرج
لا توني وصلت للبيت
مموجوده ليش؟!
هههههه تغارين عليه
امممممم لا مااتقربلهه وعد
واني اموت عليج

ساره :سمعته شلون يحاجيهه مبين يحبهه
احم احم
سمير :ها اي ماجد باجر امرك
اي بعد الدوام تدلل
الله وياك
من طلعت ارتبكت ليكون سمعت شي
من شوكت هنا

ساره :مممممم من بديت تتغزل ب ماجد هههه
سمير :ممكن اعرف شنو قصدج البارحه
ساره :بشنو
سمير :تعرفين بشنو
من گلتي مانزعج عريس ومااعرف شنو
ساره :هسه شلك بهالدوخه
المهم گول لابوك لان عيب يسمع من العالم
ومهما ضميت زواجك يجي يوم وتنعرف
وانت مسويت شر حرام لو عيب انت تزوجت وهذا حقك
بس مايصير تستغبيني لو تستغبي اهلك
سمير :اهلي يدرون؟
ساره :لا
سمير :هههه عود صايره خوش براسي
شعجب محجيتي وصرتي انتي المضلومه
ساره :ههههه حقك متعرفني
ولا اريدك تعرفني
اصلا اني من قبل شهر منتضره يمر سنه ع زواجنه ونتطلق
وهسه اجت زواجك راح يسهل هواي امور
سمير :مفهمت يا امور
ساره :هههههه امور خاصه بيه
يعني شلون اقنع اهلي وهمه مصدكو خلصو مني
وابوك شنو موقفه
هيج يعني
سمير :هي تسولف ومبتسمه بس حسيت ابتسامتهه جذب
وتحاول تكون قويه بس هي مجروحه ومقهوره من الداخل
گعدت ع الجربايه وهي راح تنشف شعرهه وبدت تمشط
من شوكت تعرفين
ساره :ممممم ليش يهمك
سمير :اي
ومنو كلج وشلون
ساره :هههه لاتخاف محد گلي
اعرف من اخذتهه ورحت زرت
بيهه خالتي ومهند اخذونه نزور لان ثاني يوم زواج اختك
اتصلت عليك مغلق
عمو گال ميخالف روحي وياهم واني اگوله
وهناك شفتك
بس عاشت ايدك
ذوقك يختلف عن ذوق اهلك بهواي
الله يهنيك
سمير:يعني مو زعلانه
ساره :تنهدت
لويش ازعل
ليش انت صرتلي بيوم زوج حتى ازعل عليك
اصلا كنت متوقعه هالشي ومنتضره ب اي لحضه تكولي راح اتزوج
بس مااتوقعت بهالطريقه
عبالي عندك شويه ثقافه وتحضر
سمير :ثقافه هههه
ساره :اعرف انت انجبرت عليه
والي اكدلي هالشي لما بعدت عنك ماسألت وحسيتك مرتاح
بس الي مااعرفه شنو الي جبرك
واذا انت تدور شكل لويش مااجيت وسألت وشفت قبل متخطب
سمير :والدي الي جبرني
يريد مثل قبل مااشوف زوجتي ليوم الزواج
ساره :مممممم وهاي النتيجه
المهم اني نعست
تصبح ع خير
سمير :تعالي نامي ع الجربايه اني انام ع القنفه
ساره :😒😒
طفي الضوه
عفته ونمت گانو مسمعت شي منه

يتبع...