#بلا_عنوان

#بارت19

#بارت19

احمد :ساره اخذت زهراء وراحت للغرفه مالتهه
اني اخذت الجهال وطلعنه نجيب عشا
ساره تعبانه مااخليهه تطبخ ع الاقل ذولي اليومين

ساره :اي ماما احجيلي
زهراء :شنو 😔
ساره :كلشي
شنو هالصور وليش ومن شوكت
كلشي
لاتخلين شي متكولينه
لاتخافين لا راح اضربج ولا اصيح عليج
بس نريد نفهم الموضوع لحتى ينحل
تدرين لو انتشرت هالصور شنو يصير
زهراء :😔
ساره :يله ماما احجيلي
زهراء :اني كنت احب واحد من زمان من لما كانت امي عايشه
ومحد يدري بس خالتو تهاني
بعدين طلب مني صور دزيتله عادي
بس بعد وفاة امي راد صور الي بملابس فاضحه او بدون ملابس
اني بالاول مقبلت بس خفت انو يعوفني
جنت كلش احبه
گلت ل خالتي تهاني كالت اي عادي اصلا اني وابوج كلشي نسوي وراوتني صور هي وبابا نايمين سوه
كالتلي دام تحبون بعض ف عادي هالشي هو بعدين يتزوجج
ف اني دزيتله
كل مايطلب ادزله
بعدين راد ياخذني ع شقه اني مقبلت وخفت
بس هو اصر وكالي يعوفني
لما گلت لخالتي تهاني كالت عادي روحي
واتفقنه ع موعد قبل اسبوع
بس ماكدرت اروح
هو اجه انتضرني يم باب المدرسه بس اني خفت ومارحت وياه
بقه يهددني يدز صوري ل بابا اذا مطلعت وياه
بس ماگدرت اطلع 😭😭😭

ساره :اني اسمع ومصدومه
وين جانت امهه
هاي تهاني شلون هيج تسوي
دخيلك يا الله
ذكرت الصور الي دزتهن الي
شوفي ماما زهراء
اولا انتي سويتي شي كلش خطأ وخطأ كبيييير
ثانيا اريد اعرف كل شي عن الولد منو هو وابن منو
ثالثا اريدج توعديني تبتعدين عن الي اسمهه تهاني
لان راح تدمرج
والصور الي شفتيهن هي وابوج تره كذب
كله فوتوشوب
ابوج كان يحب امج كلش وماخانهه ابد
بس رادت تشوه صورته كدامج ف لاتهتمين
خلي ابالج
الولد مستحيييل يتزوج وحده تنطي كلشي قبل الزواج
يعتبرهه وحده رخصيه ويلعب عليهه
اريدج تبتعدين عنه تماما
تلفونج راح يبقه يمي
اي شي تحتاجي تلفوني يمج
وشغله اخيره
ماماتي اي شي يصير وياج كوليلي
تره اني مااكرهكم ولا جايه اخذ مكان امكم
والله احبكم واعتبركم اولادي
زهراء :😭 تهاني جانت تكولي هي اجت لحتى تنسيكم امكم وتاخذ ابوكم
ساره :ههههه هسه عوفينه من تهاني
توعديني تكوليلي كلشي؟!
زهراء :وعد 😭
انطتني اسم الولد والمعلومات عنه
اسفه بابا ضربج بسببي
ساره :ولايهمج يروحي
زهراء :بابا راح يسامحني
ساره :هسه صعب لان انتي خنتي ثقته بيج
بس اكيد وي الوقت راح يسامحج
بالنهايه هو ابوج ميكرهج بس ميريد احد يحجي عليكم بشي مو زين
زهراء :😭😭😭
ساره :كافي حبيبتي لاتبجين
اكو احد عرف بالي صار
زهراء :لا ردت اخابر عمه مريم وخفت من بابا
ساره :عفيه عليج مااريد احد يعرف
كلشي يصير بالبيت مااريده يطلع بره
زهراء :ماشي وعد
ساره :يله رايحه اشوف بابا
طلعت ملگيتهم
رحت للغرفه هم ماكو
اتصلت عليه

احمد :من طلعنه جانو الجهال ضايجين بقيت افتر بيهم
خابرتني ساره
ها حياتي
ساره :وين انتو
احمد :رحنا نجيب عشا
ساره :هاي رحت ربع ساعه شردتو حتى متاخذوني وياكم
احمد :هههههه هسه راجعين
انتي طلعتج خاصه
ساره :مممممم ديله عندي كومه حجي
لاتتأخرون

رجعو واتعشينه
زهراء اكلت بغرفتهه لان احمد ميقبل تگعد ويانه
اخذت الجهال ع غرفتهم گلتلهم تعبانه مااكدر ابقه وياهم لازم ارتاح همه مازعلو مثل كل مره
رحت للغرفه لگيت احمد ينتضرني

احمد :بعد مارجعت عرفت عدهه موضوع يخص زهراء
كملنه عشا هي راحت وي الجهال واني انتضرهه بالغرفه
اول مدخلت حضنتهه
احبج
ساره :عوفك من الحبيات
عرفت سالفه الصور
احمد :اي كولي
ساره :سولفتله كلشي وشلون تهاني تحرضهه وشلون خلتهه تشوف الصور
من ذكرت الصور رأسا نزلت دمعتي
احمد :ساره تحجي واني مصدوم
تهاني شلون تسوي هيج
من ذكرت الصور نزلت دمعتهه 😔
ساره والله مااذكر شصار
مااذكر اتصلت عليهه ولا اذكر صار شي بينه
جنت شارب لاخر درجه 😔
سامحيني فدوه
ساره :الي صار صار
الي يهمني انو مخنتني وهالموضوع صار قبل زواجنه
ع فكره كلت لبنتك انو هالصور كذب لحتى مااشوه صورتك

احمد :مااعرف ش اكول بس اباوعلهه
حضنتهه وافكر شلون احل الموضوع

في الصباح

احمد :گعدت من وكت قبل ساره
رحت للدوام
كلفت علي صديقي
انطيته الاسام الكامل للولد
وانطيته الرقم الي دزلي الصور وكلتله اريد كل المعلومات عن ذولي الشخصين
شويه واتصلت ساره

ساره :گعدت الصبح ملگيته دورت عليه بالبيت ماكو
اتصلت عليه
صباح الخير
شنو وينك
احمد :صباح الورد
بالدوام ليش اكو شي
ساره :لا ماكو بس گعدت ملگيتك
احمد :حياتي
عندي شغل هواي ولازم ننهي الموضوع
ساره :الله يكون وياك حبيبي
دير بالك ع نفسك
مو تنسى متتريگ
احمد :صار يروحي
احبج
ساره :واني هم
باي

ساره :رجعت لشغل البيت
طبعا زهراء ساعدتني هواي
وبدت تتقرب مني ويروح الحاجز الي بينه

احمد :بعد ساعتين اجاني علي جابلي كل المعلومات عن الشخصين
طلبت مراقبتهم بشكل مكثف وبسريه تامه
وانطوني الاخبار اول ب اول
طلعو ثنينهم اصدقاء
طلعت امر القاء القبض عليهم بس لما يكونون
سوه
عرفنا الاماكن الي يتواجدون بيهه
مارجعت للبيت قررت لما انهي هالموضوع
جان موعد القاء القبض ساعه 11 بالليل
وفعلا تم هالشي وهمه راجعين للبيت تم القاء القبض عليهم
خليتهم ليله بالتوقيف ومنعت عنهم الزياره ومحد ينطي اي معلومه عنهم

رجعت للبيت تقريبا 1 بالليل لگيت ساره نايمه ع الكرسي

ساره :احمد التهه بالقضيه ومارجع ع الغدا ولا ع العشا
اتصل بي مغلق
بقيت انتضره لحد ماغفيت
گعدني ساعه 1 بالليل
ليش نايمه هنا
ساره :انتضرك
احمد :حبيبي اسف اتأخرت ومااتصلت
ساره :ضل بالي عليك
تعشيت بعدك
احمد :بعدني
ساره :روح اسبح وبدل ع ما اسويلك عشا
احمد :ماشي 😘
اتعشيت وكملت
حجيت ل ساره كلشي صار وياي
بس طبعا هي خايفه
رأسا نمت لان جنت ميت من التعب

ساره :احمد كلش تعب من الموضوع
ويريد يكمله ب اقرب وقت
يارب تكمل ع خير

يتبع....