#بلا_عنوان

#بارت14

#بارت14

في الصباح

احمد :گعدت لگيتهه مجهزتلي الاكل
رحت ع الغرفه لگيتهه نايمه
تريگت وبدلت وطلعت

ساره :گعدت من وكت سويتله ريوگ ورجعت نمت
الجهال مموجودين يعني عادي اتأخر بالغدا
صارت ساعه 10 رحت سبحت ولبست تراك برمودا بعدين ذكرت محد بالبيت لبست كيمونه وي البيجاما البرمودا
باوعت ع المطبخ مبي شي نضيف
لل 11 واطبخ غدا
رحت تمددت ع القنفه بالصاله
صارت 11 گمت للمطبخ واشوف احمد واگف 😳😳

احمد :رحت للدوام وبالي يم ساره
مشفتهه الصبح اخاف زعلانه من كلامي
بس شبيدي اغاار عليهه
والله احبهه
اخذت اجازه ل3 ايام وطلعت
وصلت للبيت 11 إلا ربع
دخلت لگيت ساره متمدده بالصاله
بس مو ساره الي اعرفهه
شعرهه حالته ولابسه برمودا
بقيت صافن عليهه
شويه وگامت انصدمت من شافتني
رأسا راحت للغرفه
اني ضحكت ورحت بدلت
من طلعت لگيتهه بالمطبخ واكفه ع الطباخ
جانت لابسه دشداشه عريضه وطويله
رحت من وراهه وحضنتهه

ساره :من شفته مااعرف شصارلي
حيل استحيت منه
رأسا رحت بدلت لبست دشداشه ورجعت اسوي غدا
واني ميته خجل
مااحس الا وهو حاضني 😳😳😳
احمد :ع فكره الي جنتي لابسته احلا عليج
حسيتهه جمدت
ساره :ها ماعبالي ترجع من وكت
احمد :همست ب اذنهه
اي اشتاقيتلج ورجعت
رأسا بعدت عني وبدت تشتغل بدون متحجي شي
اني عفتهه ورحت للصاله لان حسيتهه ماتت خجل
ساره :احساس غريب
خوف ع فرح مااعرف بس بدون وعي بعدت عنه
جان بس ودي اصيح
مااعرف ليش اجاني هالاحساس وهالرغبه انو اصيح عليه
بعدت وبديت اشتغل بدون مااحجي او اباوع عليه
كمل الغدا صارت 12
سألته تتغده كال اي
صبيتله وحطيته ع الطاوله وردت اروح

احمد :صارت 12 كالت تتغده كلتلهه اي
صبته ورادت تروح
وين شنو متتغدين
ساره :لا مااشتهي اتريكت متأخره
احمد :براحتج
حسيتهه خايفه مني مااعرف ليش
رأسا اجه ابالي طليقهه معقوله تحبه ومتريدني اتقرب منهه
كملت غدا صبيت الشاي وگعدت بالصاله
هي شويه وراحت للمطبخ غسلت المواعين
ساره :رحت للغرفه ع مايكمل
بعدهه سمعت صوت التلفزيون رحت للمطبخ
جاي الم بالمواعين وطاح ماعون ونكسر
مجان بالي وياي ابدا
رأسا هو اجه
احمد :سمعت صوت شي انكسر خفت عليهه رحت يمهه لگيته ماعون
ساره اتأذيتي
ساره :لا بس ماانتبهتله هسه المهن
احمد :ولايهمج ديري بالج
ساره :جاي الم بيهن واتعورت
اااييي
احمد :سااره شبيج
تعالي ديري بالج
جنت خايف عليهه رحت غسلت الهه الجرح وجبت ديتول اعقمه الهه
ساره :شفت خوفه عليه وشلون متوتر
خفت زياده
خفت لا بيوم يروح ويتركني
من صدگ احبه
صرت اخاف من كلشي حلو بحياتي لا يروح
بدون وعي گمت ابجي ورأسا حضنته
احمد :واني جاي اعقم هي تبجي
احجي وياهه متجاوب رأسا حضنتني اني متأكد مو من الجرح لان جانت تبجي من صدك
عبالك شي حيل مأذيهه
شبيج يروحي
ساره حبيبي
ماكو ماتجاوبني سكتت عنهه بقيتهه بحضني
وثنينه ساكتين
بقينه تقريبا ربع ساعه
گامت
ساره :من بجيت وحضنته ارتاحيت
ردت اكوم لزم ايدي
احمد :شبيج
ساره : بهمس
مبيه شي
احمد :ساره لاتستغبيني احجيلي شبيج
ساره : 😔 مابيه بس جنت تعبانه وهسه صرت زينه
احمد :ماشي
مالحيت عليهه خليتهه براحتهه
ساره :رجعت ع المطبخ كملت المواعين ورحت للغرفه
بقيت ابجي من كل قلبي
مااعرف شنو صار
كل القوه الي بداخلي انهدت
عبالك جبل ع قلبي وجاي ينزاح
رأسا اجه احمد