#بلا_عنوان

#بارت7

#بارت7

سمير:اتفاجئت ابوي فعلا موافق مو نفسه الي العصر معارض بس طلب ابقي ساره شهر بعد زواجي ياله ننفصل
رجعت كلت ل ساره ووافقت
ونمت واني مرتاااح

ساره :سمير ارتاح بعد موافقه والده
ثاني يوم گعدت ملگيته اكيد رايح يبشر زوجته
اني غسلت وبدلت واتريكت واخذني مهند ع الدوام
اخذت الصفوف الاولى
جان يوم متعب بس حلو
كولهم اطفال والبرائه بعيونهم
مرت الايام واني كلش حبيت دوامي
سمير بده يجهز ل زواجه وراح يعيش وي اهله بنفس البيت ع طلب والده
مريم صارت صديقتي كلش وعرفت عنهه كلشي وحجيتلهه عني كلشي هم كلش انقهرت
اجه يوم زواج سمير
مااعرف التجهيزات الي صارت شلون لان مااتدخل وهو ميجي للبيت
مريم گلتلي نروح للسوگ بيوم زواجه او روحي لاهلج
مقبلت اريد اموت اي مشاعر بداخلي اتجاهه
وفعلا لبست فستان طويل وعدلت شعري سويته ضفيره بس حلوه صارت
وحطيت مكياج خفيف
من دخلو جان سمير وهي حاطين ايد ب ايد
وفرحان كلش
حقه يفرح
البنيه ايه من الجمال
خطيه شكد جان مضلوم وياي
مطولت هواي شويه ودخلت لغرفتي
صح ضجت بس مو مثل ماعرفت ب زواجه
يعني اتأكدت انو اني مااحبه
مشاعري اتجاهه مكانت حب
يمكن مجرد اعجاب او لان اول شاب بحياتي
بقيت انتضر يخلص الشهر لحتى ننفصل
مريم كل شويه تخابرني وتكولي لاتضوجين
نسرين هم اجت يمي عبالهه مقهوره
وفرحت من شافتني ماابجي ولا شي
صارت ساعه 11 كلش جعت
طلعت للمطبخ لگيت مهند وخالتي يحجون بيه
ساره :سلام
مهند :ياهلا وينج ولج فاتج العشا
ساره :عفيه لا تكولي مفطح ومدري شنو
مهند :لا ولج كوله مشاوي ويجنن تكه وماادري شنو
ساره :ولك ليش مو اني اختك
دكول هاي لاختي تره ميصيرلك شي ابو كرش
ام سمير :ههههههه لا يمه عازلين حصتج
مهند :ولج عابت ام لسان مو جبتلج غير شي
ساره :شنو كول تره جوعانه كلش
مهند :تعالي ل غرفتي نسرين تنتضرنه
ساره :نسرين هم تبات اليوم
مهند :اي وعالگيهه ومنزل فلم اكشن يجنن
ساره :اويلي غير تحجي
يله خالتي رايحه لاتخلصه ام كفشه نسرين
ام سمير :ههههه براحتكم يمه

ساره :مهند جايب عشا بيتزا وصاج ونسرين موجوده ومشغلين فلم
ولكم من وراي
نسرين :عبالي تردين تنامين
ساره :وانتي ماصدكتي
ديله ادني
مهند : يله بده الفلم اسكتو
ساره :هسه اكلكم انطوني اكل جوعانه 😭
مهند :ياريت مبين عليج
ولج اسمني
ساره :احسن حتى ماانحسد

سهرنه سهره حلوه
نسيت اصلا اكو عرسان بالبيت
ساعه 3 الفجر رحت نمت لان نعست

سمير: بعد ماوافق ابوي جهزت كلشي ع السريع
ريام جانت حابه نسكن بالبيت مالتنه بس قنعتهه
اجه يوم العرس وسوينه حفله بسيطه
ساره مشفتهه ابد
اني وريام كلش فرحانين تخبل طالعه
ثاني يوم نزلت لاهلي سلمت عليهم وباركولي
سألتهم ع ساره
مهند :يجوز نايمه اليوم عدهه عطله والبارحه ل 3 بقينه سهرانين
امي بلكوه كعدتني هسه
سمير :سهرانه وياك؟!
مهند :حسيته ضاج
اي ليش ؟!
سمير :لا هيج
عفتهم ورحت
جنت افكر انو اكو شي بين مهند وساره لان جان كلش مهتم بيهه