#بارت16
في الصباح
ساره :گعدت سويت ريوگ وبديت اسوي كيك ل حوري ومصطفى لان يجون اليوم
وره شويه گعد احمد
احمد :گعدت ملگيتهه رحت دورت لگيتهه بالمطبخ
رحت حضنتهه وبوستهه
صباح الخير
ساره :صباح الورد
احمد :دوم الكاج بالمطبخ شتسوين
ياريت مبين عليج
ساره :هههه جاي اسوي كيك ل جهالي اليوم يجون
حييل مشتاقتلهم
احمد :اممممم وابو جهالج شتسويله
ساره :ممممم الي يريده
احمد :اكيد ؟!
ساره :ييييي
احمد :تمام
لعد اريد ريوگ ملوكي
ساره :اگعد ولحضات ويكون جاهز
احمد :لالالا الريوگ مالتي 😉😘
ساره :ههههههه خلي اسوي الكيكه اكملهه وبعدين
احمد :اممممم بديت اغار تره
ديري بالج عليه مو بس للجهال
ساره :هههههه هاي شنو بعدهم مااجو
احمد :حتى لو
ساره :زين تعال اتريگ هسه وبس تكمل الكيكه اسويلك الي تريده
حتى شغل معندي اليوم
احمد :مممممم هسه اتفقنه
ساره :هههههه وهذا الريوك
كملنه الريوك والكيكه شبه كملت
بعد شويه
احمد :ماطلعت كيكه
ساره :هههه وليش ضايج اصبر
احمد :اكول حبيبي
ساره :كول
احمد :شرايج نروح العصر لبيت اهلي
امي دايما تسألني عنج وانتي مرحتيلهم ولا مره
وبعدهه نروح ل مريم تشوفيهه ونجيب الجهال ونرجع
ساره :اممممم فكره حلوه
تمام
احمد :فديته اني
راح اتصل ب امي واكوللهه
احمد :اتصلت ب الوالده وگلتلهه وفرحت لان متعرف ساره بس من كلامي
شافتهه مرتين بالعقد وبالخطبه اول مره
فعلا للعصر بدلنه ورحنا
امي حبتهه وبقينه نسولف ونضحك
وره العشا رحنا ع بيت مريم واخذنا الجهال ورجعنه ع البيت
الجهال جانو كلش مشتاقيلهه وهي هم
حتى مريم استغربت منهم شلون يحضنوهه ويبوسوهه
ساره :رحنه لاهل احمد وبعده لاخته
جبنه حوري ومصطفى
جنت حيل مشتاقتلهم
اتونست وي اهل احمد
امه كلش حبابه ووصتني عليه
گلتلي كلش يحبج ف اتحملي
ساعات مايعرف شيسوي
طمنتهه ورجعنه
طبعا الجهال يردوني انام وياهم واحمد ميقبل
بالاخير رحت نيمت الجهال لما نامو رجعت لاحمد
لگيته ضايج
احمد :اول مااجو الجهال نستني
ولا كأنو زوجهه
راحت يمهم وبعدين اجت
ردت ادلل عليهه شويه سويت نفسي زعلان
ساره :شبيك
احمد :مبيه مارحتي لجهالج
ساره :يعني هاي طرده لو شنو
احمد :لا ابدا بس مو انتي مشتاقتلهم
ساره :امممم اوك ع راحتك
تصبح ع خير
عفته ورحت يمهم
بس ابقه اراضي النوب كل يوم يعيدهه
احمد :اشو هاي من صدگ راحت
بقيت شويه عبالي تجي هم مااجت
رحت لگيتهه نايمه يم حوراء
شلتهه وجبتهه لغرفتي
ساره :احمد احمد شتسوي
احمد :اااششششش
هذا مكانج هنا تنامين سمعتي 😡
هاي غرفتج
مو ذيج
فهمتي
ساره :بالاول خفت منه لان حسيته صدك ضايج مو يتشاقه
رأسا غمضت عيوني حيل طبعا هاي الحركه تلقائيا اسويهه من اخاف
احمد :من صيحت غمضت عيونهه حيل
يمكن خافت مني
رحت يمهه بوستهه من خدهه
اسف خوفتج
ساره :شبيك
احمد :اووووف ماادري
ساره :احجيلي شبيك
احمد :لو اعرف ال بيه جان حجيت
مو قصدي اضوجج
ساره :ولايهمك
بس خوفتني عليك
ضايج من شي
احمد :ماادري
ساره هم يجي يوم وتعوفيني
ساره :اااششش كلتلك مستحيييل
احمد :احبج
ساره :😘😘
مرت الايام واحمد وجهاله يتعاركون بالليل 😂
اتفقت وياهم ابقه وي الجهال لما ينامون وبعدين اروح ل غرفتي
خلصت العطله وبدو دوام
زهراء ع وضعهه صارت صف سادس اعدادي
مصطفى صار صف اول متوسط
وحوراء حبيبتي سجلناهه صف اول ابتدائي
طبعا لازم وياهم اول ب اول
ماقصرت بشي
حوراء يوم عن يوم تتعلق بيه اكثر
مصطفى بده يطلع وي احمد ويشوف الناس
بده ياخذ من اطباع ابوه
بس كون مياخذ العصبيه
اني واحمد حياتنه كلش حلوه بوجود الجهال وطبعا زهراء الهه مكان فارغ بينه
بس مجاي تتقبلني
حياتنه حلوه الى ان اجت العطله المشؤومه
احمد :حبيبتي ساره ممقصره وياي
متعرف شلون تراضيني وتراضي الجهال بنفس الوقت
زهراء لحد الان ممتقبلتهه بس صرت اشك بتصرفات زهراء انو ضامه شي علينه
مااعرف شنو هو بس مجاي تحجي
حياتنه طبيعيه الى ان اجت عطله نصف السنه المشؤومه
ياريتهه مجايه
شنو بيهه؟!!
وليش مشؤومه؟!!!!
أنت تقرأ
#بلا_عنوان
ChickLitهل فعلا جمال المضهر اهم من جمال الروح؟! هل اصبح تقييم الناس على اساس الشكل ام ماذا؟!! موضوع قصتنه الجمال جمال الروح والقلب قبل ميكون جمال الجسد يختفي جمال الجسد عند قباحه المضمون
