#بلا_عنوان

#بارت10

#بارت10

ساره :بعد ماخلص اسبوع من وقت ماحاجتني مريم
سألتني وكلتلهه موافقه بس بشرط
يجي يشوفني ويقتنع ياله يخطب مااريد اعيد التجربه مره ثانيه
وفعلا بعد يومين گالت اجه وشافج ومقتنع
ساره :متأكده!!
مريم :اي والله
ساره :وشوكت اجه وشوكت شافني
مريم :تتذكرين الولد الي اجه اول البارحه سأل ع البنيه تقى الي ع اساس ابوهه
ساره :اي !!!!
مريم :اي هو هذا احمد والبنيه اقارب المديره اني رهمتهه وياهه
ساره :اهااااا
مريم :اييي
شرايج باجر نجيكم اني والوالده
ساره :براحتكم هلا بيكم

رجعت انطيت خبر لامي طبعا ماصدگت بس كون تخلص
ثاني يوم اجو مريم وامهه
واتفقو ع كلشي وانو خلال اسبوع ياخذوني
طبعا مطلبت شي نهائيا ومقبلت اسوي حفله ولاشي
مجرد نعقد وخلاص
وفعلا الذهب مريم جابته وحددو الخميس العقد مال الشيخ وعقد المحكمه بده بي ويشوف شوكت الفحص الطبي ونسوي
وجان الموعد الاربعاء قبل عقد المحكمه
وجانت اول مره اشوف احمد
اجه الصبح مر عليه من الدوام اخذني

احمد :اعرفكم بنفسي
اسمي احمد 36 سنه
ضابط
توفت زوجتي بحادث سياره وعندي بنات 2
زهراء صف خامس اعدادي
وحوراء عمرهه 6 سنوات
وعندي ولد اسمه مصطفى صف سادس ابتدائي
بعد وفاه زوجتي ماردت اتزوج لان كلش احبهه بس جهالي تبهذلو كل يوم بمكان
كنت خايف لاتجي وحده وماتحافظ عليهم
تجيني هواي هيج قضايا
ف طلبت من اختي مريم تشوف وحده كون ثقه
كالتلي ع وحده مطلقه وكلتلهه اذا واثقه منهه اخطبيهه
وره فتره كلتلي لازم تشوفهه ياله توافق
احمد :بس اني الشكل ميهني
مريم :اعرف بس هيج شرطهه
احمد :مو غريبه شويه
مريم :لا لان الي كانت متزوجته طلگهه لان معجبه شكلهه
احمد :هههههه صدگ بالله
مريم :اي والله
احمد :لعد هذا شگد مطي
هي كلنا ربنا خلقنه شنو هالتفكير
مو مشكله دبريلي موعد واشوفهه
مريم :باجر تعال للمدرسه انطيك اسم بنيه اسأل عنهه ع اساس بنتك
وهي مدرستهه اني ادبرهه وي المديره
احمد :ماشي خابريني واني اجي
وفعلا رحت گعدت يم المديره اجتني مريم كالت اسمهه ساره
والبنيه هيج اسمهه ع اساس انت ابوهه
شويه اجت بنيه
سمره شكلهه عادي حلو طولهه ضعيفه
المديره :تفضلي ست ساره
الاخ جاي يسأل عن بنته عندج
اسمهه تقى مراد
ساره :اهلا وسهلا
البنيه كلش زينه بس عدهه شويه ثقل بلسانهه
حاولو تخلوهه تقره هواي
احمد :هي تحجي ومتباوعلي شكلهه تستحي
بس هي متعرفني اني احمد
بقيت صافن عليهه
يعني ك دراسه هي شاطره
ساره :اي شاطره وهادئه
بس خلوهه تقره اكثر
يعني جيبولهه قصص مصوره
هاي الاشياء تجذب الاطفال وتخليهم يقرون
واني هم مااقصر وياهه واعتبرهه بنتي
احمد :مشكوره ست تعبناج
ساره :لا هذا واجبي
من رخصتكم
احمد :البنيه من تحجي هادئه وصوتهه حلو
صح ك شكل موحلوه بس مو لدرجه تتطلگ لهالسبب
رجعت انطيت خبر ل مريم اني موافق واستعجلو بالموضوع
همه راحو خطبو واني بديت اجهز ل عقد المحكمه
وصار الموعد الاربعاء ساعه 10 رحت اخذتهه من الدوام
طلعت هي ومريم جانت لابسه نقاب