الشقراء و الجشعة 👱×👩 { باللهجة الجزائرية😍}

💪 بارت8 💪

إحسان : و شكون بدلي حوايجي
جاد : باينة بلي انا علاه كاين غيري
احسان : و..وو.وشنوو
جاد : قتلك انا 😒😒
إحساان : علاش ؟؟؟؟!!!!! شكون عطاك الاذن ؟؟؟ ياخ غمضت عينيك يال....
جاد : يال وااش كملي كملي ؟؟ كون مشي نتي مهبولة و جيتي رقدتي هنا مجيكش الحمى و تمرضي كان لازم نحيلك سينون تموتي 😒
إحسان : نموت بالحمى 🐸🐸🐸🐸
جاد : اسكتي 😑
ممبعد رحت قعدت فوق الطابلة و بديت نعمر قهوة لروحي و كما هو متوقع متقدرش تصبر على كرشها و جات قعدت و بدينا نشربو ....
______________ عند إحسان____________
مممممم شحال بنين كرواصون تع فرنسا كون نقعد ناكل فيه نهار كامل منشبعش 💞 و زيد قدام جاد لي عندو وجه ملائكي يهبل اااه كم الحياة جميلة😍
برك كملنا هو رفد جرنان و قعد يقرا و انا نضت باه ندي الماعن نغسلهم برك بديت تدي نطق و هو يقرا مشافش ميمبا فيا
جاد : خليهم دك تجي الخدامة تفريها
إحسان : وشنوو؟؟؟؟ خدامة؟ والله هادي مليحة نو نو نو داري انا نخملها غير عيطلها و قللها مجيش
جاد : تتمسخري بيا هادي مشي وين كنتي عايشة دقيقة تكملي ياو راكي في فيلا 3 étage
إحسان : قلتلك لا لا
جاد : دبري راصك اصلن كما نتي كما هي نفس المستوى
ااااا نوو هادي منسكتلهاش دك نوريلو شكون انا جيت حا نوض نسمعلو وسخ وذنيهم حتى نسمع واحد يدقدق....
حبط هو يفتح الباب و انا رحت نكمل شغلي لبست الطابلية والله هاد الدار فيها كلش 😍
تقوشي كانو موجدين للزواجوهدا عندهم بزاف راني نخدم حتى نسمع صوت طالون و ريحة البارفان واصلة لهنا حتى نسمعها طالعة وصلت و ياريتها موصلتش ....
كانت سيلين مع جاد و كيلعاد سيلين لابسة لبسة كي نشوفها نخب نتقيا بقرة زيد تعري و مستر جاد فمو مجعد مالفرحة و انا إحسان الرائعة كالعادة مدرتلهمش قااع قيمة 👏 بصح داخل قلبي. كنت حابة نبكي الغيرة قتلتنييي بصح نصبر و نخليها على ربي و خلاص .....
محبيتش ندير اي نشكل شمت و درت نكمل خدمتي جيت حا نشلل الكاس حتى نسمع هديك الخرية تهدر
*الهدرة بلغة الكخواصون *
سيلين : اووه جاااد والله نستعرف بيك مالنهار الاول رديتها تخدم اووه حطااا عالاقل تربح دراهم لأنو خدامات كما هادي ميستاهلوش تخلصهم
ياربييي صبرني يا ربيييي بعدني عالمشاكل ياربييي صبرني و متخلينيش نبات ليوم فالحبس يا ربي هي تهدر و انا ندعي لخطرش كنت حا نطرطق و انا كي نطرطق منوليش نشوف قدامي
جاد : هههههه والله يعجبني تخمامك بب
سيلين : هيهيهي وش مالتخمام هادي الحقيقة... من لبستها باين المستوى تاعها دراري صغار
بدات تهدر هكا و جاية لعندي برك وصلت حطت يدها فوق كتفي مع انا نبان قزمة و هي زوج مترات .. زعما طابست باه تشوف فوجهي بدات تضحك و نحات يدها عليا حكمت مشوارة مسحت يدها و رماتها فوق راسي.....انا لتم خلاااص فاض الصبر تاعي C BON !!! بزاف اسيدي هدرتو ماقلت والو بصح باه تهينوني لااا لااا هادي منقبلهاش
درت ليها طلعت حاجبي و هدرت معاها بنبرة غضب
إحسان : واش تسحقي ؟؟!!!
سيلين : هاهاهاهاهاهاهاها يعمرييي بنتي زعفتي ؟؟ اووو جاد علاه مقلتليش بلي تزعف بلخف اووه خلاص خلاص هاهاهاها ممبعد نشريلك عفايس جدد متبكيش
و لتم صااح موليتش نشوف قدامي زدمت عليها بواحد الكف طيحتها فالارض
ةاد فتح فمو و هي بدات تبكي والله يعني غاضتني ضربتها بزاف بلقوة يدي راي توجعني بصح تستهل ممبعد جاد جا جاي لعندي حتى نشوفها هي ناضت مليح يتحاماولي دك نوريلهم شكون انا .... جات طبعتني بكل قوتها وليت للور حتي نحس حاجة دخلت فظهري
عمري ما حسيت بوجع كيما هاداك الدوخة جاتني شفت النجوم بين عينيا ... من قوة طبعتني بقوة قست ظهري مع البوطاجي مال côté و كان حاد قريب مت مالوجع.....
هادا قاع زاد جا ليا جاد و بدا يعيط
جاد : مشي مربية نتيا!!!!!! متخلفة متحشميش مرباوكش والديك!!!!!!
انا برك سمعت كلمة والديا نسيت كلش تفكرت برك بابا الله يرحمو......
وليت كيل مهبولة صبت كاس تع زجاج كبير و بلا ما نفيق حكمتو و رميتو عليه ... سيلين عيطت و هو حمدالله لي بعد و هداك الكاس تكسر مع الحيط معاباليش فاش كنت نخمم كي رميت عليه هداك الكاس حمدالله لي ماصرا والو
جاد :ااااااااااه حبيتي تقتليني ولا واش!!!!!!!! مهبولة نتي!!!!!!
سيلين : دك نعيط ل la police !!!!!
إحسان : بعد عليااااااااا *بصراخ*
برك قلت هكاك بلعياط قاع واش عندي طرطقت بلبكا الدموع هدوك يعبرو على كلش على شوقي لوالديا و لخاوتي و شوقي لحياتي القديمة لخدمتي لصحاباتي لهبالي و الفرحة تاعي و على الالم تع ظهري و كل واش راه داير فيا جاد .....
هما الزوج برك شافوني هكاك سكتو ... دقيقة برك صبت سيلين هربت تجري راحت اما جاد قعد مبلوكي مدة ممبعد رفد مفاتحو و راح و انا بقيت وحدي فهديك الفيلا وحدي البكا مقدرتش نحبسو رحت نجري للبيت غلقت الباب نحيت التريكو باه ندير كاش حاجة لظهري حا يقتلني بصح برك نحيتو تريكو و نشوف عفسة مكنتش قااااع متوقعتها
التريكو ملور كانت فيه بقعة كبييييرة تع الدم شفت ظهري فالمرايا و نصيب جرح مفتوح قاع و الدم يسيل ..
طحت فلرض طرطقت بلبكا ادا اول نهار هكا يادرة كيفاه زيد يجي جاد اني سور يديرلي حالة لخطرش شفت حالتو كانت مرنكة قاع اااا ربي وش ندييير 😭😭😭
رحت رفدت علبة الاسعافات باه نداوي جرحي حتى ..........
💪💪💪💪💪💪💪💪💪
هالو انها انا مجددا
وش رايكم فالبارت و المسرحية لي صرات 😂 و ردة فعل إحسان
اي انتقادات بناءة باه نحسن الرواية كتر
و وش رايكم فردة فعل إحسان
شكرا