الزوج و الزوجة
مثل اليد و العين
اذا تألمت اليد
بكت العين
و اذا بكت العين
اليد التي سوف تمسح الدموع
لكن حكاية احسان و جاد مختلفة قليلا
تابعو القصة لتعرفو الاحداث
?ملاحظة : القصة سوف تروى باللهجة الجزائرية ?
رحت رفدت علبة الاسعافات باه نداوي جرحي حتى تتفتح لباب و انا كنت نص عريانة حمدالله لي لبست سروال و كنت دايرة درت نجري صبتو جاد واقف مبلوكي حكمت غطا كانت قدامي و عيطت عليه احسان : اووووووووو طير منا مراكش تشوفني نبدل بف هو بلا ميقول حتي كلمة راح يجريو غلقلي لباب انا كملت داويت جرحي و لبست تريكو و خرجت صبتو قاعد سور راه يستنا فيا باه يبخصني اصلا علاه مكملش راح ياخ كان خارج بففف درت روحي مشفتوش لخطرش كنت مقلقة مزالها هدرتو دور في راسي ميحشمش انا كنت جايزة عليه رولو حتي حكمني من يدي و حبسني جاد : وشبيه ظهرك احسان : وش دخلك جاد : منحبش.. احسان : ايه فهمنا متحبش تعاود لهدرة مام انا منحبش نعاودها و اصلا علاه وليت ياخ كنت خارج جاد : انا الحمار لي سقسيتك نحيتلو يدو بلقوة و رحت و خليتو دخلت للكوزينة رفدت هاداك زجاج لي كون غير جا فراس هديك المصفارة مسودة السعد و كملت غسلت لماعن كنت محطمة قاع وش كاين .... ممبعد رحت ديراكت باه نرقدو ميستر مكانش فدار خليه طريق السد بصح معاباليش علاه راه صاري هاد التناقض فقلبي نص يقولي ديري فيه زكارة و هبليه و كرهيلوحياتو و نص يقولي لازم تتقربي منو معاباليش علاه كل مانشوف هاديك المصفارة قلبي يوجعني و جيني غيرة نحب نروح نعنقو و منطلقوش قاع اه يا ربي عاوني قبل ما نرقد صليت و قريت شوية قرآن و رقدت ...... رقدت كاش زوج سوايع ولا حتى نسمع صوت الباب تفتح نضت هكاك مكنتشفة صبتو جاد دخل درت روحي مشفتوش رحت نغسل وجهي جا مورايا جاد : كاين حفلة ليوم فليل داروها موظفين لي يخدمو عندي و شركائي فالشغل باه يباركولي على زواجي لازم تجي إحسان : و لوكان منحبش نجي جاد : جي بسيف عليك إحسان : كاين ماكلة جاد : باينة -_- احسان : كون قلت ملول... ايه نجي برك قتلو راح و خلاني ميرسي استخسرها فيا كلب بغل هو برك راح انا طرت نجري فرغت قااع الكابات و لماكياج لي عندي باه نخير وش نلبس 😎 بعد بحث طويل لقيت وش نلبس و خيرت لماكياج لي نديرو هاهاها 😈 لعشية نوريلو لجاد وش ضيع .... كنت قاعدة حتى دخل عليا كي العسكر مدقدقش ميمبا الحلوف جاد : نص ساعة و تكوني واجدة إحسان : في أحلامك 😇 جاد : منحب..... إحسان : عبالي بلي متحبش تعاود هدرتك خلاص روح دة نوجد روحي نضت نجري بديت نلبس لبست هكا 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
درت ماكياج سامبل بزاف هكا 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
