الزوج و الزوجة
مثل اليد و العين
اذا تألمت اليد
بكت العين
و اذا بكت العين
اليد التي سوف تمسح الدموع
لكن حكاية احسان و جاد مختلفة قليلا
تابعو القصة لتعرفو الاحداث
?ملاحظة : القصة سوف تروى باللهجة الجزائرية ?
جيت داير مولي للدار حتى نسمع صوت ميساجات فتحت تلفوني نجري و شفت وش مكونتش متوقع قاع ......... عمري ما ضنيت يجي نهار و نشوف وش راني نشوف دكا ... هاد الشي نساني فكلشي نساني حتى اسمي ... كان فيديو فيه احسان بواحد الطلة عمري ما تخيلت نشوفها بيها انا راجلها و جامي شفتها هكا
(احسان كانت لابسة هكا )
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و كانت فملهى ليلي و زيد بين احضان زوج رجال و وش من رجال واحد فيهم قد باباها كون مزال عايش و دايرة حالة بشطيح معاهم و تعيط و تغني و لي تصيبو فطريقها تترمي فحضنو كانت اكثر من عاهرة و زيد كانت باينة بلي ميتة بلفرحة قاعد غير نعاود فيه للدك منيش مصدق بلي هادي احسان ... مستحيل مستحييييل احسان اللي تموت على حجابها و متخلي حد يشوفها بلا بيه احسان الملايكة لي تصلي كل صلاة في وقتها و خاطيها الخرجات من و من يا ربييي عاوني ادا كان هادا كوشمار لازم نوض فأسرع وقت قبل ما ندير جريمة يا نكون مقتول يا نكون قاتل .... وش هاد احسان تشرب .. احسان فالبار تتودد لاي راجل يجي فطريقها و معرية قاع هكا ...
فيديو فيه دقيقة وحدة برك خربطلي راسي حيرني حياتي حسيتها تقلبت حسيت شرفي راح ... للدك منيش مستوعب وش راه صاري قاعد نعاود و نجرب نستوعب وش هاد حتى يوصلني ميساج من عند احسان
الميساج يقول : (( ههههه يالكلب واقيل حسبتلك نحبك و نخاف منك و معباليش واش ههههه غير روح شوف حياتك يا الجايح جاي زعما تهددني ياو اقتلهم ول افعد مدخلنيش انا راني رحت مع لي يستهلني مشي مع واحد مش كيما نتا يعتمد على والديه فكلش يخي (( جايح كي نتفكر بلي قعدت معاك فدار وحدة نحب نروح نعاشر رجال الدنيا قاع بلاك يروح قرفك مني ايا بااااااااااااااي
قاعد ندرب روحي و نقرص فروحي بلاك راني نحلم كيفاه تصرا هادي كيفاه .... نضت نضحك بأعلي صوت عندي ههه عندها الحق كي قالت بهلول واله هههههههههههههههههههههه انا كلب و بهلول و جايح ههههههه قالك حب قال
الحب مكاش منها ههههههه من بكري نكره نوع تع هاد البنات ايه نكرها نكرها .. وش راني نهترف ... قالك نحبها قال هههههههههههههههههه ياربي وش راني ندير ...
حسيت روحي مخنوق خرجت مطونوبيل و تالمون كنت مقلق عطيتها بكوتبيي كسرت الزجاج قاع ....
افضل حاجة قادر نديرها دكا نولي لدار نشوف وش راه صاري.... هاودت ركبت و ديماريت و مع كل ثانية يجيني وجها البريء قدامي حتى تعاود جي هاديك الصورة تاعها و هي تشطح قدامي .. الطريق بانتلي عوام و عوام ..
