مسحت نصو الله الله رديتها تشعل مبقاليش بزاف قاعدة نمسح حتى فجاة جاني لهبال وجاتني وحد لغنية فراسي و تشوفو احسان الخارقة ناضت تغني و تشطح معباليش وش خداني دقيقة صبت روحي رميت التشليق و حبطت مالسلوم و نضت نعيط و نشطح و حرك من و من و عيط و نضت نزغرت اا سي بون ليوم نخرج قاع واش عندي و حكمت لفروطوار و نضت نشطح بيه ممبعد تفرت وش صرا لبارح جاني لبكا بصح هكاك و محبستش لغنا (تقريبا كيما الفيديو لي راه ملفوق ) والله نليق نروح ل دا فويس ولا اراب ايدوب والله نربح و ندي مصيرفة شابة اووه انتيك *راي تكدب صوتها مزعج* لمهم كنت نبكي و فنفس لوقت ميتة بضحك و فنفس لوقت نشطح و نتمرغ فلرض و فنفس لوقت نغني و نعيط ... قتلكم انا خارقة مامنتونيش حتى ندور و ياليتني مت قبل هادي اللحظة
صبت جاد واقف كان بلا تريكو و لابس غير شورط شعرو مخرب و عينيه منفخين و كان فاتح فمه مشوكي مسكين.....فهديك اللحظة لي تمنيت نموت انشقي ايتها الارض و ابلعيني بقينا مدة نخزرو فبعضنا بشوك و انا كنت مزلت شايدة الفروطوار و فهاداك الاحراج قاع و زدت حليت فمي
احسان : وش راك دير هنا
جاد :معليه هادي داري و كنت راقد ؟؟
احسان : كنت راقد
جاد : وي قبل ما تبداي العرض تاعك
ياربي صافيك شاف كلش ياربي علاه معنديش الزهر حانموتتتتت و لبروبلام كون غير كوف روحو نو حرقني ديراكتا اااااااه لما الحياة قاسية جدا لازم نسيي كيش نفري لحالة سينون نروح فيها ملحشمة قاع حياتي زعما بديت نمشي و دايرة ضحكة تع براءة في وجهي
احسان : هيهيهي كنت نخمل فالدار و مكانش عبالي بلي راك راقد هيهيهي حسبتلي خرجت ايه و ....
كنت نمشي هكاك حتى وصلت قريب لعندو و حتى نحس روحي راح نزلق ياخاااااااااا نسيت بلي الارض راي معمرة بالصابون و لما
احسان : يااااااااااااااااااااااااااااااااااااااااااااا
حمدالله كان كاين فوتاي قدامي طحت فوقه ياربي علاه زهري هكا علاه منهار وليت معا هادا جاد حياتي ترنكت هو مسكين كان مشوكي من هاد المسرحية لي درتها زيد هادي سي بون ليوم تخلاص عليا مال نهار نحس و مزال مكملتش تخمال لكن بعد هادا قاع تفكرت حاجة
و لي هي وش راني لابسة..... عبالي بلي راجلي و نورمال بصح مشي مداصرين بعضنا و كيما عبالكم مزوجين فلورق برك ... نضت نجري للبيت دك يقول هبلت سور غلقت الباب بدلت حوايجي لبست بيجاما نورمال طويلة و عاودت خرجت صبتو مزالو واقف هكاك يخزر فلرض بحسرة للحظة غاضني والله رحت عندو
احسان : القهوة تاعك راي فلكوزينة واجدة معليه تبعد تخليني نكمل شغلي :)
هو مسكين سكت و راح ديراكت و انا كملت شغلي ........
أنت تقرأ
الشقراء و الجشعة 👱×👩 { باللهجة الجزائرية😍}
Romanceالزوج و الزوجة مثل اليد و العين اذا تألمت اليد بكت العين و اذا بكت العين اليد التي سوف تمسح الدموع لكن حكاية احسان و جاد مختلفة قليلا تابعو القصة لتعرفو الاحداث ?ملاحظة : القصة سوف تروى باللهجة الجزائرية ?
