الزوج و الزوجة
مثل اليد و العين
اذا تألمت اليد
بكت العين
و اذا بكت العين
اليد التي سوف تمسح الدموع
لكن حكاية احسان و جاد مختلفة قليلا
تابعو القصة لتعرفو الاحداث
?ملاحظة : القصة سوف تروى باللهجة الجزائرية ?
بففف مين خرجتلي هاد الحفلة مشي وقتها قاع و زيد لازم نديها معايا عبالي راح تبهدلني بتبهليل ديالها و زيد سيلين راح تكون لتم عبالي معيجبهاش لحال بفففف نخلوها على ربي و خلاص
كي رحت باش نقوللها بيان سور ماشي تقول ايه ديراكت لازم تخشن راسها كيلعادةو تزمر بصح والله مام ون مقبلتش نيها بسيف عليها مشي هي لي تكسر كلامي و تهدبني و هادا نهار الاول برك مزال ليامات نربيها مليح .....
رحت درت شوية و فريت شوية عفايس و عاودت وليت للدار باه نديها و نروحو و كيلعادة النساء قاع كيف كيف لازم يضربو زوج سوايع باه يكملو يوجدو روحهم مع انو خليتلها عشية كاملة بصح مزال مكملتش .... خلاصت عليا نستنا قدام الباب
هي برك خرجت انا قلبي قريب خرج مبلاصتو ليها كانت بزااااااااف شابة ستايلها يهههبل هي اصلا حتى كي تكون مكنتشفة و تكون شابة تبلوكيت فبلاصتي الهدرة تلفتلي بصح فدقيقة نسيت كلش و جاني فراسي الرجال لي راح يكونو فالحفلة كيش راح يكحلو عليها حتى يشبعو سورتو هما ميراطيوش يزيدو يشوفو ملاك كيما احسان والله يهبلو ااا بففف معاباليش علاه راه يجيني هاد الاحساس تع الغيرة مراني حاب حتى واحد يشوفها من غيري كون نصيب خبيها عليهم قاع مفقتش علي روحي حتى نضت عيطت عليها با ه تلبس لبسة وحدوخرة بصح كيلعادة تفاجئني بالقوة تاعها و تيباس الراس معاباليش كيش متخفش مني فالخدمة يترعدو مني خزرة ميقدروش يخزروها فيا و جي هادي ديرلي هاكا
بعد نقاش طويل محبيتش نكثر هدرة معاها باين بلي مراحش تقبل زيد رانا روطار كون مشي حفل مهم والله متخرج منا .....
برك وصلنا للحفة كما توقعت قاع العينين عليا و عليها و خاااصة عليها قاع خلعو فيها مكنوش قاع متوقعينها هكا ياو راني عارف قاع تفكيرهم كيفاه و عباليقاع بلي رام يحكو عليا و على سيلين تان لانو قاع عبالهم بلي نحبها لمهم برك دخلت شفت سيلين ارتحت و راحلي الزعاف تع هاديك رحت ديراكت ليها خلي نشوف ردة فعل تاعها لازن نحطمها دايمن رحت عن سيلين سلمت عليها بصح كانت لابسة لبسة معجبتنيش قاع اصلا هي هادا هو المشكل الوحيد فيها لبستها داايمن عريانة مي وش ندير هي تربات هكاك اصلا هنا حاجة عادية تلبس هكا .... لمهم كنت نستنا احسان تتقهر بصح لا لااااا مدارتليش قاع قيمة يانهار تقتلني هاد الطفلة بالبرود تاعها راحت ترهج كلي ما صرا واللللوو عبالي كون يخيروها بين اي حاجة و لمالكة تخير لماكلة
لمهم انا كنت قاعد مع سيلين و هي ترهج حتى كفاو قاع الظواوي و حنا مالفين حفلات هكا دايمن يديروها باه لي كوبل ينوضو يشطحو زعما يديرو الرومنسية و انا كنت داير فراسي بلي تعرف هاديك بصح تفاجات كي شعلت الضو و صبتها بهاديك الوضعية و معامن تان مع هاداك السامط تع الطيارة اااه يا ربي اعطيني الصبر هاديك الدقيقة حبيت نقتلوو نشرب من دمو كيفاش يتجرا يتوشي مرتي كيفاش و زيد هي قعدت هكاك مشي تنوض الزبل طلعلي لراس واقيل حسبتلو انا مشي راجل و لي يجي يتوشي مرتي ليوم متفراش مفقتش علي روحي كيش زدمت عليها و ديتها لبرا مع لول كنت ناوي نهدر معاها برك بصح هي كي خشنت راسها خلاص مقدرتش نشد روحي كتر لازم نطلع معاها المستوىتع اللعب لانو كيما سييت باه نصبر مكاش خلاص دك نوريلها الوجه الحقيقي تاعي و الصارم .... صح درت لي كاين فراسي بصح ندمت لخطرش الطفلة تشوكات مي والله مدخلني لازم اصلا هي مرتي ندير معاها وش نحب ... كي ولينا للصالة انا رحت عند سيلين ممبعد جات عندي ديراكت و حبت المقاتح تع الطونوبيل يادرة وش راح دير واقيل هبلت هادي سور زعما راح تجرب تسوق باه تولي للدار ولا دير كاش هدة مشي مليحة باين عليها... مي خلي نشوفو وش تقدر دير مديتلها لمفتاح ستنيت كاش 10 دقايق و خرجت .... بصح برك خرجت لقيتها طايحة فلرض تبكي غاضتني بزاااااف بصح احساس كان يقولي خليها هكاك على العمايل تاعها ... مبعد دخلت للطونوبيل انا كنت نستنا ديماري ولا دير كاش حاجة ستنيت ستنيت ما صرا والو صافيك قررت نروح نشوف ... برك رحت صبتها راقدة كي الملاك و الدموع مزالو على خدودها غاضتني كتر و كتر
والله هاد الطفلة مصيبة و تبليت بيها دخلت للطونوبيلالمهبولة خلاتها مفتوحة مغلقتهاش ميمبا درتلها حزام الامن و ديماريت للدار والله بالناقص من ها دالحفلة غير المشاكل... وصلنا للدار محبيتش نوضها رفدتها و حطيتها فالفراش نحيتلها الخيمار برك محبيتش ديرلي كيما الصباح و انا رحت لبيتي ......
______________ عند احسان____________
نضت الصباح جوايه السبعة صبت روحي راقدة بحوايجي مفهمت والو ممبعد تفكرت قاع وش صرا لبارح المورال حبطلي ممبعد قررت منقلقش روحي بزاف حاجة متستاهل حبطت نقعرج وش راه صاري ملقيت حتى واحد فالدار مهبول هادة يخرج عالسبعة تع صباح عاودت كلعت لبيتي بدات هادوك لحوايج لبست بيجامتي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كنت وحدي هيهي صبت رايي فللبسة اصلا وش دخلني نلبس وش نحب ياخ راجلي ... لمهم اليوم نشالله تخمل قاع هاد الدار و نديرلها حملة تنظيف لخطرش راي كارتة عظمى نضت بديت نمسح و نغسل الصابون فكل بلاصة و الماء شلال فالارض لازم نردها تشعل شعيل ممبعد شفت بلي كاين الغبار فالخزانة ملفوق و انا منحملش الغبار صافيك نضت جبت السلوم و حطيتو و طلعت كي البطل الخارق و بديت نمسح مسحت نصو الله الله رديتها تشعل مبقاليش بزاف قاعدة نمسح حتى .......................
*************************************************
احسان : يااااااااااااااااااااااااااااااااااااااا
<3 <3 <3 <3 <3 <3 <3 <3 <3
hellooooo <3
awal 7aja mrc bcpp lga3 lbnat li 9raw riwaya ou ram yda3mouni ray wslet +1000 fre7t bzf wlh
ou tani 7aja sem7ouli bzzzzzf i'm so sorry i know rani nebta bch n7eet parts ms wlh l9raya halktni
