..خلاص ترنكت هما يضاربو و نساوني بلي راني هنا قاعدة واقفة فهاديك المهزلة حتى نحس الدنيا دور بيا و كلشي ولا كحل حتى نحس روحي تخبطت فلرض .................
_______________ عند جاد _____________
سيلين غلطت بزاف كي بعتت احسان تشري و انا غلطت كتر كي خليتها و زيد كانت بزاف شابة نشالله برك متلقاش كاش واحد فطريق ..... تقلقت بزاااااااف و هي بطات قاعد غير نستنا فيها حتي جات عندي سيلين
سيلين : اووه جاد شوف وش صبت عندها
جاد : واش ؟؟؟
و جبدت صندوق متوشط الحجم مكتوب فيه
best moments of my life *افضل اوقات حياتي *
جاد : وين صبتيه
سيلين : هيهيهي باينة في بيتها
جاد : كنتي تخربي في بيتها : ؟
سيلين : وي
جاد : علاااااش *بصراخ*
سيلين : ااه وشبييك جااد ؟؟ *ببكاء* واقيل وليت تحبها .. وش درت ياخ قلبت برك في بيتها
جاد : و شكون عطاك الحق هادي داري متنسااااايش و هاديك مرتي معندكش الحق تقلبيلها فهمتيييي !!!!!!
قلقتني سيلين بزاف بهاد الحاجة لي دارتها و اول مرة نعيط عليها هكا ملقيتش فيمن نخرج زعافي ... لتم سيلين راحت دخلت للبيت و غلقتها و انا قعدت وحدي مقلق تخربطولي قاع المشاعر تاعي بصح المهم دكا هديك تولي .... دخلت لبيتي قعدت و فتحت هاداك الصندوق صبت فيه فلاش ديسك و البوم ... الفضول قتلني باه نعرف واش فيه ....
فتحت هداك الالبومصبت تصاورها و ني صغيرة مع خاوتها و مع راجل كبير راني متاكد بلي باباها بصح كل ما نشوفو يجيني مألوف كتر و كتر راني حاس بلي شفتو مقبل ..... معليه خلينا ... كاين معمرة تصاور ملي كانت صغيرة حتى كبرت تصاورها مع صحابتها فاعياد ميلادها و معمرة ... هههه ملي هي صغيرة و هي شابة ... كي كملت رحت للفلاش ديسك درتو فالبيسي و صبت 3 ملفات بديت بلول لي. كان مكتوب فيه
With my friend مع أصدقائي
و صبت واحد الفيديوهات وليت نبكي مضحك ياربيي هادي مشي نورمال اول عبد يضحكني لهاد الدرجة ..... تشوفو في فيديو كي كانو هي و صحاباتها برا يغنو و هما قاع حشمانين غير هي تتخبط وحدها و تعيط و الناس تخزر و فوحدوخرا كانو بايتين كيف كيف و بداو يتمهبلو و بزاااف عفايس ... هادي بلاصتها فسبيطار مهابل
و الملف الثاني مكتوب فيها
مع عائلتي with my family
فيه فيديوهات يهبلوووو تاعها هي و خاوتها و يماها عندهم اوقات تهبببل كل عام يديرو عيد ميلادات تاعهم و خرجاتهم و الضحك تاعهم و سهراتهم فالمولود العيديو كلش
عائلة تاعها يحلمو بيها الملايين منهم انا ... جامي حسيت انو عندي اب ولا ام دايمن وحدي... بعد ما شفت الفيديوهات حسيت بالدنب لخطرش هددتها بيهم انا صح هددتها بيهم و راني متبعهم بصح عمري ولا رح نفد وش قلتلها ممزال موصلتش بيا لهاد الحد ... و تان قلبي و عقلي و كلش ميسمحوليش باه ندمر عائلة كيما هادي
أنت تقرأ
الشقراء و الجشعة 👱×👩 { باللهجة الجزائرية😍}
Romanceالزوج و الزوجة مثل اليد و العين اذا تألمت اليد بكت العين و اذا بكت العين اليد التي سوف تمسح الدموع لكن حكاية احسان و جاد مختلفة قليلا تابعو القصة لتعرفو الاحداث ?ملاحظة : القصة سوف تروى باللهجة الجزائرية ?
