حكمت يدو و نحيتهالو بلقوة و خرجت و خبطت الباب بقوة .... منكدبش عليكم كنت نستنا يتبعني بصح والو كي العادة بارد انا برك لحمارة لي حبيتو قاعدة نمشي و بسيف و نبكي بصوت نهشق فتحت البورطاي جيت رايحة حتى صبت امين جاي ملبعيد حبست .... فرحت كي شفتو حسيت بلي خويا جا قاعدة نتبسم بالم بسمة تع موت قبل ما يوصل عندي دارت بيا الدنيا و جاتني الدوخة و طحت فالارض و وجه امين هي اخر حاجة شفتها ....
___________________________
_____________عند أمين _____________
من هاداك نهار لي شفت هاديك لمرا خارجة من دار احسان و راجلها و انا غير نخمم وعلاه راي لتم ... بلاك راي تخدع في راجل جاد كيما دارتلي ليا ... محبيتش نتسرع قلت حتى يبان كلش باه نشوف وش ندير الايام الاولى قعدت نورمال و كنت دايمن مع احسان نقصرو ولينا بزاف قراب مع انو عبالي بلي تحسبني ي خوها بصح قلبي و منقدرش نتحكم فيه ولات بزاف تعجبني وتقدرو تقولو بديت نحبها فيها شيء ماتلقايه عند حتى طفلة .... لمهم كي جازت سمانة و انا نتبع قدام دار احسان شفا بلي ما تتسماش تقريبا دايمن لتم و تقدر تقول عايشة معاهم .... ظني كان صحيح هي بالدات لي راي مع راجل احسان صح نحب احسان بصح قلبها راه مع جاد و لازم نبدا خدمتي ... ايه نسيت نقللكم بلي انا محامي و معروف بصح مشي باسمي الحقيقي منحبش ندير الشهرة لروحي ....
انا عبالي بلي بابات سيلين اكبر تاجر مخدرات و هو لي راه مفسد فرنسا قاع و لتم بجيت نخدم و نحوس عالدلائل و قاع وش كان عندي مقبل جمعتو لازم نديه للحبس بيه ببنتو لي يبيع فيها كل يوم و هي فرحانة ..... جوزت دوك ليايمات قاع ما نرقد مليح و ما ناكل مليح غير نحوس و نبحت و بعد ما كملت كلشي كان لازم نعرف الصفقة لي راح يديرها وشنو هي باه نفضحو معاها ديراكت .... و كان لازم نروح بعيد على باريس *وين تسكن احسان و بلا بلا* صافيك رحت و قعدت غير نحوس باه نصيب كاش خيك ويا لوكان اشارة وحدة برك ....
بصح كيلعادة منكمل مهمة حتى ندي لي نحب ... وليت لباريس و برك وصلت جيت حا نعيط لاحسان باه نقللها نتلاقاو صبتو طافي اييه هاد ليامات قاع نسيت بلي عندي تلفون ... شعلتو صبت كتر من 30 اتصال من احسن و لمشكل قاع فتفس نهار و لوقت حسيت بلي حاجة صرات ركبت طونوبيل و رحت نجري ليها .....بصح برك وصلت صبت الطفلة برا و بلا حجاب و مش لابسة سباط و ووجهها حبة قارص تقول شي زومبي راه يمشي و تكركر روحها بسيف بديت نجري ليها برك شافتني ضحكتلي ضحكة قسمتلي قلبي لالف قطعة قبل ما نوصل ليها طاحت فالارض و تصرعت حسيت .... مقدرت نخمم على اي حاجة رح جيتها ديراكت لسبيطار ياربي وش راه صاري ياربي عاوني.... وصلنا بسرعة البرق دخلوها الاطباء يجرو و انا قعدت مقلق قريب كسرت وش كاين فهاداك سبيطار علاه مسكينة متستاهلش هاد الشي الملاك ملازمش يصرالو هكا.... بعد ساعتين خرج الطبيب
امين : طمني دوكتور وشبيها
الطبيب : حالتها كانت خطرة بصح رانا سلكناها كانت قادرة تموت كون تأخرتو شوية برك
أنت تقرأ
الشقراء و الجشعة 👱×👩 { باللهجة الجزائرية😍}
Romanceالزوج و الزوجة مثل اليد و العين اذا تألمت اليد بكت العين و اذا بكت العين اليد التي سوف تمسح الدموع لكن حكاية احسان و جاد مختلفة قليلا تابعو القصة لتعرفو الاحداث ?ملاحظة : القصة سوف تروى باللهجة الجزائرية ?
