الشقراء و الجشعة 👱×👩 { باللهجة الجزائرية😍}

👼 بارت 19 👼

إحسان : بصح امين منيش حابة نقول لجاد و كيفاش ولدي ولا بنتي رح يجي للدنيا بلا اب

أمين : احسان فكري مليح قبل متاخدي اي قرار .... و متنسايش راني واقف معاك فأي خطوة تاخديها

احسان : ميرسي

امين : ههه مش بيناتنا... ايا باي انا نروح نخليك تريحي

برك راح أمين احسان رقدت ... و امين راح يقضي الماكلة عبالو بلي احسان تاكل بزاف و خاصة راهي حامل ههه ادا ملقاتش ماكلة تاكلو هو نورمال ههه

وصلت الستة تع العشية راح جابها و راحو للدار

برك دخلو

احسان : امين ارني اتخدت قرار

امين : و وش هو

احسان : انا دك مرنيش حابة نقولو لجاد منيش حابة قاع نفتح الماضي و ولادي انا نربيهم و نكون ليهم الاب و الام

امين : ممم هادا قرارك و معنديش حق نتدخل فيه و نعاودهالك رح نكون معاك

..... زادو قعدو شوية قصرو و طلعت احسان لدارها

و مع الايام أمين كان يتحول بالشوية الى العجوز المجنونة لي نعامل المرأة الححامل كي الاطفال الصغار ولا ميخليش احسان تروح تقرا معاه و كلش بصح احسان تروح بسيف عليه و دايمن تجرب تفهمو بلي راهي مليحة و مزال لوفت ... مينداك كانت احسان تتفكر جاتد و تقول فراسها نروح نقولو حرام تخبي عليه بصح يعاود يجيها احساس الكره باتجاهو ... و احسان مولاتش تبكي بزاف مع انو راي حزينة فقلبها و مع مرور الايام ولات تخمم في و ابنها و كيفاش حيصرا بصح كانت فرحانة هي اصلا تحب الاطفال من بكري

كانو الاشهر يجوزو و احسان كانت تضعف بشوية و أمين كان يتقلق عليها كتر و كتر لانو كانت حالتها بزاف ضعيفة بصح هو تان تعدب معاها خطرات كانت تروح ليه عالتلاتة تع الصباح و تقولو روح اشريلي هادي و هادي اييه الوحم وش يدير ... كانت تتمنا بزاف تعيش هاد الشي مع جاد بصح وش دير هاد هو القدر.... وتان مكانتش حابة تعرف جنس مولودها كانت حابة تخليها لهداك النهر باه دير السوسبانس زعما ههههه

احسان هي مثال للمرأة القوية و لي تتحمل قاع الصعاب... جسمها كان يعاني و مع حالتها النفسية كانت حزينة بصح هكاك اتحملت و محبستش قرايتها صح مرات مكانتش تروح بصح كانت تقرا فالدار و ماستسلمتش .... هاد الشي زاد كبر حبها في قلب أمين هو راجل و كان متاكد انو ميقدرش يتحمل وش راهي متحملة..... بصح مكانش كاين غير الحزن كانت كل ما تحس البيبي يضربها لكرشها تبدا تعيط ملفرحة و تولي كي الطفلة الصغيرة ....

*بعد مرور 08 اشهر*

جوايه الوحدة كان امين هداك وين رجع مالمركز دخل للدارحط دوزانو و طلع عند احسان يشوف كا شما تسحق...