الزوج و الزوجة
مثل اليد و العين
اذا تألمت اليد
بكت العين
و اذا بكت العين
اليد التي سوف تمسح الدموع
لكن حكاية احسان و جاد مختلفة قليلا
تابعو القصة لتعرفو الاحداث
?ملاحظة : القصة سوف تروى باللهجة الجزائرية ?
نضت عينيا منفخين ملبكا الكحل قاع طايح كنت نخوف رحت غسلت وجهي و لبست بيجامتي و خرجت الحمدالله ليوم الجمعة منخدمش اصلا منيش قادرة دخلت للصالون لقيت ماما قاعدة سعاد : صباح الخير يا لالة دك لي ينوضو الناس إحسان : علاش؟ سعاد : راي الثلاثة تع لعشية إحسان : وشنو ؟؟؟ صحح؟؟؟ ياخ خليتولي حقي تع الفطووور ؟؟؟؟؟ سعاد : يخي طفلة يخي راح تتزوجي و مزالك هكا هيا برك جبدت الزواج عينيا تعمرو بدموع و حبطت راسي جيت رايحة حتي حكمتني ماما سعاد : وشبيك؟ إحسان : لا والو ماما سعاد : علاه دايمن تخبي حزنك و دموعك علينا ... خلاص ارواحي ريحي و ايا نقصرو شدتني من يدي و قعدتني قدامها و بدات تديرلي استجواب سعاد : قولي الصح علاش كنتي رح تبكي ؟ مكيش قابلة بهاد الزواج ؟ إحسان : والله لالا يا ماما سعاد : يمال علاه راكي حزينة إحسان : انا حزينة ؟ ههههه وشبيك ماما تعرفيني نحزن ؟ سعاد : شوفي يابنتي والله متخافي محتى شي صح راح تبعدي علينا بصح كاين تلفون و الحالة تطورت فدقيقة تعيطيلي و نعيطلك و نشالله مراح يخصك والو مع جاد إحسان : نشالله فيها خير و بما انو نتي قبلتي انا قابلة عبالي بلي نتي تعرفي مصلحتي اكتر مني سعاد : يخليك ليا يابنتي إحسان : 😃😃😃 ايا دك خليني نروح ناكل جعت سعاد : ايه ايه روحي و كي تكملي نبداو نخملو الدنيا و توجدي روحك لعشية يجي جاد مع عائلتو يتعشاو عندنا رحت و كرشي توجع فيا مالقلق و فنفس الوقت الفضول باش نشرف هادا جاد كيش داير ... رحت للكوزينة صبت شهاب قاعد يرهج كي الملهوف إحسان : يا وجه الشر نوووض كليت كلش . شهاب : ايا طيري راني كبير عليك إحسان : قتلك نووووووض !!! شهاب : واقيل كي رح تتزوجي جسبتلك خلاص كبرتي و تقدري تتحكمي فينا كي شفتو بدا يخلط رحت و خليتو لانو كون نكمل معاه متفراش اليوم رحت لبيتي و بديت التجهيزات لازم نكون شابة ليوم و العفسة المليحة مخدمتش قاع شغل خليت مارية و ماما يستكلفو بكلشي بحكم انا العروسة و لازم نوجد روحي هيهيهي 😆 ملابس إحسان
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
........ كنت قاعدة و مقلقة فصالون و ماما و مارية رايحين جايين يوجدو و شهاب يهبل فيا كيلعاد باش يزيد يقلقني كتر حتى نسمعو لاصونات قلبي حبس جاتني لادياري طلعتلي لاطونسيون و السكر جاتني الدوخة طلعت نجري لبيتي و بديت نقرعج بنص عين شهاب فتح الباب و يدخلو إحسان : بفففف شحال طويل بسلامتو وجهو و مقدرتش نشوفو قررت الاستسلام و دخلت قتعدة نشوف فروحي و كلش حتي تجي ماما عندي زعما باش تعيطلي شافتني خايفة شدتلي يدي باه تشجعني تقوشي حا نحارب 😂 و دخلنا للصالون و لتم كانت المفاجأة هداك البهلول وجه الشر لي قريب ما قتلني و زاد طبعني راه هنا .... اه استناو دقيقة .... ياخااااااه هدا لي راح نتزوجو علي حساب الشوفة نندب دك وش ندير جيت راح نبدا نبخص لانو مزال مبردتش مالمرة لي فاتت حتي يضحك معايا و ياااليتو مضحكش قلبي رجع يفرفر من جمال ديك الضحكة جاد : سلام إحسانو ياخااه قالي إحسانو واقيل نسا بلي رانا en famille نندب بالفرشيطة هدوك زوج كلمات لسيييف باش خرجو وليت طوماطيشة ملحشمة إحسان : هه..هه...ه..سلام 😆 و رما يدو باش يخمس معايا انا لتم خلاص تلفتلي قاع حتي قرصتني ماريا باه فقت و رميت يدي ممبعد قعدنا قع كيف كيف و بداو يشكرو و انا رح ننفاجر نعيمة : خموووووس عليك بنتي تهبلي أحمد : تبارك الله عليك ابنتي إحسان : ه ههه يعطيكم الصحة 💟 سعاد : والله يا نعيمة وليدكم سبع ماشاء الله جاد : يسلمك خالتي سعاد : ههه قولي يما مشي خلتي جاد : ههه اوكي يما انا كنت حا نطرطق خلاص كي شفتو زاد فضولي كتر و كتر كيفاش هادا عندو انفصام شخصية مرة لي فاتت كان كي لوحش و دك راه ملاك .... بعد الحديث العائلي قررنا نوضو نتعشاو رحنا للطابلة و كانت معمرررة بالمواكل الله الله كرشي بدات تعيط جيت حا نبدا الهجوم الساحق حتي تخزر فيا ماما بنظرة موت تع كون تبهدلينا تموتي علي يدي فهمت روحي بكل روح رياضيةو قعدت نخزر برك فلماكلة زعما حشمت و انا نستنا برك وقتاه يروحو باش نبدا هجومي .... ممبعد زعما كليت بللعقل و شوية برك 😭 كي كملنا ناضت ماما و دارتلي الهدة لي كنت خايفة منها سعاد : بنتي حنا نروحو نخلوك وحدك مع جاد باش تتعارفو و هنا جاني احساس لي جاني قبل ما نجوز لباك و بالاك كتر شهاب و بابات جاد خرجو ماما و نعيمة راحو للصالون و البقرة مارية طارت لبيتها 👏البحر من ورائي و جاد من امامي فأين المفر يا ترى 👏 بصح شدت حاجة اهتمامي و هي انو برك راحو السيد تبدلو ملامحو كان يضحك و كلش و دك راه بملامح باااردة و بكل برود قالي جاد: رح نقعدو هنا -_-؟ إحسان : ااه نو ..... نروحو لبيتي؟ جاد : اوك ممبعد رحنا لبيتي حمدالله لي رتبتها دخلنا هو مخزرش قاع فيا منكدبش داقتلي والله مجربش حتي يهدر معايا حتي نسمع تلفونو يصوني رد عليه و ................ اومايقاد 👏👏👏👏👏👏👏👏 شكرااا بزاااف للناس لي عجبتهم لحكاية و رام يتبعوها والله نتو لي تطلعولي لمورال لمهم متنساوش تقولولي كل انتقاداتكم باش نحسن روحي
