سلمت عليهم و قعدت حتي تبدا ماما تهدر
سعاد : بنتي إحسان عبالك بلي نتي و خاوتك كلشي بالنسبة ليا و نتي بنتي راه عمرك 25 سنة دكا و الله يبارك قريتي و نجحتي فحياتك الحمدالله و دك جا الوقت باش تتزوجي عبالي هاد الخبر راح يصدمك و لكن السيدة نعيمة و السيد أحمد اليوم جاو طلبو يدك ليوم لوليدهم جاد و انا مقدرتش نرفض بالتاكيد لانو هاد الشي فمصلحتك جاد ولد صالح و عبالي رح يعيشك كي الاميرة...نعرف انو منهار مات ابوك انا نقدرتش نوفرلكم قاع وش تستحقو و راني مقصرة فحقكم علي هادي لي قررت هاد شي انو فمصلحتك لانو انا نحبلك الخير يابنتي
كلام ماما كان كي السيف يطعن فيا حسيتو كي الرصاص يحتل قلبي كيفاش هادي بين ليلة و ليلة نولي مخطوبة لواحد منعرفوش اصلا انا لي كنت نحلم نعيش قصة حب كيما الافلام مع فارس احلامي تكون نهايتي زواج بشخص عمري لا شفتو هديك دقيقة كنت نتمنى يكون هاد شي حلم و دك نفيق منو و نسمع يما تسب فيا كيلعادة لكن مشي اي شي نتمناوه يتحقق و لازم نقبل بقدري و مكتوبي فعسى ان تكرهو شيئا و هو خير لكم و ماما ضحات باش عيشتنا و انا منقدرش نرفضلها هاد الطلب و نفضل الموت علي الرفض فقبلت مع انو كنت محطمة كليا
إحسان : ايه قابلة ماما
ناضت عديك المرا مع راجلها سلمو عليا و باركولي
نعيمة : ميروك عليك بنتي
احمد : مبروك عليك بنتي نوعدك انو ولدنا رح يكون فالمستوى و يعيشك كي الاميرات
إحسان : ههه نشالله يعطيكم الصحة
ممبعد انا استغربت جاو يخطبو و مجابوش وليدهم معاهم كنت حايرة قاعدة نحوس عليه بعينيا حتي نطقت امو
نعيمة : اييه بنتي عبالي راكي حايرة كي مجاشوليدنا جاد والله راه مشغوول بزاف و هو مهبول علي شغلو
إحسان : اه معليش معليش .... بصح وش حكاية فرنسا معليش تفهموني
سعاد : اييه صح نسيتها ... يا بنتي جاد يسكن ففرنسا و كل عملو و حياتو لتم و بما انو رح تتزوجو لازم تروحي معاه تعيشو لتم
إحسان : بصح.....
قبل ما نكمل هدرتي حبستني هديك لمرا
نعيمة : عبالي جيك صعيبة شوي مع الاول بصح توالفي زيد كي تسافرو لتم مش يلزم تخدمي ولا لانو متوفر كلش
إحسان : اهه اوك معليش فيها خير نشالله.... انا نروح نبدل حوايجي ادا تسمحولي
سعاد : اييه السماح بنتي روحي
خلاص نقدرتش نزيد نتصنع الابتسامة و الفرح قلبي رح ينفاجر كيفاش هادي نخلي بلادي لي حياتي كاملة فيها و خدمتي و خاوتي و يما صحاباتي كلش كيفااش رح نقدر نتخلي عليهم و نتزوج بواحد منعرف تفكيرو كيفاه منعرف لا رح نتفاهم معاه رحت مباشرة لبيتي سكرت الباب و طحت فالارض طرطقت بلبكا نحيت خيماري مقدرتش اصلا نبدل حوايجي رحت تمددت في فراشي و قاعدة نبكي حتى رقدت .......
👏👏👏👏👏👏👏👏👏👏👏
أنت تقرأ
الشقراء و الجشعة 👱×👩 { باللهجة الجزائرية😍}
Romanceالزوج و الزوجة مثل اليد و العين اذا تألمت اليد بكت العين و اذا بكت العين اليد التي سوف تمسح الدموع لكن حكاية احسان و جاد مختلفة قليلا تابعو القصة لتعرفو الاحداث ?ملاحظة : القصة سوف تروى باللهجة الجزائرية ?
