احسان : بصح نتا دايمن تسمع غير ليها جامي جيت تحوس الحكاية من جهتي باه تحكم هادا مشي عدل
جاد : هههههههههههههههههههههههههههههههه متضحكينيش قالك العدل ... مناش فالمحكمة و هادي داري رايي لي يجوز
احسان : وانا قتلك رايك ما يجوزش؟؟
لتماك هاديك سيلين كي شافت بلي الحالة قراصت بدات تعيط و تبكي و طاحت فلرض
سيلين : اااااااااااااي جاااد راو يوجع الجرح اااي
منكدبش عليكم جاني الضحك ديك الدقيقة كانت تبان بهلولة شحال نكره بنات هكا نحسهم عاهرات معباليش وش دارت لجاد باه رجع يحبها هكا ني نشم ريحة السحور داخل فالوسط خخخخ .... برك شافها جاد هكاك رفدها و دار ليا خزر فيا واحد الخزرة تع موت
جاد : عندك الزهر ليوم كي راي مريضة سلكتي بصح غدوة الصباح نكملو و تشوفي ادا مكسرتلكش الراس اليابس تاعك
جا رايح و قبل ما يخرج ملبيت
جاد : ايه و من ليوم سيلين تولي تعيشي معايا ههه و كيما قلتي لمرة لي فاتت منسحقوش خدامة لخطرش عندنا وحد ة
و راحو و انا قعدت كيلعادة وحدي فلبيت هاديك نحسها جحيم مشي بيت نقعد فيها وحدي مع انو مزوجة و زيد فداار كبيرة كيما هادي دايمن نموت بالخوف فيها 😥😥
هادي اول مرة نحس فيها بلي جاد راه صح زعفان و راح تخلاص عليا مال زيد لالة رح تعيش معنا هي قبل ما تعيش معانا كانو دايرين حالة بلهدرة فتلفون و سكايب قدامي دك يادرة وش حايصرا ياررببيي عاوني و على عكس الليالي لي فاتو هاد ليلة مجوزتهاش نبكي جوزتها نصلي و ندعي لربي يحلي هاد المشكلة و هاد الموقف لي راني فيه 😭😭
..........
بعد نوم قصيرة جدا جوايه الستة تع صباح الباب تاعي تتخبط يا نهار تتكسر و نسمع صوت طالون مشي غريب عليا دقيقة و نحس قرعة ماء باردة تدفقت على وجهي
إحسان : يااااااااااااااااااااااا خرا عليك وشبيييك هبلللتي !!!!!
سيلين : هههه علاه مشي هادي هي الطريقة لي نوضو بيها الخدامين ؟؟؟
انا قعدت ساكتة ماني فاهمة والو وش جاها مع صباح ربي هادي هبلت ولا جاها حمار الليل الشتة تع صباح ناس راقدين و هي لابسة و موجدة روحها تقول عندها عرس زيد جاية لعندي راي حابة نتفلها شعرها واقيل
سيلين : هههه بون مدابيك تنوضي دك طيبي لقهوة و تبداي تخملي لحالة قبل ما يطلعلي الزعاف
تهدر و مع كل كلمة تتبسم تبسيمة صفرة لاه تغزلني
إحسان : منوضش 😁😁 منيش خدامتك 😁😁
راني شايدة عالشعرة تزيد كلمة نخبطها ...... بصح انا برك قلت هكاك جات عندي حكمتني مطرف تع تريكو و طبعتني طحت فالارض
إحسان : نوضييي !!!!! متزيديش تناقشي سيادك نقلك نوضي تنوضي و تسكتي!!!!!!!!
اااا نو فرغت لما معليه ... هانتني بهدرتها معليه اسيدي .... لسقتلي فراجلي قلنا معليه بصح باه تغلط و ترمي يدها عليا نوو هادي منقبلهاش
نضت و كان قدامي كرسي صغير تع حطب رفدتو و جيت رايحة ليها كنت ناوية ليوم نرتاكب جريمةانا كي نتقلق منرجع نعرف حتي حد
طلعت هداك لكرسي و جيت حا نخبطو على راسها حتى نشوف جاد قدامي و مزير على يدي و هديك لخزرة تع الموت مزالها فعينيه تقول راه حاب يقتلني
أنت تقرأ
الشقراء و الجشعة 👱×👩 { باللهجة الجزائرية😍}
Romantikالزوج و الزوجة مثل اليد و العين اذا تألمت اليد بكت العين و اذا بكت العين اليد التي سوف تمسح الدموع لكن حكاية احسان و جاد مختلفة قليلا تابعو القصة لتعرفو الاحداث ?ملاحظة : القصة سوف تروى باللهجة الجزائرية ?
