هما هكاك حتى يدخل عليهم واحد لابس كوستيم حطا و رافد في يدو لابتوب و وراقي
*جاد : واش جاب جدك لهنا *بصراخ
امين : سلام عليكم سيد احمد
احمد : وعليكم سلام شكون نتا
جاد : شكون عطاك الادن باه تدخل للهنا
امين : بلاك رح تندم على هاد الهدرة ممبعد
لتماك جاد طلعلو الزبل للراس لخطرش هو اصلا كان زعفان زاد جاه في راسو امني مع احسان مفاقش على روحو حتى زدم على أمين شدو من حوايجو و بدا يعيط
جاد : يا الرخيص وش درت قاع و مزال تجي تقابل فيا
حتى يدخل بيناتهم باباه
أحمد : حبسو *بصراخ* راكو حايبين تطلعولي لاطونسيون دك تريحو و تحكولي وش راه صاري
امين : هههه عمي انا معندي منحكيلك جيت باه نوريلك
جاد : متوريش
*أحمد :و نتا وشبيييك *بصراخ
أمين : ههه راه خايف يعرف الحق
أحمد : اي حق
أمين : الحقيقة تع وش صرا مع احسان و الانسة سيلين
جاد : و نتا وش دخلك في مرتي و واش صرا معاها اصلا وش دخلك فحياتي
جاد كان يهدر بلعياط و يخبط
أمين : ههه متنساش بلي مولاتش مرتك ياخ راح تتزوج سيلين ولا نسيت
جاد ولا يغلي عمرو ما تقلق كيما هاد لمرة كان راح يقتلو حتى ينطق باباه
أجمد : اسكتوووووووووو و نتا اجري وريلنا وش عندك خير ما نعيط للامن يطيروك منا همنا يكفينا
حتى حط امين قاع هدوك الوراقي و بدا يوريلهم التصاور و قاع الدلائل لي يورو بلي بابات سيلين هو لي يدخل المخدرات قاع للبلاد و مشي غير هادا يتاجر بلبنات القاصرات و قاتل بزاف عباد ابرياء من قبل و الشركة لي راه مشتارك بيها مع جاد قاع مسروقة و مشي هو لي تعب عليها و اصلا دايرها برك باه يبين بلي هو شخص مليح يعني يخدم سمعة مليحة لروحو و هو خاربها و كل مرة يجو يحكموهم الشرطة دايمن يسبقهم بخطوة و يهرب روحو..... و هاد قاع سيلين مشتاركة فيه اصلا هي اليد اليمنى تع باباها و زاد حكالهم بلي هو تان خدعاتو ..... قعد غير يهدر و يوريلهم و هما ساكتين مالخلعة خاصة جاد
و كي كمل فتح اللاب تاعو و دخل فيه فلاش ديسك و ورالهم تسجيلات الكميرا لي قدام دار جاد
أمين : هه ايه يا جاد هكا تتعلم تتسرع حتى لكامرة لي درتها نتا و نسيتها
جاد مقدرش يردلو قعد غير يخزر فيه
أمين : هه معليه راني فاهمك
أنت تقرأ
الشقراء و الجشعة 👱×👩 { باللهجة الجزائرية😍}
Storie d'amoreالزوج و الزوجة مثل اليد و العين اذا تألمت اليد بكت العين و اذا بكت العين اليد التي سوف تمسح الدموع لكن حكاية احسان و جاد مختلفة قليلا تابعو القصة لتعرفو الاحداث ?ملاحظة : القصة سوف تروى باللهجة الجزائرية ?
