ظهرت ابتسامه مستغربة في وش هزاع : متابعك ؟ انا برضو المتابعك ؟
بخصوص انك جارية وراي من قبيل وبقيت انا المتابعك ؟
رفع ليها تلفونها وكان شاشتو مدشدشة حته حته 😭.
_ شوفي تهورك عمل شنو في التلفون ؟
_ انت عايز مني شنو يا هزاع ؟
عاين ليها لي ثواني قبل م يقول : فلة ؟ انتي بالبساطه دي نسيتي اي شي ؟
عيونها اتملت دموع : اي نسيت وم عايزة اتذكر خالص وكوني قدرت نسيتك دا انجاز بالنسبة م تحاول تخليني ارجع ليك تاني لانو دا مستحيل ؟
_ لا مستحيل تحت اشعة الشمس .
_ لو سمحت امشي من هنا انا م عايزاك امششششي ..... ولا اقول ليك م تمشي انت انا الحامشي واسيب المكان كلو .
مسكها من يدها تاني ورجعها لي ورا شوية : ثواني .... فلة جاوبي انتي سبتيني عشان قلتي بقيت م مهتم بيك صح ؟ اي انا بعترف بي اني انا هنا كنت غلطان وكان مفروض اديك اكثر من كدا ... غلطان والغلط ماليني من ساسي لي راسي لكن دا م سبب تنهي بيهو حب استمر سبعو سنوات يا فلة .... حب بدا من م كنا لسا م اتجاوزنا حتى ١٨ سنه ... فلة انا خنتك ؟؟؟ عرفت واحدة عليك ؟ عشان تسيبني ؟ لا دا م حصل والشيطان دخل بيناتنا ... والله يا فلة بحبك والحب البحبك ليهو لو وزعوه على الكون كلو بيكفي وبيفيض انا م عايز شي من الدنيا دي غيرك ورب الكعبة 💜... م عايز اي شي ضحكتك براها كفيلة بي انها تغير مزاجي ... اسمك براهو بيخلي قلبي يضرب ... لو قلت ليك انو مستحمل فراقك بكون كذااااااب والله باقي لي حار لو دا عقاب لي فخلاص كفاية عقاب .... عشان انا اتعلمت الدرس الكنتي عايزة تعلميني ليهو 💔... فلة عليك الله كفاية .... كفاية كدا خلينا نرجع لي بعض واوعدك وعد رجال والله العظيم م ازعلك مني تاني .... وم اخلي دمعه وااااحدة منك تنزل ... سامحيني يا خاطري واعفي لي ... اذيتك ووجعتك بس خلاص كفاية .... عليك الله خلينا ننسى الفات دا كلللو ونبدا صفحة جديدة انا وانتي ؟
ظهرت ابتسامه سخيفة في وشها : خلاص انتهيت ؟ خلصت كلامك ؟؟؟؟ باختصار طلب رجوعك لي مرفوووووووض وم حرجع ليك مهما تقول ومهما تسوي .
هزاع باستغراب : القسوة دي جاتك من وين يا فلة ؟
_ انت العلمتني ليها ... انت الخليتها تتولد وتكبر جواي وشكرا ليك
هزاع : ............ ( 💔)
فلة : و بخصوص حبنا وم ادراك ... فشنو احنا اصلا لمن حبينا بعض كنا شفع م واعيين واهو في النهاية خصل الصح وكل واحد فينا مشا في طريق .
_ دا الصح في نظرك ؟
_ ايون .... ودا الكان مفروض يحصل من زمااااان 😉
_ انا م قادر اصدق انو دي انتي .... مستحيل تكوني دي انتي.... فلة ... البنت الحبيتها وعشقتها عشق .
أنت تقرأ
ثانوية المراهقين (جميع الأجزاء)
Teen Fiction📝 بقلم: لينا عامر لدينا احلام كبيرة مع اننا نملك القليل...الحياة بالنسبة لنا لون وردي وقد تتعكر بقليل من الاسود...العناد قاسم مشترك بيننا...بداخلنا ضجيج وصخب الام واحزان ولكن من الصعب التعبير عنها...لذلك احيانا نكتفي بالسكوت...او نعبر عنها بتصر...
