السـابع...
#بعد_منتصف_الليل
الشـوق ڪسرني وأنا يابـس الـراس
لـو الجفـا رجـال ڪسـرت خشمهہ
بقلمي #نشــــوى_السٌــلطاني ...❤️
💬ابو جراح طلعت بالسيارة افتر ضايج والدنية طالعه من عيني دخلت لفرع بيت عمي ...
وشغلت. قصيدة ... .. جثير اثرت بيه بقيت اللوم بنفسي .. هسه
اني ليش هيج سويت حرير ما تطلع منها الشينة
حرير.. اصيلة.. شنون هيج قهرتها.. شنوون
خليتها تزعل.. اللي يومين موشايفها جنهن سنين
لا ماتستاهل اللي سويتة اوووف حرير گلبي يوجعني عليج والله💔 لو بس تبطلين تعاندين
لفت السيارة واخذت محمد وطلعت...
💬محمد.. هااااااه ابو جراح مهموووم تعبوك الغوووالي هااه...
💬 ابو جراح... يومين والله هدت حيلي واريد اسافر ومحتار شنون تركتها شنون هذا عزيز
گلبي مو مرتاحلة... لازم ابعدو عنها والا يشوف شي ماشايفو بحياتو قسم بالله اذا اگطعو
مايبرد گلبي هالنذل هذا.. خسسسيس كله
بسببه شجابو بطريقي
محمد.. ااااي حقك خوية احس بيك نار الهوى حراگة.. اسأل مجررب.. بس ياخوي انت كبرتها
تره حرير صغيرة لا تخليها تكرهك تحبها تغار عليه حگك بس لا تأذيها تره الحرمة بكلمتين
تنسى وانت ماتقصر اعرفك روح عليها رضيها
ابو جراح.. وين اني غير لو اشووفها ولك هين ناااار وشابة بضلوعي عليها بس ماكو
مادشوفها اليوم سمعت امي تكول حرير
رايحة البيت عمها ومبطلة من المدرسة
💬محمد... لااااا ابو جراح ليش هيج خطية
كسرت بگلبها مامقبولة منك والله خليتها
تعوف مدرستها.. بسببك حرام عليك
البنت شنو ذبنها اذا هو خطبها ليش
تصير اناني ماتفكر بس بنفسك اليوم
تحاجيها لا تره والله ازعل عليك لاتصير مثلي
راكب راسك ... العناد زتـو على صفحة وابدي
بصفحة جديدة حرير اصيلة..لا تضيع بنت عمك من ايدك.. اسمع كلام اخيك
💬ابو جراح ولك هية بِـيت عمي لا تزودها عليه
انت تعرف احنا وعمي فواز ما نتحاجة ..
وين الكااهه .. افتر راسي فر اريد بس المحهها
💬حرير.. نزلت من غرفتي شفت عمي لابس ايدريد يطلع وحرمة عمي كاعدة تلف. كبة رحت
على عمي ضايجة اريد بس اطلع سألتو
عم وين راح تـروح... ...؟
العم فواز.. ها بنيتي الغالية تريدين شي اجيبلج وياية.. رايح للشغل..
حرير... ريتك طيب ان شاءالله .. عبالي امر على اهلي ماشفت ابوية واجيب ملابس اللي محتاجتهم...
العم فراز.. اي بنتي مخولة انتي بكيفج بس
لا تبطين( تتأخرين) هناك وتخلينا وحدنا..
💬حرير... لا ان شاءالله ارجع .. توصلني وياك لو مستعجل..
💬العم فواز.. لا راح اروح خلي عمتج توصلج ماشي يله اني اتوكل..
💬حرير.. طلع اريد اسد باب المطبخ شفت السويج عالماونتر صحت اكف عمي نسيت السويج ركضت وراه
💬العم فواز... اووو والله مو ضال بال شنون نسيتك جيبي بنتي
انطيته السويج وكفت بالباب شفتها راح اريد
افوت اسد الباب شفت سيارة جتي من بعيد
يمكن هذا ابو جراح.. ختلت وراه الباب انتضرت
السيارة تجي جاي.. حتى اركز منو بيها..
بس حزتـها دگات گلبي مااتنعد.. معقولة هو
تقربت السيارة مديت راسي
ابو جراح.. وصلت محمد لبييتهم تقصدت
فتت من فرع عمي فواز كلت عسى ولعل تطلع
والمحها .. شفت الباب مفتوح عمي شغل السيارة وطلع.. خففت السرعة.. وتقربت جدام الباب
شفت حرير.. مدت راسها.. وردت فاتت جوة اوووويلي ول يااااب شمشتالج يبعد العمر
شغلت اغنية وكفت جدام الباب وعليت المسجل
🎤🎤🎤
تعال ولا تخلي الروح مجروحة وتشمت اعداي
ابهاي الناس بوصالك واكولن رد الية هواي
تعال هواك مرمرنة ياللجيتك عيد النا..
💬حرير.. يمةةة بالحضة وحدة نسسسسيت كلشي سمعتو شغل الاغنية من شافني حسيتو
يصقدني بيها.. نزل الجام وحط عينة بعيني
سويت نفسي ضايجة زعلانة خزرتو بعيني
لان هو اذاني بكلامة.. بس شسوي الگلبي
لا وجمالة يشغلي تعال .. انت اللي تعال يبعد حرير واهلها وناسها يبعد جدامي جدامك
يمةةة گلبي
💬ابو جراح.. شفت عيونها اللي يسبن عرب بحالها شفتها جن واحد بتالي رووح وردت اله
روحـة ابتسمت الها اويلي عيونج ريتج بعدهن كلهن يبعد ابو جراح وعماموو.. ولـ ياب اموت عليها سلبت عقلي هالبنت ❤️
💬حرير... ليش هيج يدحج علية ويبتسم شبي
مجنوون لو يريد يجنني شنوون بية اني
راح يموتني هالزلمة.. فتحت الباب شفتو
راح ويمشي بطيئ وصل الاخر الفرع.. وصوت الاغنية عاالي ... اوويلي😍
طيبت على عمتي .. كتلها عمه راح اروح
للبيت وبعدين ارجع لبست ولفيت حجابي زين
وطلعت للشارع.. دحجت يمنى ويسرة
ماااكو ابو جراح اختفى.. مشيت
وحدي.. بالفرع كل مااسمع صوت سيارة
ترد روحي انتضر ويطلع مو هو وصلت
بيتنا فتحت الباب وطبيت.. لكيت خالة حدهن
غاسلة الخواتي الصغار وكاعدة يم الصوبة
تمشط بشعرهن.. دنجت عليها بوستها عجل ابوية وين ..شو ماكو..
💬حدهن.. .. ابوج مايكعد موتعرفي مر عليه دحام اخذه وراح..
💬حرير.. من كالت دحام.. اتذكرت اختة اللي تحب ابو جرراح.. ضجت.. وهذا شعندو جاي شيريدد
💬حدهن موتدرين بي كبل يجي هو وابوج ربع
💬حرير... اي ليش لا ربع المهم اكو ماي حار لو خلص عبالي اغسل..
💬حدهن.. لا غسلت الخواتج.. اجليها غسلتج
💬حرير.. خابرتني عبير باجر جوز تجي تمر عليه
نروح البيت جدي انشوف امي..
حدهن ... اي يمة بكيفجن روحي شكو بيها
حرير.. طبيت الغرفتي زديـت ملابسي تبرمت
وبديت انضف باللبيت... طبيت المطبخ نضفتة
كملتة رحت للهول لكيت خالة حدهن تخابر لملمت الهول بين ماسدت التلفون.. اكول خالة شو ماكو
سهام وينها...
حدهن.. راحت البيت خالتها دزو عليها وشفتها
وحدها ضايجة كتلها روحي...
حرير... يعني تبات لو ترجع...
حدهن... والله جوز تبات ماتصور يخلوها تطلع
حرير.. فرح ماخابرت عليه..!
حدهن... اي نسيت اكلج امنتني بس ترجع كوليلها تخابرني...
حرير.. اي عرفت راح تسال عليه .. خلي اكمل شغلي واخابرها...
ابو جراح.. شفتها بس ماكدرت ابقى بالشارع
خفت احد يشوفنا وتجيها سالفة لفت ورحت للبيت لازم اليوم الكة حل اشوفها گبل ماسافر
فرح ... جنت اكوي بملابس ابو جراح.. شفتو
نزل من السيارة وفات يغني .. ومزاجو يبين
فرحان .. ممممم لو بس ادري شبي منو ماخذ
عقولو معقول هاي اللي تحبو...
ابو جراح... كملتي الملابس..
فرح... مابقى شي واكمل
ابو جراح... علكيهن من تكملين وسويلي جاي
فرح... ماشي هسه...
ابو جراح... دخلت للهول مدري شبيه احس مضيع شي .. اكوم واكعد وافتر بالبيت مشتاك الها مشتاك العنادها.. لخشمها العالي لروحها
الحلووة شنون زعلتها اني. اووف حبيته حـبٍ على وضح النقى مبداه
حبٍ عفيفٍ في وسط جوفي كتمته.
.بهالحجي دك التلفون... تمشيت ورحت جاوبت.. مدري ليش احساسي يكول هي اللي متصلة... بلهفة وشووووگ كلت
💬الو...: 🎧
💬حرير... سمعت صوته سكت... خفت احجي بقيت محتاره اسدة لا مااادري
💬ابو جراح... موكلنا الووو..
💬حرير... الوو فرح موجودة...
💬ابو جراح.. يبعد حسي حسها .. كتلها اشوف ماكو سلام كبل سالتي على فرح..
💬حرير.. هي موجودة لو لا..
💬ابو جراح... زعلانة مني...
💬حرير... اسأل نفسك اول شي .. شسويت المهم اذا هي ماموجودة اخابر بعدين لان كالولي هي سأله عليه ..
ابو جراح... كلها تسأل عليج.. ليش بس هية
💬حرير.. نعم.. ؟؟؟؟
💬ابو جراح.. ماكو شي اكول وين انتي هسه
💬حرير.. ليش يهمك هالشي..؟
💬ابو جراح.. طبعا بنت عمي ولازم اسأل عليها لو شتكولين انتي..
حرير... اذا هذا الهامك اني رجعت وبيت اهلي ممكن تنطيني فرح..
💬ابو جراح... ااااخ عصبية اعصابج ول ياااب معصبة اليوم.. هسه انطيج فرح... بس لا اتضوجين..
💬حرير... كوووة كاتمة الضحة مسوية نفسي عصبيه واني ميييييييتة شوووووك ميتة علية
والله روووحي ردت من سمعتوو..
💬ابو جراح... بس فرح دتكوي ملابسي لان راح اسافر وتخلصون مني..
حرير.. گلبي غيم حصرة احس بنص صدري صارت هم راح يروح شهر شهرين مايرجع اني
شيصبرني اوووف.. كتلو اهاا توصل بالسلامة ابن عمي..
عجل اخابرها غير وكت..
ابو جراح.. الله يسلمج.. اشوفج مزعوجة..
حرير.. لا عادي ماكو شي.. يله بعدين اخابرها
ابو جراح.. لا كملت هسه انطيج اياهه
فرح.. جة ابو جراح جنت داعلك بالملابس شايل التلفون كال تريدج حرير... علكت الملابس
اخذت التلفون.. ورحت ركض طبيت الغرفتي..
💬ابو جراح... طبيت غسلت.. وبقيت افكر واتذكر شنون حاجتني ابرود ولا اهتمت.. اي حكها اكيد كرهتني اني قهرتها زايد..
فرح... يووولي حقيرة انتي تدرين بيه اشتاكلح
شنون انطاج گلبح ماتخابرين علية..
حرير.. فرح جنت مقهورة من اخوج وسوالفة
شفتي شلون حاجانة واريد افهمة مايسمع مني
صدك قهدني والله ولا اهتميت للمدرسة بكد
ما جرحني كلامة .. يعرفني اني مو من هالنوع
شنون يشك بية صددمني والله يومين متت انسليت مدري مدرستي مدري اخوج تعالي شوفي حالي تلفت بسببة
فرح.. ولج ابو جراح حسيتو متندم لو تشوفي
كبل ضايج وعصبي ويصيح والله
حرير.. يمعودة هو ياساعة موعصبي اخوج كبل هيج المهم تجين اليوم مشتاكتلج..
فرح .. اكول الابو جراح اذا قبل اجي
حرير.. اهووو هم ابو جراح .. عوفي يمعودة
ماراح يخليج.. اعرفة
فرح ... دخلي اكله موخسرانين شي واذا قبل
بالليل اجي لان عندي شغل..
حرير.. عود انطيني خبر.. سديت التلفون طبيت غسلت وتعطرت كافي مبهذلة نفسي بسبب ابو
جراح وهو ياريت مهتم راح يسافر ويعوفني للضيم.. وحدي.. لبست كلابية ورفعت شعري
عالي خليت بعيوني كحل لان اعشق الكحلة مثل جدتي ههه .. وجثير تلولك الي.. وكفت عالمراية
طالعه اخبل.. اوو منو ابو جراح خاطر اقهر نفسي بسببو خل اعيش حياتي صارت الدنيا
لليل تعشينا نضفت المطبخ امي وابوية متابعين
مسلسل مدبلج خواتي الصغار نايمات..
بقيت افتر فرح ماردتلي خبر جوز ماتجي فتحت
شعري ضوجني جان عالي.. طلعت فراكةة كعدت بالمطبخ اكل.. وحدي..
ابو جراح.. للبست دشداشتي ولفيت اليشمغ الدنيا باردة لبست سترتي وتعطرت اليوم اشوفهااا لو تكف كل الدنيا بعيني مااتحمل بعد
فرح.. ابو جرااح.. تريد تطلع...
ابو جراح.... خيررررر..؟
فرح .. عبالي اروح وياك لبيت عمي توصلني
ابو جراح.. باجر مو اليوم... اوديج
فرح .. بس حرير تنتضرني..
ابو جراح.. كلت بااااجر
فرح... ماشي خوية بكيفك..
ابو جراح.. كل عقلها تريد اتروح هو اني اللي اريد اشووفة وگلبي نار عليها..
حرير... تأخر الوكت اي ماتجي فرح .. ابوية وخالتي راحو للغرفة ناموو عبالك دجاج من وكت نامو هفففف اني بقيت وحدي
شغلت التلفيون وبقيت اتفرج فلم اجنبي
شكلو رعب كلو قتل 😨 بقيت كاعدة واتلفت وراية... متت خوف.. بس من الملل بقيت اتفرج
ابو جراح.. طلعت بالسيارة.. جانت الدنية تمطر والشوارع طين بس مطر خفيف.. شغلت موال
وعنت حرير براسي... شخطت السيارة سريع وطلعت البيت عمي.. فتحت الباب ونزلت تمشيت
بالطرمة هدوء ماكو احد لا خل ارجع شجابتي بالليل عيب.. لا مابيها شي بيت عمي ومشتاك
ماكدر بعد خاف اسافر واعوفها مقهورة..
دكيت الباب... بدون تردد ماضل صبر ..
💬حرير.. التلفزيون صوته عالي بس حسيت الباب اندك خليت البطانية على راسي ..
وجسمي يرجف من الخوف من هين فلم يخوف والنوب اندك الباب.. طلعت امشي على كيفي وكفت باب المطبخ صحت بصوت يرجف منووو عالباب..
💬ابو جراح.. اباوع عليها لافة روحها بالبطانية متت ضحك عرفتها خايفة.. صحت اني يولو افتحي الباب..
💬حرير. منو انت علي صوتك...
💬ابو جراح.. لا اله الا الله شبيج يولي ابو جراح اني..
💬حرير... كلمة ابو جراح صارت تررررن بأذاني اني بحلم بعلم شجابو.. انتبهت على نفسي اني بالبطانية وشعري مكفشش ..😰😱 شنون راح اطلع هيج لازم الم شعري
يتبع
