الٌثـامن عشـر..
#بعد_منتصف_الليل
#راح اروح... #بس ثــق #بالله.. #بعدك ابقــى #جســـد وبلايـة روح 💔
بقلمي #نشــــوى_السٌــلطاني ...❤️
ابو قاسم... فتحت الباب وطلعت اريد اشوف المن ينطوها....
حرير،.. مدام الكل جوة خل انهزززم محد يردي بيه... بس وين ارووووح ... صفنت اي خل اروح
البيت عمي ابو جراح خووش حل....
حدهن.... وييينج ادري شجرالج الناس تسأل عليج اطلعي عاد
حرير... خاله حدهن ابوس ايدج والله.. بس خلصيني ماريدة ماريد اتزوووج
حدهن... عزززة عليج ولج شنوون ماتريدي الناس كاعدين هين شنكلهم فضحتينا
حرير... طلعي حجة عذر كليلهم مريضه تريد تدرس اي شي بس خلصيني بداعة كل عزيز
على گلبج.، والله دااموووت عمي فواز يريد يجبرني كوة واني اخاف منه...
حدهن... شلون بلووووة هاي... امشي هسه فوتي شوفي واطلعي...
حرير... ويييين مافوووت...
حدهن... امشششي اكلج.... لا تكبريها
حرير... كضبتني من ايدي ودخلتنب للربعه...
اول مافتت صار جدام عيوني دنجت راسي
سلمت السلام عليكم
الجميع .. وعليكم السلام...
حرير... كعدت بصف ابويه.. ماتحملت دقيقة وكمت...
حدهن.. وين رايحة..؟. ج
حرير... مارديت فتحت الباب وطلعت حتى ماتبهت على خلقته زين... طبيت المطبخ وجت وراية خاله حدهن...
جابر... صفنت عليها وبكلبي كلت ماشاءالله شلون جمال شلون عيون سبحان الله... صدك هاي اللي ياخذها امة داعيتله...
حدهن... ووووين وليتي ولج...
حرير.. شفت واحد عبر من جدام الباب بقيت صافنة اريد اشوف منو..
قاسم... وصلت شفت سيارة غريبه طابكة بالباب فتحت الباب البرة وطبيت شفت باب الربعه مفتوح صديت عالمطبخ.. شفت حرير وياهه حرمة عمي واكفات... دفعت باب المطبخ وطبيت
حرير.... ابوووو قاسم...؟
حدهن... بسم الله جان دك الباب والله اخذت حيلي خفت...شبيك
ابو قاسم.... منو ذوله الهينة صدك جايين يخطبون حرير...!
حدهن .. اي يمة يردوها...
ابو قاسم... هي مو مخطوبة شنون هالحجي احنا مو گضبناهه الابو جراح... شنو جهال ودانلعب موعيييييب عليكم
حدهن... يمةةة نصي صوتك الناس هين الله يرضى عليك...
ابو قاسم ... كليلهم خل يطلعون ماعدنا نسوووان
حرير... يمةة يمة گلبي حسيته ابو جراح وجة ينهي عليه گلبي طار من الفرحة...
حدهن... عززة والله عيب ... استحي اكول
حرمة فواز... خيررر شكوو صوتكم يمعودين ابووو قاسم ...؟ شجابك
ابو قاسم...كوليلهم خل يطلعووون بسررعه لا اهججهم ... والله ...
حرمة فواز ... وعمك شنووون والله اخاف منه
ابو قاسم... وخررررن الحجي مايفيد خل افوت اني،.،
حدهن... يايمة عييييييب ارجع خوية مايصيررر
حرير... عوووفي خاله عوفي الحمدلله اكو من وكف ويايه....
ابو قاسم... شعدكم جاايين هين..؟
فواز... ابووو قاسم شتريد... جاي هين
ابو قاسم،،. جيت انهي هالمهزززلة ...
فواز... وكفت الحيلي .. امشي اطلع بره
ابو قاسم... ماطلع اني بنت عمي ماننطيهااا
جابر... شنو السالفه ياجمااااعة...
فواز.. اكعد جابر هسه افهمك اني.. امشي ولي انت لا تضل هييينة
ابو قاسم... والله ماطلع اذا ماخربها كلها...
فرح... دك التلفون طلعت اركض جاوبت بلكي هاي حرير... الووو
ابو جراح... الووو فررررح الووو تسمعيني
فرح... ابووو جراااح اي اسمعك الووو خرب انكطع الخط..
شذى... عززة خطية مايدري بالخطوبة اكيد
فرح... لا شمدري... مايدري...
شذى.. خاف ايدك النووب شنوون...
جابر.. اني ارتخص حلوها واجي غير وكت..
فواز... اكف جابر وين رايح... ،..
ابو عبير،.. اكف ابني لا تحجي هالحجي. جدام الضيف مايصير...
ابو قاسم... الله وياك سد الباب وراك
فواز... انجب يله ولي عاد لا تسولف بكيفك
جابر،.. استأذن اني... مع السلامة
حرير...بقيت وراه الباب اسمع اني وحرمة عمي وحدهن ماكدرت تصبر فتحت الباب وراحت يمهم
حرمة فواز... انفجعتي يولي هذا هججج الزلمة
حرير... يمةةةةة عمتي والله قالب ثلج وبنص صدري نزل مومصدكة...
فواز... امشششششي ولي اضرب من ابوك ... تشترون المشكلة مشتررة اطلع بره ماريد اشوف خلقتك هيين،..
ابو قاسم... اي اطلع اني ماريد ابقى هين بس اريد حرمة اخوية تطلع ويايه
فواز... انجبببب حرمة عليك الدنيااا يله ولي كتلك لا تضل جدامي حرير ماتطلع الباب..
ابو قاسم... راح اروح بس ثق بالله حرير الا اخذها بيتي وهسه تشوف... طلعت وسديت الباب حييييل... شهاالحقدددد
حرير .. خربها ابو قاسم وطلع بس مو مرتاحة بعدني الله يعلم شراح يخطط عمي فواز... لو بس ماخذني ابو قاسم وياه جان ارتاحيت
فواز... شفتي هالحقير طلع انكس من اخوه يشترون المشاكل .. غضب الله عليهم.. والله والله
مادام سوه هيج.. مااتسمى اني فواز اذا مانطيت جابر حررير... هيينة اني اعلمك
حدهن... ياربي شلون بلاوي هاااي شيريد منها هو شعلي البنيه جت قسمتهااا
حرير... راحو اهلي والكل مابقى بس عمي وحرمتة ... وعمي صاير ناااار عصبي كاعد ويفررر بسبحته وصافن.. الله يعلم شنو يدور اباله...
فرح... سمعت الباب انفتح.. طلعنا نركض اني وشذى،..
شذى... هاااا شسويت ...؟
ابو قاسم..، شسويت يعني لكيت المعرس كاعدد
شذى. .. ااااي..؟
ابو قاسم... هججتة وراح...
فرح... اااااااي الحمدلله الله يبشرك بالخير
حرير... ماكدرت احجي شي اخاف شفت عمي نار صاير صعدت الغرفتي غيرت ملابسي
وكعدت الحمدلله ربي عدت هالمرة... وينك ابو جررراح وينك عفتني وحدي... كعدت ارتب
بهدومي لحد مانعست ماكدر افتح عيوني من القلق والتفكير... تمددت بفراشي ونمت
فواز... شفتي شسوة عباله راح اخليهم ياخذوها والله هذا حلم عدهم
حرمة فواز... يمعووووود حرام عليك البنيه ماتريذ تتزوج وابو جراح يريدها لا تخليها بنفسية والله حرام .
فواز..... حررررررام عجل اللي سوو بيه گبل مو حرااام ،.. اني موشغلة انتقم منهم لاااا بس هو
مايخذها لان ينگسها هالحقير هذا... كلهم نفس الطينة.. حلفت كبل مانطيها الهم ولحد الان على نفس كلامي ماخليهم ياخذوها والله
حرير... يومين الموضوع على حطة ايدي الحمدلله عمي ساكت ماكو شي معقوله بطل يزوجني
طلعت الصبح وداني عمي الاهلي جانت جايه اختي رحت شفتها وشفت سهيمة وسوالفها اللي ماتبطل منها،..
ابو جراح.. طلعت المغرب كلت اخابر للعراق... دكيت ورد عليه اخوية
ابو قاسم... هلا ابو جراح .. هلا خويه
ابو جراح... هلااا تسمعني شنونكم
ابو قاسم... اسمعك واضح .. تدري رحت الييت عمي عزيز وهديت عليهم جايبين عريس الحرير
ابو جراح... شنوووووووو لا بررربك صدك تحجي الووو ابو قاسم رد عليه
ابو قاسم... حجيتله السالفه كلها
. ابو جراح ... كفووو ابو قاسم عفية خووية ماقصرت هددد النوب عليهم وجيب حرير يبعد اخووك لا تنسى... والله راح اعوف السيارة والشغل وارجع احترك گلبي...
ابو قاسم... لا اطمن كل مايجوون تخابرنا حرير راروح اني اخربها لا يضل بالك... الووو تسمعني ،. اهووو هم انكطع
الوالدة... عليش كتله هسه انقهرر سوده عليه راح يضل باله..
سهام... يعني مادري شكول عليج.. امي اتكول اللي متقدم اللج يخيل اشكراني طووويل ضخم
ومواصفاتة كلشي حلوة والنوب بيت وحد وياخذ امج وياج بعد شتريدين لازگة ببأبو جراح
عبير... ولج صدددك يعني امي تروح وياج يالله عجل شبيج يحضي وافقي
حرير... اي وهسه كملتي يعني،..
سهام... شبيج شكملت..؟
حرير... مااخذ غير ابو جراح ارتاحي... يله اروح اني عمي فواز كلي لا تتأخزين
سهام... هييي انتي.. شو مدري شنون تحجين فوك ما انصحج والله ياالله
حرير،.. مشكورة عالنصيحة.. بس گلبي اختار بعد ماكدر اغير رأيي ... لبست حجابي وطلعت
عبير،.. يولي عود خابرينييي
حرير... ان شاءالله... فتحت الباب وطلعت شكد خبيثة سهيمة صدك لو كالت عمتي هسة تطلع
هية تريدة... والله كلشي اتوقع من هاي السحيلة
ام الخلاگيين... فتحت الباب وطبيت شفت باب الربعه مفتوح... ماعرفت منو الجاي يمنه
حرمة فواز... هلا حرير فوتي يمة فوتي
حرير... هلا عمة... هاي منو هينة
حرمة فواز... هين جابر...
حريررر.... شنووو جااابر شجابه ..؟
فواز... اني جبته... يله تعالي...
حرررير... صديت عمي واكف ورايه ... وين اجي...؟
فواز... نكطع مهركم....
حريررر.... شنوووو لا عمي... ماريد
فواز... احنااااا مانلعب جدامج الناس جري كبل والزلمة شافج .. والناس سمعوو امشي
حرير... كضبني من ايدددي .. اختنكت ماكدر احجي .. طبيت انصدمت ابويه كاعد وخاله
حدهن والسيد.. ومجهزين كلشي يعني عمي وداني البيت اهلي حتى يرتبون كلشي ورايه
وماكول البيت عمي ابو جراح... ويجون ينهون رجعت ماكدرت افوت... وعيوني تدمع.. حسيتها مؤامرة عليه الكل يريد يبيعني ليشششش ياربي ليشششش,,!
السيد... وكت صلاة واريد امشي بس استعجلوو الله يرضى عليكم
فواز... اي دقايق هسة تجي طلعت عليها كضبتها من ايدها... فوتي امشي جدامي
لاتفشليناااا جدام الناس...
حرير... عمي ماااريدة شبيك...الله يخليك
حرمة فواز... حركت گلبي حرك ياربي مابيدي شي...
حرير... جرني من ايدي حيييل واخذني مارفعت راسي بقيت واكفة وراه خاله حدهن... كطعنا المهر وطلعت...صعدت الغرفتي بجيت ملخت نفسي طلعت القهر اللي بكلبي
يتبع....💔💔💔
