الخِـامس عشر..
#بعد_منتصف_الليل
كولولة.. نشفنا الـدمع ومشتاگة عيني العينة 💔
بقلمي #نشــــوى_السٌــلطاني ...❤️
سهام... ههههههه خطية نايمة ورجليج بالشمس
شرايج حتى تلتقي بي.... بالبيت
حرير... بقيت بصدمةةةة عبالك انضربت براسي
نااار وشبت بداخلي هاي ليش تتعمد تضوحني
لا ابو جراح مايسووويهااا
.. سهام... خير ان شاءالله يجي يوم واذكرج
حرير. انتي ليش هيج شبيج شو احسج بس تريدين تضوججيني.. ابو جراح اختارني الي
وخطبني من اهلي واذا جان عندو سوابق هالشي بالماضي اهم شي اكون اني الحاضر
عفتة وطبيت جوة ماريد اكبر السالفه وخاله حدخن تسمع،،،
سهام... اي ام الحاضر راح تشوفين بعينج يجي يوم وتكولين اخ ماسمعت كلامج اي تهربي ماتريدين تسمعين مني .. يمة صار الغدة
حدهن... شبيجن شكووو ..
سهام،.. اريد غدة ماكو شي...
حرير... طبيت للغرفه كعدت ارتب بهدومي وحاجي نفسي هاي شبيها هيج ويايه خاف صدك هالحجي معقولة ابو جراح يلعب عالحبيلين...!!
ابو جراح... سديت الجهاز رحت غسلت وكعدت ويا اهلي ونفتح موضوع حرير...
ابو قاسم... خوية مانريد مشاكل ادري بس حريرر بالدنيه اخطب من بنات خالي شبيهن
ابو جراح...انتو شبيكم ... اني گلبي اختارها احبهاااا افهمو هالشي لحد يجيبلي طاري زواج من وحدة غير حرير... ابدآاا
ابو قاسم... عجل روح بفاالك اكطع مهر اتفق ويا عمي لحد يكول العم فواز...
ابو جراح... مااايرضى علواه يقنع بس المشكلة
مايرضى ايكول الا عمك فواز... وعمك فواز
حاقد علينا ماينطي
ابو قاسم... شهالحقددد سالفة صارلها سنين
الوالدة... محد ياخذ غير نصيبو بدون طلايب ترة موناقصة هبطات.. اللي محد ياخذ غير اللي مقسووملة...
ابو جراح... رايح اودي التريلة... انفخ التايرات واجهزها.. يمكن عكب باجر نمشي اني ودحام
ابو قاسم... توكل خوية شغلك اهم روح لا تهتم مدام تريدها انت ماتصير الاغيرك.. اني عندك
ابو جراح... كفووو خوية اريدها منك كلمن يجي هججه كله مخطوبة...
قاسم... ان شاءالله دشوف منو اليجي...
فرح.. اسمع ومتعجبة شنون متمسك بيها امداني شو محد يحبني هيج.. والله طلعت بيها بلاوي حرير.. ومجاتل عليها
حرير.. غسلت وبدلت.. بقيت انتضر ابو جراح كال امر ومامر.. كل مرة هيج يسوي بيه
ابو جراح.. يمعوووود هنه تايرات دخف ايدك..
محمد.. دصبرر شبيك مستعجل ملحك عالسفر
ابو جراح... ياسفرر يمعود اريد امر عالغوالي
محمد.. هههه دكول هيج عجل بس اني ماامر ااخ اللي سبوع موشايفها
ابو جراح... الله كريم ان شاءالله نعرس سويه بس خل ترهم... امشي هذا كمل خل اودي السيارة للساحة وامر على دحام...
فواز... بقيت افكررر بموضوع حرير هذا ابو جراح ماياخذها ابد واني طيب هذا يذلها عصبي واحتمال ينتقم منها وهي مالها احد ولا
سند.. طفلة ماتعرف كلشي لازم الكي حل اخلص من ابو جراح للأبد...
حرير... سهيمة نايمة وخاله حدهن طلعت هي واخواتي بقيت بالحديقة كاعدة.. اندكت الباب طلعت اركض عبالي هو فتحته لكيت مرية بيدها علاكة... هلا خاله تفضلي رايدة شي ...
العرافة... هلا حبيبة،.. شنونج... تشترين عندي غراض
حرير،.. شوو شعندج خاله تعالي كعدي هين افتحيهن خل اشوف...
العرافة... يبعد عمري .. ريتج طيبه تربعت وكعدت
حرير... اجيبلج ماي خاله...
العرافة... اكعدي حبيبة ماريد شي.. فتحت العلاكة وطلعت الغراض شوفي يمة اكو شي يعجبج..
حرير.. فتحتهن شفت غراض كلش حلوات بس عجبني ساعه رجاليه سودة تخبل اي تلوك
الحبيبي .. بيش هاي خاله... صبري خل احسب فلوسي هسه اجي لا تروحين ركضت الغرفتي طلعت فلوسي ضامتهن
بملابسي كل ماروح الامي خوالي ينطوني ومرات عمي فواز جامعهت كلت يفيدني..
حسبتهن اي الحمدلله عندي جثير.. شلتهن وطلعت عليها... انطينياهه خاله اشتريها
العرافة...يحلوة هاي مالزلم ماترهملج،.
حرير... اي ادري بس اريدها اوديها هديه
العرافة... اااخ يبنتي... انتي وراج هموم جثير وراج حيايه... ماترتاحين بحياتج
حرير.. صفنت عليها شبيها شتحجي... سألتها شنو قصدج خاله شنون عرفتي..
العرافة ... مالج شغل عرفت... راح تصادقج جثير امور بحياتج نصيحة لا تثقين بأحد ترى
تتعبين... ودير بالح من الحية اليمج وخليها ترجيه بأذنج( عمر الحية ماتصير خية. .. ) اللي يحبج ترة ميت عليج لا تفرطين بي اني اكوم تأخرت...
حرير... اكفي خاله مافهمت تعاي فهميني...
العرافة... امر غير وكت واشوفلج هسة غوربت الدنيا.. يله عندج العافية بنتي ..
حرير... ضميت الساعه جوة شالي ماريد سهام تشوفني شلتها وخليتها جوة هدومي... طلعت
بالمطبخ يم الصوبة .. تربعت وافكر بكلام هاي الحرمة الجتي علينا... ليش كالت هيج ومنهي الحية...؟
ابو جراح... كملت شغلي صارت الدنية مغرب..
طبيت غيرت ملابسي غسلت وتعرطت لفيت اليشمغ شلت السويج وطلعت البيت عمي اريد اشوفها مشتااااك الها شنون اسافر واعوفها
يوم واحد ماكدر بلياهه... وصلت فرع بيت عمي
شفت عمي طلع متوجه للجامع... نزلت
دكيت الباب محد يرد... فتحت الباب وصلت للطرمة ول احد هين وينكم...
حرير... جنت كاعدة بالغرفة امشط بشعري وسهام مدري شسمعت شو گمزت وطلعت جدامي تركض... لفيت شعري خليت الشال عليه كلت اطلع اشوف منو جة...
سهام... عدلت نفسي وطلعت.. سلمت على ابو جراح... تفضل ليش واكف برة ...
ابو جراح،.. منو هين... شو ماكو احد...
سهام... المن رايد... ابو جراح عبالي احجي وياك،..
ابو جراح.. خير كولي...
سهام... انت ليش تلعب عالحبلين... انت ماتعرف شتريد... عوف حرير ماتفيدك وراهه مشاكل
تره اكو الف وحدة... ارسي على بر يوم حرير
يوم سحر... ترة اعرف كلشي...
ابو جراح... هييي انتي .. شتحجين وشلح دخل منيلج هالحجي،.. عيب تسولفين هيج سوالف وبعدين انتي غررريبة احنا اهل ماريدج تدخلين بينا.. شىوفي اكلج شي حرير مابدبلها بكنوز الدنيا .. افتهمتي...
سهام... هههههه ماشي ماشي نشوووف
ابو جراح... عجيب انتي شبيج ليش ضايجة
حرير... لكيت ابو جراح بالمطبخ وسهام واكفه يمة سمعتهم يحجون بس مافهمت شنو..
بقيت صافنة عليهم..
ابو جراح... هلا حرير شنونج...
حرير... هلا بيك فوت اكعد.. ابويه هسه يجي
ابو جراح... لا موكاعد مدام عمي موهين امر غير وكت... غمزلتها الحكيني برة... يله اروح اني
حرير.. فهمت هو سو هيج مايريد سهام تحس
طبيت الغرفتي طلعت الساعه.. خليتها جوة شالي وطلعت من باب الربعه على كيفي...
ابو جراح.. شفتها طلعت بس بس بصوت ناصي . حبيبي تعالي اني هين..
حرير... التفت شفتو واكف بالباب.. ركضت من جوة الاشجار وطلعت عليه حتى ماتشوفني سهيمة من شباج المطبخ...
ابو جراح... هلا بعد طولي شبيج تنهتين وانفاسج عالية.. حضنتها حييييل
حرير.. هلا بالعمر .. حبيبي جيت اركض ماريد سهام تشوفني...
ابو جراح... خل تولي .. شنونج انتي اخبااارج
مشتااااااكلج جثير يبعد عيوني انتي...
حرير... دنجت راسي خجلت... حبيبي اليوم مختفي ليش...
ابو جراح... والله شغل من مكان المكااان مالحك
ورايه سفر وداجهز بالسيارة...
حرير... اوووف السفر موتني...
ابو جراح... حبيبي باجر تعالي يمنه ترة ضروري لازم اشوف ماتحمل اروح وماشوف عيونج واشبع منهم...
حرير.. وعيونك باجر اجي لو تكف بوجهي كل خلگ الله...
ابو جراح.... سحبتها عليه.. صارت بين اديه... همست بصوت ناصي..
تحبيني...؟ ❤️
حرير... ليش هذا سؤال.. والله روحي معلگة بيك
ابو جراح... ول ياااااب اموت عليج يبعدهن كلهن ... حبيبي راح يضل بالي شنون اعوفج واروح...
حرير.. لا يضل بالك يبعد حرير وعمرها تطمن هالطول ماينمد على غير زلمة.. اني الك وماحد ياخذني منك...
ابو جراح... فديت الطوول.. يبعد السنافر كلهم
حرير... سنااافر هااا...
ابو جراح... غير يخبلون مثلج... شهالحلا يربي. اخ يااااب شوكت اخذج يمي... ولج انتي ماخذة عقلي
شنون وييياج. احبج وحق الخلقج..
حرير... 🙈حبيبي حبيبي شوف ..اشتريتلك هاي.. اتمنى تعجبك
ابو جراح.. شنو حبيبي...؟
حرير... طلعت الساعه اخذها اللبسها حتى كل ماتشوف الوقت تذكرني..
ابو جراح... شلت الساعه وبستها...😘مدام منج ماراح انزعها ابد .. حلوة حبيبي ...
حرير.. عيونك الحلوات.. وتشوف كلشي حلو
ابو جراح.. ما الله يهديج وتروحين ويايه
حرير... ههههه لالا.. انطيني ايدك
ابو جراح... ول ياااب ليش لا شبيج تعاي ويايه عمي مايكول شي حرمتي وماخذها شعليهم بينا
حرير... اششش شو اللبس.. خل اشوفها عليك .. كبل مااحد يجي...
ابو جراح... شوفي الفرق بيني وبينج.. ولج ادين هاي لوكيمر.. هنييييالي بيج..
حرير... ياريتهم بحلاتك حبيبي.. شوف شلون حلوة عليك...
ابو جراح... من احاجيج.. لا ادنجين خل اشوف العيووون..
حرير.. حبيبي.. يله روح خاف احد يجي واني باجر اجي.. ترة واكفه وياك وخايفة
ابو جراح... لاتخافين حبيبي.. اني جزام ضهرج اني عووون الج... مستحيل اخليج
تنضرين بيوم.. ولج انتي روحي هاي ال تصعد وتنزل.. حبيبي راح اسافر.. ماريد احد يشوفج
واذا سمعت تطلعين ازعل...
حرير... وعيووونك مااطلع هو اني اطلع علمودك
اطمن والله
ابو جراح... يله فوتي جوة كبل مااحد يجي بالليل خلي التفون يمج.. اريد اخابرج..
حرير... ماشي حبيبي..
ابو جراح... اكفي لا تروحين...
حرير... بقيت واكفه جو الشجرة وباوع ورايه خاف احد يجي..
ابو جراح.. رحت للسيارة طلعت الكاسيت وانطينها الها..
حرير... هذا نفسه اللي اسمة هاتف بعد منتصف الليل..
ابو جراح... اي خلي يمج اني اشتري نسخة ثانيه..
حرير... يخبل حيل عجبني...
ابو جراح... يلة حبيبي روحي يبعد العمر
حرير... الله وياك عمري...
ابو جراح... انتضرتها لما فاتت شفتها عبرت للربعه وطلعت للسيارة
حرير... صار الليل .. خابرني بقيت اخجي وياه للفجر... يله نمت... كعدت الصبح كملت كل شغلي .. طبيت غسلت وبديلت اليوم لازم اروح اشوفه باجر يسافر
.. سهام... ها حرير... اليوم مخبوصة خيرج
حرير... معزومة عالعشى يم فرح...
سهام... ابو جراح باجر يسافر...
حرير... اي يمكن باجر...
سهام... امممم طبيت للغزفة كعدت احسب وافكر.. يعني ابو جراح بالبيت... لازم اليوم
اتفق ويا سحر ادزها هناك بلكي تشوفها حرير
هههههه اي اي اليوم تشوفها وتعلك...
حرير... كملت كلشي انتضرت ابويه يطلع كتله وصلني... وصلني وراح...
سهام... خابرت سحر وكتله روحي المغرب هو هناك ينتضرج... اني كتله سحر راح تجي
سحر... اووف ماعرف شنون اجازيج يعني هو بالبيت مو اتفقتي وياه..
سهام... كلشي تمام توكلي...
حرير... وصلت بيت عمي ابو جراح طالع ويا محمد كعدنا اني وفرح وحرمة عمي سوينه
عصرية بالحديقة اكلنا وضحكنا الجو جان يخبل
بداية شهر الثالث .. جو ربيع.. حيل حلو
صارت المغرب...
الوالدة.. اكوم اصلي... كومن بنواتي لمن الفراش وطبن جوة فرح مرت اخوج يم اهلها شوفي شتسوين عشى
حرير... روحي عمه هسه اني وفروحة كلشي نكمل
الوالدة.. شنون جنة حلوة وسبعه عندي
حرير... دنجت راسي خجلت
فرح.. يبوووع شوف الخجل كومي عيني كومي
سحر... لبست شالي وعباية انتضرتها ضلمت وكفت ورا البلب انتضرت ابو جراح يصل
بالسيارة ويفوت للبيت كلت افوت وراه... دحجت عالشارع ماكو احد كلت خل اعبر اكيد هو على
جية واذا احد شافني اكول رايحة الفرح
طبيت للحديقة ماكو احد وكفت وره البيت مالهم
سمعت صوت السيارة اي يمكن هو ضليت ادحج من بعيد..
ابو جراح.. مريت للسوك اخذت كلابيه الحرير
حيل حلوة بلون عيونها.. شلتها ونزلت اكيد هي
هين .. قفلت السيارة ونزلت .. تمشيت باللمشى
سمعت صوت وراه البيت.. وحدة تصيح ابو
جراح اني هين... معقولة حرير تنتضرني برة اي هاي سوالفها ضحكت ومشيت عليها..
فرح.. حرير ابو جراح جة سمعت صوت سيارته
حرير.. صددددك... وكفت عالمراية عدلت نفسي
فرح... حلوة عيني تخبلين روحي عليه جوز متسوك مو زلمتج هوا غير تساعدي..
حرير... هههههه اخ من اللسانج خل ارووح
سحر.. شلونك ابو جراح...
ابو جراح... سحررررر انتي شجابج هين تخبلتي ..،
سحر... حرير تريد تفضحني ودحام بس يسمع يذبحني ليش هيج موحرام عليكم... تفضحوني وين تروحون من الله...
ابو جراح... اكفييييي انتي شتخربطين وشنون جيتي مافكرتي احد يشوفج امشي ارجعيييي بسرررعه
سحر... حاجي اختك وحرير لايضلن يحجن بيه
ابو جراح... ولج انتي خبلة لوشبيج منيلج هالحجي ...
حرير... طلعت السيارة ماكو.. سمعت صوت ورا البيت... رحت امشي... شفت ابو جراح واكف بسددددد سحررر... انعمت عيني بذيج الحزززة
ولا شايفه اللي شفته
ابو جراح... حرررير...!
حرير... ماكدر بعد احجي احس شي صعد عالراسي... شنوووون هيج يسوي ويضحك
علينا احنا الاثنين... شنون ماكدر بعد انطق بحرف بيده علاكة واكف يمها بالضلمة...
افتررررر راسي...
ابو جراح... شبيج حرير تعالي..
حرير... انت انسااااان فااااشل انت انساااان حقيررررررر ولي لا تكضبنييييي ولييييي
تلعب علينل الاثنييييين امداااااية الصدكتك
ابو جراح... حضنتها حيييييل اصبري يبعد عيوني بس احاجيج ...
حرير.. دفعتةةةةةة حييييل وخررر لا تكضبني
طلعت اركض... وهو يصيح عليه
سحر.. بقيت الطم على وجهي هسه اهلي يسمعوون وانذبح.. فدووووة اروحلك اكف حل تروح واني اروح اهلي راح يشوفوناااا
ابو جراح... امشي وووولي من هييين
ولج حرررريررررر تعالي وييينج
حرير... ماكدرت اكف ولا كدرت احجي من شفته انهاريت... شكد غشيمة اني جانت تكلي سهام
وماااصدك خاااااين اركض وابجي بحركة ..
طلعت كبل للبيت... مسحت دموعي وطبيت للبيت من. باب الربعه بدون ماحد يحس خواتي كلهن
واهلي بالمطبخ.. فتحت صعدت فوك فتحت باب السطح.. وكعدت بالسطح.. ابجي بحررركة ربي ليش هيج اني ماعندي حظ ليش تعلقت بي
وحبيتة وطلع جذذذذذاب الله ياخذني واخلص
يارب اخذذذذ روحي وخلصني شلون اعيش
حياتي ماكدر بعددد ابو جراح وورقة وانطوت
مستحيل بعد اصدكة.. شفتةة بعيوني
ابو جراح... رجعت لبيت عمي دحجت من شباج المطبخ ماكو هي كلهم كاعدين يتعشون
اكيد راحت للبيت عمي فواز.. شنووون بالوة يربي هاي شراح يخلصها وباجر اسافر خرب
بهالحظ رجعت بالليل حركت التفووون عليها وماترد يبعد هالعيووون يربي شنون اروح واني
قاهرها شنوووون ول يااااااب غزالتي وين الكاج هسه بقيت كاعد للفجر.. ماغمضت عيوني
جاني دحام... واني راسي يريد يطك ماعرف شلون شغلت السيارة وخليت جنطتي وطلعت
اريد اسوووووق ماكدررر عيوني ماينفتحن
دحام.. شبيك شنو مونايم
ابو جراح... راااسي يوجعني وعيوني
دحام ر.. راح اسوق جدامك اشوفلك الطريق امشي ورايه يمعود اكو واحد وراه سفر ماينام
اني من المغرب نمت...
ابو جراح... اااخ امشي عساهه بالكلاب اصعد بسيارتك.. راح اصعد اني .. خليت الغراض وصعدت
يتبع...
