السادس عشر
#بعد_منتصف_الليل
محظْوظ اللي فيِ عيُونك،دايّم يلتقيِ.
⠀⠀⠀⠀⠀⠀⠀⠀ ❈ ⁽
بقلمي #نشــــوى_السٌــلطاني ...❤️
دحام ر.. راح اسوق جدامك اشوفلك الطريق امشي ورايه يمعود اكو واحد وراه سفر ماينام
اني من المغرب نمت...
ابو جراح... اااخ امشي عساهه بالكلاب اصعد بسيارتك.. راح اصعد اني .. خليت الغراض
وصعدت وعيني عالدرب... اااخ حرير شنون اروح واعوفج هين زعلانة ... وكفت.. كتلو دحام
اطلع جدامي اجيب غراض من البييت وجاي وراك
دحام... يمعود شكد تنسى انته ،. يله راح انتضرك جدام البانزين خانة لا تتأخر
ابو جراح،.. خليته مشى جدامي نزلت من التريله بالساحة.. وتمشيت البييت عمي..
الله احس ريحته تجي بخشمي اول ماوصلت البيت عمي..رحت وره البيت... وكفت يم شباج الغرفة... دكيته على كيفي... بلكي كاعده
حرير،.. متمدده بفراشي اعرف هيج وكت يطلع سمعت صوت التريلات.. ضليت متمدةة وعيوني
تصب.. شنون صدكت بي شنوون.ليش خلاني احبه وعلقني بي.. واني نايمة سمعت صوت وره
البيت،. كمت الحيلي... ضليت اسمع اريد اشوف اني متوهمه لو اكو احد...
ابو جراح... همست بصوت ناصي.. حرير كاعدة اني ابو جراح افتحي الباب...
حرير... جمدت بمكاني احس روحي ردت اللي .. ماكدر اكرهه يربي ماكدر.. بقيت
ماحجيت شي... وعيوني تدمع .. اريد افتح البردة اشوفه اشوف طوله كبل مايروح.. بس ماكدر خاف بشوفني...
ابو جراح... حرير اذا كادة ردي عليه... اني راح اسافر هسه... وينج
حرير .. يحجي واني مخنوووووگة ماكدر ارد گلبي يريده وعقلي يكلي لا عوفي خاين لا
ترجعين.. بقيت وراه الشباج.. شويه واختفى الصوت يمكن راح... يمة شنون عفته يروح
شلون گلب عندي خل اروح الحگة اشوفه كبل مايمشي.. ركضت .. وصلت باب المطبخ شفته
لابس تشيشرت مقلم ابيض واسود ويا بنطرون
طالع عليه حيل حلو متعودة اشوفه بدشداشه
ايريد يطلع وصل الباب... ماكدرت اصبر
فتحت باب المطبخ.. بدون شعور همست ابو جراح ...
ابو جراح... سمعتها اي هذا صووووتهااا احس روحي ردت... گلبي يدك سرررريع مامصدك
انداريت عليها وركضت... حضنتها حييييل خليتها عالصدري.. يبعد عمر ابو جراح شنون
تريدين اروح وانتي زعلانة... حبيبي شبيج دحچي عليه خل اشوف عيونج ليش هيج شمسويه بنفسج عيونج مورمة..
حرير... بكل سهوله جاي وتسألني ليش عيونج هيج.. لان انت انسان خاين بلا ضمير ضحكت
علينا احنا الاثنين.. ولك اني بنت عمك .. شنون انطاك گلبك هيج تسوي بية...
ابو جراح... ولج بس اسمعيني لا تتخبلين يعني تعقليهااا اني اللي دخلت السجن علمودج
وسويت مشاكل وتجاتلت ويا عمي فواز ومستعد بعد احارب كل الدنيا .. لأجلج.. تعقليها هااا
صدي عليه من احاجيج يولو لاتبجيييييين راح اكسر الباب والله ..شبيج ... ولج والله احبج
عيوني ماتشوف غيرررررج... حبيبتي ..صدكي بالله البنت جت خايفة.. مدري منو كايل اللها
انتي وفرح تريدن تفضحنها.. وجت من خوفها اتوسل تريد استر عليها
حرير... زين ليش ماسألتني الي ليش تروح عليك تسألك... ولا تجي المغارب وتختل وراه البيت شكد كرررهتها...
ابو جراح،.. ولج بابا شبيج شنون تجي عليج هيج راح تثبت على نفسها،.. حبيبي عوفينا منها
اني تأخرت ودحام يتناني بره .. اريد امشي
واني گلبي بارد،.. عيوني ماغمضت لحضه ليش ماجاوبتي علية..
حرير... سافر الله وياك شعليه اني...
ابو جراح... ولـ يااااب ليش هيج قاسية انتي
حلفتلج واذا انتي مسلمة صدكي كلامي يشهد الله ماعندي شي وياهه ولج شبيج
حرير... اووووف روح هسه...
ابو جراح... ماكدر اروح اذا ماشوفج مصدكة بيه لا تبقين زعلانة احبج وحق الله ماكو شي من اللي بالج الغيرة هاي عوفيها عالصفحة ...
حرير... روح ابو جراح .. اني مازعلانة بس محرگ گلبي مقهوورة عوفني هسه يمكن لان
مصدومة ماكدر انسى الصار بلكي الايام الجاية
تثبتلي حبك مودع بالله ابن عمي ...
ابو جراح... تحجين صدك انتي ولج شبيييج
خرب بالسفر راح اكسر الباب واهجمة هجم من الصبح ،.. ولج كااااافي داحلفلج بالله
حرير... ادري والله بس كتلك گلبي مقهور اني مسامحتك ومازعلانة وصدگتك روح اتأخرت عالرجال...
ابو جراح .. شنوووو اليثبت انتي سامحتيني
ولج عيونج هاي تكول غير شي.. ولا جنت اعرف
هالكد رخيص حبي يمج رايح ان شاءالله ماتشوفيني بحياتج بعد ارتاحي ... مشيت اريد اطلع...
حرير... گضبت ايده،.. اندار عليه
ابو جراح،.. هااا شبيج خليني اولي..
حرير... ديرباالك على روحك حبيبي...
ابو جراح... اوعديني ما تتغيرين عليه بيوم. ولا تصدكين حجي احد اريد اسافر مررررتاح
حرير... ان شاءالله حبيبي ... من تصل خابرني
ابو جراح... هديت ايدي.. صعدن عندي ضجت وانقهرت ماكدر اسافر واعووفها بعدها طفلة
صغيرة ماتعرف اني شكثر احبها خايف عليها من كلشي خايف يقشمورها وياخذوها مني
مشيت وسديت الباب ورايه،..
حرير... طلع وعيووووني مابطلن يصبن دموووع احبة والله ماكدر اتخيل نفسي اعيش بدونة الله
ياخذج سحر مثل ماحرگتي گلوبنا ضليت واكفة بالباب شفته من بعيد جة بالتريلة عبر من جدام بيتنا... اشرتله بيدي مع السلامة،..
ابو جراح... ابتسمتله واشرتلها مع السلامة
يبعد عيوني عيونج ... مشيت صح شفتها رضت وسكتت بس حسرة بصدري ياااكبرهااا
حرير... طبيت توضيت وصليت ودعيتلة من گل گلبي يروح ويرجع بالسلامة الي.... ورحت للغرفة تمددت نمت عيوني يوجعني...
ابو جراح... الطريق كله مافاركتني ... شفتها مقهورة حركت گلبي حرگ اااخ تلكاني دحام
طابك جدامي (حرك) شغل ومشينا سوية...
حرير... نمت مهمومه خايفه عليه شفته مقهور راح. ضل بالي يمه،.. كعدت على صوت عمي فواز وحرمته ...
سهام.. كووومي حرير.. ساعه ١٠ وانتي نايمة
جة عمج يريدج كومي...
حرير... كمت مثل الخبله عبالي ابو جراح بي شي صحت بوجهه خير شكووو
سهام... هههههههه شبيج خايفه ماكو شي عمج يريدج امي كالت كعديها...
حرير... اووو اكو واحد يكعد هيج خبلتيني
شلت قراصتي،. لميت شعري عالي وطبيت
غسلت ورحت على عمي سلمت عليه وكعدت
ابو فواز... لا تكعدين وراي شغل جيبي هدومج وتعالي...
حرير... اهدووومي ليش...
فواز.. تعاي يمنه شوفي مرت عمج مالها خلك
تكول حل تساعدني،..
حرير... باوعت على مرت عمي شبيج عمة مريضه خيرج...
حرمة فواز... والله وجليه يوجعني وعمج يطلع للشغل ابقى وحدي اضوج كال نجيب حرير يمج ولو انتي ناسيتنا مومثل گبل تبطين يله تجين
حرير...هههه لا والله بس شغل وبيت ومالحك امي صار جم يوم ماشفتها
فواز... شتريدين اسويلج تروحين على امج تطلعين تفترين بس كومي ويانه
حرير.. خل انضف اكمل شغل عاد
حدهن... كلشي اني اسوي روحي وياهم عيب يله كومي...
حرير... خل اجيب عراضي عجل...
فواز... الا تتأخرين...
حرير... صار عمي.. طبيت طلعت هدوم اللي وغراضي والكاسيت .. اللي جابه اللي ابو جراح
خليتهن بجنطة صغيرة لبست وطلعت..
فواز... ها نمشي...
حدهن .. خطية ماتريكت،..
فواز.. هسه احسن ريوك يجيهااا...
حرير... رحت وياهم... بس بالي يم ابو جراح شوكت يصل ويطمني انوب راح يخابر على اهلي واني بيت عمي لازم اوصي فرح تكله اذا خابرهم..عليهم
سهام... ثاني يوم رحت لمدرسة وحجيت ويا سحر وسرلفتلي على حرير... بقيت مصدومة
هاي شصاير شو مادري بيها اني
سحر.. بس ابو حراح يحبها ولا جنت متصوره بيوم اكو وحدة تكدر تخطف گلب وتحيب راسوو ابو جراح شكثر
حاولت ويا گبل ولا دارلي بال.. اشوف صوره هو
ودحام،. اتعجب كل وحده كاعده بصفة تخبل
اكول شنو هذا معقوله هيج مايهتم
سهام... صوررر ياصورر شو ماشفتهن
سحر .. ضامهن يم دحام عدنا بالبيت
سهام... تكدرين تجيبهن اشوفهن.. صار عندي فضول..
سحر.. والله ادور مفتاح كنتور دحام بلكي الكاهن بس عفية لا تكولين اذا سمع مطلعتهن يذبحني..
سهام... لاااا كل عقلج اني اكلج لا تكولين ابو جراح عصبي اخاف منه...
حرير.. بقيت اني ومرت عمي انضف واطلعني وياهه مرات ف شويه التهيت غيررت جو... عاد
خابرتني فرح كالت ابو جراح خابر ويكول وصلت الحمدلله طمأنيت عليه ...
فواز... حرير شدتسوين تعاي اكلج
حرير... اي عمو هسه اجي بس اشر اللهدوم
حرمة فواز... شتريد منها ..،
فواز تجي هسه وتسمعين...
حرير... شريت الملابس وكملت... ورحت على عمي اريد اشوفه شيريد..
فواز... كعدي بنتي ليش واكفه...
حرير... تربعت وكعدت يم حرمة عمي...
فواز... حرير اني تعرفين شكثر احبج
حرير... رفعت راسي باوعت على حرمة عمي استغربت شبي شيريد ايكول
فواز.. اني اخاف عليج ماريدج تتأذين..
حرير... صحيح عم ادري والله
فواز.. خل اكمل.. شوفي حرير... عندي زلمة بالشغل .. تقدم الخطبتج ..
حرير... شنووو..!
فواز.. كتلج خل اكمل لا تقاطعيني هذا الزلمة عمره ٣٠ سنة وبعده مامتزوج . عندة بيت
وسيارة وحالتها الماديه زينة امه وابو متوفين
يعني تكعدين ويا وحدج... سالني كال اريد حرمة على معرفتك
حرير.. عمي اني بعدني صغيرة وهذا اكبر مني مااتزوج هسة
فواز... انتي حقج اتكولين هيج بس بالحقيقه مامبين عليه اكبر منج بجثير بالعكس زلمة مرتب
وعليه الاعتماد صدكيني مايجيج احسن منه
يكفي صرتي خدامة الحدهن كافي
شوفي حياتج واستقري تره اذا متغزرة ببو جراح
تره انتي غلطانة.. هذا انسان فاشل مايفيدج
متهور الف طلبه سوه الاهله انتي بعدج ماتعرفين هذا البشر يومية بسهرة بالاردن عبالج هو يسافر
حاب الشغل لا متهومة هو وهذا النذل دحام
كاضيها ونسات وشررب ويا الحبايبب صدكي بالله اني داحجي المصلحتج
حرير... بعد ماعرف شنو ارد خبطن عندي خوش خبطة مدري العريس مدري الحجي على ابو جراح شبيهم ويايه ياربي كلها ضد ابو جزاح
حرمة فواز... اششش عوفها الينيه صغيرة سد السالفه
فواز.. ماعليج انتي البنيه جتها قسمة زينة
ليش نفوتها ..
حرير.. عمي اني مااتزوج هسه
فواز.. فكررري لا استعجلين هسه ..
سهام... انتضرت ثاني يوم تجي سحر وتجيب الصور.. وفعلا جابت الصور ولا جنت متوقة
حجيها صحيح.. هلا هلا شوف ابو جراح منو هاي الكاعدة يمة...
سحر... هاي صاحبت دحام ...
سهام اخوج مو ادري بي متزوج وطلك ورجع اتزوج النوب...
سحر.. اي مايحبهن ويوميه مصادق وحدة شنسوويله ... جيبي الصور خل اضمهن
سهام.. اكفي خل اشوفهن زين
سحر بسررعه هسه وحدة تجي...
سهام... طلعت صورة ابو جراح لابس كيمونة سودة وكاعدد يم المسبح وبصفة بنيه تخبل
ضميتها ماخليتها تشوف وانطيتها الصور الباقيه... اخذتها ضميتها بالجنطة من طلعت من
المدرسة بطريقي كلت خل امر على حرير انطيها الصورة خووش هديه .. هههههههه
حرير .. طلع عمي للشغل بقيت كاعدة اني ومرت عمي سوينة كليجة وسولفنا شويه بس بالي يم
ابو جراح ليش عليه كل هالحجي معقولة عمي ديحذب عليه لا عمي مايسويها باااالي سارح
بعيد تحاجيني مرت عمي بس فكري يمة كملت الشوي خليت التمن عالنار سمعت الباب اندك
حرمة فواز... يمة منو بالباب شوفي..
حرير... اي عمة رايحة اشوف طلعت وفتحت الباب انصدمت هاي سهام شجابها ها ولج شكو خما اكو شي
سهام.. شبيج انخبصتي جنت بالمدرسة وكلت امر عليج
حرير تعالي شربي ماي فوتي..
سهام .. لا مستعجلة بس كلت اشوفج شي كبل مااروح..
حرير... شنووو..
سهام .. بس امانة ماتجيبين طاري الاحد
حرير.. اي خوووفتيني شنووو
سهام... هو هذا ابو جراح الخبص الدنيه شوفي وين ماخذ صور بالاردن بنص الـ!!!
حرير.. اخذت الصورة منها... شفته لابس نضاره سودة وضاحك وحدة تجنن كاعده يمة
احس شي صعد عالرااااسي مادري شصار بيه بقيت بس ساكته ومخنوكة
حرمة فواز.... منو جة حرير ...
سهام.. سحبت الصورة منها يله اروح اني
حرير.. اكفي منيلج هاااااي
سهام ...بعدين ديربالح تكولين يله رايحةةةً
حرير... ماعرف اللي بيه شنوووو مدري مشتاكة الةة مدري احبة مدري اكرهه ماااااادري
انداريت شفت حرمت عمي جاية تتمشى عليه
حضنتها وكمت ابجييي ماعندي احد اشكيله امي مريضه ابوية ملتهي سهام احسها عدوو اللي
حرمة فواز ... شبيج بنتي اسم الله شجرالج
حرير... عمةةةة احبة والله احبةةةة ليش هيج يجازيني ليش ولج عمة اللي جم يوووم محروك
گلبي يومية انصدم بمصيبةةةة راح اموووت عمة
كوليلي شنووون
حرمة فواز... تحبين ابو جراح مووو
حرير... حضنتهااااا حييييييل اي عمة والله احبة بس ليش هيج هو يومية انصدم بي حرك گلبي
حرمة فواز.. بس احساسي يكول ابو جراح يحبج ..
حرير... وج عمة شفتتتتتة بعيني والله
يتبع... 💔
