الثـالث والعشـروون...
مساء الحب .. مساء الشوك
انا من أقسمت ان لا يطرق الحب باب قلبي ولكن عندما التقيت بك نسيت قسمى واصبحت عاشق مغرمه وفيك متيمه
#حرير#بعد_منتصف_الليل
بقلمي #نشــــوى_السٌــلطاني ...❤️
❤️❤️
ابو جراح... كاااعد وافرگ بأديه اريد اكله
مدي اشرب من دمة
جابر... تدفعووون كل الديون اللي عليه وراهه سهلة يجرالكم....
فواز... ياديون هاي.. انت مخبل اذا اشتكي عليك هسه النوب هم اطيح حضك نسيت الي بكته مني هااا طلك بهدوووء لا والله اجيب العمال والموضفين كلهم يشهدون عليك...
ابو جراح... بس كلي انت شمسوي بدنياك لا فوكاهه ادور نسوان .. اكو كبووور تكبرك احسن
طلگ لا اگوم ابتليييييي بيك هسه
فواز.... ابوو جرااااح شبيك شتفقناا موكتلك مانريد مچاتل
جابر... حرمة لو غضب ثبرتوني بيها..اني ماريدها بعد اني اصلآ خطبت
ابو جراح... لا اله الا الله... لاتحجيلي قصة حياتك فضهاااااااا بالقرأن هسه ابتلي بيك
جابر... هيييي لا تصيح عليه... ترة والله ماطلك
فواز... جابر... طلگ احسنلك... هسه اكوم اقيم عليك دعوة جديدة.. واخليك تخيس هينة
جابر... مطلگة
ابو جراح... لزمتووو من ازياگو .. كول مطلگة بالثلاث...
فواز.. صبررر ابو جراح... يمكن لازم شهود ٣
ابو جراح... اهووووو ياشهود يمعوود
فواز.. سهلة هسه اجيب من العسكر البرة
كمت فتحت الباب صحت للشرطي وكعدتو وخليتو شاهد طلك جابر بالثلاث.. والحمدلله خلصنا رجعنا للبيت..
ابو جراح.. وصلت عمي ورديت للبيت.. احس بنفسي جنت محگوم مؤبد .. وهسه
افراااج ياربي والله مامصدك...
حرير.. هااا شوفي حلوو موووو
سهام،،، هو حلو بس انتي گصيرة لو اطول يطلع احلى هذا يلوك اللي
حرير... ماتكدر الا تلدغ حيية ااااخ منج عفتها تلغي وحدها غيرت ملابسي... طبيت غسلت وكملت... كعدت اسوي بشعري... باجر حفلة فروحتي لازم اكشخ زين...
الوالدة... ها يمة بشر شسويتو ويه هذا الاغم
ابو جراح... هلا امي... كمت الحيلي بستها وكعدت يمها... يمة واخيراا ابنج راح يفرح
الوالدة... يااا الله ربي يكون ايامك الجاية كلها افراح
فررح.. جنت اني وشذى بالغرفة كاعدين دترتبلي حواجبي.. سمعناه ايكول راح افرح كمنا وطلعنا نركض بلكي اكو اخبار حلووو
ابو جراح... ول شبيج تركضين جان وكعتي وصرتي عرجة عالمهر هههه تخبلتي
فرح... هههههه لا بس سمعت اكو اخبار حلووة وجينا تركض ..
شذى.. بشرررر خوية شسويتوو
ابو جراح... مالكيناه ناقلي لغير سجن
فرح.. لااااا والله صدك
ابو جراح... ههههه لا لا اشاقيج طلك يمعودة
فرح... يمةةةةة واخيررررا الف مبارررك خل ابشر حرير كلتلهاا
شذى... مبارررك يارب يوم خطوبتكم ونفرح بيكم
ابو جراح... الله يبارك بيكم... ول يووولي اكفي
ولج فررررح
فرح... هااا اني ابشررها عفية
ابو جراح... لا هين تجي وتكليلها اريد اشوف الفرحة بعينهااا
فرح.. مو باجر يله تجي،،،
ابو جراح ...عاد هاي بقت يمج اني ماعليه
شذى.. ولج افهميها شبيج قصدة خابريها خل تجي يريدها هييين
الوالدة... يايمه طلع بيكم كل البله
ابو جراح.. ههههه يمة ابنج فقير والله.. شو خل انام
الوالدة... نام يمه ناام بعد امك شبقالي غيركم
ابو جراح...تمددت ونمت على رجلها.. يمة فركيلي راسي
الوالدة... ها يمة يوجعك اجيبلك دوة
ابو جراح.. لا بس هذا ضوجني اليوم ضليت احرك بعصابي جنت اتمنى هو خارج السجن
وتلزمة ايدي اااخ ... اي يمة فركي عاشت ايدج
الوالدة... يبوو شكثر تثاوبت والله مصيبوب انته
ابو جراح... ههههه على شكاري عيوني الزرك
يصيبوني شو اسمر اجلج شحالي مدري شافت بيه حرير وحبتني،..
فرح... لا عيني شنو اسمر اجلج بس طولك يكفي غير لو تسمع البنات ميتات عليك
شذى.. ولج فضيحة انتي هههه
ابو جراح... ههههه مضعوفات البخت يحبن واحد اعمى گلب والله ماحب غيرها ولا عيني
تشوف غيرها... كووومي خابريها خل تجي
تره صعدن عندي كوومي اريد اشوفها
فرح،.. هههههه هسه اخابر دقيقه
شذى.. بصوت ناصي .. دشوفين الحب ولج شكد يحبهااا خطيه
ابو جراح.. كمت الحيلي تربعت.. ها شذى شتحون كوولي تره بالي يمكم
شذى... ههههه لا والله بس اشوفك شكد تحبها
ابو جراح... جثيررر والله يولو خذت نص حيلي
والله ااااوف يله ماضل شي وتجي هين...
الوالدة.. اسم الله يمة لا تكول هسة
شذى... ان شاءالله ربي حقكم والله تعبتو
حرير... ولج شعرري كطعتي.. على كيفك
سهام.. شسويلج اللي يريد الغوة يصبر😒
حدهن... حريررر.
حرير... انداريت عليها وشعري مكفش ها خاله
حدهن... تگلطي جاي التلفون مايصل ليمج
حرير.. منو خالتي رشااا مو
حدهن.. لا هاي فرح مدري شتريد
سهام... فرح اليوم مشتلة شراح يفضهااا
حرير... الووو فروحة...
فرح.. وجع..
حرير... ها ههههه شبيج
فرح... عجل باجر مهري ومتجيتي...
حرير.. اجي باجر شبيج
فرح.. لاا هسسسه تجين تعالي وحدي ومخبوصة غير اليوم تكونين ويايه
حرير... مو داسوي بشعري بالليل اجي هسه مغرب اتعشى واجي...
فرح... لا شذى تكول خل تجي تعشى يمنا
حرير... اكلج ابو جراح وين ماجة..
فرح.. لا بعده ماجة
حرير... يبوو الوضع موزين ليش تأخر
فرح.. ماكو شي... يله انتضرج تعالي هسه
حرير.. عجل ابدل واجي...
فرح.. ماشي يله .. سديت الخط
ابو جراح.. كمت للمطبخ.. ها ولج خابرتيها
فرح.. اييي توني سديته راح تجي
ابو جراح.. ويامن تجي منو يجيبها
فرح.. وحدها يعني منو يجيبهاا
ابو جراح... لااااااا خابري اني اجيبها
فرح.. مو سالت عليك وكتلها طالع..
ابو جراح... عجل ماشي.. شلت السويج وطلعت
سهام.. يعني شدعوه عليها ماكلتلج خل تجي سهام.. لو سهام من غير قوووم😒
حرير... لا بس جوز نست يله باجر المهر وتعاي ويه خالتي وخواتي.، يله اروح اني لا ابقولي
عشى اتعشى هناك... شلت غراضي والفستان وطلعت... الشارع اضلم... امشي وتلفت ورايه
النوب طافية الكهرباء كلشي ماشوف...
ابو جراح... شغلت وطلعت...
حرير... شفت واحد جة يتمشى عليه ماشوفة زين ضلمة .. اي هذا ابو جراح.. يبعد طولي طولك.. همست.. ابو جراح...
دحام.. مارديت عرفت هاي حرير ومتوهمه تقربت اكثر بالمشي صرت قريب منها ..
حرير.. ابو جراح موو... وكفت بمكاني اهووو ليش تخوفني دحجي... وصلت يمة وكفت
دحام.. شنونج حرير...
حرير.. رجعت خطوة.. منو انت..
دحام... لا تخافين.. ههه شبيج اني دحام.. شطلعج هالحزة وحدج...
حرير.. هلا بيك.. رايحك البيت عمي من رخصتك
دحام... اكفي اوصلج خاف تخافين..
ابو جراح.. وصلت الفرع.. واني اسوق صار الايت على حرير.. انتبهت هذا دحاام مو اي دحااام شوكفه وياهه دست للسيارة...
حرير... لا شكراا
دحام.. بعد لا تطلعين وحدج...
حرير.. صديت الايت قريب صار بوجهي
ابو جراح... نزلت جااام السيارة.. حريررر
اصعددي تعاي...
دحام.. هلا ابو جراح... صاير ماتبين الشاغل بالك يتهنى يول.. اسأل كوول
ابو جراح.. ملتهي بالشغل.. انداريت كتلها سدي باب السيارررة ززين...
حرير.. اي فتحت الباب وسديته جان مامسدود
ابو جراح.. لفت ورجعت للبيت شطلعج وحدج
ليش ماخليتي احد يوصلج
حرير... ابويه طالع منو يوصلني...
ابو جراح.. اول واخر مرررك اتسووويها
حرير... هههه صار
ابو جراح... شو تضحكين يولي
حرير... ماكو شي.. ماكتلي شسويت اليوم
ابوجراح... راح عمي عليه ماقبل يطلك
حرير... صددددك ليش عود شبي هذا والله اروح عليه للسجن ارزله رزالة
ابو جراح... لا لا خوش عليج تروحين للسجن بس هاي بقت وعليمن عالجابر...
حرير... مو ضوجني هالحقيرررر
ابو جراح.. طفيت السيارة وكفت... بالباب
حرير،.. اريد افتح الباب...
ابو جراح... حبيبيي
حرير.. انداريت عليه... عيونها
ابو جراح... مامصدك والله
حرير... شنو هو عمري...
ابو جراح... انزلي هسه
حرير.. شبيك فهمني...
ابو جراح... نزلت.. يله انزلي شبيج
حرير... شلت العلاكة ونزلت... سديت الباب...
مشيت.. وكفت يمه...
ابو جراح... فوتي ليش وكفتي...
حرير... استغربت شبي اليوم.. طبيت وراه امشي...
ابو جراح... فتحت الباب وطبيت... للمطبخ
فرح... هلا هلا وميت هلا بجنتنااااا
حرير... هلا بيج عمري.. فدوة لو ندري بيج هيج تفرحين.. من زمان انطيناج.. لحسن
فرح... خبااال ياحسن انتي... ولج جابر طلك
حرير... طلك طلك.. يمة الكلمة مثل الجررس من يرررن صااارت ترررن بأذني.. انداريت
ابو جراح.. مرتجي.. عالباب ومبتسم... ضحكت
وبجيت... بنفس اللحضه.. يولي لا تشااقوون ويايه صدك هالحجي
ابو جراح...اي حبيبي طلك اليوم
حرير... عجل شنون تكول لا خررب ولج دحچي فرررح دحجي والله شعر جسمي قشعر
شذى... مبارك عليكم حبيتي
حرير... الله يبارك بيكم
فرح... شرايكم باجر نكطع مهر سويه
شذى... خوووش فكرى...
ابو جراح... خزززرتها بعني ولج شنوو
شذى.. هههه. لا مايصير انتي واخوج
حرير... كلشي سهلة بس خلصت منه
ابو جراح... اوووف والله حمل ونزاح من صدري
شذى.. كافي سوالف تعالن ساعدني بالعشى
ابو جراح،. راح اروح اغسل حضريلي ملابس فرح لا تنسين اطلع كلشي جاهز عفتهم وطلعت امشي للغرفه
فرح... عشتوو عجل انتي شنو غير انتي خطيبته
روحي حضري لخطيبج هدوومة ابتليت اني
حرير.. عززة لا عيني ماروح روحي انتي
فرح.. مممم فقيرة عود هههه
حرير... بالله هاي شتححين وياهه ... هههه لما ترجعين ست فرح سهلة روحي هسه
ابو جراح...سبحت وطلعت.. لبست الدشداشة وطلعت للهول... لكيت الكل كاعد عالسفرة
الوالدة.. يله امي اتعشى كبل مايبرد عشاك
ابو جراح... وين حررير عجل
حرير.. جيت اركض هياني رحت اجيب ماي
ابو جراح.. اكعدي هين يمي...
حرير.. لا اكعد انت اكعد يم فرح اني
ابو جراح... كلت اكعدددي هييين
حرير... بقيت اباوع عليهم الكل يضحك استحيت دنجت راسي...
فرح... دكعدي شبيج قابل راح ياكلج
شذى... دعوفيها...والله خبلتوهااا
حرير... كعدت بصفة اكل وكوك اكلت احس عيونهم كلها علينااا...
ابوجراح... همست بصوت ناصي.. شبيج اكلي
حرير.. اي داكل
ابو جراح.. غادية خلصانه شأكلتي هاااج اكلي
فرح،.. شوفو شوفو... اكلي عيني يخاف عليج
شذى... ولج دكافي...
ابو جراح... عوفيها مالج شغل بيها اكلي يبعد الدنيا واهلها...
حرير... خزرت عيني عليه.. وهمست بصووت ناصي شبيك كافي
ابو جراح... هههه شبيج
حرير... اكلنا وكملنا... كمنا لمينا السفرة وغسلنا المواعين .. وطبينا بالغرفه ابو جراح كعد يتعلل يم الولد بالربعه
فرح... والله باجر ... نذب لحم كلناااا وهلا هلا
شذى.. اي والله من زمان مافرحنا... باجر الفرحة بفرحتين...
حرير... والله مامصدكة نفسي...
فرح... الحمدلله خلصناااا...
حرير.. الحمدلله... راحو الولد وبقينا كاعدين كلنا لحد الساعه ٢... ونمنا كعدنا الصبح بدينا نرتب بالبيت... طلعت فستاني شوفته الفرح
فرح.. هلا هلا شوووفو عيني عجل اني شوماجابلي
شذى.. عندج خطيبج يجيبلج..
ابو جراح... صحت وينكم يولو... تعالو صبو الغدة...
فرح... كومي شذى حبابه صبيله
حرير.. لا خطيه خلي ترضع الطفل اني اكووم
طلعت... شعلت النار داحمي بالمرك وشهري
مفتوح مسرحتة خليت الشال على راسي
ابو جراح.. شفته ديغسل عالمغسلة طلعت زلاطة بديت اقطع بيها...
ابو جراح... جيت اتمشى للمطبخ عبالي فرح..
انتبهت حرير واكفه والشعر مفتوح طويل
صحت... ديبالج شعري لا يحترك بالطباخ
حرير.. صديت عليه... لا لا هسه اللفه
ابو جراح.. لا حلو خلي...
حرير.. ابتسمت.. وكمت اصب بالاكل وهو واكف كبالي.. عيونه عليه مراقب حركاتي كلها
ابو جراح.. باجر اكطع مهر.. لو ماعرف شيصير
حرير.. باجرر.. صدك
ابو جراح.. اي باجر عجل شنو لو مامهر فرح اليوم جان كطعنا مهر
حرير... اي صحيح... يله مابقى شي حبيبي
ابو جراح..اي هانت الحمدلله ...
حرير.. خلت الاكل.. وطبيت.. لغرفة... بدلت وكملت لكيت فروحة مكمله وطالعه تخبل..
للبست الفستان حيل حلو طلع عليه طويل لون ازرك بلون وبي كرستاله صغيرة شعري عفتة
مفتوح.. خليت مكياج.. بسيط.. بس كحل ومسكارة .. لان اني بيضه احسه مايلوكلي المكياج
شذى.. ماااشاءالله شطالعه حرير والله تخبلين
حرير.. صدك... ههه تسلمين😍🙈
فرح.. يمة فدوة الجنتنااا تخيل وينك ابو جراح تعال شوف بنت عمك عيني..
شذى.. لا طب نام ولج...
حرير.. يااا شعجب ماطلع.. راح يصلون الناس
فرح... يبوو خاف يشوفني. من اطلع استحي
شذى... جوز طلع مادري من زمات شفته نام
وابو قاسم.. تأخر مو عوايدة...
فرح... هو كبل هيج شطووول خلگة ...
حرير.. هسه خاف اطلع اروح اخلي المسجل ويطلع نايم...
شذى.. لا عيني يمكن طلع روحي... اني اروح اللبس.. وانتي شغلي المسجل..
فرح... حرير.. بطريقج افتحي الباب..خاف يجون الناس عيب..
حرير.. طلعت امشي على كيفي بس الحذاء مفضوح يطك ويطك خرب.. شلت المسجل
والفستان طويل يسحل امشي ورافعتة بيدي
دحجت على باب غرفة ابو جراح مسدود ..
الضاهر طالع... طبيت للربعه.. دنجت بديت افتح بالوايرات كلها ملفلفه...
ابو جراج.. كعدت من النوم.. غسلت وجهي شلت السويج.. اريد اطلع .. سمعت صوت بالربعه
فتحت الباب وطبيت...
حرير.. انتفح الباب.. كمت الحيلي.. اريد اشوف منو.. انتبهت ابو جراح.. واكف لابس دشداشه كحلي ..انصدمت من شفته
ابو جراح.. بقيت صافن عليه... احترررركو اهلج
حرير.. ابتسمت ليش..
ابو جراح... يولي شطالعه اليووووم
حرير... ها حلوووة .. شلت المسجل ومشيت اريذ اطلع...
ابو جراح... تعالي تعالي وين رايده كضبته من ايدها
حرير... رفعت راسي... هدني هسع احد يجي
ابو جراح... حسن راح يجي هين.. للبسي حجاب لا تنسين وشعرج هذا لفي
حرير... بعد اكو اومررر
ابو جراح.. هااا اومر ... يولي شبيج
حرير.. لا حبيبي والله تأمر وتنهي انت عالكلب
ابو جراح.. انعل اهل جااابر ولج روحي..
خل اروح احسن... فتحت الباب صديت عليها
اموووت عليك يبعد الگلب انتي ..
حرير،.. ههههه الباب يمعود راح تنلطخ ديبربالك
ابو جراح.. شمدريني والله بعد ماشوف...
حرير... صارت الحفلة تخبل.. فروحة مابطلت ركص.. واني هم ماقصرت..، السعادة اللي
بكلبي ماتنوصف.. خلصت الحفلة.. بس
مادامت النااا... لان ابو قاسم مختفي من الصبح...
الولدة... حجيت وكلت اخوكم ماكو من الصبح بس انتو ملتهين ولا احد يسمع مني
فرح... ياربي شنون وين راح ...
ابو جراح... لا تكبروووها هسه نشوفه وين شبيجن كلبتنها مناااحة...
حرير.. كومي فروحة انزعي البدله هسه يجي والله... دكومي ياعيني
شذى.. اني كل مرة يتأخر بس مو هيج عمه شنون هسه خل نشوف وين راح
ابو جراح... يمعودين حضر تجووال الدنيا ليل ماكدر اطلع هسه يجي والله كااافي حجي
الوالدة.. عيني من ترف ياستاررر كتلكم عيني رفت اخوووك وين راح غير تفگدة وين جنت ملتهي...
يتبع...
