الخامس والعشرووون
#والاخيرر
#حرير#بعد_منتصف_الليل
بقلمي #نشــــوى_السٌــلطاني ...❤️
،
لمن اعزف اليوم..!!
وفي بعدك تقطعت اوتاري...
اي لحن كنت سأعزفه..!!
وقد كان الفراق إجباري...
حرير.. بقيت واكفه وهو جة يمشي جدامي
عيوني الدمووع يصبن مابطلن.. رفعت راسي
عليه وضحكت... جة لابس دشداشه بيضه
وعطره .. بكل البيت.. سلم على الكل وكف يمي
ابو جراح... صديت عليها رفعت راسها بيدي
شبيج يبعد عيوني هالعيون ليش تبجين مسحت
دموعها... سحبتها خليت راسها على صدري
سنفورتي الحلوة،، لا تبجين دموعج هاي عندي
تسوى عمري...
حرير.. خجلت لمن حضني بقيت مدنجة راسي
مبتسمه بس عيوني تبجي.. جنت اسمع يكولون
هاي دمووع الفرح بس ماجنت احس بيها ولا اعرفها اليووم صدك دموعي حبيتها..
ابو جراح.. يول ارفعي راسج وين ضامته عليه
خل اشوف... شطالعه اليووم
حرير.. بصوت ناصي كتلة..حبيبي والله مامصدكة نفسي..
ابو جراح... يولي كتلج محد ياخذج غيري
فرح... ياالله شكد حلوووين طالعين
حرير... الكل عينه علينا.. الكل الفرحة مرسومه على وجوهم .. كلهم حسو بينا حسو بسعادتنا
حسو شكد عانينا .. الحمدلله ربي كعدت وكعد
يمي.. بس الفرق اني ضعت يمه هو طويل
ضخم واني ناعمة...
سهااام.. هاي شكد فرق بينكم...هو اطول منج
تره ضعتي يمه...
ابو جراح... عجل اني شحبيت بيها .. دشوفيها
كصيره .. شما تكبر تبقى صغيرة.. تعالي تعالي
ولج شسويتي بية ول يااااب اكول يمه شوكت
عرسي.. شتكولين اخذها واطلع سكاني بدون عرس .. هااه
حرير... ياااا لا والله...
ابو جراح.. صديت عليها.. يولي شبيج هسه انتي مرتي بكيفي بعد دشوف منو يعارض
الوالدة.. شنوون لا نسويلك عرس ودبجة..
ونفرح الكل ويانه مايصير انت صبرت جثير
بس تره ضل قليل.. لا تستعجل بعد امك
ابو جراح... يمة كتلها گبل اصبرلج العمر كله
تستاهل الغاليه...
حرير.. طول الوقت حاضني وكاعد عيوني بعيونه
عطره انفاسه كلشي قريب مني ولا مدي بعد يروح ويعوفني .. صدك هاليوم اجمل يوم بعمري
ابو جراح... بقت يمي كاعده وراسها على صدري بقيت الاعب خصلات شعرها..
شهالشعر الحلو يربي..
فرح.. ابو جراح كووم يريدك حسن وولد يصيحوك بره.. كووم
حرير.. يااا دروحي انتي مايروح .. نسيت نفسي وحجيت جدام الكل بعدين انبهت على نفسي خرب الكل ميت ضحك عليه
ابو جراح.. يولي سمعتيها شكالت هاج السويج انطي الهم.. لحد يضل هين يله هجوو عوفوني
تره اني شفت الموت بعيني .. احتركو اهلك
جابر.. هاااج فارجيني....
فرح.. يااا شبيسرعه اتخليت عن اهلك
ابو جراح... روحي يولي عاد لا تضوجيني
حرير.. شبيك عيب مايصير...
ابو جراح... اششش هين ماكو عيب اسكتي
حرير.. مر ٤ ايام على خطوبتنا يوم اجمل من
يوم ماكدر اوصفلكم مدا سعادتنا..
الدنيا اتغيررت جدامي احسها صارت الها طعم
يوووم عن يوووم اكعد كلي لهفة وشوووگ
حبيته اكثر من عمري .. صار هو اهلي وناسي
يطلع من يمي بالليل.. واثنينه ماشبعانين
يرجع يخابرني ونبقى نحجي للصبح..
ياربي هالسعادة اللي اني بيها مامرت. عليه
طول هالسنين...
ابو جراح... طلعت.. اني ودحام..للسوك
افترينا .. شويه وردينا للديره بس..!!
دحام،، يول هاي السيارة مور راحة ابد
ابو جراح.. اللي ورانه مو.. ادري بيها
دحام.. صار ساعه.. هي ورانه من مكان المكان
ابو جراح.. خل يولون.. ماعرفهم عبالك غربه
دحام.. ديربالك خويه.. شو ماارتاحيت من شفتهم احسهم مراقبيك..
اابو جراح.. خل نطبك نشوف شيريدون نوكفهم
دحام.. نخبلت .. وين تطبك دمشي الشارع فارغ شمدرينه ذولة مو مسلحين
ابو جراح.. يمعود اللي كاتبه الله يصير رادوني ابطل من الشغل الگشر وبطلت بعد شعدهم
ويايه.. بس يسويها الحظ يموتوني كبل ما اتزوج
دحام،. هههه لا ياستار.. خل يولون جوز متوهمين مايندلون ..
ابوجراح .. نزلت اخذت كرزات ومشروبات عازيه وطلعنا رحنا لبيت محمد.. كعدنا نتعلل
محمد.. يول كلمن يخطب هيج
ابو جراح... دسكت لاتسويها سالفه علية انت الي مختفي مواني..
دحام،.. شوكت االعررس هاه
ابو جراح.. هالاسبوع بس اكمل تحضيرات ماعنذي شي
محمد.. مستعجل يعني
ابو جراح.. عجل كل هالسنين الي انتضرتها
وهسه تكلي مستعجل .. ولك مو خلص عمري
دحام.. حگك والله .. ماتملام
محمد،. نسويلك حفلة ونلعب چوبي ودبچلك
دبچ مو صاير .. بس فضهااا
ابو جراح.. كفووو والله ماتقصرون.. لا جريب
العرس ماضل شي تحضرو يله اكوم اني ساعه
بيش لك هاي بال١٢ خل اروح ...
دحام.. بعد وكت يمعودد
ابو جراح.. لا يابه اريد اروح الحب ينتضرني
محمد.. اييي عمي دكوووب هيج
ابو جراح... عجل شنو والله ويه النفس هيه
تصعد وتنزل.. راح اروح.. لا تضلون تحجون ورايه..
دحام.. هههه اكف نطلع سووة
ابو جراح... احذت دحام تمشينا كلمن راح البيته وصلت للبيت.. دكيت الباب
فرح.. جايه جايه.. وكفت وره الباب صحت منو
ابو جراح.. اني يولي.. افتحي شبيج خايفة
فرح.. فتحت الباب.. هاي وين جنت متأخر
ابو جراح... يم الولد اتععلل حرير خابرت
فرح.. دكت مرتين كتلها ماجة بعده
ابو جراح.. انطيني التلفون،. اخذت التفون وطبيت للربعه سديت عليه الباب
فرم.. خررب يومية ياخذ التفون ويخليني
اريد احجي ويا حسن ماكدر
حرير.. بقيت بالمطبخ انتضره يخابر.. اول
مادك التلون جاوبت كبل مايسمعون اهلي
الوو
ابو جراح.. شلونج يا اعز انسان عندي
هو الگلب جم حبيب عندة
حرير.. هزني الشوگ عالموعد اتانيك اعد
بيدي دقائق وحدة ىحدة..
اابو جراح... ههههه يبعد عيوني حافضه الشعر
حرير.. كلة حفضته شكد ما اسمعه ولا امل
ابو جراح.. اي هو اسم الكاسيت هاتف بعد
منتصف الليل.. يمكن يقصدونا
حرير.. هههه عجل المن يقصدون ليش اكو احلى من حبناا.. امووووت عليك والله
ابو جراح.. يولي.. مدي هسه اجي اشوفج
حرير.. ههههه لاااا وقت متأخر اخاف عليك
حضر تجوال
ابو جراح.. عاد خل اموت المهم اشوفج
حرير... اسسسسسم الله على جدامك لا تجيب
طاري الموت بعدد بداعتي..
ابو جراح... شكثر تحبيني...
حرير.. والله ماكدر اوصلفك شكد كد النفس
لا كد الدنيا والله وهم قليل..
ابو جراح.. يبعد العمر انتي... گلبي نار
ما مصدك راح اجيبج وتكونين يمي هين
بغرفتي.. وتجيبيلي سنافر مثلج صغار
حرير.. لا يكولون اللي تحب زوجها جثير
تجيب جهالها كلهم عليه
ابو جراح... بس هاي بقت.. يجون سمر جلحاان
لا عمي اريدهم عليج على حسنج هذا اللي سباني .. امووت على روحج
حرير.. اني اللي اموت عليك والله
بقينا نحجي لحد ساعه ٤ الفجر... حبيبي
ابو جراح... عيونه...
حرير.. اني نعسست راح انام
ابو جراح.. نامي بعد عيوني.. بس الصبح
اريدج انتي تكعديني..
حرير.. باجر اجي اكعدك اذا ماكعدت اشمر عليك ماي...
ابو جراح.. هههههه اذبحج غير تره اني مخبل
من اكعد من النوم
حرير.. ماتسويها ادري بيك تحبني
ابو جراح.. ااااخ... اي والله ماسويها روحي حبيبي روحي نامي وتغطي زين يبعد كلـي
حرير.. وانت هم عمري.. يلة لا اله الا الله
ابو جراح.. محمد رسول الله...
حرير.. بس خليت راسي عالمخدة نمت
جنت تعبانه حيييل...
فرح... نايمه.. واسمع .. الباب ينفر حيييل
ودبج رجلين .. منو هذا اسم الله...
ابو جراح.. كمت الحيلي... طلعت من الربعه
شذى.. ابو قاسم كوووم هاي شكو الباب ديندك
اكعدد يمعودد
الوالدة... ترجيت عالحيطان وجسمي كله يرجف
يولي فرح هذا منو...
فرح.. ركضت على امي لزمتها وكفت يمها مادري يمه شو يصحون ويدفورون بالباب
ابو جراح.. البسي حجابج هاي مداهمه يمكن
تفتيش عالسلاح..
الوالدة.. اكف يمة لا تفتحة خاف مو جيش..
ابو جراح.. لابسين عسكري يمه شييج..
اكعدي... طلعت اتمشى فتحت الباب...
فرح.. طبينا كلنا بغرفة امي.. لان عبالنا تفتيش
ابو قاسم.. شبيج تكعدين بيه شكووو
فرح.. يمة شو محد فات وين اخووية..
اريد اطلع.. جان اسمع.. صووت رمي طلقات
كمت اضرب على وجهي يمه ابو جراااح
اخوويه..
ابو قاسم.. كمت الحيلي شنو هالطلقات
شذى.. ماااادري اكف لا تطلع كمت قفلت الباب وكفت عالباب...
ابو قاسم.. وخرري خل اشووف شكووو
فرح.. يمكن.. ٣٠ طلقة سمعت لا اكثر خمس
دقائق واختفن ماكدر امد راسي الصوت مرعب
والخوووف مسيطر عليه اني ادك والطم على امي انتهت كاعدة بالكاع.. فتحت الباب
وطلعت تلكاني ابو قاسم وشذى طلعنا
كلنا نركض للطرمة.. اووووووف ربي..
كون ميتة ولا شفت اللي شفته... شفت ابو جراح
بالكاع.. وكله طلقات.. الطرمة كلها الحياطين مزرفه طلقات.. عطططططت حييييل يمة ابوو جراح اخووووية...
الوالدة.. اسحل بروحي سحل كوة امشي
وصلت وشفت ابني غركان بالدم...
حرير.. طلعنا كلنا نركض كلمن يكول شنو هاي الطلقات.. فتح الباب ابويه وطلع للطرمة
شفنا الجوارين ملتمين..
حدهن.. عيني ام عمار هاي شكو وين الطلقات
ام عمار.. خيتي يكولون بيت حماج هاي الطلقات مانعرف شكو...
حرير.. شنوووو بيت حماااااج يعني بيت عمي..
طلعت اركض بدون حجاب .. مديت راسي بالشارع .. الكل تركض للييت عمي.. طلعت
اركض وراهم.. واصيح ابو جراااح ... يمة
شبي خاف هوو لا مو هو.. طبيت اركض
وصلت الطرمة ملياااانه زلم.. كلها مدنجة روسها على الكاع.. اريد بس اشوف منو بالكاع ..
دفعت الزلم وطبيت.. شفت ابو جراح بيد عمتي مدد بالكاع بالفانيله والسروال وجسمه مليان
طلقات.. كعدت.. يمه... عمةةةةةةة لا دقيقه
عمه اني حلماااانه مووو اي حلمانه .. ولج
فرررح حاجيني.. ردي عليه .. منو هيج سوووة
احاجيهم محد يرد عليه.. شلته خليت راسه
بحضني.. كعدت بالكاع.. امسح على راسه
راسة مابي شي بس جسمه منتهي..
حبيبي حاجيني.. انت مو كتلي الصبح
كعديني هاا موكتلي.. كوووم بداعتي مو تكلي
انتي روحي عجل ليش نايم كوم حبيب
حدهن.، وخرووها من يمة راح تتخبل
حرير... محدددد عليه بيه لحد يلزمني
دحام..، وينه وينةةةةةة خوووية اووويلي عليك
شلون هيج... اويلي يااابة .. ابو طول الحلو
شلون تنام جوة التراب.. كووم بعد اخيك
كووم عرسك هالاسبوع.. لا تموت وتعوفنا
حرير.. كعدنا اني ودحام وابو قاسم
حاضني ونلطم.. عمتي اتخربطت شالوها
اخذوها جوة.. اني كاضبتو بأدي الاثنين
حاضنه راسه... كوة شالوني واخذوني من عندة
طبيت للبيت.. ملخت نفسي.. بقيت اعيط
لحد ما فقدت بعد مابيه ابجي.. طبيت الغرفتة
طلعت هدومه حضنتهن ابجي وبجيت الدنيا
كلها ويايه.. اووويلي عليك اوووويلي رحت
وعفتني شكثر تعذبت بسببي الله ياخذ عمري
شنون خليتك تموووت شنووون لحد يلزمني
عووفوني. اريد اموووت .. ولكم احبه والله احبه
تعرفوووون شنو احبة.... اركض وافتر بالبيت
مثل المخبلة.. شعري مفتوح ملابسي كلها دم
راح ابو جراح.. راح اللي جان اللي سند
راح وعافني وحدي .. قصتي حزينة ويمكن
قهرتكم بس صدكو ما توصل ربع النار اللي
بصدري.. حسبي الله ونعم الوكيل على اللي
جان السبب.. راح واخذ حييييلي... راح
وياريت نعرف اللي قتله منو.. انتهت قصتي
بالحزن والقهر...استودعكم الله
💔💔💔💔
انتهت قصة حرير.. سامحوني قهرتكم بس
يشهد الله هاي هي القصه ماكدر بعد
اغير بيها لانها حقيقية.. الله يعين كل ام
فقدت ولدها والله يعين كل زوجة فقدت زوجها
والله يعيين كل حبيبه
.. انتهت حرير..
لكن ربما سيكووون هناك فصل اخر
عن حيات حرير.. بعد وفاة ابو جراح
تحياتي نشوى السلطان ...
