الـحادي عشٌـر
#بعد_منتصف_الليل
اشتقت لك يبعد ناسي وخلاني...
بقلمي #نشــــوى_السٌــلطاني ...❤️
حرير.... عفتهم كاعدين يحجووون اني احس روحي متت جسد بلية رووح وين راح وعافني
موكال باجر مهرنااا... حضنت اليشمغ وبجيييت
من كل گلبي... فتحت الديلاب.. ماتحملت طلعت
الكاااسيت وشغلتة.. اريد اسمعة واسمع شنو بي💔...شغلتو.. شعر حيييل حلو وماينمل..
بقيت اسمع وابجي وحدي.. ماعرف شنو االي راح يصبرني بدونة.. احبة يااااربي ليش
حرمتني منة.. الله لا ينطيك عزيز عساك ماتهنيت بحياتك.. شجابك بطريقي شدلاك..
فرح.. العشى بقى على حطته محد كدر ياكل
الكل ضايج ومقهور امي اشوفها تصلي وعيونها
مدمعة.. البييت اضلم بدون اخيي.. الله لا ينطي الجان السبب.. طبيت ادور على حرير لكيتها
كاعدة بغرفة ابو جراح وسادة عليها الباب..
فتحت الباب وكعددت يمها.. حرير ليش مقهورة
والله هسه يطلع شبيج ابو جراح سبع محد يكدر يلوي ذراعو ،
حرير.. ولج هذاا سجن مو شغلة ذراع تعرفين شنو سجن النوب انسجن بسببي انحرمت من
شوفتة بسببي.. جنت اكول. شنون يسافر ويعوفني هين ماكدر افاركة تعلمت على كلشي
على غيررتة حرصة خوفة حبة.. جنت اكولة لا شنون تسافر وتعوفني وحدي.. ريتو مسافر ولا رايح للسجن.. اوووف ماكدر اتخيل هو هسى
بالسجن.. بلية اكل بردان.. ماعندو غطى..
شلون راح يكضيها هالليلة... ولج راح اموت الملامة موتتني كله بسسبي..
فرح... لاااا شبيج تلومين بنفس ابو جراح هم
غلط هسه هو شجابة عليه اتصرف بعصبية وراح اتهور وضرب عزيز.. طبعا الزلمة حگة كل مرة
يهينة ويسكت مل من عندو وراح اشتكى.. موزين ماهدو علينا ..
حرير.. لا تخليني اسب اهل عزيز هسه يعني شنو گوة صدكي بالله هذا عناد وغيرة جذاب هو
يحب يغيض ابو جراح.. والا شعندو هيج لزك مايحس معقوولة..
فرح.. هسه هذا دطفي لييش مشغلتو..
كمت اريد اطفي..
حرير... لاااا ولي يسلمج عوفي اريد اسمع كبل مااطك واموووت..
فرح.. اي موتي نفسج بعد. شبيج تخبلتي..
كومي اكلي شي كافي ابو جراح يطلع لا
تزوديها علينا.. امي مقهورة سودة عليه وابوية ماتعشى.. وابو قاسم راح يجيب حرمتة من
اهلها صارلها شكد هناك كومي اكعدي بالهول لا تبقين هين..
حرير.. مااااااطلع فرح عووفيني روحي انتي وسدي الباب اليوم انام هين بفراشو ماطلع..
خابري اهلي احجيلهم السالفة تره مابيه احجي الاحد واضل اشرح روحي طالعة..
فرح... اوووف بكيفج اروح اشوف ابوية خاف يريد شي ومن اكمل انام هين سوية. هسة ارجعلج..
ابو جراح... دخلوني للسجن... ماهتميت بقيت كاعد واتكرضم.. شوكت اطلع واسحل عزيز بكل
الديرة... حرير اوووف الحلوة مالتي شلونها هسة اكيد مقهوورة ببسببي ... هينة ان شاءالله ارجع يبعد ابو جراح .. وعمرو
حرير.. صار الليل ماكدرت انام اتذكر كلامة من كلي خاف اسافر سمعي الشعر... عبالك يعلم
راح ينسجن ويروح بعيد .. الكاسيت عدتة اكثر من مرة ولا امل .. بقى مشتغل الشعر والاغاني
لحد اذان الفجر.. كمت صليت ودعيت من ربي وية الاذان الحبيبي يطلع ويرجعلي سالم...
كملت صلاة راسي حيل يأذيني فرح نامت وعافتني.. تمددت بالفراء ونمت بدون مااحس..
كعدت مثل المخبلة الساعه
تسعة الصبح.. طلعت اريد اشوف اكو خبر
عن ابو جراح شسوو عمي .. لكيت عمتي كاعدة
وتقرأ قرأن.. طبيت غسلت وجهي .. وطلعت
سمعت الباب يندك... طلعت اركض ياالله بلكي اكو خبر عن ابو جراح... فتحت الباب...
💬دحام.. صبااح الخير...
💬حرير.. دنجت راسي .. وصرت وره الباب بس عيوني طالعه اريد اعرف منو هذا شايفتو بس وين اووو هذا دحام اتذكرت.. هلا صبـاح النور رايد ابو جراح.. موهين
دحام.. لحظة انتي منو... ...
حرير.. نعم.. انت المن رايد
دحام.. لا بس جيت اسأل على ابو جراح... شخبارة ضل بالي عليه والله..
حرير... والله ياخوي بعد ماطلع..
دحام.. الله كريم.. احد موجود هين من الزلم
حرير.. لا كلهم طالعين..
دحام.. عجل اجي وكت اخر... مع السلامة..
حرير.. الله وياك... سديت الباب ورجعت لكيت عمتي سادة القرأن توها مكملة..
دحام... طلعت من بيت ابو جراح.. هالبنت الحلوة مني موشايفة كبل عدهم معقولة بنت
عمة.. بس اني ادري بيها صغيرة شوكت كبرت هيج وصايرة حيل حلوة.. معقولة هي هاي اللي
مخلي عينة عليها ابو جراح... اي اكيد... هي حلوة الله يستر عليها... رجعت للييت صورتها
مطبوعة ابالي حگو ابو جراح عرف يختار والله
الوالدة... خير يمة منو جة.. عالباب بشري
حرير.. هذا دحام جة يسأل على ابو جراح..
الوالدة.. اي خطية كبل يسافر وياه يطلعون سويه صديقة... اووف
حرير.. خاله شنون هسة شسوة عمي
الوالدة.. راح على ابوج وعلى الشيخ ابو امين ياخذو ويروحون .. لبيت هذا اللي اشتكة عليه نسيت اسمة..
حرير.. اي عزيز... الله ياخذوو
الوالدة.. هي هو هذا.. بلكي يحلوها اووف يايمة شكل اشرب اكيد باردة السجن..
شذى..شلونج حرير ..
حرير.. هلا ام قاسم الحمدلله
شذى.. عمة وين ابو قاسم كعدت مالكيتة
الوالدة. يمة راح ويا ابو لبيت هذا اللي اشتكة على حماج ..
شذى.. اي صدك ماكو اخبار عن ابو جراح
حرير.. لا والله بعد..
شذى.. صوت سيارة بالباب...
حرير... رايحة اشوف منوو يارب بشارة اسمع طلعت اركض فتحت الباب..
محمد.. السلام عليكم
حرير.. صرت ورا الباب.. هلا محمد شلونك خووية
محمد.. هلا خيتي.. ادري كلهم راحو لبيت هالحقير عزيز.. بس جيت اخذ غراض الابو جراح... اوديلة للسجن...
حرير... هااا دقيقة عجل هسة اجيبلك
محمد.. واكف هين انتضرج...
الوالدة.. خير يمة منو. عالباب..
حرير... عمة بسرررعة اريد فراش الابو جراح
جة محمد بالباب كال اوديلة..
الوالدة... اكفي يمة خلي اندزلو اكل.. راح اروح اشوف محمد حضرن الغراض يمة...
دحام... رحت جبت ريوك ورجعت شفت محمد واكف بالباب.. طبكت السيارة ونزلت اريد اساله
شنو الموضوع...
محمد... هلا خوية.. عندك شي..
دحام.. لا ليش ..؟
محمد.. تروح ويايه رايح الابو جراح للسجن..
دحام... يلة عجل انتوكل سوية نروح
الوالدة... هلا يمة شنونكم... رايحين الابو جراح
دحام .. هلا خاله اي ان شاءالله هسه رايحين
الوالدة يعني يقبلون يطببون كلشي
محمد.. هسع رايحين نسالهم ونشوف انتو جيبو والله كريم..
حرير.. صحت.. من بعيد.. عمة هاي الاغراض حضرتهم...
الوالدة.. تعالي يمة ماكو احد غريب جيبيهن
حرير.. لفيت حجابي زين .. طلعت خليتهن بالباب وكفت وراه عمتي..
دحام.. هاي شكد جايبين خاف مايقبلون
حرير.. لااا عفية اخذوهن السجن بارد
دحام.. صفنت عليها شلون مقهورة عليه استغربت .. شلت الغراض خليتهن بالسيارة
يله محمد نمشي..
محمد.. اي جااي عمة احنا رايحين نمر عليكم من نرجع
الوالدة.. سلمولنا عليه يمة كلولها راح نفضها لا يهتم..
محمد. .. سهلة ان شاءالله رحت الابو جراح للسجن وديتلو فراش وريوك وجكاير..
حاجيناهم ماقبلو نفوت كالو الزيارة غير يوم
خلينا الغراض يمهم وطلعنا..
حرير... بقيت انتضر للضهر عمي يرجع حتى افهم شصار..
فرح... كومي اكلي صبيت والله ازعل عليج
حرير... اووو عبالي عمي جة كيفت
فرح.. هسه همة على جية بس كومي اكلي
حرير... كمت اكلت شويه وعيني عالباب...
دگ التلفون...
شذى... لحضة يمكن اهلي اني اجاووب...
حرير... بقيت متلهفة اريد اشوف منو..
شذى.. اي هينة بس داتغدةة..
حرير... ابو جراح يمكن ايييي اكيد هو جوز خابر من اسجن .. كمت الحيلي هااا شذى منو يريدني..
شذى.. هاي سهام تريدج .. تعالي...
حرير... اوووف عبالي صدك تالي طلعت سهام هسه وكتج...
فرح... وييين كملي غداج وبعدين حاجيها
حرير... اشرتلها ماريد بعد.. غسلت ايدي عالسريع ورحت اشوف شتريد..
سهام... هاي وينج عيني متكولين عندي اهل بيت ارجعي عاد.. من بيت البيت كاضيتها
حرير.. ليش شكوو شصاير اني بيت عمي مو يم احد غريب.
سهام. البيت كله عليه مالحك شصير اني..
حرير... ارجع بعدين بس خلي يجون نشوف تالي بن عمي..
سهام .. اووف حرير ماوراج غير المصايب
حرير.. لاتزيديهااا عليه اني بيا حال
سهام.. يله امي تكول لا تتأخر..
حرير... اي اي صارررر سديت التلفون
فرح... عوذة منها.. تريديج تخدمين مو خايفة عليج هاي الجنها جنها سلبوح ،..حية ام راسين هاي تلدغ وتضم راسها..
حرير... شسويلها ماتكليلي .. هسه خلي يجي عمي ماريد شي..
عزيز.. كتلهم اني جيتكم عالعين وراس بس ابنكم زودها وضربني وهاني اكثر من مود علمود الحرمة اني بعد ماريد منكم.. بس الي اريدة يعتذر مني جدام الكل..
ابو قاسم... يعتذر منك شنوو ليش يابه فوك مازتيتِو بالسجن..
الشيخ.... اصبر ابني خل نحجي.. ابني انت خليته يدخل السجن تتوقع بعد راح يقبل يعتذر ابو جراح مايعتذر منك ...
عزيز.. هذا الموجود عندي.. لو ترة اسويها شغلة اقصاد.. ينطيني المرة
الشيخ... هي مرة... مايصير هالامر.. الحرمة نهى عليها ابن عمها.. ومايقبل بعد تطلع الغيرو هي بحسبة مخطوبة الة
عزيز.. عجل يجي يعتذررر
ابو عزيز.. لاااا انجب عيب كوووووم اعتذر من الناس وتنازل انت هم عايل دام البنت مخطوبة وبحبال الزلمة شنو تروح تخطبها..
عزيز.. ياابة خل افهمك..
ابو عزيز... كوووم ولا كلمة تحجي.. هسه تروح تتنازل افتهمت...
ابو قاسم.. كفو عمي ماتقصر.. بارك الله بيك
ابو عزيز.. لا هذا اللي المفروض يصير ابنة تعدة على ابنكم ومايكون خاطركم الا طيب
الشيخ.. عجل مادام هيج باجر غداكم يمي..
ابو عزيز.. لاا واصل اعتبروو.. يالشيخ
لا والله .. اني كلت غداكم يمنة..
عزيز... يابة ماخليتني احجي..
ابو عزيز.. اش ولا كلمة.. سويتلنا طلابة ويا الناس والله عيب عليك.. اتوكلو وان شاءالله هسه بيدي اخذ عزيز يروح ايتنازل...
ابو قاسم... ماتقصرر والله... مشكور عمي..
ابو عبير... عجل احنا نمشي... يلة توكلو
ابو قاسم.. ردينا.. لديارنة.. اني وابوية والشيخ ابو امين... وعمامي.. الحمدلله تقريبآ فضت بس يتنازل هالعزيزز..
شذى.. ااااي جة عمي والولد..
حرير.. صدددك كومي فرح.. طلعنا نركض للهول
شفت عمي رجع... ويا ابو قاسم..
الوالدة.. بشرووو يمعودين..
ابو قاسم... حلها الشيخ الحمدلله فضت بس كوم ابنج يبطل سوالفة يومية موكنا بمشكلة وفضل تالي وياه...
حرير... يااااايمةةةةة موصدكة خل اسمع زين
الوالدة.. يعني راح ايتنازل..
ابو قاسم... ان شاءالله هسة راحو ...
حرير... طبيت للغرفة... موصدكة لج فرح هي ليلة بس والله جن عمرررر موليلة موصدكة اشووفه بعد طولي طولة..
فرح... هههههه باع وجهه شنون صار.. ولج هي طول هذا... انتي مابيج ربع متر..
حرير.. وجع .. ربع متر نص متر.. المهم عاجبتو ... اخوج.. يگول يخبل طولج
فرح... اليوم.. الهج الهج وطك الصبعتين بفلس يصير...
حرير... اوووف بس خل يطلع.. للصبح نركص
فرح... هلا هلا 💃🏻💃🏻💃🏻
حرير... ولج صبري خل يطلع اول..
ابو عزيز.. تغدينا وطلعنا... اخذتو رحنا تنازلنا ورجعنا للبيت..
ابو قاسم... تغديت وكملت وطلعت للسجن..
اني ودحام ومحمد..
حرير... اووف تأخر قاسم...
فرح.. يجي بس صبرج انتي ولا عندج صبر..
حرير.. عجل خل اروح اغسل وابدل وارجع..
ماتأخر..
فرح.. تروحين البيتكم...
حرير.. عجل اشنوون..
فرح.. هسه تلزك بيج حدهن ماتخليج ترجعين
ابقي اللبسي من ملابسي..
حرير.. اني اسمن منج مايجن علية..
فرح.. لا تسويها سالفة كتلج اللبسي مني لاتروحين والله تتندمين...
حرير.. عجل افوت اغسل حضريلي شي اللبسة
فرح.. اكفي خل اشوف اكو ماي حار
ابو قاسم.. رحت لكيت عزيز متنازل جابو ابو جراح تلكيناه اني ولولد.. بس ابو جراح شكلو مريض تعبان..
محمد.. خير ابو جراح شبيك...
ابو جراح.. سهلة.. بس الضاهر اخذت برد
وينو هالساقط عزيز عجل مابيكم واحد يروح يسحلة بكل الديرة..
محمد.. يمعود بعدك بالسجن.. هههه
ابو جراح.. انعل ابوه لابو السجن خل اطلع سهلة ..
دحام... ههههههه يمعود كوة فضيناهه..
قاسم.. هاااا ردينا امشي يمعود باجر غداهم يم ابو امين تراضينا شتحجي انت..
محمد... ولك هاي شنو نااار وجهك..
ابو جراح... عضامي يوجعني والله
دحام.. ذيب ماينخاف عليك امشي هاي استبردت ...
قاسم... كملنا الأجرائات اخذنا الفراش وطلعنا..
حرير...طبيت للحمام.. وكل دقيقة.. اسمع صوت ابو جراح.. بأذني يصيحلي حرير... كمت اتخايلة غسلت
فرح.. جابو ابو جراح... ايييي الحمدلله طلع
رحت اركض على حرير ولج حريرررر
حرير... سديت الماااي... هاااااا فروحة طلع
فرح... اي بس اليوم مايجي عالباجر..
حرير.. لااااا بريج صدك عوفي الشقى
فرح... ولج طلع هين هوة كاعد بالربعةةةةة
حرير... ولج اموووووت عليج فروحتي جااااااية ... يمة گلبي بعد ماعرف شلون اكمل .. سديت الماي ورحت اللبس. مرتين لبسا الدشداشك بالعكس من كد مو متلهفة
ابو جراح... الله يسلمكم.. سهلة عزيز خل تگضبو ايدي...
الوالدة... والله ازعل منك وماارضى عليك اذا بس حاجيتة ماصدكنا يتنازل...
دحام... ابو جراااح... روح ارتاح انت مريض..
ابو جراح.. بردااان.. يمة جيبيلي غطى
محمد... كوووم فوت جوة الربعة هم باردة اخذة ابو قاسم خل ينام بالغرفة احسن واني هسه اروح اجيبلة من الصيدلية دوة
ابو جراح... لا هسه اني اروح كمت الحيلي عضامي يونن عليه دخلت للبيت وعفتهن كلهم بالربعة.. دحجت بالبيت ماكوو حرير.. معقولة راحت..
فرح... ولج دكملي عاد قابل عروس..
حرير.. انطيني عطر صخام شي خمو اطلع هيج
فرح... يبووو عبالك راح يزفوها هاج اخذي رايحة الابو جراح اشوفه...
حرير... عليج الله لا تكولين اني هين كوليلة راحت
فرح... هههههه ماشي طلعت وسديت الباب
ابو جراح،.. فتت الغرفتي ميت برد تمددت بالفراش ..
فرح.. طبيت . عليه..لكيتو متمدد بفراشو الحمدلله على السلامة خوية... شنونك
ابو جراح... الله يسلمج تعالي خلي عليه بعد غطى باردة...
فرح.. شنو مصحن عبالك...
ابو جراح... گوة احجي ارجف .. كتلها حرير وين..
فرح.. ياربي مريض شنون خاف اكله راحت واقهرهه بس هي حلفتني ماكول.. اووف..
موهين حرير راحت بس بعد شوي تجي..
ابو جراح.. جيبي صوبة هييين بردان..
فرح... اي هسه طلعت اركض ادور عالصوبة لكيتها مابيها نفط اخذتها وطلعت برة اريد اترسهاا..
حرير.. لبست ومشطت شعري سويتو ضفيرة خليت الشال على راسي وطلعت... لكيت الكل
بالربعة.. وشذى بغرفتها.. رحت على غرفة ابو جراح.. شفت الباب مردود مفتوح شويه..
دحجت عليه متمدد... فتحت الباب عالكيفي ورديتو وراية... همست بصوت ناصي.. ابو
جرااح... حبيبي .. انت كاعد.. لو نايم.. اذا تعبان اروح.. تقربا عليه.. شفتو مايرد كعدت يمة
لزمت راسو .. حااار شبيك حبيبي شبيك بعد عمري انت مريض ريتو المرض بية ولا بيك
