العـشروون ...
#بعد_منتصف_الليل
انه عايشلك واعرفنك حرام...
كلشي فاهم بس تجهله احساسي.
بقلمي #نشــــوى_السٌــلطاني ...❤️
💔💔
الوالدة... ها حرير هييين شو ماكتولي....
ابو جراح... رتبت اموري كامل ولميت غراضي الفجر ان شاءالله اطلع بس خل اروح اخابر
اهلي انطيهم خبر.. واسال على حرير
طلعت وخابرت اكثر من مرة لكن خطوط العراق مشغولة... يله اتوكل الفجر والله كريم..
ابو قاسم...اوووويلي ماكدر اتحمل اروح هسه اكلب الدنيا عليهم والله...
الوالدة،.. لا يمة اكف لا تستعجل كلشي بالهدوء ينحل... يمة حرير انتي شنون ترضين
حرير،.. عمة والله اخاف منه موبيدي ماكدرت اكسر كلامة يعني محد وكف بسدي ابويه ولا
مهتم عبالك باعوني... اي باعوني هذا جابر
مايدري اني مجبورة اوووف ليش هيج حضي
فرح... دكومي فوتي جوة غسلي وجهج كومي اااف ابو جراح اذا سمع ...
قاسم،.. اسمعي حرير اليوم ماتطلعين تضلين هين اريد اشوف شنون يجي ياخذج والله اذا
حجة ماتعرفون شبيدر مني وانعل ابو الاحترام
شلون يجبرج وانتي بحسبة مخطوبة..
فواز... شو ماجتي حرير...
حرمة فواز... هي تجي لا تستعجل عوفها خل تشوف امهاااا
فواز... مومرتاح خل اكوم اني اجيبها...
حرمة فوار... اهووو مايكدر يوگد بكاع...
حرير... طبيت بغرفة فرح وادحج على غرفة ابو جراح... محترك گلبي حرك بيا وجه بعد اشوفه
اني مااستحق حبه...
فرح... لاتضلين صافنة وتحركين بنفسج كلشي ينحل صدكي..
حرير،... ولج اني شنون كلت اي شنون وافقت وهسه اني بحسبة حرمة متزوجة ... ابو جراح شراح اكله...
فواز... صعدت بالسيارة نزلت على خوال حرير اريد اخذها ويايه بس انصدمت حرير طالعه
شنون خليتوها تطلع وين راحت فهموني
رشا... انتو جبرتوها من حقها تختار الانسان اللي تعيش وياه كل عمرها واتصور ماراح تاكة احسن من ابو جراح...
فواز.... اششش اكرمينا بسكوتج.. هسه هي وين راحت ،،. البيت ابو جراح مو،،
رشا... اي عجل شتريدها ترجع عليكم طبعا تروح الهم...
فواز... طلعت عالسيارة شغلت وطبكت جدام بيت اخوية... دكيت الباب ...
شذى... ابو قاسم صوت الباب كوم اطلع شوف منوووو
حرير... تممددت على رجل فرح ... وصافنة بغير دنيه اسمعها تحاجيني بس بالي بعيدد ولا يمها
قاسم... طلعت اريد اشوف منو فتحت الباب
شفت عمي فواز متجتف واكف بسد السيارة
فواز... وينهاااااا خل تطلع بسرعه
قاسم،،. موهية لعبة عندك وتتحكم بيها ... روح حرير ماتجي وياك... اتوكل
فواز... موبكيفك يله وينهااا خل تطلع
قاسم... ولا بكيفك ،.. حرير بنتنا واحنا نعرف مصلحتها اكثر منك شكثر جانو كبل يحجولي عليك بس ولا مرة اتصورتك لهل درجة ضالم
فواز... تعلمت الضلم منكم امشي كلها خل تطلع لو اطلب اني اخذهااا ووووول حررررير وينج اطلهي بسرررررعه
ابو قاسم... لاااا تصيح والله ماتطلع من هين واني خشمي يشتم الهوى
حرير،،، كمت الحيلي... وكفت بزاوية الغرفة
فرح... صوت عمي فواز هذاال
حرير،.. ولج قفلي الباب اركضي ...
فرح... ولج شجاااج ترجفين هناك ابو قاسم لا تخافين...
حرير،.. دقفلي هسه يطلب عليناااااا
فرح.. اي شبيييج هاااي قفلتة...وخري من الشباج خل نشوووف...
فواز... لا تحداني البنت مخطوبة وعرسها الخميس... كلها خل تجي...
ابو قاسم... الله بعمري ماشفت انسان حاقد مثلك.. والله هذا الشارب مو عليه اذا خليت حرير
اتزوج وامشي اطلع من جدامي تره كوة متحمل لا تخليني اهينك هين والم عليك خلك الله
فواز... اي والله تسويها وتضرب عمك انتو مجد رباكم... راح اطلع من هين مو خوف منكم الا
بس من الفاضيح ماريد الناس تسمع وتصل السالفه الخطيبهااا... بس ثق ماراح اجوز منها وراح ارجع واخذها وعينك تشوف...
حرير... ولج مادسمع شديحجوووون كليلي
شذى،.. طبيت اركض على حرير.. فتحت الباب مقفول... ولجن لحكن هين فواز بالباب
فرح... اي اي شفنهاااا روحي شوفي شصار
حرير... دحجي عمي فواز صعد بالسيارة ياالله
فرح... گططططيعة تگطعو .. جماله عم.. شنون عم ... عاب وبله... امشي راح خل نشوف شبي
حرير... فتحنا الباب .. وطلعنا للطرمة كلنا
ابو قاسم،.. ها شطلعكم شبيكم وجوهكم مخطوفة،..،
شذى... ها شبي عمك جة شيريد
ابو قاسم... يديد حرير. وكتلو ماتطلع من يمنه
فرح... ااااااي عفية عليك خوية حرير النا مو الغيرناااا...
حرير... خاف يرجع النوب شنووون
ابو قاسم... حتى لو يرجع الف مرة ماراح ياخذج واني هين موجود...
حرير... يااارب مايرجع والله اذا زوجًوني هذا الا اذبح نفسي جدامو وابلي
ابو قاسم... هههههه دفوتو جوة الشارع جدامكم
حرير... صار الليل ماكدرت ماروح بغرفة ابو جراح... شفتهم ملتهين بالمطبخ،. فتحت الباب
عالكيفي... طبيت... كعدت عالجرباية اتذكرت كل لحضه عشتها ويا هين... من جان مريض
ومخصن.. من جان يشاقيني.. من جنت اتدلل عليه اووف مشتاكة الكلشي بي.. صديت شفت
اليشمغ معلك... شلته... وحضنته بوسته...
ريحتة بي ... بعد عمري وين انت لو بس تدري
شصار بيه... رجعت اليشمغ... بمكانة خاف احذ يشوفني... طلعت عالكيفي وطبكت الباب
ورايه... صار الليل طبيت اني وفرح...
اتمنيت ابو جراح يخابر بس اسمع صوتة كلشي
ماريد .. انتضرت للساعه وحدة مااتصل رجعت تمددت بفراشي ونمت..
ابو جراح... ساعه خمسة الفجر... سلمت على دحام وطلعت للعراق... مامصدك راح ارجع
واشوفها..كبل مااصل طريبيل. شفت اسواق ومطعم... نزلت اكلت .. باوعت ولا محل .. شنون
نسيت اخذلها شي وياية... شفت الاسواق طبيت اخذت جكاير.. وباكيت نستلة توتو وحلويات
مايصير اروح وايدي فارغة.. دفعت الحساب وصعدت بالسيارة،. وتوجهت للعراق .
فواز شفتيها،.. ولا رجعت اني اعلمها خل تكضبها ايدي
حرمة فواز... مو عرفناااهه هاي تاليها بس ماسمعت مني خل اكوم اسوي الغدة احسن من هالسوالف لان انت ماتسمع نصيحة
فواز.. ولج الناس شراح اكلهم خطيبها اذا شالني شنووون
حرمة فواز... والله مادري انت خليت نفسك بهالموقف انت اطلع منه...
فواز... ماكدرت اروح للشغل بقيت نهار كامل بالييت كاعد واتكرضهم ماكدر اروح راح يسالني عليها وخاف يجي شنوون... حيرررة
حرير... بقيت ٣ ايام بيت عمي والحمدالله لحد هسه ماكو شي اليوم ثلاثاء يعني باجر حنتي
والله يحلمون اتزوج...
فرح... هااا بعدج بالفراش صافنة وتفكرين شكد تفكرين ولج دماغج مايخلص شحن
حرير،.. افكر بي .. وينه شو ماديخابر ضل بالي عليه
فرح.. هااا ابو جراح... لا عادي مرات مايحصل
كومي هسه ام عواد جابت كيمر عرب.. شو كعدت جوعانة،.
حرير.. هو انتي كبل جوعانة شكد تاكلين ياريت يبين عليج .. تاكلين والعلة بالرچاب 😂
فرح... اهووو هاي انتي هم مثل امي كومي يمعودة شسوي يعني انفخ نفسي
حرير...طلعنا غسلنا... اني وفرح عمي طالع وعمتي نايمة... شذى صوتها بغرفتها هي وجهالها.. طبيت عالمطبخ لملمته.. وخليت القوري عالنار...
فرح... حرير طلعي خبززز من يمج...
حرير... اي طلعت دحجت عالباب شفت رجلين واحد واكف... يمكن رجع عمي... طلعت اريد افتح الباب...
ابو جراح،،،، شايل بيدي الغراض وتعبان مدهن السيارة عطلت بيه كوة امشي اهجس نفسي مكسر... اريد ادك الباب بيدي الغراض ماكدرت
حرير... منو عالباب .. عمي لو ابو قاسم
ابو حراح.... اووووووويلي عليه والله ردت روحي هذا صوتها يعني مقسوملي كل ما ارد للعراق هي اتلاكاني... همست.. يبعد الروح انتي هين
حرير... اريد الصوووت ينعاد مرة ثانيه حتى اصدك هذا صووووته... اي صوته هو اي رجع لا
يمكن ابو قاسم... فتحت الباب وكلي لهفة
وعيوني مغووورگة دموووع شفتة جدامي واكف
ولحيته عاليه وايده كلها دهن مادري شصار بحالي فرحانة مدري مقهورة شراح اكله ياربي
ابو جراح... هلا بالروح هلا يبعد اهلي شنونج
حرير... اريد ارد عليه مخنوووووگة والله ماكدر احجي..
ابو جراح... تعالي اخذي الغراض شبيج متسجنة عبالي راح تكيفين من تشوفينيً
فرح... صحت هااا وينج حرير.. الجاي احترك
طلعت عالطرمة شفتها واكفه وابو جراح واكف
يمة شلون اثنين يخبلون... بقيت بمكاني ماتقربت ...
حرير... الحمدلله على سلامتك...
ابو جراح... ذبيت الغراض بالكاع صفنت عليها
شبيج... ليش تبجين... احجي مريضه شبيج بعد عمري انتي..
حرير... لا لا مابيه شي عفتة. ومشيت طبيت اركض ياربي شراح اكله شنون الي عين بعد اباوع ابوجهه...
ابو جراح،.. فررررح... شبيها حرير... طبيت وراهه امشي... امي وين شبيكم شكووو
فرح.. ماكو شي خويه الحمدلله على سلامتك
ابو جراح... حريررر شبيها احجي...
فرح... جوز لان شافتك مابية شي خل اجيب غراضك.. عبرت من جدامه ماريد احجيله خطيه هو توة جاي اتلكاه بالقهر...
الوالدة.. سمعت صوت ابو جراح... يبعد امك ..
كمت الحيلي ترجيت عالحيطان وطلعت هلا يأمي هلا يبعد امك انت شو ماكلت راح اجي
ابو جراح... هلا يمة سلمت عليه وبست راسها شنونكم ابويه شنونه...
حرير... طبيت لغرفة فرح بجيت ملخت نفسي امدددداية الله ياخذ عمري شنون هيج سويت
بنفسي شنون مااستاهله والله مااستاهل حبة ابجي واني خانگة نفسي ماكدر ابجي بصوت عالي واطلع اللي بكلبي ماريده يسمع
ابو جراح... شو ماكو احد ابو قاسم وين
الوالدة... يمكن ديغسل.. تعال يمة اكعد انت شو هيج شصاير تعبان يمة خمو بيك شي..
ابو جراح... ماكدر اكعد اريد افوت اغسل
فرح فوتي الغراض بغرفتي كلهن طبيت للمرر
دورت على حرير ماكر... بقيت محتار هاي شبها ليش من شافتني راحت... غسلت ايدي وجهي رجعت عالمطبخ...
الولدة ... لا تحجين الاخوج هسع ديرباالج
فرح... فوح لا لا اعرف اشش جة
اكول ابو جراح تريد اسويلك ريوووك... ويايه
ابو جراح... حزرتها بعيني... شبيكم احجو ضامين عليه شي شصايرررر شتبسبسووون
فرح... دحجت على امي اريد احجي ماكدر
ابو قاسم... طلعت من الحمام وشفت ابو جراح واكف ويحقق وياهم مصيرة راح يعرف
وكفت ورااه وكتله... خويه... شنونك... سلمت عليه..
ابو جراح... هلا ابوقاسم شلونكم
ابو قاسم،.. صاير تجي وماتكول ليش
ابو جراح.. ماحصلتكم.. شكد دكيت
ابو قاسم... اي الخطوط للعراق ضعيفة
ابو جراح... حرير وييين ولج..؟
حرير... اسمعه يسألهم عليه.. اني لازم اطلع من هين اروح البيت ابويه احسن اني شمةعدني يمهم ... وهيج سويت ببأبنهم... خل اكوم اطلع
ابو قاسم... خوية السالفه ومابية عمك فواز
ابو حراح...... اااااي طلعها شبي،،،!
ابو قاسم... كطع مهر الحرير.. على واحد اسمة جابرررر....
ابو جراح... دقيقة تشاقون لو صدددك
فرح... بس خطيه والله حرير ماعليها غصبها عمي استغل الوقت شافك مسافر وجبرها توافق...
حرير.. واكفه وره الباب واسمع والطم على وجهي شراح ايصير اليوم من ورايه يبووو
ابو جراح... شنوووووووون هيج.. شنون خليتو ينطوووهااا عجل ماكو زلم تروح تكف بوجهه حريرررر وييييين... طبيت بالممر... دفعت الباب
حرير... كعدت عالجرباية خليت ايدي على راسي سديت اذاني ماريد اسمع شي
ابو جراح... دحچي علييييييييه ارفعي راسج
حرير... رفعت راسي وايدي ترجف ماكدر احجي .. ادحج عليه عيونه تخوف حمر والكل واكف وراه...
ابو جراح... شنووووون كدرتي تكولين موافقه .. هااا شنوون احجي...مو احاجيججججججج
حرير... عبالك اللساني انربط اريد ارد عليه ماكدر بس ابجي وحاضنه فرح وعمتي وقاسم كاضبين ابو جراج من ذراعو...
ابو جراح... دفعتهم ضربت الباب طبيت للمطبخ كلبت كلشي كسرت ماخليت فقدت خلاص...
طبيت للمخزن طلعت المكيار وطلعت.. وييييينه
هالحقيرررر وينةةةةة والله اليوم ذبحو على
ايدي يصيررر،.. انعل ابوووه لابو ساعتو
خسسسسيس ضااااالم... ول ياااااب تستغلون سفرررري هيييييين اعلمكم اليوووم
الوالدة... يايمة ولك اركض على اخوك... لايسويلنا بلوة...
ابو قاسم... طلعت البرنو اريد اضمها ادري بي من يصير عصبي يفقد
شذى... عززززة ذب البرنووو وين ماخذهاا
قاسم... هاج ضميها بسرعه طبيت للمخزن اخذت تووثية وطلعت وره ابو جراح ماينلام لازم
نكفو عد حدو شغلت السيارة وطلعت شفتو يمشي بفرع بيت عمي فواز... نزلت وراه
ابو جراح... دفرت الباب وطبيت للبيت وينه ويناااااا كليلي وينه هالنذل هذا
جابر... اكول خوية اني مجهز كلشي الضهر تمر اخيتي عليكم تاخذ البنت يقيسون البدلة مدري شنو تعرف. عاد سوالف النسوان ماتخلص
فواز... والله اشوف اتأجل العرس لسبوع الاخ لان ام البنيه مريضه وحرير راحت يمهم
جابر... ااااالاا خطية سلامات شجاههه
حرمة فواز... بسم الله ... موهين عمك طالع
ابو جراح... وينه خل يواجهني اليوم اكلب عليكم الدنيا والله... بالشغل مووو
ابو قاسم... ابو جراح اطلع خل نروح للشغل هناك هذا اللي انطوه حرير...
ابو جراح... ركبنا بالسيارة وطلعنا للمعمل...
نزلت اركض.. ودحج بين الوجوه وينة عمي وووووووينه ...
فواز... كمت الحيلي سمعت بره صياح طلعنا اني والعمال كلنا نركض
حرير... اريد اكف علو حيلي ماكدر اهجس حيلي ميت راح ابو جراح راح يتجاتلون ويصير شي ررررربي عديها علو خير لو اخذ روحي وخلصني...
فرح... راح تموتين نفسج شبيج تخبلتي ماكو شي لا تخافين شذى جيبيلها ماي
الوالدة... يمةةةة راحو ولدي راحووو شراح يفضها اليووووم ... ولج شوفي ابوج وينة
ابو جراح... هاااا وينه نسيبك الجديد...
فواز... شحابك هييين
جاير... خويه فواز هذا الوياه مو شفته يمكم
ابو جراح... من كال هيج عرفتة... جطيت علية وكمت اضرب بي بدون وعي...
فواز... لاااا عوف الزلمة ... جابر وينك يمعووود
قاسم.. والله الكتلة بيك مو بي..لزمت عمي من خوانيگو... اللي يتگلط عليناااا هذا مصيرووو
يله ولي انت مو عم .. احنا متبرين منك دفعتو
عالحايط... العمال كلها توخر ببو جراح واني
متونس... شلت التوثية.. كتلنة عمي وجابر
كتله ماينسوها طول عمرهم...
ابو جراح... اليووووم اليوووووم اطلك لا انعل ابو الجابك افتهت... يله طلك بسرررعه
جابر... ماطلك اطلع من هين انت منو حتى تجبرني اطلك...
ابو جراح... لزمتو من زياگو .. ولك انت گطعت مهر على حرمتي تعرف شنو حرمتي..طلگ لا اكلبها عليك كلاب... طلككككككك
قاسم... ماطلك لو اتمووووت جدامي تهيني هين من وره حرمة....
ابو جراح... انت ماعندك كرررامة الحرمة ماتريدك طلگ...
جابر.. كمت الحيلي حلگي يذب دم راسي مجروح... شلت السويج ... اني اعلمكم
تهدوت عليه... علمود حرمة.. والله ماطلك وعيونكم تشوف... والا اتزووووج واخليها على ذمتي انعل ابوكم لابو الحرمة لابو الساعه الشفتكم بيها
فرح... يمة حرير مدري شبيهاااا كوة تحجي خاف بيها شييييي ...
شذى... ولج شنووون اخوتج ماراح يسكتون شهالبلوة اللي وكعت على روسناااا
حرير... يحجون ومخبوصين اني بغير دنيه احس داخلة بدوامة... ماشوف واضح بس اسمع
حجيهم ... ومافتهمة زين... احس النفس ماكدر اجرة... انتهيييت شسويت اني راح ايصير شي من ورايه...
الوالد... شبيكم شكوووو هاي شبيها امج
فرح... يابه الحك ابو جراح هد على عمي فواز
راح عليهم للييت اليوم يتجاتلون وابو جراح عصبي....
ابو قاسم،.. راااح جباااان .. شوفه شنون طلع امشي خويه نمر غير يوم
ابو جراح... لزمت عمي من زياكو ودفعتو عالباب
اني مو ابو جراح... اذا ماخليتو يطلك وانت هذا
مو حسابك لاااا حسابك عندي... امشي قاسم خل نطلع.... الحكو الهذا جابر شوفو وين راح
قاسم... لا راح بعد خل يولي بس تلزمة ايدي النوب وين يولي امشي خل نرجع عالبيت
ابو جراح.. صعدت بالسيارة... وعيوني تجدح ممرود گلبي مرد... شنون هيج صاير ورايه
حرير اللي جنت اتباهه بيها شنون كدرت توافق
ااااااخ ول ياااااب كون ميت كبل مااصل ولا
سمعت اللي صار..، هاي تاليها حرير
بكل سهولة رحتي وقبلتي بغيري عجل هذاك
كلامج جان بس حجي جدامي.. ماكو بعد
احد يحب صدك ولا اكو وفة كلشي جنت متوقعه
بس مال توافق بغيري لا هاي بعيدة... نزلت طبيت للبيت...
فرح... اااااي يمة هاين جوي اخوتي
شذى... وينهم افتحي الباب ...
الوالدة... هااا يمة شبيهااا ايدك شو تنزف تعال كومي فرررح جيبي شي لفيها
ابو جراح... طبيت للبيت يحاجوني بس اني نار وشابه بضلوعي... طبيت كعدت بالمطبخ...
طلعت جكارة دخنت...
فرح... يمة كسررر گلبي شنون مقهورة بقيت صافنه عليه والدمعه بطارف عيني...
ابو قاسم... وينها حرير...
شذى.. بغرفة فرح خطية مدري شبيها
ابو جراح... ماريد اشوفها...حيييل حركت گلبي حرگ اشنوون راحت الغيري شنون انطاهه
گلبها توافق.. يعني هسه هي حرمة غيري محرمة عليه ول يااااب... كمت شلت النفاضه
ضربتها بالباب وطشرتهاااا وينهااااااااا
وينهاااا صيحيلهااااا
فرح.... يمة اسم الله وخرت من جدامه الماعين وكلشي شفته فاقد بس يكسر
ابو قاسم... كاااافي يمعود تخبلت.. عوفها البنيه شعليهاااا
ابو جراح... ولك بس اريد احاجيها من سألها الشيخ شكالت يعني مافكررررت بيها مافكرت
وكالت ابن عمي هذا شنون ابيعه ولك ماكو حرمة
توفي لا والله كلهن نقس الشي...
توقعاتكم ... حرير راح ترجع الابو جراح لو راح تبقى على ذمة جابررر احاول اكمل الجزء بعذ شويه ...
....
