التـاااسع عشـرر...💔
#بعد_منتصف_الليل
. اذوبن ونطفي گبالچ
جرة نفس مابيه
اثاري يموت سبع اوكات
هذا اليعشگج يبنيه
بقلمي #نشــــوى_السٌــلطاني ...❤️
💔💔💔💔💔💔...
حرير... جرني من ايدي حيييل واخذني مارفعت راسي بقيت واكفة وراه خاله حدهن... كطعنا المهر وطلعت...صعدت الغرفتي بجيت ملخت نفسي طلعت القهر اللي بكلبي ...
حرمة فواز... طلعو الناس وجة فواز كعد يمي فرحان بالخطبة...
فواز.. هسه ارتاحيت بعد محد الو دخل بيها
البنيه صارت على ذمة الزلمة،..
حرمة فواز... انت فرحان... ها فرحان من تكسر گلوووب والله حرام عليك،... البنيه تحبة
حرير... سمعتهم راحو فتحت باب غرفتي وكفت يم الدرج سمعت عمتي تحاجي عمي الضالم لميت شعري .. ونزلت اركض عليهم...
فواز... ياكلوووب هاي.. ولج سوالف زعاطيط انتي صدكتي... السويتة اني هو الصحيح
سالفه تحبه ماريدج تعيديها
حرير،.. وكفت جدامة... بعد كافي اكون ضعيفة هو دمرني بعد خل احجي اللي بكلبي.. كتله منو
كال سوالف زعاطيط انت سالفه حبك اللها اكثر من ٣٠ سنة ولحد الان تاخذ بثارك ليش ماكلت
على نفسك سوالف زعاطيط لا مو زعاطيط اني احبة وابقى احبة لحد مااموووت وخطيتي بركبتك
وبركبة ابوية اللي مادافع عني ورحتو بعتوني لهذا الجبتو مدري منين..
فواز... انجبي ولا كلمة اسمع منج ياحب هذا انتي تحجين عليه اني ردت اخطبها حالي حال
الناس واخويه خطبها كبلي هذا اللي صار لا تسولفين سوالف كبار افتهمتييي
حرمة فواز... لا والله ماحجت غير الصدك هيه
كااافي عااااد تنتقم منهم تحب گبل وتعذبت
انت فتهمناتتتت بس شنو ذنب هالمسكينه
وابو جراح هااا بس كلي مافكرت من تغصبها
الله شراح يسوي بيك ... والله مادري شكول عليك بس اللي حجته حرير يكفيييي
حرير... خل يجي جابر اقسم بالله احجيله كلشي واكله هذا اللي هد عليك ايكون اخو
خطيبي انت اخذتني منهم بالغصب .. وابو جراح بس يجي .. راح تشوفون شي منه ماشايفي گبل...
فواز،... ووووولج شنو تهدديني...
حرير... لا عم ليش اهدد بس اني حجيت اللي راح اسوي.. واللي يصير خل ايصير... مااهتم
بعد الاي احد محد راعة مشاعري ورحتو گسرتو گلبي اني هم بعد مااهتم الاي احددد
فواز.. كمت عليها كضبتها ولويت ايدها . والله اذا فكيتي حلگج وحجيتي هالحجي جدام جابر .. بالله العضيم اقسمج قسمين
حرير... هديت ايدي بقوة وعفته وصعدت عالدرج... مارديت عليه
فواز... وين مولييييية احاجيج ...؟
حرمة فواز... عووووفهااا عوفها كافي دمرتها حجيها كله صحيح... تره عمر الضلم مايدوم
فواز... لا تخليني هسه انعل وااديج انتي شعليج تسولفين بمكانها.. اسكتيي انتي ماتفهمين شي
ابو جراح... بالي يمها اكيد ضغطو عليها يردوها توافق... ااااخ عم فواز بس ارجع الا اكلبها عليك گلاب... انعل ابو الشغل غير اكمل عااااد ...
دحام... ولك والله عقدتني كبل تصفك بديك ومحتار مابقى شي ونرجع لديارنا تخبلت خمو تخبلت...
ابو جراح... كمل يله اريد اطلع اخابر للعراق..
دحام،،، لك انت موصاحي بشرفي ادري العراق كل ساعه مخابر شبيك،.؟
حرير... رغم عمي اللي رباني وماخلاني بيوم احتاج الاحد... بس بعد اللي سواه صرت اكرهه
اكرهه احقدة.. اللي ضلمنا بي.. وينك ابو جراح تعال وشوف حالي من بعدك...
جابر... بقيت محتار عجيبة ... البنيه مو على بعضها.. طلعت بسرعه ليش وحتى مادحچت بوجهي،..!! معقولة تستحي؟
رجعت من الشغل طلعت للسوك اخذت حلقات وطلعت اني واختي لبيت فواز..؟
حرمة فواز... هلا يمة هلا بيكم تفضلووو
جابر... عجل فواز موهين يمكن
حرمة فواز... اي شرب جاي وطلع...
سلمة... وينها عروسة اخويه شو ماكو.. يكولون حلوة تشوقت اشوفها
حرمة فواز... والله جوز نايمة هسه اشوفها
سلمة... دكعديها خاله.. اني ماشفتها بيتي بعيد واليوم جيت اريد اشوفها كبل ماارجع
حرمة فواز،،. اي خطية كالو متزوجة بدياله
هسه اصيحلها.. كمت وصعدت عليها فوك
لكيتها... مددة وعيونها حمر مثل كل مرة اووف
بنتي كومي غسلي وجهج هين خطيبج واخته جاييين عيب انزلي يسألون عليج
حرير،.. ماانزل والله... كليلهم ماااااتقبل تنزل
عمي سواهه شغلة عناد بيه واني هم راح اعاند والله مانزل بلكي يحسون ويروح ويعوفني
حرمة فواز .. يمة عيب بعد مايصير انتي حرمتة هسة كومي ارضي بالمقسوم اللج ياامي دكومي والله استحي اكلهم ماتتطلع ..
حرير،.. وروح جدي مااطلع... عوفيني عمة
حرمة فواز... لا اله الا الله شنون بلوة نزلت عليهم
ومحتارة شكلهم...
سلمة.. ها وينها الحلوة..؟
حرمة فواز... والله يمة بعدها صغيرة وتستحي كتلها اطلعي سلمي ماتقبل.. بعدها صغيرة هي جم يوم وتتعود..
سلمة،.. ياااا شنو تستحي ماكو احد غريب صدك جذب..
جابر... هي شفتها صغيرة.. بعدها بس كوليلها لا تستحي خل تتعود علينا،..
حرمة فواز.. اي يمة حجيك صحيح بس بعدها شوي شوي تتعلم...
سلمة.. يعني شنو اروح واني موشايفتها ترة مايصير...؟
فواز... يله اني اجيب غير مرة ولا تنسين عرسي قريب يعني مصيرج تشوفيها اذا موهسه بالعرس...
سلمة... بلي مبارك عليكم... يله احنا نروح جهالي خليتهم يم اختهم الجبيرة نجي غير مرة بس كوليلها خل تشيل المستحى
جابر... ياالله ... مع السلامة
حرمة فواز.. هلا بيكم ... راحو وصعدت عليها فوك حاجيتها وهم ماترضى ياربي شنون حيرة
حرير... مر يومين على خطوبتي واني جسد وبليه روح تمرضت تعبت اكل مااكل ليل ونهار
بغرفتي فوك.. لازم اطلع اليوم لازم انهزم
وخل عمي يحس بالغلط... بس وين اروح هسه
بيت عمي كرهوني لان وافقت وعفت ابو جراح
فرح.... شفتي شذى اليوم خابرت ادور على حرير.. وجان اتكلي سهام حرير مو بحالج حرير
انخطبت.. واالله العظيم انصدمت وينه حبها الابو جراح.. شنون كدرت توافق.. هيج بكل
سهولة هان عليها الحب.. اريد اخابرها ابرد گلبي شويه واسدة...
شذى.. عزززة صدك ولج.. شو ماسمعنا..
والله ابو قاسم لو يدري يتخبل..
فرح... لج اااااااي ذكرتيني خل احرك الفلم كله خل اكول القاسم... وينه هو،،،؟
شذى... طلع ولج توه طلع بس خطية ابو جراح ليش هيج والله حركتي گلبي لو موكايلتلي
الوالدة.. كملت صلاة وطبيت للمطبخ شفت شذى وفرح مدري شحجن اكووول شبيجن تبسيسن شصايررر خيررر ضل بالي
فرح... يمة گاطعين مهر حرير اول البارحة المغرب هسه كالتلي سهام...
الوالدة... لااااا صدك ... شنون هيج هي مو خطبناهه الاخوج ...
فرح... اكو غيرة يعني اكيد هذا فواز اعرفه جماله عمي.. عمت عيني على هيج عم حاقد
الوالدة... عيب يولي لاتحجين هيج.. بس اسمعن ماوحدة منجن اتكول الابو جراح وهو بغربة والله اذا كلتن اسوي شي موصاير ..
شذى . لا عمة شلون انكول اني اكلكم لا تكولوو خطية ينقهر عاد خل يجي هين ويسمع
فواز... تريكت الصبح وطلعت للشغل مريت
على جابر اخذتو ويايه...
جابر،.. اكول خوية بس اريد اسألك
فواز.. اي اسأل... اكيد على ام حرير
جابر... لا لا .. بس الصراحة اريد اسالك عن البنيه يعني البارحة جيت مارضت تطلع..
ضل الموضوع ابالي وحتى اختي سألت
اني اكول اذا اكو اشكال ياريت تحجون من البدايهً حتى اعرف اتصرف،..لا تضمون علينا
فواز... لا لا كلشي ماكو بس هاي بعدها صغيرة ومن كلشي تستحي حتى مني اني اللي ربيتها تستحي،.. مني
جابر... هاه والله اني هم كلت هيج شفتها مستحيه مدنجة راسها.. بس اختي كالت اسالهم احسن،..
فواز... شوف احنا بعاداتنه ماعدنا الخطوبة اطول ولا نرضى الخطيب يطب ويطلع بكيفه
يعني لو تستعجل بزواجك افضل
جابر... كلشي مجهز ماناقصني شي اني كلت خاف انتو ماتنطوني هسة ولا اني تره مكمل واريد بس حرمة اداريني مااالي احد بالييت متبهذل والله
فواز... عجل توكل واخذها اليوم كبل باجر لان الصراحة اكو واحد من عمامنه يردوها ومااريد انطي لان مو خوش ناس...
جابر... هااااه اي فهمتك .. لا ماعندي شي باجر اخلي اختي تمر عليكم تاخذها للسوك يجهزون.. شتكول...؟
فواز... لا هاي تستحي انتو جهزو كلشي وتعال اخذها...
جابر .. عجل خير ان شاءالله...
حرير..خابرت على فرح... ماكدر اتحمل لازم احجي ويااهه افهم ابو جراح سمع لولا شكالو همة...دكيت عليها انكطع ومحد جاوب...
طلعت للطرمة كعدت.. وحدي صافنة واتذكر كلام ابو جراح.. يرن بأذاني... اووف بعد عمري
شكثر مشتاكة الك... سمعت صوت سيارة عمي وكفت يم الباب طبيت اركض ماريد اشوفه
صعدت الغرفتي... اني اذا ابقى هيج راح اموت ياربي خلصني من هالعذاب... خل اطلع اي خل
اروح الامي راح اموووت... لبست شلت الكاسيت اللي روحي بي وين مااروح اخذه
ضميتة بالعلاكة وطلعت... نزلت عالدرج اسمع عمي يخابر مدري ويامن يحجي.. اي همزين
خل اروح بدون مايشوفني.. مشيت على روس اصابعي على كيفي طلعت من باب المطبخ
حرمة فواز.. حرير وين رايحة...
حرير... اريد اروح الامي ضايجة ماكدر ابقى
حرمة فواز.. خاف عمج مايرضى ياامي انتي كتيله...
حرير... هاااي امي محد يكدر يمنعني عنها عفتها وطلعت... بعد كافي دمروني ماسكت لازم احجي اطلع اللي بكلبي...
جابر... انطيت الاختي فلوس كتلها جهزي كلشي حتى اتزوج الخميس .. ماعندي شي واخيرا راح اودع العزوبية...
حرير... رحت البيت خالي تلكتني خالتي بالباب
ماكدرت اسلم ولا كدرت احجي حضنتها وكعدت بالكاع ابجي...
رشا... شبيج عمري اسم الله شجرالج كووومي حرير فهميني شبيج لا تخوفيني
حرير... اريد ارد عليها ماكدر مخنوكة كمت الحيلي مسحت دومعي وطبيت كعدت يم امي مددة وعلاگة الدوة يمها اوووف هو اني نفس حضها،،.
ام حرير... حرير شبيج يمة شبيج ليش باجية
ولج رشا شبيها حرير ،،،
حرير... ماكو شي يمة بس گطعو مهري،..
ام حرير،.. اي كلي عمج بس ليش تبجين ياامي والله خوفتيني
حرير... يمة ماااريده شنو ليش تبحين...
فواز... سديت التلفون طبيت للهول مالكيت حرير.. اكول وينها حرير...
حرمة فواز.. راحت الامها...
فواز... شنووو وليش خليتها تروووووووح
حرمة فواز... شنو سجن خمو سجن امها وتريد تشوفها خطية شبيك
فواز... هاي طايشه خاف تسويلنا سالفه
حرمة فواز.. مدام طايشه شلون راح تزوجها
فواز... كاااااافي تذبين سوالف انتي امشي خابريها كليلها لا تتاخر خل تجي
حرمة فواز... عوووفهااا بحالها شتريد منها
فواز.. مو الخميس عرسها بس لا تكليها هسه لما تجي هي تسمع وتسكت ..
حرمة فواز.. شنوووو شعدهم مستعجلين
فواز.. احسن خل ياخذ شعندة ينتضر مكمل كلشي..
حرمة فواز... ااااي تخافون يجي ابو جراح ويسويها سوده عليكم،،. الحجي مايفيد والله خل اخابرها واشوف تاليها...
حرير... خابرت حرمة عمي وكالت الخالتي خل تجي اخذت السماعه الله يستر الو ها شيريد مني عمة ماكفاه ضلمني... خلي ارتاح اطلع
حرمة فواز... احذت التفون وطبيت جوة وحجيت بصوت ناصي ماكدرت اضم عليها خطيه
اسمعي يمه ترة عمج يكوول عرسج الخميس
كلت اكلج احسن بس لاتكولين اني كتلج سوي نفسج ماتدرين...
حرير... عززززززة شنووو لا عمة عفية شنون بيه خرب حضي وينك ابو جراح... ماشي عمة روحي هسه هم زين كتيلي
حرمة فواز... مثل ماكتلج لا تجيبين طاريي
حرير.. اي عمة اطمني والله... سديت التلفون
وبقيت محتارة ياربي شسوي هسه
رشا ... ولج شبيج شتريد خابرت
حرير... حجيتلها السالفه....
رشا... ولج روحي انهزمي لبيت عمج ابو جراح احسن حل
حرير... خاف اروح والكيهم زعلانين عليه
رشا ... لاااا ولج والله اسمعي مني كبل مايجي عمج.. انهزمي...
حرير... اي والله احسن خل انهزم اخذت العلاكة لفيت حجابي وطلعت.. ماكدرت امشي
بالشارع.. عبرت من الفروع وتلبد عالحيطان حتى مايجي بالسيارة عمي ويشوفني...
ابو جراح... هم ونزاح من كلبي الفجر اتوكل للعراق... هم زين كملت
دحام... يول الجمعه اكمل اني .. انتضرني
ابو جراح... ماكدر خوية والله كلبي نار مجبور ارجع للعراق...كلي روح لا تكلي ابقى
شذى... ولج فرح الباب كومي فتحي...
ابو قاسم... اكفي لا تطلعين اني اطلع
حرير... واكفه عالباب واتلفت يمنة ويسرى خايفة عمي يمر من هين ويشوفني. .
ابو قاسم،.. هلا حرير .. تعالي شعجب شعتب اني كلت نسيتينا...
فرح.. دامسح بالتلفزيون سمعتة كال حرير ذبيت اللي بيدي وطلعت اركض اني وشذى
حرير،.. ابو قاسم جدامي صار وفرح وشذى يدحچون عليه من بعيد بنضرة عتب وزعل...
اريد ارفع راسي ماكدر سلمت شلونكم
فرح... حريرررر ....
شذى... اكفي خل نفتهم... طلعنا عليها
حرير... ابو قاسم... فدوة مالي غيركم خوية
ابو قاسم... تعالي فووتي شبيج شنو السالفه شبيكم شو مدري شجرالكم...
فرح... حرير كطعت مهررر..😕😕
ابو قاسم... شنوووو يامهر عليمن وابوو جراح
شذى... دسده للباب هسه نفتهم شبيكم
حرير... طبيت كعدت بالمطبخ احس نفسي ذليله والكل ينضرلي بحقارة رغم اني مجبورة ومابيدي شي...
ابو قاسم... احجي حرير خل نفتهممممم
حرير... حجيتله السالفه كلها....
ابو قاسم.... يولو تحجين صدك ليش ماكتليلي خرب هذا عمي اليوم انتقم منه والله...
حرير... لااا اكف .. لا تحاجي هسه اني انهزمت من يم امي مايدري بيه والله لحد يروح عليه...
فرح... ياعمري واني احجي عليج... حضنتها واثنينه بجينا.. حسبي الله عليه...
شذى.. شهالحقارررة يربي
الوالدة... ها حرير هييين شو ماكتولي....
ابو جراح... رتبت اموري كامل ولميت غراضي الفجر ان شاءالله اطلع بس خل اروح اخابر اهلي انطيهم خبر.. واسال على حرير
يتبع....
