حب بعد منتصف الليل

البارت العاشر

الـعاشـرر... ❤️

#بعد_منتصف_الليل

احبها..اعشگ عيونها.. يعمي الله من عينة عليها

بقلمي #نشــــوى_السٌــلطاني ...❤️

عزيز... كل عقلج اعوووفة والله الا انسي العافية ادا ماسحلتو بكل العرب عجل اني مو عزيز   وينهم الربببع خلي نطلع..

ابو عبير .. دقيقة ابني احاجيك وين رايح..

حدهن... امشي ابو عبير خل نرد لديارنة نشوف تاليهاا..

عزيز... اخذت ولد عمي واخوية وطلعنا اني اعلمك واشوفك شنون هيج تطلع مراجلك علية

ابو جراح... اني اروح اجيب السيارة من الغسل وارجع.. خاف احد يجي مننوع احد يطلع

حرير... ويييين طالع تعال...

ابو جراح.. ماتأخر شبيج..

فرح.. طلعو عاشگين يحضي عجل وين جان بالي شو مادري امداني 🤔 بقيت بس صافنة عليهم ..

حرير... اووف ولا يسمع كلام اخوج اريد ارجع للبيت ماكدر خاف خاله حدهن تبقى تلوم بية وابو جراح من اطلع يكوم يحجي شنون ضل بالي الزلمة شصار بي..

فرح... ول عيني شو اني اخر من يعلم. 😕

حرير... شنوو شبيج...

فرح.. عشق عشق يابه طلع اكو عشق بالموضوع عجل ماتحجون تكولوون ليش مغلسين

حرير.. يمعودة  اني وين وانتي وين انطيني التلفون خلي اخابر اهلي افهم الصار..

فرح.. الا تحجيلي يلة اجيب التلفون احجي بسرعة..

حرير.. يمعوووودة انتي والله بطرانة كمت اخذت التلفون ورحت الغرفة ابو جراح.. شفت دشداشتو عالجرباية مكوية ومحضرة... شلتها بستها وعلگتها.. اتصلت على هلي..

سهام رجعت للبيت مالكيت احد البييت فارغ خواتي الصغار يم الجيران سالتهم كالو ابو جراح ضرب. زلمة يمنا بالبيت بس ماعرفت المن ضرب ويامن متجاتل سمعت التلفوو يدك طبيت اركض... جاوبت.. الووو

حرير... الوو سهام

سهام... منوو حرير...

حرير... اي ولج شوكت وديتي عالبيت..

سهام... هسه طبيت وصلتني خالتي وراحت شكو شنو السالفة صاير شي..!

حرير.. اووووف اشياء موبس شي واحد اهلي وين شكالووو

سهام.. ولج احجي شكو اهلي موهين البيت فارغ ماكو. احد هو اني شمفتهمة

حرير... حجيت الها السالفة.....

سهام... عززززة ولج شنون هيج وابو جراح وينة هسه.. لا يسوولة شي

حرير.. لا اسم الله ماعلية شي طلع كال شوي وارجع..

سهام... يمعودة شطلعت هاي تزوجي عزيز وفضيهاا..

حرير.. بعدين نحجي خلي اخابر امي ضايجة وطالعه الدنية من عيني هي عزيز انتي بطرانة

ابو جراح... اخذت السيارة ورجعت تلكاني عمي بالطريق.. طفيت السيارة ونزلت احاجي

ابو عبير... انت ليش ماتفتهم كبل هنت الزلمة وضربتة...

ابو جراح.. عمي اترجاك سالفة عزيز سدوها اخذ المقسوم مني وراح هذا اللي يخلي راسو وياية كتلو ابعد نبهتو مااافاد خلي يرتاح هسه

حدهن... ابو جراح الناس يهدددون ماتصور راح يسكتون...

ابو جراح... ههههه هين الله كريم..

حدهن... وحرير وييين اخذتها كل البلاوي من راسهااا

ابو جراح... لااا اترجاج محد الة دخل بحرير لان هي مالها ذنب اني اللي سويت المشكلة
لا كلشي تخلو براس حرير..

ابو عبير.. وينة هسه خلي ترجع عالبيت جيبة وتعال احنا نروح جدامك...

ابو جراح.. اكف عمي اني كتلك كبل اريد حرير اليوم اجيب اهلي واجي بنت عمي ونهيت عليها
ماقبل بعد احد يحجي بيها..

ابو عبير.. ابني حجيت وياك كبل كتلك اطلبها من عمي فواز كبل ماتطلبها مني اني ماعندي مانع بس هو اللي رباهه وكال حرير اني مسؤل عنها بعد الشغلة مويمي...

ابو جراح... عم اني ماعلية بعمي فواز تدري مايقبل ينطيني اني لازم اكطع مهرر

ابو عبير.. سهلة اني احاجي..

ابو جراح.. تحاجي او لا بعد خذت موافقتك اني احلهاا مايهمني الباقين توكل عمي..

صعدت بالسيارة ورديت للبيت...

حرير.. خابرت امي سلمت عليها وسديتها بقيت بغرفة ابو جراح فرح بالمطبخ..  بقيت ارتب

بملابسة وافتر بالغرفة شوكت اكون هين اني وياه ماصدك .. انتبهت على الديلاب صار عندي

فضول افتح الديلاب اشوف شنو بي.. فتحتو
لكيت كاسيتات جثير.. ومذكرات . وحرفي على

معلگ ب سلسلة.. وعطور وازرار دشداشة حيل حلوات .. عجبوني جثير بس ماعجبني شي بكثر

السلسلة اللي بيها حرفي.. كلبت الكاسيتات
هيثم يوسف.. وكاظم واحد منهم .. مكتوب عليه

#هاتف_بعد_منتصف_الليل .. شلتو اريد اشغلة
سمعت صوت ابو جراح دخل للبيت رجعت

كلشي بمكانة.. بسرعة اريد اكوم وجان يندك الباب..

ابو جراح... حرير.. وينج اكدر افوت كاعدة

حرير... وكفت الحيلي.. اي فوووت...

ابو جراح... طبيت ورديت الباب شفتها واكفة يم الديلاب ومشغلة المسجل.. سالتها.. حبيبي
شبيج.. شنو جنتي تسوين..

حرير.. لا بس وحدي وكلت اشغل مسجل راديو ضوجة...

ابو جراح... اكو عندي كاسيت اسمعي خاف اسافر اتذكريني بي.. كعدت عالجرباية وفتحت الديلاب

حرير.. من تجيب اسم السفر احس گلبي يوجعني...

ابو جراح.. گضبت ايدها.. سحبتها عليه اني كاعد وهي واكفه جدامي وايدها بأيدي
يبعد گلبي هالكلب يبعد كلي انتي.. اليوم حاجيت  عمي وكتلو اريد اكطع مهر..

حرير.. اي وشكال ابويه...

ابو جراح... سهلة حبيبي ماعليج انتي لا دوخين راسج طولج ماينمد على غير ابو جراح.. انتي الي مو الغيرري ..

حرير.. ابتسمت وخجلت.... اريد بس الهي نفسي بشي سوالفة تموتني...

ابو جراح.. فديت هالخدووود تعالي .. هذا الكاسيت هسة نازل اسمعي.. جثير يعجني

حرير.. اخذت الكاسيت من عندة انتبهت نفس الكاسيت اللي لفت انتباهي اخذتة وخليته عالجرباية كلت من اروح اسمعه..

ابو جراح.. عمي كلي جيبها..

حرير ... صدك عجل خلي اروح.. مشيت اريد اطلع

ابو جراح.. وييييين اكفي.. مشتاااااك والله

حرير.. حبيبي لازم اروح هسه خاف خاله حدهن تحجي عليه..

ابو جراح... هي حدهن هاي.. لا تخليني اسب هسة ماخلي شعليه بيج..

حرير... ههههه لا لا مايصير والله خل اروح

ابو جراح... عشاااج هين تتعشين وبالليل احذج واروح العمي اقنعها باجر نكطع مهرر ترة ماضل صبر اريد اسافر وبالي مرتاااح

حرير.. لو تكف كل الدنية بعيني مااخذ غيرك
حرير.. الك مو الغيررك..

ابو جراح... ول يااااب هذا كلامج عندي يسوة عزيز واهل عزيز والديررة واهلها..

حرير...ههههههه انت شخليت بعزيز..،

ابو جراح... حلوة دشداشتج جثير..

حرير.. افتريت جدامووو صدك حلوة...؟

ابو جراح... لا والله انتي محليتها شتلبسن حلو ااااخ  ول ياااب عمي شجابلي حرمة لو بلوووة
شعلتي اهل اهلي انتي...

حرير.. يااااا ههههه هاي اني...

ابو جراح... عجل امي... ولج حلوووة اقسم بالله عيوني ماتشوف غيرررج...

حرير.. عيونك هي الحلووة وتشوف كلشي حلو

ابو جراح... يبعد عيوني انتي...

حرير.. امشي خل نطلع عمي هييين عيب

ابو جراح.. ياعيب ولج بابا حرمتي انتي

حرير... من يمتى وجاي حرمتك اني هههه

ابو جراح... ولج نهيييت عليج بعد انتي الابو جراح مو الغيرو افهمي هالشي..

حرير.. يبعد حرير انت.. اموت عليك وعاالنهوة النهيتها... اني اروح ركضت عالباب..

ابو جراح... ول وين انهززمتي تعالي هيين

حرير.. اششش صووتك خرب وكفت وره الباب راح اروح نام انت اني اخابر اهلي واذا قبلو ابقى ..

ابو جراح... قسم بالله ماتطلعين الباب..

حرير.. ابو جراااح ابوية شبيك

ابو جراح.. قسمت وهذا يمين واذا طلعتي ازعل

حرير... هههههه اوف منك يله نام هسه

ابو جراح... لا والله اوف منج شتنومين مني انتي هين وانام روحي هسه اجي وراج..

حرير.. ههههه احبك... باي .. طلعت وسديت الباب وراية... رحت لكيت فرح تغسل بالطرمة

الجو حلو جان.. تشفت وياهه لكاع وطبينا للبيت صارت مغرب وابو جراح نايم جان ..كعد واني

جنت اسوي بالعشى ويا فرح.. شفتو فتح الباب وطلع بس ماعرفت وين.. بقيت اشتغل وعيني عالباب وين راح يالله ضل بالي..

عزيز .. رحت للمركز واشتكيت عليه الا اخلي يخيس بالسجن ويعرف عزيز منو. كاعد على نار  وانتضر يروحون يعتقلو 

حرير... سمعت صوت السيارة بالباب اييي واخيرا رجع طلعت اركض اريد افتحلة الباب

ابو جراح.. طلعت اخذت جكاير ومريت على محمد شوي ورجعت للبيت ماكدر اطول وحرير

بالبيت بس اريد ارجع مشتااااك شغلت السيارة ورجعت.. وصلت للبيت وشفت ناس واكفين

بالباب وسيارة عسكرية... استغربت شصاير هين شكو يم اهلي... بعدين اتذكرت عزيز اي يمكن سواهه عزيز.. طبكت السيارة ونزلت

دحام... ابو جراح... ولك هذول جاايين يسالون عليك ارجع... بسرعه ... لا تضل هين

ابو جراح.. يحاجيني مارد عليه.. بالي يم اهلي حرير جوة ابويه هسة ضل باله لازم افوت واشوف شكووو... شنو الصار

حرير... فتحت الباب شفت شرطة بالباب ويسالون على ابو جراح.. طييت اركض على

عمي صحتلة هو وابن عمي ابو قاسم ..  ارجف اريد احجي ماكدر كتلهم عمي الشرطة عالباب
ويسالون على ابو جراااح😰

فرح... عززززة صدك... وينهم

حرير... فرح ولج شنوووون راح اموت..

ابو قاسم ..ليش شكو شمسوي النوب هم رجعت الطلايبة ... شبي.. لو باقي مو ارجع احسنلي

حرير.. ابو قاسم... اطلع شوفهم الله يخليك..

ابو قاسم.. لبست السترة وطلعت اني والوالد صحت .. لحد تطلع بره افتهمتن.. .. وسديت الباب وراية

حرير.. ماكدرت اصبر ماطلع وكفت بالباب اني وعمتي وفرح..

ابو جراح.. طبيت شفتهم يحاجون ابويه وطلال وحرير  دتحچ عليهم من بعيد.. طبيت وكتلهم

السلام عليكم... خير شرايدين..

الشرطة.. عدنا امر إلقاء قبض على سعد الملقب ابو جراح... وينة... احد يعرف

حرير... اسمعهم ويسالون على اسمة وهو واكف جدامهم.. كمتت الطم على وجهي ولج شنون حظ علية فرح اموووت اذا اخذووو اطلع احاجيهم شتكولين.. راح اموووت

فرح... لاااا وين رايحة اصبري خل نفتهمممم

ابو جراح... نعم اني سعد وهذا اخوية عدكم شي حاجوني..

الشرطة هو انت ابو جراح.. امشي ويانة..

حرير... طلعت ماتحملت.. عمي حاجيهم خلي يرجع الله يخليييييك

ابو جراح.. اني امشي ماحاجة تجتفوني.⛓

حرير... ابووو جرااااااح....💔💔😢

ابو جراح.... روووحي جوووة اخذها ابو قاسم..

ابو قاسم  ... دقيقة غير نفتهم شصاير...

الوالد.. وييين ماخذي ابو جراح شبيهم شمسوي انت حاجيني

الشرطة... شكوى  جت عليه..بسبب مشاجرة.. تفضل ويانة... للمركزز يله اخذووو

ابو جراح ..سواهه عزيز النذل .. هييينة ...مشيت خطوتين ورديت صديت على حرير ..  شفتها هي وامي واكفات كسرت

گلبي . شفتها الدمعه بطارف عينها.. مشيت ماهمني شي بس خايف عليها اووف حرير

ارجعلج وعـد حبيبي... صعدوني بالسيارة
انطيت اسويج السيارة الاخوية هو واليشمغ
وطلعنااااا وعيني عليهااا من بعيييد

حرير... طلعووو.. واخذوووووه لاااا ماصدك لو ماحذين رووووحي ولا ماخذي اختنكت ..

ماتحملت .. شفت ابو قاسم وعمي دخلو لببيت
ويحجون بالسالفة... اني ماكدر احجي احسن

شي خانكني خنگ .. شفت ابو طلال خلة السويج واليشمغ عالطبلة... اخذتهن.. وطبيت

الغرفتة.. عفتهم كاعدين يحجووون اني اخس روحي متت جسد بلية رووح وين راح وعافني

موكال باجر مهرنااا... حضنت اليشمغ وبجيييت
من كل گلبي... فتحت الديلاب.. ماتحملت طلعت الكاااسيت وشغلتة.. اريد اسمعة واسمع شنو بي💔💔💔💔🎤

يتبع