الواحـد والعـشرووون
سأراك ....لو فرقتنا الامنيات
سأراك مهما حصل لابد أن تعود ......وأراك
#حرير#بعد_منتصف_الليل
بقلمي #نشــــوى_السٌــلطاني ...❤️
ابو جراح... ولك بس اريد احاجيها من سألها الشيخ شكالت يعني مافكررررت بيه مافكرت
وكالت ابن عمي هذا شنون ابيعه ولك ماكو حرمة
توفي لا والله كلهن نفس الشي...
ابو قاسم... يمعووود شبيك هي مالها ذنب...
فرح... طلعت اركض... شذى حرير مدري شببها
شذى... عزة عليج شبيها... طبيت اركض للغرفة
حرير... حيلي ميت احس من الهبطة اريد احجي وياهم عبالك مسجنة
ابو جراح... كمت الحيلي... وينهاااا شبيهااا
شذى..شبيج حرير شبيج حبيبتي بيج شي
حرير... بصوت يرجف... مابيه شي اريد اروح الامي ودوني عفية...
ابو جراح... طبيت للغرفة شفتها كاعدة بالكاع وتبجي وماتكدر تحجي كسرت گلبي كسر
مدري انقهر عليها مدري على حضي.. ركضت
عليها... شلت كلاص الماي غسلت وجهه
شلتها بيدي... خليتها عالجرباية....اشربي ماي هاج ... شبيج تخبلتي شجااااااج
حرير... رفعت راسي... عيوني صارت بعيونه
بس نضراتة اللي مليانة عتب... همست بصوت ناصي... مابيه شي
ابو جراح... لاتبجين كااااافي... تره البيية يكفيييي لا تزوديها عليه... كمت الحيلي وخرت
منها .. طلعت للطرمة وكفت وحدي نار بصدري من اشوفها هيج وايدي مربطه مدري شيصير
بيه... عفتهم وطلعت.. مادري وين اريد اولي روحي تلووووب.. شغلت السيارة وطلعت على
محمد ماريد اضل بالبيت كرهت كلشي اااخ فواززر اذا ماخليتك تبجي دم عجل اني اطلع موابو جراح...
حرير... فرح وين ابو جراح شو اختفى
فرح... واكف بررررة شبيج
حرير... ولج خاف يهد عليهم النووب
شذى،.. لا لا انهزم هذا جابر لا تخافين
حرير...عجل خلي اروح للبيت على امي
فرح..، اكعدي وسكتي هسه يجيج عمي فواز مناك وياخذج يااامج دكعدي ولج لاتبقين
ماتعرفين تفكرين هذا ضعفج اتركي صيري قرية يكفي اللي صار بسبب خوفج
حرير ،. عجل ابقى هيج وابو جراح رايح جاي والله صعبة عليه ماكدر اخلي عيني بعينة
شذى... لاااا لتفكرين هيج هسه تفض وجابر يطلك الرجال هم مايدري انتي مجبورة هسه عرف ويطلك ونخلص وبس يطلك نكطع الكم مهر
فرح... وهلا هلا ونعلگة والله ...
حرير... ماريد شي والله بس اريد ابو جراح يرضى عليه والمشاكل تخلص
ابو الوالد... وين راح اخوووك شو اختفى
ابو قاسم،.، جوز طلع بالديرة هسه يرجع
الوالد... انتو شبيكم ماعدكم عقل رحتو هديتو عالزلمة وچتلتو... هو شعليه الچتله بهذا عمك الناقص اعرفه حاقدد
ابو قاسم.. عجل عبالك مانكتل اخذ المقسوم يابه ابو جراح اليوم ماقصر ويا الكل ههههه والله طول عمرهم ماينسون هالكتله
الوالد ... حيييل بعمك زين ماسويتو والله هيج عم ابد لحد يحترمة كسر گلب هالمسكين اخيك
الوالدة.... دگوووم شوووفة الاخوك وين راح...
حرير... كمت الحيلي مديت راسي من الباب شفت عمتي خايفه وتحجي ومخبوصة وعمي
مدري شيحجي .. كله هذا بسببي بسبب كلمة وحدة طلعت مني كووون انگص اللساني
بذيج الحزة ولا كايله اي... تمشيت لباب المطبخ
شذى... تكنس بالكاع وفرح مدري شتسوي
طلعت للطرمة كعدت شويه ... اذا ابقى اللوم بنفسي.. يمكن اتخبل...
فواز... رديت للبيت واني افور نار عليهم اني اعلمج. ...
حرمة فواز... هاااا جوي عليكم لازم فوت اكعد هين خل اجيبلك ماي ...
فواز... ماررريد زقنبوت عوفيني
حرمة فواز... شبيك شصار شسوه ابو جراح
فواز... شسووووة يعني ماسوة شي اسكتي
جابر... رجعت للبيت.. وخابرت عالمعمل كالو فواز رايح للبيت.. سديته ورجعت اتصلت عليه بالييت
فواز... اكفي لا تريدين اني اشوف منو...
حرمة فواز... مممم الضاهر السالفه جبيرة فواز اليوم مكسور احسه اي يمكن راحوله للمعمل
فواز... الووو
جابر... فواز... مدام الببنت هاي سالفتها ليش بليتني بيهااااا
فواز... مابليتك اني بس هذا الحقير ابو جراح احنا مانريد ننطي ولا ابوها بس هو لازك علينا
جابر... والبنيه شنو موقفها فواززز فهمني خل افتهم لاتضمون عليه يكفي الصار اليوم واحنا مخطيين باجر الحنة .. شنو الصاررر
فواز... البنيه ماعليها بس هو يريدها...
جابر... وليش مانطيتو مو ابن عمها...
فواز... لان شفته شنون واحد متهور وابو مشاكل هذا مايستاهل هيج حرمة
جابر... عجل انت عبالك وره هاالسالفه راح اسكتله لا والله مااسكت الا ادخله للسجن
فواز،.. لا عوفه اذا صارت بيه سجون ومحاكم ماراح يسكتون انت انتقمت منة من اخذت الحرمة بعد
جابر،.. فواز،..الحرمة مجبورة لولا حجيلي
فواز... يمعووود شنو مجبورة شبيك
جابر...عجل اني يهينوني من وره حرمة...
فواز... احسبهااا عليه والله ماراح افوتها الهم
جابر،.، الله كريم سهلة يصير خير...
حرير...مرت الايام واني بيت عمي مارحت لان عمي فواز يهدد يريد ياخذني ويزوجني
وكضيتها بالحسرات ابو جراح بس نضرات اني وياه مايحاجني قليل.صرت اتمنى يحاجيني ايكلي
اني مازعلان منج اعرفج مجبىووة يكلي بعدني احبج لا تهتمين اني عندج بس ابد ولا يحجي
ذبحني ذبح اشوفه گبالي مهموم وزعلان مقهور بسببي كووون الله ياخذ عمري ولا اشوف الحزن بعيونه
ابو جراح... تروح وتجي من جدامي اتكرضم
القهر موتني يعني اللي احبة وبنت عمي تروح
الغيري .. لا والنووب علة ذمة غيري ول ياااب
عجل خل اطم روحي احسن ماكدر بعد احاجيها
مثل كبل ولا اكدر اتقرب عليها بقيت بعيد عنها مجبوررر والنار تسعر بصدري
حرير بقيت محصووة كبل بغرفة فرح ،،، اليوم الكعدة بين اهل جابر وعمامي... ويارب تفض
واخلص طلعت من الباب شفتهم متحضرين العصر يريدون يروحون وابو جراح متخصور
مدري شيحجي تقربت اريد اسمع زين
ابو جراح،.. اروح وياكم لاتروحون...
الوالد... لااااا اسكت ماتجي انت ..
ابو قاسم... اني اروح انت لا تروح...
ابو جراح... شنووو ماروح ... اريد اشوف التالي شنو اذا ماقبل يطلك حتى من صدك اسحله والله
الوالد... هااا بعدنا مارحنا وتسولف بالمشاكل
والله ماتطلع الباب... امشي خل نروح
حرير... راحو عمي وابويه وياهم الشيخ ابو امين لبيت جابر... كاعدة انتضر واعصابي تلفت
الشيخ ابو امين... يابه احنا جايين انريد انفض السالفه بدون مشاكل
جابر...جيتكم عالعين والراس... بس اذا جايين تريدون اطلك الحرمة لا والله ماطلك...
ابو امين... ليش ماتطلك ابن عمها نهى عليها ويريدها،..
جابر،.. ينهي ماينهي مايعنيني بعد،. الحرمة على ذمتي ومااطلكها اني اريدها
ابو امين ...عجل احنا جااين مناك الهين وتردناا
مايصيرر هالحجي ..
جابر.. شنو اردكم الحرمة على ذمتي مااطلكهاا
ابو امين .. بس ابو جراح نهى عليها وخطبها كبلك
جابر... هوو جياااااد بي قصاد ببو جراح اني مااطلك... دام ضربوني وهانوني والله ماطلك
لو جاايين عليه ومفهمنيني السالفه بكلمة طيبة يمكن اهون بس اللي سووه محدد يسوي
ابو امين.. بس الحرمة ماتقبل بعد تتزوج
جابر... عادي الشرع حلل اربعه اخطب واتزوج غيرها وهي على ذمتي شوكت ما الله هداها اني موجوود
ابو قاسم ... رجعنا للبيت وماكو اي فايدة قافل مايقبل يطلك
ابو جراح... تحجووون صدك... شنو مايطلك بكييييفة
ابو قاسم... شنسويله نجبرة خمو نجبره تحجي تسوي طلبه يحكنا بيها ثاني يم ندخل للسجن
ابو جراح .... عجل تالي عمرررري ابقى هيج مربط .. شنوووون بيه والله اليوم اذبحة شلت السويج اريد اطلع
الوالد... اكفففففف احاجيك ولك وووووين رايح تعااال...
ابو جراح... اعلمك اليوم شنون تبقى على ذمتك
طلعت وشغلت السيارة...
تلكاني بالفرع فواز النذل... خل ابرد كلبي بي
فتحت باب السيارة ونزلت .. اذا اذبحة مايبرد كلبي
فواز... شكوووو شرايد النووب ياالله خير
ابو جراح ... رايد اخذ روحك مثل ماخذت روحي
ولك بس حاجيني شسويتلك اني هااا شسويتلك
هيج خليتني بالحسرة... وهذا النذل اليشبهك
منين جبته كلي شنون بيكم اذبحكم اموتكم
ماتبرد ناااار صدري... ليش هيج كلي ليييش
ليش خليني لا اني بالسما ولا اني بالكاع
الله لا يرضى عليك الله لا يشوفك يوم حلو
مثل ما خليت هالحسرة بصدري
فواز... تذكرت نفسي من حبيت واخذوها مني
جانت صدمة ماتنججي.. حسيت بي وفعلا
قهرني شفتة مهموم وعيونة تقهر ابو جراح
السبع وهيبتة اللي ماكدر بشر يلوي ذراعه
هيج مكسور اني ضالم اي ضالم شسويت بي
اكف احاجيك ابو جراح وين رايح
ابو جراح... صديت عليه شتحاجيني ها
شتريد اتكلي فهمني...
فواز.. انت تريده يطلك اني اخلي يطلك
ابو جراح... كضبتو من ايدة حييييل عجل ماتولي عليه كله يطلك ولك دلييييني بيتة وين
اني اتفاهم ويااااا وينه
فواز... لا تروح اني اروح عليه والله لا تزعل
ابو جراح... ولك شحجي شكوووول اااااخ
الملامة ماتفيد بعدددد عفتة وطلعت بالسيارة
حركت الشارع حرگ انعل ابو جابر لابو حضي
فواز... ولا جنت اعرف هالكد يحبها اني شنون هيج سويت اااخ لازم احل السالفه
حرير... طلعت شفت ابو جراح يصيح وطلع يركض مادري شبي سالت كالو مايقبل يطلك
انضرربت براسي شنون بيه يربي ابو جراح
ماراح يسكت وراح تصير بلوة بسببي
فواز... صار الليل اخذت الحرمة ورحنا البيت جابر لازم اليوم احلهااا
حرير بقيت بالحديقه كاعدة وعيني عالباب
فرح طبت نامت والكل نايم واني عيني ماتغمض اذا مااشوف ابو جراح وينة وين راح
ابو جراح .. سمعت دحام وصل من السفر مريت عليه اخذته وطلعنا ،..
دحام... خرب بهالعيشة يعني بالاردن كلبتها عليه مناحة وهسه هم
ابو جراح،.. ولك گلبي ملجووم والله
دحام.. شبيك ماتكلي هسه مصيرة يطلك خما يلزك مادام الحرمة ماتريده انت عليش مهتم
ابو جراح،،، ولك على ذمتة هسه شنون تريد
مااهتم راح اتخبل ول ياااب عجل عليش عايش اني اذا اللي احبها تروح من جدام عيني
دحام... يبووو خرب حضك.. هاك اخذ اشرب بلكي تنسى
ابو جراح... الاااا يمعود لا تجيبه عليه
دحام... بشرفي ينسيك جابر وعشيرتو دشرب بداعة دحام،،،
ابو جراح... يمعود هو اني وصاحي شنوني النوب اشرب والله اطب اجرم بيت دحام كلهم
دحام .. اشرب هااااك لا تحجي حجي زايد
حرير... طبيت للييت الكل نايم شربت ماي وطبيت فرح نايمة وماتدري بالدنيا شكو
طلعت عالطرمة سمعت صوت مسجل عالي
واغاني تمشيت عالباب... شفت دحام نزل
راح يتمشى البيتهم وابو جراح كاعد بالسيارة
يدخن اخاف اطلع ويصيح بيه بقيت محتارة
ياربي شبي ليش ماينزل... شفت دحام فات
طلعت بالباب وكفت...
ابو جراح... طفيت السيارة... ونزلت.. مشيت خطوتين شفتها صارت جدامي وكفت دحجت عليه من بعيد شريد اسوي يربي والله مربط
حرير... تقربت همست ابو جراح
ابو جراح،.. احتررررك ابو جراح ... ها يبعد العمر ها يبعد العشيرة انتتيييييي
حرير... اووووويلي والله عبالك ميتة وردت روحي شمشتاكة السوالفه مامصدكة هيج حاجاني
همست بصوت ناصي .. تأخرت ليش
ابو جراح... يوووولوو والله اموت عليج
حرير... ابو جراح شبيك...
ابو جراح... ولج يبعد عيونه انتي مشتاااااااكلج والكعبة. تمشيت عليها اريده ماكدر امنع نفسي
حرير... فتحت الباب اريد افوت جدامه وگلبي يدك معقوله نسى وسامحني
ابو جراح گضبتها من ايدها وين تريدين
حرير... انداريت عليه انفوت جوة...
ابو جراح.... ولج شسويتي بيه هااا. شسويتي
ولج گلبي هذا حركتي والله ليش هيج مواني اشتريج بروحي
حرير... من كال هيج ماتحملت كمت ابجي
واالله موبيدي والله غير عمي شبيدي اني
عفتني ورحت ومحد رحمني والله احبك روحيي بيك بس حضي هذا شسوي الله ياخذني
ابو جراح... كعدت بالكاع اكعدي هين لا تروحين
اكعدي لا تكواين الله ياخذني اذا ياخذج وين اولي اني يبعد عيوني انتي لا تهتمين ابو جراح وعمامو والخوال فدوة الجدامج
حرير... حبيبي شبيك مريض انت دحج بعيوووني احاجيك اني شبيك
ابو جراح... گلبي مريض مواني ... ولج بعد شسوي وانسى ولج حتى سم شربت وماكدر انسى...ول ياااااب اموت عجل
حرير... يااااااا رجعت تشرب ليششششش حبيبي ليش هيج سويت بنفسك
يتبع ....
