الرابع والعـشرون
...
#حرير#بعد_منتصف_الليل
بقلمي #نشــــوى_السٌــلطاني ...❤️
ابو جراح... يمعودين حضر تجووال الدنيا ليل ماكدر اطلع هسه يجي والله كااافي حجي
الوالدة.. عيني من ترف ياستاررر كتلكم عيني رفت اخوووك وين راح غير تفگدة وين جنت ملتهي...
ابو جراح... شنوو جاهل واركض وراه شبيكم.
حرير.. كولو ياالله والله يرجع...
الجميع،. يااالله الله يسمع منج ..
حرير،.. كلنا واكفين بباب الطرمة .. ننتضرة يجي وعينة عالباب تلفت اعصابنه بقينا كاعدين
وشوي وسمعنا صوووت سيارة
ابو جراح... طبن جىووة خل اشوف منوو
حرير... اكف دقيقه لا تفتح الباب بس كول منو اول ديربالك
ابو جراح... شبيكم... ماكوو شي فوتن
قاسم... فتحت الباب
ابو جراح .. مشيت اريد افتح الباب وتلكاني ابو قاسم
حرير... عمةةةة جة ابو قاسم...
شذى... صددك طلعت اركض وينه
الولدة... يمة الله يبشرج بالخير وينه خل اشوفك
ابو قاسم... هااا شبيكم ملتمين ضل بالكم مو
ابو جراح... ماتكلي وينك صدك جذب تدري شسون بيه
قاسم.. يمعود جيت عالخط السريع اريد افوت للديرة تلاكني رتل للأمريكان انضربو مدري لغم
مفجور عليهم.. تعال وشوف عاد شخلصها اليوم
حصرونا كلنا والطلق فوكانه وبطحو الناس
بالكاع بس ربك اني اخر السيرر بعيد عليهم
هسه يله انگلعو .. شغلت وجيت للديرة بقيت
مشغل الكلوب الداخلي لان حضر لما وصلت البيت ..ساااعتهم سوودة
شذى... اسم الله الحمدلله عدت على خير
الوالدة... طبعا نخاف اذا همة صارو يذبون مناشير.. ويهددوون وهاي سالفه الألغام
مدري بعد منين نتلكاهه
ابو جراح... ادري هددوني اللي واني هسه بطلت وعفت الامركيات وساعتهم السودة حتى الشاحنة رجعتها وبعد لا اودي ولا اجيب مواد زين ابو قاسم شعليه خفتوو امشو خل نفوت جوة
لاتحجون سدو السالفه
حرير.. ميخالف لا تأمن والله خايفه منهم.. احجي بالمنطقه وكول اني بطلت هوانت من غير شي عندك عداواة جثيرر بالديرة
ابو جراح.. ياعداوات يمعودة عفت المشكال وكلشي هاي صارلي سنين اركض وراج
حرير،.. هههه اني هم مشكله مو
فرح... امشوو شعري خبلني وراسي عبالك فركاه جبل...
ابو جراح،.. اي والله مشكله بس احلى مشكله
يولي الشي اذا يجي بالساهل مالو طلعم كلشي
بالتحدي .. والمغمارات يكون الو طعم خااص
حرير،. طبينا كلنا كعدنا بالهول شذى صبت عشى لأبو قاسم..
فرح .. راحت تغسل.. اني لملمت البيت كله وشلت الكراسي... وابو جراح وعمتي وابو قاسم بالهول كاعدين.. اروح واجي وابو جراح عينة عليه شلت الكراسي اريد اطلع
ابو جراح... تعالي.. تعالي وين رايحة
حرير.. اودي الكراسي للمنور...
ابو جراح.. گطيهن وكعدي هين خل احاجيج
حرير.. خليتهم يمي وبقيت واكفه
الوالدة.. دعوفها خل تكمل شتريد منهاا
ابو جراح.. شتكمل اريد احجي وياهه
الوالدة... هااا عجل احجي
ابو جراح... اني قررت باجر المهر اريد. اكطع مهر تره خلص عمري والمهر ماكو تعبببت
ابو قاسم.. لا بهاي الك حگ لا اني اكلك توكل واكطع مهر وتزوج من وكت خلصتو گلوبنا
حرير... يحجون واني بس اسمع .. وبداخلي طااايرررة فرح،.. مامصدكة والله
ابو جراح.. خوش عجل الصبح انطي خبر العمامي وبعد صلاة العصر نكطع مهرر
الوالدة... يمة شايف الف خيررر جنت اتمنى ابوك هين وعايش ويحضر خطوبتكم شكثر جان يتمنه هاليوم
ابو جراح... الف رحمة على روحة ..
ابو قاسم،.. اني افوت انااام لان صدك صاير فلم جسمي مكسر تعبان
الوالدة... يايمة حكگ جم ساعه واكف.. روح نام اني هم انام .. شراح يگعدني على صلاة الفجر التهيت اليوم ومانمت... ياالله ..
حرير... اكفي عمة ،. اني اوصلج انطيني ايدج
ابو جراح... هلا هلا شوف شوف لو هيج الجناين لو بلاهااا
حرير.. صديت عليه واشرتله بيدي بسيطه👌🏻
ابو جراح... يبعد السنافر كلهن ههههه وديها وتعاي...
حرير... ماااجي... ماااا
الوالدة... شكثر تتناكرووون ..
حرير.. عمة والله هو مو اني... صحت بصوت عالي اريدة يسمع... عمة ابنج يتحرش مواني
ابوجراح... صحت.. هااا عليمن🗣
حرير... يله عمة تمددي خل اغطيج
الوالدة... عفية حبيبتي الله يرضى عليج ..
حرير،. الله يسلمج عمة.. طفيت الضوة وطلعت سديت الباب ورايه.. تلكتني فرح
فرح.. ولج.. شعري مدبك هاي شمخلين بي
حرير... هههههه هاي همة مواني شمدريني شغلو اكيد مثبت للشعر..
فرح... شراح ايمشطة النوب حسن ينتضرني اخابرة...
حرير.. دلفي هسه وروحي خابري.. خطيه تأخر الوقت..
فرح.. ماكدر اجيب التلفون استحي ابو جراح كاعد حبابه جيبي اللي
حرير... هااا اكول شنو هالمقدمات دكولي جيبي من الاول وفضيهاا
فرح.. عابت والله ولا بالي ههههه
حرير... طبيت شلت التفون وابو جراح مرتجي ويكلب بالتفزيون،،،
ابو جراح.. وين ماخذته عليمن تخابرين هالحزة
حرير.. مواني شبيك هسه اجي
ابو جراح... يوولي المن تعاي احاجيج
حرير.. خليت التفون باب الغرفة وطبيت اركض رجعت عليه،. شبيك اتصيح مو نايمين
ابو جراح.. من احاجيج تكفين جدامي موتروحين المن وديتي التفووون
حرير.. الفرح تريد تحاجي ابن خالك.. هسة انت شبيك ضايج...
ابو جراح... سدددي .. الحجي تعاي اكعدي هين...
حرير،.. لا راح اكعد هين يم الباب..
ابو جراح... والله الا هين تگلطي .. اكعدي بسدي لا تروحين غاد مو موتنيني كااافي
حرير... يااا شبيك يمعوود.. كمت الحيلي ورحت كعدت يمة.. هاي كعدت بس لا تصيح بعد
ابو جراح... مو ذبحتيني والله حتى عافية ماضلت من وراج...
حرير... شسووي ياعمري والله اني هم اتعذبت
ابو جراح... ول يفداااج سعد واهل سعد والديرة كلها.. تدرين اليوم.. احس الدنيه تغيرت كلشي صار حلو جدامي
حرير... هو انت لو اني والله مامصدكة بس نكطع مهر كلشي يهوون ماريد ابقى بالخووف
ابو جراح.. باجر يبعد العيون باجر.. اكطع مهر عرب وراهه مهر محكمة. وينكتب اسمج بضهر جنسيتي.. اموت عليج وعلى عمي..
حرير.. هههه ابويه قصدك..
ابو جراح. اي .. خلف النا هالناگة وهالمجاتل الصار كله عليها.. كتلج والله اسوي المستحيل واخذج واني كد كلمتي ..
حرير... ادري بيك والله .. انتبهت الساعه يبوو
هاي الوقت اتأخر واني هييين
ابو جراح... ابو جراح... شبيج شكوو اكعدي ليش كمتي..
حرير.. دحچ عالساعة وراك...
ابو جراح... اشششش عسى ما الدنيا صبح
شنو يعني اكعدي
حرير.. لا لا عيييب شنو كاعدين وحدنا
ابو جراح... هههههه لا والله .. ليش اني غريب
حرير.. مو شغلة غريب حبيبي بس مايصير
ابو جراح.. خليت ايدي على حلگها.. يمي ماكو شي ماايصيرر.. هين كلشي يصير عوفي الخجل والخووف من تكونين يمي انسي كل الدنيااا .. ولج كولي هذا خطيه تعذب وصبر
ليش كلشي اكلج تتهربين ..
حرير... يااا لا عيني لاااا نكطع مهر وبعدها اكعدد يمك واطب واطلع هين بكيفي
ابو جراح...حبيبي.. من اليوم طلعه بره ماريد بعد بالشارع وغير الشارع اللي اتريدي كليلي
اني اجي اخذج،. واي احد يحاجيج لا تريدين
لو مو دحام لو ابو دحام.. تره اذا وكفتي بعد
ورديتي عليه.. تشوفين شي مني مايرضيج
حرير... تغااار عليه🙊😉
ابو جراح... اغار واحترگ نااار والله ماريد اخلي احد يشوف غيري...
حرير.. عجل خليني بقفص...
ابو جراح.. لا والله مدي اضمج بين ضلوعي
حرير.. ابتسمت رفعت راسي دحچت على عيونه
ابو جراح... شهالعيوووون يربي... ولج دواهي
اي والله.. عيونج دواهي هي الجرح هي الدواهي سهرني حيرني يلاهي.. ان جان هذا الحال يرضيك..
حرير... الله.. صوتك حلوو والله... هاي اغنية كاظم...
ابو جراح.. اي عندي بالسيارة اسمعها كبل
حرير،.. يله خل اروح اناااام نعست الصبح
اطلع للبيت...
ابو جراح.. شكو من الصبح هاجة شبيج
حرير... غير باجر تجون علينا...
ابو جراح.. لا انتو تعالو علينا
حرير... لا بالله... شنوو اني اللي امشي عليك
لو انت غير تجيب الزلم مشاية
ابو جراح.. والله اجيبلج الدنيا كلها .. بس اشاقيج ..
حرير... لو يرهم.. غير..
ابو جراح... شنو حبيبي
حرير.. اني اللي امشي عليك واخطبك
ابو جراح.... ههههههه هلا والله.. دتعالي مشي مو احترك جدي...
حرير.. هههههه يله.. خل ارووح...
ابو جراح... سنفورتي... راح انام هين بالربعه
الصبح.. كعديني اني اوديج لا تروحين وحدج
حرير... ماشي...حبيبي... مشيت اريد اطلع
ابو جراح..اكفي..
حرير.. شنوو حبيبي...
ابو جراح... ول يااااب روحي ماكو شي احتركو اهل جااابر ... روحي روحي
حرير... همست بصوًووت ناصي..حبيبي تدري
ابو جراح.. بعد عيونه...انتي شنو؟
حرير... أموووت علي ي ي ي ي كككككك 😘
ابو جراح... ارجعي ويولو تعااااي ولج اكفي
حرير... ركضت وسديت الباب ورايه.. واني ميتة ضحك...
ابو جراح... خرب لشتك جابررر.. وين. راحت
وعافتني... نعل اهلك سلبت حيلي هالبنت
حرير.. طبيت لكيت فرح بعدها تخابر.. طلعت غسلت وجهي.. انتبهت الضوة مالت الربعه بعده
مفتوح... مشيت ومديت راسي شفته يتفرج فلم ومتمدد لابس سروال ابيض وفانيله ربع ردن يبعد
طووولي طولك بدون ماسويت صوت رجعت على كيفي... ماريده ينتبه .. طبيت للغرفة
فرح... هااا شكووو
حرير.. هاي بعدكم تحجووون...
فرح.. خليت ايدي عالسماعه.. ولج قابل بس انتي تحبين وتتمعشگين عجل شبيه اني ناگصة ايد رجل... 😒😒
حرير... خررب دحجي ويا الولد راح يسمع فضحتينا هههههه
فرح.. عابت اي والله
حرير.... راح انااام تره مقفلةةة وميته تعب من الركص... تصبحين على خير..نمت نوووم عميق
صارلي جثير مونايمه هيج كعدت الصبح..
على صوت عمتي وشذى،..، دحچت عالساعه
١٠ ونص... يبووو هاي اني لحد هسه نايمة
كمت .. جسمي متشنگ من الركص.. رتبت
الجربايه.. حضرت ملابسي.. طبيت غسلت وجهي وطلعت.. صبباح الخير
شذى... صبااح النور حبيبتي
حرير... مادري بقيت نايمة لو مكعديني ابو جراح وينه نايم لو كاعد..
شذى.. كعد بالطرمة .. مدري شديسوي بالسيارة ليش
حرير.. اريده يوصلني...
شذى... اي اليوم المهر هلا هلا روحي عيني رتبي نفسج زين...
حرير... عجل شنوون لازم هذا اليوم انتضره سنين...
شذى خطيه الله يسعدكم حبيبتي..
حرير.. خليت الشال على راسي وطلعت للطرمة
لكيته فاتح البنيد وديسوي بالسيارة كتله صبااح الحب...
ابو جراح،.. هلا بهالصباااح .. كعد الحلووو
حرير،. مادري ضليت نايمه
ابو جراح... صدك لو كالو الحلو حلو حتى لو توة كاعد من النوم.. صدقة الله .. فديت العيون
حرير.. اششش هسه يسمعونااا عيب
ابو جراح.. ياعيب هذا... اسكتي خطيبتي انتي
حرير.. بعد خل نكطع مهر..
ابو جراح.. ماضي شي بس ساعات
حرير.. راح اجيب الغراض واجي توصلني
ابو جراح.. يله راح اغسل ايدي بين ماتجين حبيبي ...
حرير.. طلعت الغراض وصعدت وياه .. تلكانه دحام سلم علينا مدري شراح من ابو جراح
وطلعنا للبيت... نزلت ونزل ويايه ابو جراح
طبيت للييت سهام كاعده وخاله حدهن تسوي
بالغدة... صديت على ابو جراح .. تعال فوت
حدهن.. ها منو وياج ابو جراح خل يفوت ابوج
كاعد جووة
ابو جراح.. يا الله... السلام عليكم
سهام.. كمت الحيلي .. وعليكم السلام..
ابو جراح.. عمي وين كاعد..
حرير.. تعال فوت ابويه بالهول... ..
سهام... بصوات ناصي.. ولج شكو شيريد ابو جراح...
حرير... اسمعي وانتي تعرفين.. عفتهاوطبيت للغرفة استحيت اضل واكفه جدام ابويه
ابو جراح.. عمي اليوم.. لا تطلع.. راح نجي اني وعمامي .. اريد اكطع مهر على حرير
ابو عبير... هاا وجابر شنون
ابو جراح... طلك هذا العار راح خلصنة منه
سهام..، صديت على امي 😰 هاي شوكت طلك
حدهن... شمدريني خل نفتهم
ابو عبير.. عجل هلا بيكم .. هذي الساعه المباركة
ابو جراح.. اشكرك عمي.. اني اترخص هسه عندي شغل.. بعد صلاة العصر احنا يمكم
حرير.. راح ابو جراح.. وسهام الغيرة والحقذ مرسومة بعيونها.. ماهتميت الها.. طبيت رتبت
الربعه وكملت طبيت غسلت ودزيت على خالتي رشا.. امي ماتكدر تجي وتشوف حدهن جتي
بس خالتي رشا .. رتبولي شعري ولبسا فستان
احمر طويل .. كلوش وبي فيونكة عالخصر..
طبعا كل هذا ومايخلوني اشوف.. بقيت مغمضة
وهي تخليلي مكياج... رفعت راسي .. لااا
ولج هااي شنوو عززززة لا مواني ابد
رشااا فدووووة والله كيكة طلعتي...
حرير.. لا عفية استحي ماحب المكياج الطوخ
رشا .. دبطلس اليوم خطوبتج لازم تكونين مميزة
عبير... يمة شحلاتها اختي.. شلون عيون طلعت بالكحل ماشاءالله
رشا.. هي حلووة بدون كلشي
حرير.. مدري شبيه مخصوبة اطب واطلع بالغرفة.. دكات كلبي.. مخربطة كل جسمي
هذا اليوم اللي جنت احلم بي والحمدلله تحقق
طبن خواتي الصغار.. يركضن.. ويصيحن جوي
جوي... يمةةة انتهيت مدري شبيه كاعده واقرأ
ايات ربي الف الحمدلله والشكر... سهام بدلت بس مدري شبيها ضايجة ولا عرفت شبيها
عبير.. دطلعي شبيج لزگتي قابل غربه
فرح.. وينه وينه.. ولج حريرر اطلعي .. فتحت الباب وطبيت...
حرير.. هلا هلا تعالي زين جيتي
فرح.. يمةةةة .. الله يعينك اخووية ولج شطالعه امشي امي تريدج اطلعي...
حرير... شنووون يعني هيج اطلع استحي
فرح.. اششش اسكتي تستحي شنو تستحين
ابو جراح.. جة وكاعد بالربعه.. كضبتها من ايدها واخذتها.. للهول
الجميع.. صل على محمد...محروووسة
حرير. كعدت.. بصف عمتي واني جسمي مثلج ولا جنت متوقعه هيج راح اخجل.. وجهي نار صار خجل وارتباك وخوف وكلشي
حرير.. ولج راح تموتين شوفي ايدج ترجف عجل اذا زفيناج لابو جراح شتكولين
حرير.. انجبي ولج طالعه عينج...
حدهن.. كومي حرير يريدوج...
حرير... هاا اكووم.. انطيني شال ولج..
عبير.. طبيت جتلها شال وخليتو على راسها
حرير.. وكفت باب الربعه.. جة ابويه سالني
توافقين.. كل عقلة.. طبعا موافقة.. رجعت للهول
كعدت ورة شويه سمعت خالتي رشا تهلهل...
الله الله الله ... شعور فرحني وتعبني ماعرف.. شصار بيه لا ارادي عيوني صارت تدمع
والكل حاضني ويبجي... مامصدكة والله
فرح.. فووت خويه فووت ماكو غريب..
حرير.. بقيت واكفه وهو جة يمشي جدامي
عيوني الدمووغ يصبن مابطلن.. رفعت راسي
عليه وضحكت... جة لابس دشداشه بيضه
وعطره .. بكل البيت.. سلم على الكل وكف
يمي... يتبع....،
