الـثالث عشـر... 🌹
مساء المسـك ..
#بعد_منتصف_الليل
..تبـقين بالـگلــب يابعدهم !
˝💔
بقلمي #نشــــوى_السٌــلطاني ...❤️
ابو جراح.. شتريدين موكتلج بطلي سوالفج...
حرير.. بقيت بصددددددمة هاي شبي المن يقصد اكيد مواني بس المن...
ابو جراح... ماتحجين ليش ساكتة اعرف هاي سوالفج...
حرير،... شنووووو!!!
ابو جراح... الووو.. منو حرير!!!
حرير... دقيقة ليش منو. يخابرك بالليل...
ابو جراح... عبالي متوهمين بالرقم على طول تصير معاكسات بالليل اي وينج رحتي وعفتيني
حرير... ابووو جرااااح.... احجي منو هاي اللي تخابرك سحر مو..!
ابوجراح... حبيبي ماكو احد شبيج..
حرير... لاااااا اعررررف والله احساسي مايخطي انت ماتحجيلي لييييييش خلي اعرف الحقيقة لا تخليني اسمع من غييييييررررك
ابو جراح... اهوووو علينا سدي السالفة ..
حرير ... ماسدهااا
ابو جراح.. بصيااااح سددددي السالفة كتلج لاتبقين بهذا عقلج تدرين ماعندي غيرج حتى لو الف وحدة ادك ليش ادققين..
حرير.. عجل بس كول اني اعرف بس اني الوحيدة بكلبك بس اريد افتهم منو اللي تخابرك
بالليل.. .. والبارحة اهل دحام يمكم جانو يعني هي وياهم ... اي عيني شافتك وحنت ليش لا
ابو جراح... الا اله الا الله ليش تغثيني يولو مريض ومالي خلك اسوولف ...
حرير.. عجل روح نام مدام مريض لاتبقى كاعد تنتضر تلفونات تالي الليل..
ابو جراح... ههههه تغارين عليه
حرير... روح عيني روح ناااام
ابو جراح... لا تتهربين من السؤال تغارين موو
حرير... لا بالله وشكو اغار.. بس طولي يسواهن
ابو جراح... ههههه اكفي لاتحجين بصيغة الجمع.. هي وحده ماكوغيرها.. بس هذا ياطول اللي يسواهن..
حرير.. يعني تعترف اكو مگموعة بحياتك موو.. ووبعدين لاتقلد على طولي.. اذا طولي موحلو معناه انت ماعندك ذوووق..
ابو جراح... ول. يااااب هذا مواللسان هذا غضب ويولو عيوني ماتشوف غيرج والله بعد طوولي طووولج...
حرير... اي اي بعديش. هسه صرت بعد طولك
ابو جراح... يولي والله مريض وتعبان
حرير... ماشي روح ارتااااح
ابو جراح... لا تتدللين عليه.. تدرين بية ارتاح وياج شنو روح ارتاح مو راح اسافر
حرير.. اي ليش لا سافر.. روح ويا اخوها السحر لان هو من ريحتهاا..
ابو جراح... يولي عيب عوفي البنت بحالها لاتحجين هيج حجي...
حرير... عجل ليش تخابرر عليك هيه
ابو جراح... حرييييير كافي عوفي البنية لاتشلعين گلبي ..
حرير... وانت شبيك تصيييح..؟ من ورة ست سحر .. لازم تحبهااا طبعا تخابرك يومية
ابو جراح... لان ضوجتيني.. انتي تعرفين انتي وبس بالگلب ليش تحجيني هسه اكوم اكسر مااخلي كافي سوالف تعبانة...
حرير... هااا هيج...
ابو جراح... يولي كاااافي اكلج مشتاكلج اريد احاجيج.. وانتي جلبتي بسحر..استغفر الله
كاافي ماريد تجيبين طاري البنية حرام وعيب عليج البنية ماعندي شي وياهه
حرير.. اي افتهمت يله اروح اني..
ابو جراح.. وييين... ؟؟؟؟
حرير... انكبر انااام شتريد مني..
ابو جراح... هااا شتريد مني عجل نامي باجر يصير خير...
حرير.. اعتبرة تهديد...يعني..؟
ابو جراح... يولي كافي روحي نامي ضوجتيني
تغارين حقج بس غيره بالمعقول.. ماكو هيج شي ترة...
حرير... اي اريدك الي انت بس مالتي افتهمممممممت بااااي..
ابو جراح.. ههههههه اكفي ام اللسان لاتسدي
يولو احااجيج... ههههه ام خشم اليابس سدتة
رحت للفراش احس اعظامي اتون من الوجع راسي طايش .. خل انام والصبح اشوف شلون
تصفة ويا عمي وام اللسان... بس خليت راسي نمت تعبان حيل.. وعشگ حرير راح يتعبني اكثر
حرير.. بقيت كاعدة يم التلفون وجهي اهجسة يطلع نار.. انتظرت يتصل ولا اتصل ولا كال
بسيطة. بقيت كاعدة وافكرر.. حسبة توديني
وحسبة تجيبني معقولة ديحاجيها لااا ماتصور
يسويها.. بقيت بالحيرة متت الف موتة.. ماتحملت رجعت اتصلت... اوووف ماكو رد
بس لا لو ديحاجيها جان طلع مشغول خليت
التلفون بمكانة وطبيت الغرفتي امشي على
كيفي ماريد تحس بيه السلبوح طبيت نمت
وابو جراح ماراح من بالي احبة والله شنون
تريد وحدة تشاركني بي اذبحها والله
نمت واني اسولف ويا نفسي كعدت الصبح
على عياط خواتي الصغار... وهسوة خالة
حدهن. كمت الحيلي عزلت الغرفة سهام رايحة للمدرسة وكالعادة خابصة الكنتور والغرفة بالكتب
لملمت كلشي ورحت للمطبخ..، شفت ابوية
وخالتي حدهن يحجون بس اول ماجيت سكتو
ابو عبير.. هلا حرير اكعدي تريكي الجاي حار
حرير.. ماريد هسه خل الم المطبخ واكعد اكل
ابو عبير... لاا تعاي هين اكلج اريد احاجيج
حرير... استغربت ابوية شيريد مني تربعت وكعدت على طارف البساط..
ابو حرير... تگلطي لجاي.. تعاي هين اكلي
حرير.. كمت وكعدت يم ابوية.. خاله حدهن
شفتها راحت اطلع لحم من المجمدة طلعت استكان وكمت اصب بالجاي... يابه اصبلك
وياية جاي...
وابو عبير... لا بنيتي شربت بس اريد احاجيج
حرير.. اي يابه احجي اسمعك...
ابو عبير... هذا ابو جراح تقدم الخطبتج
حرير... اهجس گلبي دكاتة تنسمع من بعيددد
دنجت راسي وبقيت ساكنة
ابو عبير... هو طلب مني احاجي عمج لان تعرفي العطى بيده موبيدي.. بس
حرير.. رفعت راسي عليه... دحجت بعيون ابوية
ماكدرت اسأله...
ابو عبير... هسه ماعلينا انتي توافقين ببن عمج اني ماريد اجبرج...
حرير... شوف ابوية شكد على نيتة يكول ماريد اجبرج.. مايدري اني اجبرهم واخذه😬
ابو عبير.. سكتي ليش اسالج شتكولين انتي
حرير... يابه ابن عمي يعني حزام ضهري اني موافقتي من موافقتك...
حدهن.. اصبري يمة عبالج السالفة سهلة خل يسمع عمج فواز.. والله الا يتخبل
حرير... شنوو وليش يعني...!
ابو عبير ... راح اروح هسه على عمج للشغل
حدهن سدي السالفة لما ارجع ونشوف شنون
حرير... حسيتهم ضامين عليه شي بس شنو ماعرف بقيت بحيررة شكوو ياربي خاف احد
يكف بقسمتناا.. ابويه لبس وطلع اني بعد اريد اكل ماكدر عفت الاكل وكمت.. شلت الصينية
بديت انضف بس احس مضروبة براسي فكري متشتت بالسالفه كلها...يارب عديها على خير
سهام... رجعت من المدرسة...شفت ابو جراح
تلكاني بالشارع .. سلمت عليه ومشيت
طبيب لبيت.. شفت حرير تنضف بالمطبخ
خليت الكتب.. عالبوفية.. غسلت ايدي وكفت يم حرير عالسنگ
حرير... سدي الماي شبيج نگعتيني...
سهام.. اسكتي حرير،، ماتدرين اليوم ويامن حجيت...
حرير... دامسح بالكاونتر هاي مدري شتحاجيني اني وين وهي وين... اي يعني المن شفتي...!
سهام.. سحرر😜 اخت دحام...
حرير... اي هي بالمدرسة مالتنا اداوم.. بس سمعت بطلت..
سهام... لا عيني بعدها اداوم.. رايحة وراجعة من جدام بيت ابو جراح...
حرير... عادي هي بيتهم كبالهم شي اكيد من هناك تفوت...
سهام... اي بس هي تحبه..
حرير،.. المن...
سهام ... ليش اكو غيرة اكيد ابو جراح
حرير،.. اي وشنو يعني تحبه تكرهه ليش تحجيلي.. وخري خل اكمل شغل فالحة بس بالسوالف بيج خير.. نضفي لمي هوستج.
سهام.. هههههههههه اشوفج انغثيتي
حرير.. عشتووو وعلى شنو انقهر انتي انقهري على نفسج لاتنقهرين عليه..
سهام... شتقصدين...!
حرير... شنون ماتريدين تفهميها افهميها عفتة وطلعت للطرمة.. شكد خبيثة تحب اتضوجني
سهام... سهلة ست حرير.. اذا ماگلبتها عليج اطلع اني مو سهام.. باجر راح احجي كلشي السحر.. واخليها تعلك بينهم... الله واني مرتاحة
هههههههه شعور يخبل ههه ست حرير
اتكولي انقهري على نفسج اذا ماخليتج تبجين
دم ... عجل اني موسهااام...
ابو عبير... گووة خوية فواز شنونك
فواز.. هلا هلا.. ابو عبير.. استريح شعجب شتعتب من فكلك الدرب...
ابو عبير... والله جايك بسالفة ادري بيك مشغول كلت امر عالشغل..
فواز... اي كول شمحتاج اخوية اني عندك
ابو عبير.. اريدك سالم بس حرير تقدمو الخطبتها ،.!
فواز... ايبااااه والله وكت حرير صارو يتخطبوها عبالك البارحة من جنت اشيلها الاعبها
ابو عبير... اي والله الايام تركض ركض
فواز... منو هذا.. اني مانطي حرير شنون ماجان انطيها لواحد يستاهلها
ابو عبير.. اللي تقدملها مو غريب منا وبينا ابن عمها ابو جراح..،
فواز... شنوووووو؟؟؟ ابو عبير.. يعني انت تحجي من كل عقلك..
ابو عبير.. والله يريدها خبص الدنيا خبص عليه شسويله.. وترا ابو جراح خوش زلمة يستاهلها
فواز... انت من الاول من انطيتني حرير وخليتها ملت عليه حياتي.. وعدتني اني مسؤل عنها
يعني قسمتهااا بيدي.. ابو جراح ماياااحذهااا
وخشمي يشتم الهووووى اذا بقى بس هو بالدنيا..
ابو عبير... فواز اعصابك بس خل احاجيك
فواز... ابو عبير .. الامر محسووم هالشي مايصير وعيييونك....
ابو عبير... خوية الفات مات واحنا ولد اليوم لا تكف بالقسمة.. خل ننطي احسن من الغريب
هذا هسه يرجع ويخبلني شنون شراح اكله
فواز.. خوية... قسم بالله مايشوفها لا تخليني بس ارجع اخذ حرير يمي
ابو عبير... اذا جة شكله والله مادري
فواز.. كلوو فواز راافض ويكول مكطوهه هالشي مايصير لو على مووووتي
ابو جراح... طلعت الصبح رحت على دحام اخذتو ورحت للصناعة.. صلحت السيارة ورديت
للبيت شفت روحي مالي خلگ كلت خل ارتاح بالبيت وره الغدة اروح العمي اشوف شسوالي
حاجالي عمي فواز
حرير... بقيت كاعدة بالطرمة وعيني عالباب ابو جراح ولا جة ولا كال قهرتها بالليل بسيطة
فرح... گووة خوية... اصبلك غدة لو متغدي..
ابو جراح لا صبي.. احد خابر يسال عليه
فرح.. لا محد خابرر
الوالدة.. يمة جيبيلة دوااه خل بشرب اشوف وجهه اليوم اصفر وتعبان...
ابو جراح... مابيه شي يمة وين ابوية
الوالدة.. متمدد بالغرفة.. ليش
ابو جراح... يمة اريذ اكطع مهر شو محد مهتم ترة والله من يطبكن عندي اعوف كلشي ورايه وهسه اكطع مهر اريد حرير تصير حلالي حرمتي محد يفك حلگو ويكول اخطبها
الوالدة... يمة غير همه يكلون تعالو شبيدنا عليهم
ابو جراح... ااااخ هذا عمي فواز مايقبل...
الوالدة... اي عرفت راح يكف بقسمكم
ابو جراح.... ول فرررح وين الغدددة .. اريد اطلع
حرير.. طبيت لبييت ماخليت شي ماسويته بس اريد الوكت يمشي اريد اشوف اهلي ينطو لا
ابو عبير... رجعت للبيت محتار بهالقسمة اذا
كتله لا هذا عصبي خاف يسويلنا بلوة..
وصلت البيت.. شفت حرير.. گمر واكف جدامي والله حرامات تروح للغريب مايستاهلها غير ابو جراح بس شكول. الفواز
حرير... هلا يابة تأخرت وين جنت...
ابو عبير.. موجود بنتي روحي صيحلي خالتج تجي تصبلي غدة..
حرير.. هسه اصبلك يابه اكعد بس احمي الاكل
ابو عبير.. صبي بين ماشرب حبايةة الضغط واجي ،..
حدهن...اخذت الصغار كلت انومهن بالغرفة عالدفو سمعت ابو عبير جة. كمت اريد اصبلة غدة تلكاني باب الغرفة
ابو عبير وين رايدة تروحين اكعدي احجي وياج
حدهن... هاااا لازم فواز ماينطي مووو
ابو عبير .. قسم يمين ماينطيها...
حدهن... مو كتلك.. ماراح ينطي كله ماترهم او عليش اذا جة انط اكلة
ابو جراح... تغديت عالسريع وكمت اريد اطلع اروح البيت عمي
فرح.. خوية اكف ماتشرب جاي...
ابو جراح... لا ماريد.. شغلت السيارة ورحت
حرير.. صبيت الغدة الابوية وطلعت للطرمة اشر هدوم خواتي
ابو جراح.. طلعت متلهف اسمع اخبار حلوة من عمي ايكلي تعال اكطع مهر.. منطيك اسوق وحرير مافاركت فكري.. يبعد العمر انتي
وصلت البيت عمي اريد ادك الباب شفتها
واكفه بالطرمة تشر هدوم منطيتني ضهرها ماشافتني.. تمشيت على كيفي وكفت وراهه
وهمست بصوت.. ناصي... مشتاااگ الام عيون الحلووة...
حرير.. بقيت اسمع ومبتسمة مانداريت عليه زعلني بالليل ... صرت اتعزز عليه
ابو جراح.. يولو احاجيج صدي عليه
حرير.. بضوجة... نعم كول شتريد
ابو جراح.. ههههه شبيج حبيبي الزعل مايلوكلج والله دحچي علي من احاجيج كضبتها من ايدها
سهام... هلا ابو جراح تفضل عمي جوة...
ابو جراح.. وخرت غادي وكفت.. اي هسه جاي
حرير.. دحجت عليها.. شكد خبيثة تباوع علي وتتمضحك
حدهن.. هلا فوت عمك بالهووول تعاي سهام صبي جاي... الابو جراح
ابو جراح... الگوة عمي شنونك...
ابو عبير... الحمدلله استريج ابني...
ابو جراح... مو كاعد جيت اسألك حاجيت عمي فواز لولا
ابو عبير... والله ياابني مادري شكلك استريح عليش واكف
حدهن... خوية عمها قسم ماينطيك ومتخبل اني اشوف تدور غير حرير تره البنوات جثير يامكثرهن عليش بسبب حرمة تصير مشكله
سهام.. خليت الجاي عالنار وشفت حرير مادة راسها من الباب واتسمع شيحجون
ابو جراح... والله عرفتة... خالتي حدهن اسمعي اكلج شي... اني مال اعوف بنت عمي هالشي
من ساااااابع المستحيلات... وهسه اني اعرف
شسوي من رخصتكم..لفيت اليشمغ وطلعت
بس اريد اصل عمي اني اعرف شنون راح اتصرف وياه...
حرير... ابو جراح... وين رايح دقيقة
حدهن... عززة شبي شو گب بوجهي هسة اني شعلية
ابو عبير.. عليش حجيتيله ماكدرتي تسكتين شويه...
حرير... يابة شبي ابو جراح ليش يصيح وعليمن رااااح فهموني...
يتبع ..
