عنوان القصة 👇🏻
#بعد_منتصف_الليل الجزء الأول
ملاحضة❗️ القصة .. باللهجة الغربية ياريت اللي ماتعجبو لا يتابع
الٌٌــقــصة حـقـيقـية ❤️
بقلمي نشوى السلطاني
الحب يدخل قلوبنا بدون إستأذن ..
ويكبر كل يووم مهما كانت الضروف
الحب لا يعرف المستحيل ..مهما كان يبقى
القلب للحبيب الأولي .. ❤️❤️
عمر الهوى ما يصنعونه صناعه ..
الحب رعشة قلب واحساس وشعور !..
حـريـر ... ❤️ ... سعد الملقب ابو جراح
مواليد ٨٤ بيظاء البشرة شعري طوله وسط
عيوني ملونة الوحيدة اني هيج عيوني طالعة على
جدي اجمل اخواتي .. هههه طبعا مواني اللي اكول الناس اللي حكمت ..قصيرة القامة بس
موقزومة هههه والدي متزوج اثنين الاولة هي امي جابتني اني واختي وفجأة تمرضت
مانعرف شجرالها صارت شبه فاقدة عقلها يوم زينة ويوم تهلوس وتصير اعصاب وتصيح
علينا هملتنا كلنا وبالاخص والدي ناس تكول ساحريلها مانعرف بعد تعبنا وياهه مرت
الايام والاشهر وهي حالتها تسوء
اكثر الا ان طلبت الطلاك من والدي لان شافت
نفسها موكد تريية اطفال ولا تكدر تقيم بواجباتة كـ زوجة والكل يعيل بيها ويكلها انتي هاملة بيتج
وزوجج وهي موبيدها مرضها خلاها هالشكل
بعد انفصالهم امي عافتنا وراحت سكنت بيت
جدي لان بقت عايشة عالمهدئات على طول نايمة
تركتنا اختي الجبيرة جان عمرها ٨ سنوات
واني جان عمري ست سنوات جدتي صاررت ادارينا توكلنا تلبسنا جثير جانت تحبنا
وماحارمينا من شي بس يبقى عطف وحنان الام
مايتعوض بعد خمس شهور من انفصالهم والدي
اتزوج وجاب زوجة اب النا عدها بنية نفس عمري جانت زينة وينا دارتنا اني واختي ..
وابنتها صرنا خوات نعتبرها اخت النا بس
جانت مشكلتها تغار من عندي
دخلت المدرسة واختي جانت ماتحب المدرسة عكسي تماما يوميه غايبة تركت المدرسة لان
زوجة ابويه الي هي خالة (حدهن ) صارت حامل
وخلتها وياهه بالبيت لحتى تساعدها مرت
السنين واجانة اول طفلة ) صرنا اربع بنات ..
عبير.. واني .. حرير .. وسهام.. .. سوسن
سموها على اسم خالتها 😒 كبرنا كلنا وخاله
حدهن مابطلت من الخلفة شفتها وشافتني
حامل صرنا دزن استكاين جاي هههه اقصد دزن بنات صرنا ستة .. عدنا بعاداتنا لازم
الحرمة تجيب ولد واذا ماجابت كالو تزوج عليها
بس والدي يحبها حب موطبيعي بقى رافض
مايرضى يتزووج اخواتي صغار اني جنت متعلقه بعمي يحبني ومدللني شريد يجيبلي
لان جانت حرمتو ماتخلف عكس خاله حدهن😏
يعني ياخذني عدهم ابقى يوم يومين وارد اللبيت
اهلي.. لان همه ماعدهم طفل صار عمي هو اب
ثاني اللي شفت عندة حنان ماشفته عد احد
وخاصة والدي هملنا وصار يفرق بينا يحب
اخواتي الصغار ويفضلهم علينا كبرت اكثر
ووعيت وصرت اشوف التفرقة بس ماحجي اكتم بگلبي اكول نصبر والله كريم اختي عمرها ١٥
وزوجوها الاخو خاله حدهن صغيرة جانت كلشي ماتعرف بس فقيرة ماتحجي .. مرت
الايام وصلت الثانوية ونجحت للثالث بالموت يله وصلت لهل مرحلة يوميه يردون يبطلوني 😞
ومن هنا تبدء حكايتي ....!
نمت واني اقرأ جان عندي امتحان صعب
وبيومها جنا على رهان اني وبنت عمي ياهي
اللي تجيب درجة اقوة .. فزيت الساعه ثمانية
الا الاربع كمت ركض فتحت الشباج الجو غيم
وباردة اباوع عالصوبة مدي احضنها من كثر
مااعضامي يطكن من البرد .. كعدت خواتي
سهاام ولج كومي ماضل وكت..
💬اووو عوفيني نايمة شبيج تصيحين ماريد اروح لاتكعديني بعد
💬... هاااه اعوفج نايمة عجل ضلي هيج كسولة شمرت عليها البطانية صحت تره
اني رايحة اغسل لا تكولين ليش ماكعديتني
غسلت وجهي لبست عالسريع
طلعت سمعت صوت خاله حدهن تحجي ويا
ابويه بلكي تطلع وتكعد بنتها اووف اخذت تفاحة من الثلاجة غسلتها ومشيت
فتحت الباب اتلكتني ام عواد بالباب ..
ام عودا يومية الصبح تفتر عالديرة تبيع گيمر عرب وحليب بقر..
هلا خاله فوتي ..
.
💬.. هلا يبعد خالتج شبيج تركضين.. لاتكعين بنتي على كيفج لاتكعين الدرب كله زلگ جيت
اتبطش كل شويه اريد اكع على وجهي
...
💬يااا ههههه يله خاله تأخرت فوتي كعدت خاله حدهن عفتها وطلعت اركض وشفتي ترجف رجف من البرد .
.
💬هلا ام عواد حياج فوتي... هاي شبيها طلعت تركض لازم تأخرت..
💬 اي خطية تريد اتلحك على الدوام شلونه
ابو عبير ان شاءالله زين ..
💬الحمدلله بخير اكعدي ليش واكفة راح اخدر الجاي.. همزين جيتي لان مشتهية كيمر والله
💬 هاه خاف اكو شي عالطريق خاف حبلة
💭 الله يسمع منج هاي صار عمرها الصغيرة
خمس سنين وماكو شي واريد اجيبلي اخ اللهم
💬 ان شاءالله حامل وتجيبين توم ولد ونفرح بيج
💬 الله يسمع منج تعبت والله هينة كلها تصيح
ليش ماجابت ولد عبالك هالشي بيدي
💬 لا يبعد اخيتج الخلفة خلفة الزلمة الحرمة
كاع شتزرعين بيها يطلع ..
💬 حرير.. وصلت بيت عمي دكيت الباب
ولج فروحة وينج اتأخرنا شفتها ماكو كلت احتمال راحت هدوء البيت ماكو صوت كلها طلعت اركض ...اتذكرت
راح الوكت عليه .. اركض واباوع على حذائي
لان صار بي طين ماحسيت الا ونلزگت بـ
ابو جراح.. رفعت راسي عينة بعيوني متت خوف لأن اعرف طبعه عصبي
💬 سعد الملقب ابو جراح .. مواليد ٧٩ اسمراني طويل جسمه مليان شعره اسود
عيونه واسعات اخ لثلاث اولاد واثنين بنات هو اصغر واحد بيهم .. الكل متزوجين الا هو يشتغل
ومايمد ايده على احد يحب يعيش من تعب ذراعة .. رغم همه عائلة غنية والله مفضل عليهم
بس هو يحب يشتغل شغلة جان بالتريلات
على طريق الاردن يودي نفط للاردن ويرجع
للعراق .. اللقب هذا مشة عليه وهو صغير
الكل صار يسمي ابو جراح يعني محد يسمي سعد.. هالقلب جان يعود لجدة جان جثير سبع
وهو طالع عليه ليهذا اختاروله هالقلب
💬ابو جراح جنت توني راجع للعراق وصلت الفجر تريكت يم صاحبي ورجعت للبيت تعبان
الطريق جدا متعب
ذبيت السيارة بالساحة وتمشيت عالبيت وبيدي
علاگة ملابسي وحافضة الاكل .. تمشيت
ماحس الا وبجهي حرير..انلطخت بية وكعدت الحافضة والمواعين..
حرير💭 بقيت ماعرف شسوي خوف وصدمة وخجل انتهيت يمة كله ولا جراح عصبي شراح يسوي بية
💬 شبيج مخفوگة تركضين شطولني شعرضني ماشفتيني.. هااااه وين رايحة من الصباحيات
💬 مادري بيك والله مستعجلة عالدوام.. جيت اخذ وياية فرح.. لان تأخرت طلعت اركض
ا💬 هاااااه تروحين للمدرسة هيج..!
🗯 ليش شكووو ؟؟
💬 اللبس هذا ماعجبني ..
💬 تره هي صدرية يعني شنو اللي مايعجب وخر اريد اطلع اتأخرت..
💬 لا لا فوگ حگة دگة .. وموعاجبج اشوف
💬 اتأخرت وخررر اريد اروح.. وماعليك بية
💬 حاجيني بهدوء تره والله احرم عليج تدخلين المدرسة.. افتهمتي.. وللبسج هذا يتغيرر من باجر يله روحي ..
💬 عبرت من يمة واحس نضراته عليه من فوگ لجوة مشيت وكفت كتله ... من ارجع اللم المواعين مشيت واني اضحك..
💬 يولي عليمن تضحكين ..!
💬 هههه لا ماكو شي مشيت واني كوة كاتمة الضحكة شفتة واكف والغراض كلها بالكاع
صدك موقف يضحك عجل ياوكت هذا اللي يخلي
ابو جراح يلم اماعين ( مواعين) 😜 رغم الامتحان شاغل
فكري بس ابو جراح ضحكني وصلت المدرسة
الحارس ابو احمد..
💭 هلا بنتي تأخرتي اليوم خيرج..
💭 بشرني عموو الاستاذة جتي لو بعد..
💬 اي جتي الحكي ربعج
💬 اي اي طلعت اركض دخلت للصف وماكو الاستاذة الحمدلله اووف هم ونازح مني
💬 فرح .. ويييينج شكد تنامين موتدرين احنا عدنا امتحان ومتراهتين عليه هااا تخافين من المواجهه..
💬 حرير خلي اكعد احذ نفس خذتيني حاصل فاصل ولج من وراج اتأخرت... رحت عليج ومالكيتج ...
💬 شوداج اني من الصباحيات جيت اركض
كلت لازم اليوم اني احصل الرهان عههههه
💬 يولي تلكاني بالباب ابو جراح ...
💬 هييي انتي حلمانه بعدج ابو جراح مسافر موتدرين بي...
💬 ولج جة شبيج اني شفتو عالباب والله...
💬 صددددك شو ماخابرنا مادري بي
💬 ولج شحجيلج صار بيه موقف هههههه اني واخوج ...
💬 هااا بروح جدي شكو احجي شوتضحكين
💬 بصووت ناصي اشششش جتي الالمدرسة بعدييييين
💬 يله من نطلع تحجيلي شوفيها للمدرسة اليوم شلون طالعه جنها اللي بكارتون سالي
مدري شسمها نسيتها
💬 ههههههههه شيسكتج ولا تكعدين راحة
ابو جراح .. ذبيت اهدومي يم الغسالة وطبيت
تلكني الوالدة...
💬 الگوووة شنووونك يبعد امك ليش ماندري جان كول راح اجي ..
💬 الله يكاويج .. ماكو داعي والاتصالات للعراق كوووة احصلكم شلونج يمة ابويه شلونة
شو ماكو احد..
💬 ابوك ديغسل واخيتك بالمدرسة والباقين نايمين اكعد اسويلك ريوك عندي حليب احميلك
💬 ريتج طيبة يالغالية ماريد شي اكلت يم
فواز وجيت اكوم ازين اريد اغسل وانام تعبان
💬 اي وليدي هسه احضرلك الحمام خلي يطلع
ابوك ..
💬 حرير كملت الامتحام وطلعنا للساحة اني
وفرووحة ..
💬 اي ماكتيلي شصار احجي شكوو..
💬 اووف منج ولا تنسين هههههه ولج تدرين اني بالباب طلعت اركض 📢 وحجيت الها السالفه ...!!!
💬 ههههه عزززة شراح شخلصنا اليوم كلشي
ولا ابو جراح هاي لو اني جان لزگني براشدي
ولكحني ( شمرني ) بالمدرسة 😜🤓
💬 ولج شلون فشلت وجهي احسه ناااار
خجلت منه والنوب هو عصبي كلت هسه انكتل
💬 اي سوده عليه يجي تعبان جوز ماله خلك يحاجيج ...
💬 اكوول هو شعلي يتحكم بيه ايكولي لبسج موعاجبني..
💬 يبوو جانت عايزة التمت اليوم يبطلني من المدرسة ينلام بيج يولي هاي صدرية لو فستان سهرة دحجي شنون ضاب ( ضيق) عليج
💬والله هذا الموجود مو عاجبو بكيفة عشتوو
اخوج شكد يتدخل گطيعةةةة
💬 هيي انتي گطيعة تكطعج غير يخاف عليج
والله اذا سمعج يگص اللسانج ..
💬 لا والله وهو شعلية ترة مومقبوبلة منة
يخاف عليه ليش اني شمسوية المهم گومي
💬اكوول حرير شو سهام موجاية شگد تغيب
💬 والله گعدتها ماگعدت احجي تزعل ماعليه بعد هي حرة گومي خلص الدوام خلي نطلع
ولا تنسين تره اني الي اخذت درجة اقوة بالامتحان يعني كسبا الرهان باجر جمعة حضري غداااية 😂😂
💬اووو افتهمنااا امشي عاد والله اسويلج
احسن غدة شبيج راح تتخبلين لان كسبتي الرهان 😒
💬 هههههه لا يولي بس اضحك عليج شفتج
ضجتي يله خلي نطلع باردة ثلجت
طلعنا وصلت فروحة البيتهم وتمشيت على بيتنا
غيم ومطر خفيف جو يخبل جثير احب الشتة
وصلت تلكتني سهام ياستار اكيد بذيالها عجاجة على كولت جدتي ..
💬سهام ... هااا يمة شرفتي للبيت ..
💬شبيج شو مدري شنون تحاجيني..
💬تقصدتي ماكعدتيني تريدني ارسب مو
💬اووو سهام وخري ترة ميتة برد موناقصة
سوالفج ترة كعدتج وانتي ماقبلتي لاتسويها
سالفة براسي..
💬اكفي وين رايحة شخذنا اليوم احد سأل عليه لو لا
💬خلي اغير ملابسي جووعانة شطابخة
خالة حدهن .. بعدين احجيلج
💬اوو هسة وكت اكلج طابخة دولمة
💬👏🏻👏🏻👏🏻 هلا هلا اموت عليهاا وخري خلي اروح الحگ عليه ..
💬 هيييي شبيج راح توكعيني خببباال يخبلج
يتِـبع
