#البارت_2
رنس ... دخلت للقاعه لگيت الاستاذ يشرح .. صباح الخير استاذ..
استاذ محمد.. صباح النور اهلا رنس اليوم هم متاخرة
... اسفه استاذ بس ..
..لا بس ولا شي وفري اعذارج تعودت عليج لو مو متميزة جان من زمان طردتج بسسس دخلي دخلي ..
.. غصبن عليك 😂 (بكلبي ).. شكرا استاذ ...
خلصت المحاضرات وطلعت من الجامعه اتصلت على رنا ..
.. 📞هلو رنا وين انتي ...
.. 📞ايي اننيي ..
.. 📞 اي اي افتهمت عليج انتي وي حسن ..
.. 📞 عفيه عليج انتي الوحيده الي اتفهميني ...
.. 📞😂 يالله اني راح اطلع من الجامعه سلميلي على حسن ..
.. 📞 يوصل حبي باي اممواح 💋💋 ..
..📞 بايات 💋💋 ...
-------
مثل كل يوم اطلع من الجامعه ارجع للبيت اسبح وارتاح واطلع اروح لصفا صديقتي اريد اطلع وجان اشوف عمتي زينه
...مرحبا عمتي
... هلو عيني ست رنس شنو هاي الكشخه منو رايحه تشوفين..
رنس ... اهووو اليوم مراح نخلص (بكلبي )... رايحه اشوف صديقاتي يعني وين اروح ..
...معقوله كل هاي الكشخه ورايحه تشوفين صديقاتج 😏 ...
... اي عمتي حبيبتي اطمني سبق وكلتلج اذا عندي واحد راح اجيبه من ايده واخليه يمج ...
... اي عليمن اتطلعين امج المرحومه هم هيج سوت ومن رفض عمي الله يرحمه اخذت ابوج وشردت ...
... 😡 استغفر الله هسه اترخص منج عمتي راح اتاخر باي ...
.. الله وياج 😏 اشردي مثل عادتج ..
-----
زينه ...وسااام هاي بنت اخوك راح تموتني ...
(وسام عمي اخو ابويه ويحبني مثل بنته رنا واكثر بس عمتي بعمرها ما حبتني وتسمعني حجي علطالعه وعلجايه )
وساام ... شكو زينه خير شصاير ..
زينه .. السانها اطول منها وترادد المرحومه الله يرحمهااا ماتت وعافتها على كلبي ماعرفت تربيها ..
وسام ..زينه 😡 احنا نعرف كلش زين منو الي يعيل ماكو داعي احجي بعد بلموضوع رنس طلعيها من راسج ولا تبقين كل ما تشوفيها تذبين حجي اهلها ماتوا والبنيه يتيمه ماعدها احد غيرنا وهيه الوحيده الي بقتلي ذكرى من اخويه الله يرحمه وثانيا البنيه ماعدها شي گلتلج رايحه تشوف صديقاتها يعني رايحه تشوف صديقاتها ماكو داعي تكثرين ولو عدها شي جان عرفت اول واحد هيه متضم عني شي ...
... اي انته ابقه دافع الها حتى لو تغلط كدام عينك توگف وياها ولا عبالك اني مرتك شوف اذا ما شردت وي واحد بعد يومين تعال اعتب عليه وگول گالتها. ...
... زينه هذا السانج المسموم رايدله گص حتى متحترميني صايرة ولا تنسين الي شردت وياه امها يصير اخوي وجانوا يحبون بعض هذا الشي الي ما تعرفينه انتي وسووا هيج لان مجان كدامهم غير هذا الحل ...
... 😒😡 علخير عليك...
.. استغفر الله عبالك احجي وي الحايط اگوم اروح للشركه احسن الي والج ...
.. اي روح انته شعندك غير الشغل ومن تجي تبقه تعارك ..
.. اني لو انتي ...
... انسه اني صوجي صدگ نسيت اگولك اليوم يجي ابنا فيصل واخيرا بعد طول غياب خمس سنين صار شهر مجاي وكل ما يجي يبقه اسبوع ويروح بس هسه واخيرا راح يستقر هنا ...
... اي خابرني اليوم توصل طيارته ب8 بليل اني من اطلع من الشركه انتضرة بلمطار واجيبه وياي ...
... اي بس يجي ابني اخطبله بنت خالته واعرسه اريد افرح بي ...
... لج زينه جوزي من سوالف الولد عيفيه بحاله لا تضغطين عليه ترة تشردينه اذا هيج ...
... لا اشردة ولا شي ابني كبر واريد اعرسه احسن ما تاخذه ست رنس وتشرد بي مثل امها تغريه بجمالها ...
... استغفر الله ياربي ما منج أمل اني رايح ...
... رووح 😠 ...
...
أنت تقرأ
#بذرة_الحب ( كامله )
Short Storyوحين تفقد اعز اشخاص الى قلبك وهم اهلك لتجرب حياة اليتم ثم تجد شخص يستطيع ان يحبك وينسيك جروحك لتتفاجئ منه ان يجرحك بلاخر ويتخلى عنك ليعود بعد اعوام ماذا سيحدث يا ترى ..؟؟!! متابعه ممتعه #aalaa_falah
