#بذرة_الحب
الكاتبه
#aalaa_falah
#البارت_21
رنس .. كعدت الصبح رحت للجامعه خلصنا دوام نريد نطلع ولگيت يوسف صديق فيصل ينتضرني يم باب الكليه تجاهلته او مشيت بس اجه ركض وراي ولزم ايدي
يوسف .. لحضه رنس اريد احجي وياج
رنس .. راسن سحبت ايدي حيل ... ماعندي حجي وياك روح منا
يوسف .. اسف بس رجاء سمعيني .. رجائن ... بس اسمعيني ... رجائن
رنس ... احجي بسرعه اريد اروح
يوسف .. مو هنا بلشارع
رنس .. اوك اكو مطعم قريبه هنا .. خلي نروح
يوسف ... وصلنا للمطعم بعد شارع عن الكليه ..
رنس .. احجي بسرعه اريد اروح
يوسف ... الصراحه مثل متعرفين .. تقدمت لخطوبتج من فيصل بس ما تفهمني وتهجم عليه .. ودزيت اهلي لعمج وهم رفض واعرف السبب فيصل .
رنس .. انتضر .. تكول فيصل تهجم عليك 😕 ..
يوسف .. اي فتحت وياه الموضوع .. فعباله اتسلى بيج .. وتهجم عليه .. صحيح اعترف غلطت وي هواي بنات ... بس هسه اني جاد بلموضوع .. انطيني فرصه
رنس .. انتضر صار شكد من تهجم فيصل عليك
يوسف .. قبل شي اسبوعين
رنس .. ( بكلبي ) لهذا السبب صاح بوجهي فيصل ... كلتله .. كلت الي عندك وهسه اسمعني .. هذا الشي مستحيل يصير .. انسى الموضوع .. وما ارضه تفتحه بعد .. ومرة الثانيه اذا حاولت تعترض طريقي اخبر عمي وهو يحل الموضوع
يوسف .. رنس بس اسمعيني ... رنس
رنس .. مع السلامه ... عفته وطلعت رجعت للبيت
يوسف .. ما اعرف شلون وياج .. اني صوجي انزل نفسي لهيج مستوى .. البنات كاتلات نفسهن عليه .. بس اجيبج اجيبج .. لو اخر العالم رحتي هم اجيبج
-------
فيصل .. رحت للشركه واعتذر لوالدي وسولفتله على كلشي .. وموقف رهف .. وسامحني للمغرب رجعنا سوة .. اجتمعنا على العشا واجت رنا وزوجها شاركونا ... بقينا نسولف الزلم سوة على العمل والشركه والوضع المادي .. وامي ورنس ورنا سوة .
-------
زينه ... اليوم حجيت وي فيصل .. او وافق يتزوج بت اختي اسيل .. وباوعت لرنس صفح وابتسمت 😏 ... واخيرا راح يتزوج على ذوقي
رنا .. اممم معقوله فيصل هيج يوافق بهاي السهوله .. ما اصدگ
زينه ... اي وافق اصلا وين يحصل احسن منها جمال واخلاق .. 😏
رنس .. اووي وهاي شبيها تباوع هيج من تحجي عبالك خاطفه ابنها وشارده ( بكلبي ) ..
حسن .. وهسه احنا نترخص منكم نروح
وسام .. بعد وقت وليدي خليكم اليوم يمنا
حسن .. شكرا عمو متقصر .. بس عدنا دوام مثل متعرف ..
وسام .. براحتك وليدي .. بس عيدوها
حسن .. لا انشاءالله مره الثانيه انتم تجونا
وسام .. انشاءالله
---
رنس .. رنا وحسن اجوا تعشوا يمنا وراحوا رجعت لغرفتي لل10 كملت المواد وقريت .. مليت طلعت كعدت بلصاله علتلفزيون .. وعمي وعمتي بفرفتهم هدوء
فيصل .. جنت طالع ورجعت لكيت رنس كاعده بلصاله ... مساء الخير
رنس ... مساء النور
فيصل .. كعدت لكيتها مطلعه فلم اجنبي .. 😍 واني اعشق الافلام الاجنبيه.
رنس .. ضلينا كاعدين ونسولف علفلم ونضحك .. وصار فاصل .. كلت اروح اسوي بوشار
فيصل .. اني اجي وياج اسوي عصير
رنس ... اوك ☺ ... سوينا عصير وبوشار ورجعنا نتابع الفلم ونسولف ونضحك .. الصراحه نسينا كلشي يتعلق بلماضي .. وبدينا من جديد .. انتهى كلشي ... كاعدين دنتابع او وصل مسج تقريب ساعه ب12
فيصل .. وصل لرنس مسج .. باوعت من طرف عيني .. مكتوب مهند ..
رنس ... مهند دزلي مسج ( 💬 نمتي بعدج كاعده ؟؟ ) ...
رديت عليه ( 💬 لا بعدني داتابع فلم )
.. رد عليه ( 💬 اني هم ☺ ، اكدر اتصل عليج ؟! اذا مابيها ازعاج او ما مشغوله. بس حابب اسمع صوتج ) ..
.. ( 💬 اوك اتصل )
رنس .. باوعت لفيصل .. اني هسه اجي .. عفته ورحت لغرفتي اتصل عليه مهند
مهند .. اشلونج
رنس .. الحمدلله ، وانته
مهند .. الحمدلله . اتمنى ما ازعجتج .. بس اليوم مشفتج .. وحبيت اسمع صوتج
رنس .. لا معندي شي ما اجاني نوم وبقيت اتابع فلم
مهند .. اوك لعد روحي كملي الفلم
رنس .. هه اوك تصبح على خير
مهند .. وانتي بالف خير
-----
فيصل .. كاعد يمها وتحجي وي حبيبها 😠 .. تركتني وحدي وراحت تحجي وياه . شسويلها خلي اتابع الفلم احسن .. هو اصلا صوجي كعدت يمها اني لو رايح نايم احسن الي .. هسه اني شعليه قابل علمودها ..
رنس .. رجعت للصاله باوعت لفيصل وجهه عابس .. عكس قبل شويه جان فرحان .. الله اعلم شبي .. محد يتوقع تصرفاته مزاجي الاستاذ ... كعدنا كملنا الفلم وجنا اثنينا ساكتين .. رحنا لغرفنا اول مخليت راسي نمت او للصبح كوة كعدت متاخره ونعسانه خلي ارجع انام احسن واضرب الدوام ..
أنت تقرأ
#بذرة_الحب ( كامله )
Short Storyوحين تفقد اعز اشخاص الى قلبك وهم اهلك لتجرب حياة اليتم ثم تجد شخص يستطيع ان يحبك وينسيك جروحك لتتفاجئ منه ان يجرحك بلاخر ويتخلى عنك ليعود بعد اعوام ماذا سيحدث يا ترى ..؟؟!! متابعه ممتعه #aalaa_falah
