#بذرة_الحب ( كامله )

part 23

#بذرة_الحب

#البارت_23

الكاتبه

#aalaa_falah

رنس .. مرت ايام هدوء علاقتنا اني وفيصل زينه والماضي نسد .. اليوم جمعه  عازمني مهند على الغده رحت للمطعم

مهند .. اريد احجي وياج بموضوع

رنس .. امم تفضل اسمعك

مهند .. صار فتره وعرفتيني زين وحتى اهلي عرفتيهم .. واعتقد هيج لازم  اتقدم لخطوبتج

رنس .. بس .. انته فاجئتني

مهند ... اني كلتلج من البدايه نتعرف على بعض .. واذا ماعجبتج .. اني هيج ما اكدر استمر وياج .. واعرف انتي ما راح تصيرين الي

رنس .. بس

مهند .. لا تجاوبين هسه فكري بلموضوع ... واني راح ادز امي الكم .. قرري .. ههه وهسه يالله خلي نروح تاخرنا

رنس .. همم .. الصراحه مهند فاجئني بقرارة اني كلتله مجرد صداقه .. رجعت للبيت مهند ما راسلني اليوم .. واصلا ما طلعت من غرفتي .. وراسي راح ينفجر من الموضوع
-----

رنس .. خابرني مهند وكال راح نجي اني وامي نحجي وي اهلج بلموضوع .. فكري زين ورجعيلنا قرارج .. خبرت عمي وسام بقدومهم .. وحضرنا .. جان بس عمي وعمتي .. ورنا درت بلموضوع هم اجت .. وفيصل ماموجود من الصبح .. ساعه ب4 العصر اجوا .. مهند وامه استقبلناهم .. حتى ما اعرف شردلهم الجواب

ام مهند .. الصراحه نريد نحجي وياكم بموضوع .. واعتقد رنس خبرتكم سبب وجودنا .. بس هم نححي بي .. احنا اجينا نطلب ايد بنتكم لابني مهند

وسام .. صحيح كالتلنا رنس .. بس نريد مجال نفكر بلموضوع ونردلكم الجواب

فيصل .. رجعت للبيت لكيت عدنا خطار سلمت وكعدت .. اشرت لابوي يعني شنو الموضوع .. اشراي بعدين .. ترخصوا وراحوا .. وكل واحد راح لغرفته .. بقينا اني والوالد سئلته على الخطار گال ذوله خطابه لرنس اني نصدمت .. سالته اذا رنس وافقت .. كال .. بعدها ما رجعتلي جواب

رنس .. كاعده بغرفتي واجت عمتي زينه

زينه .. انتي لازم توافقين

رنس .. عفوا

زينه .. الولد الي تقدملج لازم توافقين ..

رنس .. اي بس ..

زينه .. ماكو بس وافقي وبس .. اذا متوافقين راح فيصل يرجعلج .. لان رجع يحبج ..

رنس .. انصدمت منها عافتني وطلعت .. ثاني يوم اجه عمي .. اول شي تراجعت .. بس كلت لازم اوافق .. هذا الحل الوحيد .. ومهند ماكو مثله

------
وسام .. بنتي انتي تدرين ليش اني هنا .. اتمنى تفكرين زين .. واني ما اجبرج هاي حياتج .. وانتي امانه المرحوم يمي .. وكل الي اريده سعادتج .. واني سئلت عنه خوش ولد .. وانتي تعرفينه احسن مني

رنس .. اشرت براسي بمعنى موافقه ..

وسام .. علخير بنيتي ربي يسعدج .. بستها براسها

-----
زينه .. اي بشر بنت اخوج شقررت

وسام .. وافقت الحمدلله .. وربي يسعدهم

فيصل .. اشلون وافقت انته متاكد

زينه .. اي هي وافقت اني البارحه حجيت وياها .. وليش هي توافق اذا متريده

فيصل .. انصدمت من قرار رنس عفت البيت وطلعت

.....
مهند .. يووووم ... يوووم ... اسمعي البشاره

ام مهند .. خير شبيك يمه

مهند .. خابرني عمي ابو فيصل ورجعلي قرار رنس

ام مهند .. اي يمه بشر اكيد وافقت مبين من وجهك

مهند .. اي وافقت .. واخيرا تحقق حلمي .. متصدكين شكد فرحان

ام مهند .. ربي يسعدكم فرحتني .. يمه وليدي راح يعرس .. ما تصور شكد فرحانه

مهند .. ادعيلي يوم كلشي يمر على خير

ام مهند .. الله يسهلك .. اني رايحه للكنيسه اصلي حتى تتوفقون .. وتديم السعاده بحياتكم

مهند .. فديتج يا احلى ام مهند

------
رنس .. خابرني مهند فرحان .. وقرروا يجون يتفقون وي عمي وسام على موعد الخطوبه .. ثاني يوم اجوا .. مهند كلش فرحان واتفقوا يسوون الخطبه بعطله نهايه هذا الاسبوع .. والزواج بنهايه السنه ... مرت الايام وعمتي زينه تجهز فرحانه راح تخلص مني .. ورنا وصفا .. واني صايره مثل الرجل الالي مبتسمه وكلبي ممرود وما مطمنه من هذا الزواج .. انشاء الله يمر كلشي على خير
-------