#بذرة_الحب ( كامله )

part 10

#بذرة_الحب

الكاتبه
#aalaa_falah

#البارت_10

رنس اول ما دخلت لغرفتي خابرني مهند حجينا شويه ونمت + فجئه اكو احد طفر على جربايتي طفرت شفتها رنا

- مسائووو كعدي ما شبعتي نوم كعدي سولفيلي شصار بسرعه بلتفصيل

- على يوم يوكف كلبي بسببج

- عيني اسم الله على كلبج محد يوكفه غير مهند😉
اكلج رنس حبابه احجيلي اشصار

- خليني انام شويه وبعدها اكعد احجيلج

- لا حبابه احجي هسه ما اتحمل بعد

-  ما صار شي مجرد تريكنا سوة او رحنا للجامعه وبعد ما شفته

- بس

- اي ... وهسه خليني انام

- لج يا نوم نسيت اكلج امي وفيصل تعاركوا ورهف راحت .. بس تدرين همزين ما ارتاحيتلها ابد

- ميهمني وهسه كومي خلي اكمل نومتي

- اووف بس بنوم تفكرين ... ديلله عيني كومي اتعشي رهف راحت يعني امي رجعتلج 😂😂

- ههههه .. يالله رجعت حليمه لعادتها القديمه .... اوك جايه وراج

رحنا تعشينا بس الوجوه مكلوبه وكلها ساكته بس صوت ضربه الخاشوكه والماعون من تاكلين ورنا تلصلص بعيونها وتتبسم فيصل ماكو طالع

- فيصل -- رهف راحت ضجت حيل تركت البيت وطلعت رحت شفت اصدقائي كاعدين ندردش ويوسف جاب عصير واني كمت اشرب ما ادري بروحي الا دخت وبعد ما حسيت بشي

يوسف - مرحبا اني صديق فيصل درسنا سوة بالجامعه اسمي يوسف عمري 27 سنه اهلي اغنياء كلش واني وضيفتي اصرف افلوسهم علونسه 😜 اجانا فيصل كلش تعبان ماكو غير حل واحد يخليه ينسه همومه وادري ما راح يرضه بي فخليتله مشروب وخبطته بلعصير ونطيته يشرب وهوة ملتهي يسولف على سفرته شويه وداخ عرفت بده مفعول المشروب وبده يهلوس يحجي على امه وحبيبته هههه كلشي ما افتهمت اخذته وصلته لبيته دكيت الباب طلعت بنيه بس شنو من بنيه سبحان الخالقها كلش حلوة بقيت صافن عليها وهيه تباوع لفيصل

رنس - نمت العصر كله بعد ماجاني نوم بقيت اقرة وتعبت كلش فكلت انزل جوة ارتاح واحرك رجليه اشم هوة وارجع فجئه ندگ الباب فتحته شفت ولد واكف وساند فيصل حتى ما يوكع مبين سكران بس فيصل مو من طبعه يشرب بس يبدو السفر غير اطباعه

يوسف - مرحبا اني صديق فيصل وفيصل شرب شويه وداخ فكلت اوصله للبيت ممكن تساعديني ادخله لغرفته لان ثگيل ههه

رنس - لزمت فيصل وحاولت اسنده وياه ودخلناه لغرفته نيمناه على جربايته

يوسف - اسف الي صار غلطتي فيصل ما يشرب بس جان حيل تعبان فخليتله مشروب بلعصير ( وحكيت راسي ) هههه

رنس .. اشرتله براسي بمعنى اي .. شكرا لانك وصلته

يوسف .. ولو هسه اني اترخص لازم اروح

رنس ... اوك

يوسف ... مع السلامه

رنس .. الله وياك

يوسف.. امشي وافكر خرب يومك فيصل عندك هيج جمال ضامه عني باجر اخابرة واسئله عليها خوش فكرة فديتني مو بس حلو وذكي هم 😜

---
رنس .. غطيت فيصل وطفيت الضوه وردت اطلع وصلت يم الباب وفيصل راسن طفر .. واستفرغ 😷 ... راسن رجعت اركض فتحت الضوه ولزمته وساعدته كومته للحمام فتحت الدوش او وكفته حتى تروح اثار المشروب اني هم تبللت لان لازمته هوة فتح عيونه او باوعلي بقه صافن بعيوني وخله ايده علي شعري ... كلتله لازم تطلع عن الماي لا تتمرض هوة اشرلي براسه بمعنى اي طلعته كعدته على السرير وخليت الخاولي على راسه ونشفته وطلعتله ملابس كلتله غير ملابسك هوة ساكت ومدنگ راسه وساد عيونه باوعتله يمكن نايم كلتله فيصل طفر كلتله لازم تغير ملابسك قبل لا تتمرض ما جاوبني ... اووف اشلون ورطه هسه اني شطلعني من غرفتي .. امري لله ساعدته غيرتله ملابسه ونيمته ردت اطلع صاحلي

.. رنس

.. هممم

.. لا تركيني وحدي

... اني جمدت بمكاني .. كلتله نام انته تعبان تصبح على خير ما جاوب اكيد نام
عفته وطلعت رحت لغرفتي 💔 .. نزلت دموعي وحدها .. اووف يا فيصل تعبت يالله نسيتك ليش رجعت مو كدرت اعيش بدونك ... مسحت دموعي ... مستحيل احبك بعد انته خنتني انته صفحه وانطوت هاهيه كلشي انتهى ... بقيت فكره تاخذني وفكره تجيبني لحد ما تعبت ونمت