#بذرة_الحب ( كامله )

part 27

#بذرة_الحب

#البارت_27

الكاتبه
#aalaa_falah

فيصل ..  جنت تعبان وما نمت ادور على رنس البارحه .. اول مخليت راسي علمخده نمت من ساعه ب11 الضهر ..وطلبت من الخدم محد يزعجني .. كعدت ساعه ب9 بليل .. اتصلت بريهام ( بيبيه رنس ) كالتلي رنس لسه يمها وكاعده علتلفزيون متابعه فلم ماعدها شي .. كمت اكلت لان كلش جوعان

رنس .. كعدت ب4 العصر ..سوتلي بيبي اكل  اكلته .. واتصلت بصفا اجت يمي .. بقينا نسولف .. وسئلتها على مهند گالت مداوم بعد ويكولون انتقل لغير جامعه .. ل7 وراحت صفا .. بقينا بس اني وبيبي علتلفزيون .. شويه ارتاحيت من حجيت وي صفا .. ل12 وبيبي راحت نامت بقيت اني وحدي .. افكر بلورطه هاي .. وبمهند .. واشلون حاله هسه .. بقيت ابجي لحد ما نمت ب4 الفجر
------
رنا .. رحت اشوف رنس .. بس ملكيتها بلبيت .. وسئلت والدي كال عد بيبي ريهام .. حاولت اتصل بيها مغلق .. وامي عابسه وتدرم على فيصل .. وذابه الصوج كله برنس .. واني اعرف ما الها ذنب .. اتصلت بحسن وبقينا نسولف اني وياه .. وسالني على رنس كلتله بيت بيبيتها .. ل12 كملنا مخابره وراح نام .. طلعت اني اكل لان جوعانه لگيت فيصل بلمطبخ ياكل .

رنا .. هلا هلا باخوي الغالي

فيصل .. اهلا رنا .. اشلونج

رنا .. هه انته اخر شخص مسموحله يسئلني عن حالي .. والك عين تحجي بعد الي سويته .. ليش هيج سويت .. ابد ماتوقعتها منك ... شنو ذنبها رنس .. معقوله ما كفاك الي سويتا بيها بلماضي

فيصل .. رنا كافي .. لا تحجين هيج .. اني عندي اسبابي .. وماعندي غير هاي الطريقه

رنا .. شنو السبب الي خلاك تخرب خطبتها .. وتعقد عليها .. بنص الناس

فيصل .. ما راح احجي وياج .. ادري ما راح تتفهميني .. عفتها وطلعت

رنا .. وكفت كدامه وديت طريق العبور .. كلتله جرب وشوف .. راح اتفهمك .. بس كلي ليش هيج سويت ..

فيصل .. بعدي رنا .. وانسي الموضوع

رنا .. مستحيل ابتعد قبل ما اعرف .. اخوي واعرفك متسوي شي بدون تفكير

فيصل .. كلشي بوقته حلو .. يجي يوم وتعرفين .. وهسه تصبحين على خير

رنا .. ابتعدت عنه .. وانته بالف خير

------
فيصل .. تركتها ورحت لغرفتي .. انتم كلكم مراح تفهموني .. محد راح يفهمني .. اني منزمان جان لازم اسوي هيج .. قبل خمس سنين .. بس امي السبب الي خلتني اسافر .. وهسه صححت غلطي .. اعرف اذيت هواي ناس .. بس .. بس هذا افضل حل ..

-------

رنس .. كعدت ساعه ب11 الضهر .. طلعت من غرفتي شفت بنيه كاعده ومنطتني ضهرها .. وبيبي كدامها اشرتلها منو .. هي انتبهت ودارت وجهها .. هاي رنا

رنا .. رحت لبيت ريهام علمود اشوف رنس .. لكيتها نايمه .. كعدت ساعه ب11 هجمت عليها احضان وبوس كبش مشتاقتلها وشكلها متغير .. كعدنا وبقينا نسولف .. الي ماذي رنس اكثر شي هو اتصال مهند .. والسبب اخوي .. كلتلها اني واجهت فيصل .. بس مرضه يگلي بلسبب وكال مراح تفهموني بقينا نسولف ونضحك .. حاولت اطلع رنس من الجو الي هي بي .. واتصلت على صفا . اجتمعنا وريهام تسوي اكل .. وقررنا نبات كلنا يم رنس وقنعناها تداوم .. اخر شي وافقت ..

صفا .. اريد اخبرجن بموضوع ..

رنا .. اي احجي ..

صفا .. اسبوع الجاي خطبتي

رنس ورنا .. شنو .. ومن منو .. ومن شوكت هذا الحجي .. هههه هجمنا عليها بلاسئله

صفا .. علكيفجن وياي .. وحده وحده .. هسه اجاوبجن

رنا .. اي يالله بسرعه احجي

صفا .. الولد هو يوسف

رنس .. يوسف منو

صفا .. يوسف صديق فيصل 😔

رنس .. شنو. .. اوكفي فهميني من شوكت .. ومنين تعرفينه هذا واحد جذاب ونسونجي ... اكيد يضحك عليج

صفا ... لالالا مو هيج انتضرن خلي اسولفلجن .. شوفي تذكرين من اجه فيصل للجامعه وطلعتي وياه للمطعم وخبرج بعرض الزواج

رنس .. اي هذا الحجي مصارله شهر

صفا .. اي بوقتها اني طلعت قبلج .. وهو نطاني رقمه .. كال قنعي رنس توافف عليه واني احبها .. وما عندي نيه اخدعها ..

رنس .. اي كملي وبعدها شصار

صفا .. اتصلت بي وحجيت وياه .. وجان ضايج وتعبان .. وبده يسولفلي على نفسه وهو يشرب ونسوان .. بس هو جان طايش وهسه رجعله عقله وندم .. وتعرفت عليها وتعرف عليه .. وحبينا بعض 😔

رنس ..  بس خاف يضحك عليج

صفا .. لالا ميسوي هيج واتفقنا على خطوبتنا ..  وراح يتقدملي بعد اسبوع

رنس .. اممم وزين ليش اني ما اعرف بلموضوع

صفا .. اعرف مجنتي راح ترضين اتواصل وياه 😔 .. والصراحه اني احبه حيل هسه .. وهو هم يحبني .. ولو ميحبني مرضه يخطبني

رنس .. الله يسعدكم .. اتمنى صدك تغير

رنا .. 😧 طلعتي مو هيه ست صفا ..

صفا ... 😅

بقينا نسولف ل3 الفجر نمنا من التعب والسوالف 😁
----
فيصل .. بقينا اني وريهام على تواصل وتوصلي اخبار رنس اول باول ... ورنا وصفا مجتمعات بيها .. وقنعنها تداوم .. ونفسيتها صارت احسن
-
رنس .. بقينا للضهر نايمين كعدنا ب1 الضهر .. صفا راحت لبيتها ورنا اجه حسن اخذها .. اني قررت اروح اجيب اغراضي من بيت عمي واجي اعيش يم بيبي ريهام .. لان ما اتحمل اعيش وي فيصل نفس البيت