#بذرة_الحب
الكاتبه
#aalaa_falah
#البارت_7
رنس ... خلصت الحفله كلمن راح لبيته. رنا تحجي وي حسن وفيصل ورهف ناموا وعمتي وعمي كذلك بقيت اني بغرفتي كاعده واتصل عليه رقم غريب رفضته رجع دزلي رساله
💭💌 اليوم طالعه تجننين بالاسود ..
هههه عرفته اكيد مهند هذا بس منين جاب رقمي جاوبته
💭💌 منين جبت رقمي ...
💭💌 عندي من زمان بس محبيت اضغط عليج وهسه راح تسمعيني صوتج ...
💭💌 اممم خلي افكر .... فكرت الجواب لا ..
💭💌 هههه لج كافي عاد مو راح تموتيني صار سنتين متحمل لشوكت اتحمل بعد
💭💌 شمتحمل ؟؟
💭💌 متحمل حب من طرف واحد ارجوج حسي بيه كلبي يحبج ويريدج بس وافقي اجي اخطبج والله اخليج اسعد انسانه على وجهه الارض
💭💌 اذا خليني ابينلك فد شغله لا تنتضر مني شي لان مراح تحصل بس خيبات الامل
💭💌 موافق بكلشي منج بس انطيني فرصه خلينا نتعرف مرايد منج اكثر
💭💌 احاول بس ما اوعدك
💭💌 انتي تحجين صدك لج انتي شنو اموت على ربج واخيرا تحققت امنيتي متدرين شكد فرحان
💭💌 هههه لا تتامل زايد كلتلك ما اوعدك شي
💭💌 ماشي ماشي موافق باي شي
💭💌 يلله هسه اروح انام تعبنا اليوم
💭💌 هههه اي تعبتي من الجمال الي شايلته .. تصبحين على خير ❤
💭💌 هههه وانته بالف خير
كملت سديت الموبايل وشمرته علجربايه اووف شورطت روحي اني بس هيج احسن خلي اخليه يفقد الامل مني بس هم خطيه هو اووف ما ادري الله كريم تنحل يجوز يطلع خوش انسان مو هذا فيصل عايش حياته ولا كانه جنه نحب بعض من قبل ونسه كلشي وعاش حياته واني وكفت حياتي وهسه لازم امشيها واعيش ... بقيت احجي وي نفسي لحد ما نمت ما حسيت على نفسي ثاني يوم صادف عطله سبت كعدتني رنا
... لج رنس كومي كومي
.. اممم خير شبيج شصاير
... كومي راح نطلع كلنا
... وين ؟؟
.. كال بابا نروح نطلع نتونس بالمتنزة وحضرنه الاكل بعد بس انتي منتضرينج
... الله وياكم
... شنو وانتي ليش مترحين
_ لا ما اروح
_ليش ؟
_ عندي شغل ما اكدر ودوام وثانيا البارحه خطبتج شنو انتي متعبانه
_لا متعبانه اني وفيصل قنعنا اهلي وراح نروح وهسه رنس كومي لا تخربين علينه بليززز علمودي بليززز بليززز بليززز هاي اخر سفرة وياج من اتزوج راح تشتاقيلي بليززز رنس 😞😞
_اوف اوك انطيني مجال خلي اجهز نفسي
_ يييييي يالله منتضرينج بسرعه اممممواح لاحله رنوسه
كعدت جهزت نفسي بسرعه سبحت ولبست جينز وقميص اسود ادينه مشبكه ورفعت شعري حيل وخليت مكياج خفيف وطلعت لكيتهم جاهزين عمي وعمتي ورنا وفيصل ورهف
رنس_ صباح الخير
_ كلهم صباح النور
زينه_اي عيني ست رنس واخيرا شرفتي صارلنا ساعه منتضرين جنابج
رنس _ اسفه عمتي بس مجان عندي علم تردون تطلعون
فيصل _ وهسه مصار شي يالله خلي نروح
طبعا عمي وعمتي راحوا بسياره عمي واني ورنا وفيصل ورهف بسيارة مشغلين اغاني طول الطريق ورنا ورهف يركصن فيصل ساكت واني خليت سماعات باذاني وجبت وياي كتاب بقيت اقرة رنا سحبت الكتاب من ايدي حيل
رنا _اوف رنس شبيج ممله عيفي الكتاب وركصي ويانا
رنس _ رنا انطيني الكتاب مالي مزاج _ شمرت الكتاب على رهف وكامن يضحكن وفيصل يباوع من المرايه الاماميه ومبتسم _ كافي انطوني كتابي رجائن لا تمصخوها .
رنا _ هاج هاج كلشي ولا تعصبين ست رنس
رنس _😒😒😒
_
دك موبايلي رنا راسن باوعت على الاسم مهند اني راسن انطيته رفض كالت هووووي باع منو يتصل مهند الماي تجري من جواي واني ما ادري اني سكتت ورجعت اقرة
رهف _ منو مهند ؟
رنا _ ولد يحب رنس من سنتين بالجامعه وابد ما معبرته يتوسل نضره منها البارحه اتصلت بي وعزمته ومبين فادت العزيمه وغمزت لان ركصو سوة.
رنس _ لزمتها من اذانها ... اها يعني انتي الي عازمته
رنا _ اسفه اسفه والله رنس عيفيني
رنس _ كولي منين جاب رقمي
رنا _ اني دزيته اله
رنس _ وليش هيج سويتي
رنا _ لان خطيه يحبج
رنس _ اوف رنا اوف منج .. فيصل جان ساكت وبس يباوع بلمرايه الاماميه ... اني استغليت الموقف وكلتلها زين سويتي الصراحه تونسنا البارحه
رنا _ كمزت ... صدگ سولفيلي شصار بلتفصيل
رنس _ علكيفج مصار شي بس هيج راسلني عادي
رنا _ بس ...
رنس _ اي بس
رهف _ اذا يحبج ليش متنطيه فرصه
رنس _ اي هم هيج راح يصير .. باوعت لفيصل بلمرايه صارت عيوني بعيونه وكلب وجهه ... هذا شبي عشتوو ميهمني
رهف _ اممم حلو هيج كلنا نتزوج نفس السنه
رنا _ كمزت ، يااااي نتزوح سوة نفس اليوم اني ورنس و رهف لابسين بدلات بيض ويجون حسن ومهند وفيصل لابسين قوط تجنن الفكره
كمنا نضحك على افكار رنا الغبيه وصلتنا ليوم العرس وصلنا للمتنزة نزلنا فرشنا مكان الجلوس وحضرنا الاكل اكلنا وبقينا نلعب وتمشينا تونسنا بقينا للعصر ورجعنا تعبانين كلنا نمنا
أنت تقرأ
#بذرة_الحب ( كامله )
Short Storyوحين تفقد اعز اشخاص الى قلبك وهم اهلك لتجرب حياة اليتم ثم تجد شخص يستطيع ان يحبك وينسيك جروحك لتتفاجئ منه ان يجرحك بلاخر ويتخلى عنك ليعود بعد اعوام ماذا سيحدث يا ترى ..؟؟!! متابعه ممتعه #aalaa_falah
