#بذرة_الحب
الكاتبه #aalaa_falah
#البارت_4
رنس.. طلعت من البيت ضايجه كلش من كلام عمتي صار عايشه وياهم 9 سنين وكل يوم تسمعني هذا الحجي علطالعه وعلجايه عبالك محد بلعالم غيري تزعجه رحت لبيتا الي جنت عايشه بي قبل لا يتوفون اهلي
( تسريع للاحداث ) طبعا ماما وبابا اثنينهم مهندسين اتعرفوا بالجامعه وحبوا بعض كلش بس بابا كلش غني وامي فقيرة والدها متوفي بس امها وجانت كلش حبابه وشافت بابا شكد يحب ماما فوافقت على زواجهم ،بس جدو ابو ابويه رفض انو يتزوجون بابا عصه امر جدي واتزوج امي جدو غضب عليه وتبرة منه
(لهذا السبب عمتي دائما تعيرني بامي ) فمن اتزوجوا گدروا يشتغلون ويعيشون نفسهم اثنينهم صمموا بيتنا وشرفوا على بنائه وصار كلشي علطلب وبعد اشهر من زواجهم صرت اني ☺ سموني رنس (بذرة الحب) اعتبروني بذرة حبهم وجدو من عرف امي ولدت دز وراهم ورضه عن بابا وطلب يعيش وياهم بس ابوي موافق لان هوة سعيد وي امي ابيتنا محبوا يتدخل احد ابينهم ومن صار عمري 14 سنه ذاك اليوم المشئوم الي تغيرت بي كل حياتي
صادف مسوين حفله صغيرة ابيت عمو وساام رحنا يمهم من خلصت الحفله اترجيت اهلي حتى ابقى يم رنا وافقوا وتركوني وراحوا للصبح گعدنا اني ورنا لگينا عمو وعمتي وفيصل يبجون ويباوعولي بوكتها اني خفت كلش وكامت دموعي تنزل وحدها كلتلهم شكو شصاير گال عمو وسام البقيه بحياتج بنتي اعرف انتي صغيرة ومراح تتحملين بس لازم نگلج الخبر ... كلتله شكو عمو شصاير ::وجسمي جان كله يرجف من الخوف .. گال البارحه ابوج وامج من طلعوا تعرضوا لحادث سيارة واثنينهم انتقلوا الى رحمة الله ولو ما بقيتي هنا جان انته هم صارلج شي لا سامح الله ... اني هنا نهاريت وبقيت ابجي وماحسيت الا اني بلمستشفى الي عرفته صار عندي انهيار عصبي بسبب الصدمه ليله وحده غيرت كل حياتي سرقت فرحتي وضحكتي وسبب سعادتي ليله وحده خلتني مكسورة طول عمري
تغيرت حياتي ونفسيتي صرت منفرده ما احب اختلط باحد وما البس ملابس الوان بس اسود .
اضطريت اعيش ابيت عمي لان ماعندي احد غيرهم وام امي جانت مره جبيره متكدرلي لان طفله بس جنت اروحلها بين فتره وفتره جانت عائلت عمي صغيرة بس عمي وعمتي وفيصل ورنا كلهم جانوا يحبوني ومدلليني وعمتي هم جانت تحبني وبعدين تغيرت عليه وبقت تسمعني حجي وتجرحني بس عمو ميرضه عليه ودوم يوگف ضدها وياي 😞 بس شسوي لازم اتحمل معندي احد غيرهم ،
أنت تقرأ
#بذرة_الحب ( كامله )
Short Storyوحين تفقد اعز اشخاص الى قلبك وهم اهلك لتجرب حياة اليتم ثم تجد شخص يستطيع ان يحبك وينسيك جروحك لتتفاجئ منه ان يجرحك بلاخر ويتخلى عنك ليعود بعد اعوام ماذا سيحدث يا ترى ..؟؟!! متابعه ممتعه #aalaa_falah
