#البارت_3
مرحبا اني فيصل عمري 26 سنه ابيض طويل معضل عيوني بنيات بين قوسين صاك 😜 صارلي خمس سنين كملت دراستي الماجستير ادارة واقتصاد وراح ارجع للعراق استقر هناك عندي حبيبه اسمها رهف عراقيه وعايشه هنا وي اهلها احبها من سنتين راح تسافر وياي للعراق حتى تتعرف على اهلي وناوي افتح وياهم موضوع الزواج بس ارجع
----------
فيصل..ها حبيبتي جاهزة ...
رهف...اي حبيبي جاهزة بس اخاف اهلك ميتقبلوني خصوصي اني عايشه وربيت هنا وطبعي وستايلي يختلف عن هناك ...
... لا حبيبتي اني احبج وهذا اهم شي واكيد اهلي راح يحبوج مثلي 😉 ...
....اوك حبيبي ...
...يالله هذاك ابويه منتضرنا يم سيارته خلينا نطلعله ...
...☺☺...
----------
فيصل ...مرحبا يابه اشلونك مشتاقلك...
وسام ...هلو ابني الحمدلله على سلامتك ...
فيصل ...الله يسلمك يابه ...
وسام ...بس ابني ما عرفتني منو هاي الي وياك 😉...
فيصل ...هههه اسف يابه اعرفك هاي رهف ...ورهف هذا ابوية الغالي ...
رهف ... اشلونك عمو الصراحه اني سمعت عنك كلش هواي من فيصل وهو يحبك كلش ودوم يحجيلي عنكم وعن عمتي زينه ورنا ...
وسام ...اهلا بنتي نورتي العراق بس مع الاسف ابني محجالنا عنج 😉 جان استقبلناج استقبال يليق بيج ...
رهف ...لا عمو بلعكس شوفتك فرحان هيه احلى استقبال بلعالم ...
وسام ...تسلمين بنتي يالله خلي نروح للبيت امك هسه منتضرتك على نار ...
-----
صعدنا بلسيارة بابا غمزلي وهمس ... اكلك ابني مفهمتني قصه هاي الصديقه شنو سالفتها ...
...يابه الصراحه اني ورهف نحب بعض من سنتين وجبتها حتى تتعرفون عليها والصراحه ناوين نتزوج ...
... هههه لعد غير تخبصك هسه هيه منتضرتك تجي حتى تزوجك بنت خالتك ...
..يابه اني كلتلها من البدايه ما اريدها ومستحيل اخذها واني لو رهف لو ما اتزوج ...
.. براحتك ابني 😂😂 على الاقل جبتلها موضوع تتلها بي ذني الايام خلي رنس ترتاح شويه ...
...صدگ رنس ناسيها اشلونها وليش شعدها...
...والله ياابني البنيه حبابه وزينه بس امك اخخخخ منها مسودة عيشتها وتسمعها حجي على طول ما هيه موجوده بلبيت گامت البنيه تجي وكت الاكل والنوم بسبب امك ...
...اكلك يابه خو ماعدها شي اخاف هم عدها صاحب وتروح تشرد وتسود وجهنا ...
... استفغر الله الولد سر امه المن اشكي همي لا ابني لتخاف ماعدها هيج شي ...
... 😂😂 مو عمتي سوتها وشردت وي عمي اخاف هم تشرد الحذر واجب يابه ...
... هههه ديالله وصلنا انزل انزل ...
...هههه...
------
نزلنا استقبلتنا امي واختي رنا
زينه ...اهلا ابني واخيرا اجيت ما تعرف شصار بحالي بغيابك 😢 ...
فيصل ...هلا بامي الغاليه رجعتلج وبعد ما اتركج راح ابقه يمج هنا ...وبست راسها وايدها...
وسام... هههه شصار بحالج بغيابه گولي احنا شصار بحالنا بغيابه بسببج 😂😂...
كلها كام تضحك سلمنا ودخلنا بس امي هيج تباوع لرهف 😒😒 ...
كعدنا علطاوله نتعشه
زينه ...اكلك يمه ما عرفتنا بهاي صديقتك الي اجت وياك ..
فيصل ... يمه هاي صديقتي اجت وياي عدها شغل بلعراق وراح تبقه فترة ومو حلوة مني اخليها بفندق لهذا جبتها وياي
زينه ... ها زين عبالي شي ثاني اهلا وسهلا بيها ...
رهف ... وبيج عمتي 💋 ...
زينه ... اكلج عمه انتي شكم يوم راح تبقين ...
...فيصل ... هاي شبيج يوم عيب ...
... رهف ... لا عادي هاي شبيك 😂😂 .. راح ابقه شكم يوم اخلص شغلي وارجع ...
زينه ... ها خوش 😏 ريحتيني ...
كملنا اكل كلنا ورحنا كل واحد لغرفته طبعا رهف امي خلتها بغرفه الضيوف تخاف منها عليه 😂 وكلها تباعلها هيج 😒 😒😒 ودها تنفرد بيها وتفترسها ههه
أنت تقرأ
#بذرة_الحب ( كامله )
Short Storyوحين تفقد اعز اشخاص الى قلبك وهم اهلك لتجرب حياة اليتم ثم تجد شخص يستطيع ان يحبك وينسيك جروحك لتتفاجئ منه ان يجرحك بلاخر ويتخلى عنك ليعود بعد اعوام ماذا سيحدث يا ترى ..؟؟!! متابعه ممتعه #aalaa_falah
