#بذرة_الحب ( كامله )

part 8

#بذرة_الحب

الكاتبه
#aalaa_falah

#البارت_8

فيصل كعدنا الصبح كالت رنا خلي نروح نطلع نتونس شويه ونشم هوه اهلي ورهف رحبوا بلفكره كال بابا لرنا تكل لرنس تجهز نفسها وطلعنا اني اسوق ورهف يمي ورنس. صارت وراي ويمها رنا فتحت اغاني بقت رهف ورنا يركصن ويصفكن بس رنس خلت سماعات باذانها وطلعت كتاب وبقت تقرة سحبت الكتاب رنا منها وبقن يتعاركن ويتشاقن اتصل بيها احد الي عرفته من رنا هذا طالب وي رنس ويحبها وهيه ممطيته مجال بس يبدوا البارحه جيته على الحفله صايرة تطورات ابينهم وصاير تقارب كلتلها رهف انطي مجال هيه باوعتلي وكال اي هوة هيج اني ضجت منها حيل وعصبت هيه ما همها حبنا وعاشت حياتها بس ..رجعت فكرت زين ... بس شنو فيصل انته هم عشت حياتك انساها عوفها خلي تعيش الي بيها مكفيها كافي سببتلها هواي جروح بقيت ساكت طول الطريق وصلنا اكلنا وتونسنا ورجعنا للبيت نمنا من التعب كعدت بليل طلعت للحديقه لگيت رنس تخابر وكاعده علمرجوحه سمعتها تكول اي الصراحه كلش تونسنا صار فتره طويله مطالعين هيج كلنا سوة رحله عائليه كلت هذا اكيد حبيبها بس ميهمني سويت صوت حتى تنتبهلي ...

رنس _ كعدت لكيت صفا متصليه عليه رحت للحديقه اشم هوا شويه كعدت علمرجوحه واتصلت بيها سولفتلها على الطلعه وسمعت صوت وراح باوعت هذا فيصل گلتلها بعدين اتصل باي وسديته

_ مرحبا رنس

_ اهلا

_ اسف اذا ازعجتج

_ لا عادي

_ اكدر اكعد يمج علمرجيحه

_ (جنت نايمه عليها ) كعدت وكلتله تفضل اكعد صارت صفنه شويه وبعدين حجه فيصل

_ اي اشلون اخبارج

_ هه عايشه لا تخاف

_ رنس اني ..

_ لا تكمل فيصل ماكو داعي انسه كلشي الماضي ميهم بعد راح اهم شي المستقبل وهسه اترخص وكمت وكفت

_ اوك براحتج

عفته ومشيت بس ضجت حيل منه هسه يا فيصل اجيت تعتذر هسه بعد اربع سنين بعد ما عفتني بامل ورحت وكسرت كلبي اووف ... رحت للمطبخ لان جوعانه مماكله من الضهر 😁 سويت معكرونه واكلت وسويت كهوة اجه فيصل باوعلي وفتح الثلاجه باوع مبيها اكل .. اكو معكرونه خليتله بلماعون تفضل ( ادري بي يحبها وجنت دوم بليل اسويله وناكل سوة قبل لا يسافر )

فيصل ... اوف شوف الريحه صار شكد مماكل ... وباوعلي وسكت كعد ياكل

رنس .. كملت الكهوة ووكفت اباوعله ياكل اجت رهف تمسح بعيونها ستوهه كاعده

رهف _ مساء الخير

رنس _ مساء النور

رهف _اووف لو تدرون شكد جوعانه ... ابتسمنا كللها فيصل تعالي اكلي معكرونه وهيه ما صدگت هجمت

رهف _ اممم كلش طيبه عاشت ايد السوتها

فيصل _ هاي رنس سوتها من يوم يومها تسويها طيبه

رنس _ 😏

اجت رنا هاي شنو خرب يومكم شكد جوعانه تاكلون ومتكلولي سم كعدت تاكل كملوا شالوا اماعينهم كلتلهم تردون كهوة كلهم كالوا اي صبيتلهم ورجعنا للحديقه كعدنا بقينا نسولف واكثر شي رهف ورنا يسولفن على تحضيرات العرس واني وفيصل ساكتين

رنس _ يالله اني اترخص

رنا _ وين يا محطمه اللحضات السعيده مو بعدنا كاعدين

رنس _ باجر دوام نسيتي ديالله كدامي كومي نامي الصبح اعيفج واروح

رنا _ اوووف اصلا نسيت الدوام مالي خلك. صدك رهف ترحين ويانا نراويج جامعتنا ونطلع نتونس طلعه بنات شنو رايج رنس

رنس _ اوووف كملت ( بكلبي ) ... اي فكره حلوة

رهف _ ما اعرف شنو رايك حبيبي

فيصل _ حلوة الفكره اني هم باجر عندي شغله وراح تبقين وحدج بلبيت وي امي وتدرين شتسوي

رهف _ لا حبابين اذا بقيت ترجعون متلكوني حتى جثتي تخفيها ... كلنا ضحكنا واتفقنا تروح ويانا
رحنا نمنا كعدنا الصبح كلعاده جهزنا ورحنا للجامعه شفت مهند هناك سولفنا شويه وحضرنا بس اول محاضرة وطلعنا رحنا للمول تسوقنا وتغدينا تونسنا ورجعنا العصر نمنا من التعب لليل هم اجتمعنا على العشه سوالف وضحك الصراحه من اجه فيصل تغير جو البيت حتى عمتي صايرة زينه متذب حجي بس مراقبه رهف 😂😂 كدامها ميسوون شي يخافون تفضحهم لليل كعدنا كلنا بلصاله شفنا فلم لل 2 يالله رحنا نمنا
مرت الايام بسرعه وصار شهر على جيه فيصل الجو هدوء صحيح جنا نلتقي هواي بس مجنا نحجي صار الماضي صفحه وكلبناها وقررنا نعيش حياتنا