#بذرة_الحب
الكاتبه
#aalaa_falah
#البارت_32
رنس .. رحنا للمطعم وطلبنا اكل .. اكلنا بهدوء .. وطلعنا صعدنا السياره ..
فيصل .. اوكفي
رنس .. شكو
فيصل .. اصعدي اني اسد الباب
رنس .. صعدت وفيصل سد الباب 😁
فيصل .. سديت الباب وصعدت للسياره
رنس .. شفته صعد رجعت فتحت الباب .. وسديته حيل 😁
فيصل .. 😡
رنس .. باوعت لفيصل وجه احمر وعصبي كلتله بكل برود .. شبيك الباب نسد على ثوبي واخاف ينشگ
فيصل .. راح ارتكب جريمه بهاي البنيه .. وصلنا للبيت نزلت وقفلت السياره عليها
رنس .. وصلنا للبيت ردت انزل قفل السياره عليه .. شدتسوي افتح الباب
فيصل .. درت وفتحت السياره
رنس .. فتح السياره نزلت وهو سد الباب
رنس .. مشه بكل ثقه وبعد مسد الباب راسن فتحته طلعت جنطتي وكتبي نسيتهن .. وسديت الباب حيل وركضت 😁
فيصل .. اليوم اموتج .. وركضت وراها .. وين ترحين مني
رنس .. اركض ونضربت بعمي .. واجه يركض فيصل وراي .. عمي صيح بي يريد يضربني
وسام .. شكو شبيكم شصاير
فيصل .. اليوم الا اكتلها وخر عنها يابه
وسام .. شكو شصاير فهموني
فيصل .. يابه اخذتها الصبح للجامعه سيارتها مابيها بانزين .. ذلتني ذل ونزلت وضربت باب السياره حيل .. وهسه هم
وسام .. درت لرنس .. صدك انتي هيج مسويه
رنس .. 😔
وسام .. حضنتها .. عفيه بيج بنيتي خوش تسوين
فيصل .. انته وياها يابه
زينه .. سمعت صوت وضجه رحت يمهم ... شكو شصاير هنا
وسام .. ما صاير شي .. لا تخافين ما يفوتج شي
رنس ، فيصل .. 😂😂
فيصل .. حضنت امي .. شوفي يوم اشلون ما يردونا .. بس اني وياج بقينا
زينه .. ليش اني ما اكفيك خليهم
فيصل .. لا يوم تكفين وتوفين
وسام .. ههه يالله روحوا غسلوا وتعالوا نتغده
فيصل .. احم الصراحه احنا تغدينا بلطريق
وسام .. ها خوش بلعافيه
زينه .. 😏 والله يا رنس وسويتيها
رنس .. اني اترخص اروح لغرفتي .. ومشيت
فيصل .. اني هم .. ولحكت رنس
رنس .. شوف فيصل اذا تلزمني ما تلوم الا نفسك
فيصل .. سحلتها حيل من ايدها وخليتهن وره ضهرها ودفعتها علحايط .. اي وشتسوين يعني
رنس .. بعد عني 😥😓 .. اريد ادفعه ما اكدر ضخم
فيصل ... اي مكلتي شتسوين
رنس .. 😥 بعد عني كافي لا تتشاقه وياي
فيصل .. باوعت بعيونها وقربت راسي يم اذانها .. بس اني مجاي اتشاقه
رنس .. كلبي كام يدك .. وما اعرف شسوي .. بقيت ادفع بي
فيصل .. شفتها تقاوم تركتها
رنس .. تركني دفعته حيل من صدره .. وفتت لغرفتي وسديت الباب وضليت واكفه وره الباب💓💓💗
فيصل .. هاي هي الحقيقه .. وهذا هو السبب الي خلاني اخرب خطوبتج .. لاني احبج .. جنت وراح ابقه احبج .. وما نسيتج بيوم ابد .. خلال خمس سنين سفر بكل الطرق حاولت انساج وما كدرت .. ضليت وي رهف على امل انسه حبج .. بس من رجعت كلشي ما تغير حبي الج .. خلال هاي الفتره قررت اخطبج باي طريقه حتى لو امي رافضه ورحت جبت الحلقه .. وعندي نيه افاتحج بلموضوع بس فاجئني من اجيت لكيت بذاك اليوم مهند هنا وجاي يخطبج ولفاجئني اكثر انتي موافقه .. حاولت بكل الطرق ابتعد .. بس بخمس سنين ما نسيتج هسه تردين انساج مستحيل .. فكرت وفكرت وماكو غير انهي عليج وسويتها .. اعرف حاقده عليه .. بس الي يهمني صرتي الي ومستحيل اسمح لاحد يدخل ابينا بعد هسه .. رحت لغرفتي وكعدت على الجربايه وفتحت الجراره وطلعت الحلقه .. يجي يوم وتوافقين تلبسينها بارادتج .. وتعرفين شكد احبج واني ما تخليت عنج ولا لحضه
رنس .. 💓 كعد افكر بلي صار خابرت صفا وسولفتلها بقت تضحك عليه 😒
صفا .. ههه مو كلتلج بعده يحبج
رنس .. حبته حيه .. الي يحب ما يدمر حيات الي يحبه
صفا .. بس رنس هذا المفروض جان يصير قبل لا يسافر .. هو ما سوة شي غلط
رنس .. اي ابقي بصفه انتي .. بس يجي يوم وانتقم منه على كلشي
صفا .. تكدرين تنتقمين ؟؟
رنس .. اي اكدر نسيتي اشلون تركني وسافر وعافني اتعذب وحدي .. عافني لعمتي تكومني وتكعدني بكلامها المسموم .. اذا نسيتي يا صفا اني منسيت شي
صفا .. صحيح يا رنس بس عمتج هي سبب كلشي
رنس .. اعرف لهذا راح انتقم من فيصل بمساعدتها وخلي اخلص منه الا اندمها على كلشي
صفا .. مساعدتها تقصديييين ..
رنس .. اي هي بس تريد تخلص مني .. لهذا سوينا خطه حتى فيصل يطلكني وبعدها اخلص منها
صفا .. خطه
رنس .. اي هسه تعبانه باجر اسولفلج كلشي .. ساعه ب3 العصر تعودت انام 😁
صفا .. اوك اشوفج باجر .. ديري بالج على نفسج .. بااي
رنس ... بايات
-----
أنت تقرأ
#بذرة_الحب ( كامله )
Short Storyوحين تفقد اعز اشخاص الى قلبك وهم اهلك لتجرب حياة اليتم ثم تجد شخص يستطيع ان يحبك وينسيك جروحك لتتفاجئ منه ان يجرحك بلاخر ويتخلى عنك ليعود بعد اعوام ماذا سيحدث يا ترى ..؟؟!! متابعه ممتعه #aalaa_falah
