#بذرة_الحب
الكاتبه
#aalaa_falah
#البارت_33
رنس ... نمت وكعدت بـ12 بليل .. طلعت اتخنس حتى ما اشوف فيصل .. باوعت بلصاله ماموجود .. اي همزين .. اووف شكد جوعانه اروح اسوي اكل .. رحت للمطبخ .. محد موجود .. لگيت دولمه 😍 بلثلاجه باقيه من العشى .. حميتها وكعدت اكل .. كملت ورحت كعدت بلصاله على فلم اجنبي .. هدوء وحدي خالصه من فيصل .. صارت ساعه ب3 الفجر نمت على القنفه وما ادري بنفسي .. دك المنبه ساعه ب7 الصبح كعدت لكيت فيصل نايم جسمه على الارض ومتچي راسه على القنفه ولازم ايدي حاولت اسحلها ما اكدر والمنبه يدك .. فز هو رفع راسه .. سحلت ايدي حيل واخذت موبايلي طفيته ورحت لغرفتي
فيصل .. البارحه اتصل بيه يوسف وعزمني مجتمعين عنده اصدقائنا من الجامعه وبقينا سوالف وضحك لل5 الفجر ورجعت للبيت لكيت رنس نايمه بالصاله وتاركه التلفزيون يشتغل وما مغطايه طفيت التلفزيون ورحت جبتلها غطه من غرفتي غطيتها وكعدت يمها بلارض ولزمت ايدها .. بعدت شعرها صاير على وجهها .. اووف يا رنس لو تدرين شكد احبج .. ولو تدرين شصار بيه بغيابج .. اتمنى يجي يوم وتسامحيني .. بستها بگصتها وخليت راسي يمها ونمت ما ادري بنفسي لان كلش تعبان .. سمعت صوت فزيت لكيت رنس صافنه عليه ومصدومه سحبت ايدها حيل من بين ايدي وراحت .. اووف ربي شنو من صباح حلو هذا 😌 .. مالي خلك اكوم رفعت نفسي على القنفه بمكان رنس .. اووف بعده دافي مكان حبيبتي .. ورجعت نمت
رنس .. رحت لغرفتي كعدت شويه .. اووف ما اعرف اشلون اكدر اتحمل .. كمت جهزت نفسي وطلعت .. باوعت للصاله شفت فيصل نايم بمكاني ومكشف ... فتت غطيته وطلعت رحت للجامعه .. فتت للقاعه لگيت الاستاذ يشرح .. وطبعا كوة وافق يدخلني خلصت المحاضرة اجتني صفا
صفا .. ليش تاخرتي لسه
رنس .. 😒 الناس تكول صباح الخير اول شي
صفا .. ساعه ب9 يا صباح هذا
رنس .. وفري محاضرتج وامشي خلي ناكل جوعانه .. رحنا للكافتيريا وطلبنا اكل كعدنا ناكل .. وصفا تباوعلي .. گلتلها احجي شعندج
صفا .. سولفيلي على خطتجن انتي وعمتج المسمومه
رنس .. جاي اكل
صفا .. منتضرتج
رنس .. اذا تبقين هيج تباوعيلي تنسد نفسي
صفا .. انتي صايره كدامي يعني لوين اباوع
رنس .. رنا وين مشفتها اليوم
صفا .. اني هم اعتقد مجايه وحتى حسن مشفته
رنس .. شعجب .. خلي اتصل بيها .. دگيت عليها مغلق .. عجيب رنا مو من عادتها تغلق جهازها .
صفا .. خاف صاير وياهم شي
رنس .. ما اعرف خلي اتصل بحسن واشوف . .
رنا .. اليوم موعدي وي الدكتور ورحنا اني وحسن وشفنا العنون 🤰 كالت زين وشفناه بلشاشه مال السونار وفرحانين
أنت تقرأ
#بذرة_الحب ( كامله )
Short Storyوحين تفقد اعز اشخاص الى قلبك وهم اهلك لتجرب حياة اليتم ثم تجد شخص يستطيع ان يحبك وينسيك جروحك لتتفاجئ منه ان يجرحك بلاخر ويتخلى عنك ليعود بعد اعوام ماذا سيحدث يا ترى ..؟؟!! متابعه ممتعه #aalaa_falah
