#بذرة_الحب
#البارت_19
الكاتبه
#aalaa_falah
فيصل .. رحت لغرفتي ضايج .. سواها هذا الحقير يوسف واجه يخطب الا اندمك .. دگ الفون ؛ رهف ؛
رهف .. 📞 اشلون فيصل
فيصل .. 📞 الحمدلله حبيبتي انتي اشلونج ..
رهف .. 📞 الحمدلله .. اني هم مشتاقتلك .. بس انته ممبين مشتاقلي .. صار شكم يوم حتى رساله مداز .. معقوله نسيت كلشي فيصل
فيصل .. 📞 رهوفتي انتي شدتحجين .. اعرف اني مقصر وياج بس والله دوام بلشركه .. وعرس رنا .. ومشاكل فوگ راسي .. وملحگت اتصل عليج
رهف .. 📞 يعني بين مشاكلك محصلت دقيقتين تدز مسج تسئل عني .. هيج مكانتي عندك
فيصل .. 📞 اني اسف حبيبتي
رهف .. 📞 المهم فيصل اني اتصلت على غير شي .. حبيت احجي وياك بموضوع اهم
فيصل .. 📞 احجي حبي اسمع
رهف ... 📞 اني اريد انهي كلشي يربطنا .. اني وياك مستحيل نجتمع .. ولازم كل واحد يعيش حياته
فيصل ... 📞 انتي جاي تسمعين نفسج شدتحجين .. اشلون تنهين كلشي .. هذا كله لان متصلت بيت .. حبيبتي كلتلج عندي ضروف .. واني اعتذر
رهف .. 📞 لا فيصل مو هاي الحقيقه .. الحقيقه هي انته بعدك تحب بنت عمك .. وانته استخدمتني حتى تنساها 😢 .. وهي بعدها بكلبك .. اني من جنت يمكم انتبهتلك دائما مراقبها .. والمكان الي هي مبي عيونك تبقه تدور عليه ... حتى صورتها انته محتفض بيها .. اي فيصل اني شفت صورتها عندك بلمحفضه خافيها وره صورت امك وابوك ... تمنيت يكون كل هذا الحب الي ... بس 😭 الله كريم
فيصل .. 📞 رهف اسمعيني ولا تبجين انتي فاهمه الموضوع غلط .. صدكيني ماكو هيج شي .. الي بينا اني ورنس انتهى ... مجرد مشاعر طفوله .. وكلشي صار ماضي
رهف .. 📞 الحب الاول ما ينسي فيصل ... انته تحبها وهاي حقيقه .. وهاهيه كلشي انتهى هسه تكدر ترجعلها .. وصدك نسيت اگولك اجوني خطابه واهلي وافقوا وخطبتنا بعد اسبوع .. جنت اتمنى تجي بس .. تعرف الضروف ... وهسه اني اترخص .. باي
فيصل .. 📞 انتضري رهف .. رهف ... رهف .. الو ( ان الجهاز الذي تتصل به مغلق وخارج نطاق التخطيه يرجى الاتصال في وقت لاحق ) اووووووف شنو من عيشه هاي ربي كسرت الغراض الي بلغرفه كلها من العصبيه اجت امي تركض وابوي
زينه .. هاي شكو شصاير يمه وليدي شبيه
وسام ... فيصل افتح الباب شبيك
رنس ... اني بغرفتي وسمعت صايح طلعت شفت عمي وعمتي يم فيصل وصوت تكسير بغرفته ... مبين اجته الحاله 😏 .. اجه عمي يكسر الباب بس فتح فيصل ومحجه راسنطلع صار كدامي باوعلي وعيونه يطلع منها نار .. وترك البيت وراح ... ركض عمي وراه بس ملحگ عليه رجعنا كل واحد بغرفته .. الله اعلم شصاير وي فيصل حتى هيج يسوي ... المهم نمت لان باجر يبدي دوام الكورس الثاني ومكيفه راح اشوف رنا وصفا وحتى مهند 😄 ...
كعدت الصبح من وقت بنشاط طلعت ركضت شويه ورجعت شفت باب غرفه فيصل مفتوحه تقربت باوعت محد بيها والغراض مكسره يبدو هو ما راجع بليل .. رجعت سبحت وجهزت نفسي وطلعت بما انو اول يوم ماكو دراسه بس بعد العطله اللقاء حار والنتائج الحمدلله كلنا ناجحين .. طلعنا كلنا رنا وصفا وحسن وحتى مهند للمطعم تغدينا ورحنا للسينما .. حسن ورنا راحوا لبيتهم ومهند راح واني وصلت صفا ورجعت لبيتنا .. لكيت عمي وعمتي يتعشون
رنس ... مساء الخير
وسام .. مساء النور هلا بنيتي اجيتي بوكتج تعالي تعشي
رنس .. الصراحه اكلت .. اليوم اني ورنا وحسن واصدقائنا اجتمعنا واكلنا .. بمناسبه نجاحنا
وسام ... الحمدلله ناجحات ما تخيبن الضن .. الله يسعدجن
رنس .. اني اترخص ... عوافي مقدما
وسام .. الله يعافيج بنتي
------
زينه ... اكلك وسام .. انته لازم توافق على يوسف
وسام .. الموضوع سدي .. تناقشنا بي وكلنا ما صارت قسمه
زينه .. بس انته لازم توافق البارحه شفت شسوة فيصل بسببها .. وانته تعرف فيصل بعمره ما عله صوته ولا كسر شي
وسام .. مو هذا السبب الي خله فيصل هيج يسوي ... اكيد عنده سبب .. وهو لسه ما اجه يجي ونفتهم منه ... وحسابه عسير .. عباله كبر وصار مسئول .. ويعلي صوته
زينه .. وليدي صار يومين ماكو .. خاف صايرله شي .. خاف مسوي حادث ..
وسام .. لا ماكو هيج شي .. اني اتصلت على صديقه وهو عنده مابي شي مجرد تعبان .. والي عرفته رهف مخطوبه وهو زعلان .. انتي السبب فرقتيهم
زينه .. 😃 صدك تحجي .. اي هذا الحجي الزين .. واخيرا خلصت من وحده .. وبعد الثانيه شوكن اخلص منها
وسام .. 😒 اني شبعت .. تصبحين على خير
زينه .. انتضر هاي وين وسام .. هسه اني شكلت .. خليك 😃 هسه اني فرحانه من رهف راحت بعد رنس شيخلصني منها .. بس طريقه وحده الا اعرس فيصل بت اختي اسيل .. اي هي خوش بنيه وما راح تبعد ابني عني .. خلي العبها زين واخلي فيصل يوافق
------
فيصل .. ما رجعت للبيت من طلعت البارحه وبقيت للصبح افتر بلسياره .. اخر شي رحت لصديقي محمد نمت وهسه كعدت ساعه ب8
محمد .. صح النوم اكعد
فيصل .. مو نومه تكسير هاي جسمي كله يوجعني وراسي راح ينفجر
محمد .. اي اكعد اكل شي
أنت تقرأ
#بذرة_الحب ( كامله )
Short Storyوحين تفقد اعز اشخاص الى قلبك وهم اهلك لتجرب حياة اليتم ثم تجد شخص يستطيع ان يحبك وينسيك جروحك لتتفاجئ منه ان يجرحك بلاخر ويتخلى عنك ليعود بعد اعوام ماذا سيحدث يا ترى ..؟؟!! متابعه ممتعه #aalaa_falah
